ئۈمىد: ئالدىراشلارغا

(ئۈمىد) · ۋاقتى: 2014-12-6 16:26:00


	ئالدىراشلارغا ياسىنجان ئىمىن ئۈمىد (ناخشا تېكىستى) ئالدىراشلىق ئىسكەنجىدە بىز، ئالدىراش بىز قېرى- ياشقىچە. بوۋاقلارمۇ يەسلىدە جىددىي، مومايلاردىن قەلەمقاشقىچە... تۆت پەسىلنىڭ توختالغۇسى يوق، شاھسارايدىن قەبرەتاشقىچە. دۇنيا پەۋەس رەسمىيەتلەرگە- تاكى بىزدىن ۋىدالاشقىچە... تەۋە بولۇپ باقايلى بىر پەس ئۆزىمىزگە يىتىپ ئاشقۇچە. مۇز تاملارنى ئەگىزلىتەيلى باھار كېلىپ گۈللەر چاچقۇچە... دىلدىن-دىلغا ئاقايلى شىر-شىر مېھىر بىلەن ئالەم باشقىچە... ئەھۋال سوراپ تۇرايلى بىر بىر، خاك تېنىمىز يەرگە پاتقۇچە... ئۈلگۈرەلمەي قالىمىز بىر كۈن، پۇرسىتىمىز ‹‹ياغاچ ئات››قىچە... 2014-يىل.جەد(ئوغلاق ئېيى)5-كۈنى. ئۇچتۇرپان بۇ يازمىنى ئاخىرىدا Erchin تەھرىرلىگەن. ۋاقتى 2014-12-6 22:26

Erchin · ۋاقتى: 2014-12-6 22:28:20


	تەخەللۇسىڭىز «ئۈمىد» نىڭ تىرناق ئىچىدىن قۇتۇلغانلىقىغا قۇتلۇق بولسۇن! ئەمدى توغرا بولدى!

shaidayi · ۋاقتى: 2014-12-6 22:42:37


	ياخشى يېزىپسىز، بۇ تېمىنى كۈرۈپ قايسىدۇر بىر دانانىڭ: ئالدىرىمايمىز، يوقتۇر ۋاقتىمىز! دىگەن داڭلىق بىر جۈملە سۈزى يادىمدىن كەچتى. ئوتۇقلۇق بولغايسىز! بۇ يازمىنى ئاخىرىدا shaidayi تەھرىرلىگەن. ۋاقتى 2014-12-6 22:43

تۆتتاش · ۋاقتى: 2014-12-6 22:49:37


	ئۈلگۈرەلمەي قالىمىز بىر كۈن، پۇرسىتىمىز ‹‹ياغاچ ئات››قىچە... بۇ مىسرالار بەك يارىدى ماڭا. سالامەت بۇلۇڭ.

پەزىليە · ۋاقتى: 2014-12-6 22:59:25


	ئۈلگۈرەلمەي قالىمىز بىر كۈن، پۇرسىتىمىز ‹‹ياغاچ ئات››قىچە... بۇ مىسرالار بەك يارىدى ماڭا. سالامەت بۇلۇڭ.

بۇران · ۋاقتى: 2014-12-6 23:24:57


	شىئىر ھەقىقەتەن كىشىنى ئويغا سالىدىكەن . شائىرىنىڭ ئىجادىيىتىگە بەرىكەت تىلەيمىز!

گ.م.ماھى · ۋاقتى: 2014-12-7 00:16:16


	شېئىرىڭىزنى بەكلا ياقتۇرۇپ ئوقۇپ چىقتىم،بىزدائىم قاملاشمىغان ئالدىراشلىقلارنى باھانە قىلىپ،قىلىشقا تېگىشلىك ئىشلارنى قىلمايمىز

(ئۈمىد) · ۋاقتى: 2014-12-7 01:14:46


	Erchin يوللىغان ۋاقتى 2014-12-6 22:28 تەخەللۇسىڭىز «ئۈمىد» نىڭ تىرناق ئىچىدىن قۇتۇلغانلىقى ... رەھمەت ئاكا،..بۇ سۆزنى ياخشى كۆرگنىم ئۈچۈن مەتبۇئاتتا ئىشلەتكىلى ئوزۇن بولدى، 2010-يىلدىن باشلاپ تورغىمۇ مۇشۇ نامدا تىزىملاتقان. ئەمدى بولسىمۇ مەتبۇئاتتا تىرناقنى ئېلۋېتىشنى ئويلاشتىم،رەھمەت... بۇ يازمىنى ئاخىرىدا (ئۈمىد) تەھرىرلىگەن. ۋاقتى 2015-7-4 18:08

مۇنەۋۋەر ئابدۇق · ۋاقتى: 2014-12-7 01:19:57


	ئۇف...شۇ ئالدىراشلىق....

turgunmijit · ۋاقتى: 2014-12-7 09:35:49


	مەنمۇ ياقتۇرۇپ قايتا-قايتا بىرقانچە قېتىم ئوقۇدۇم. ئىجادىيىتىڭىزگە بەرىكەت تىلەيمەن ئىنىم!

sahar · ۋاقتى: 2014-12-7 13:25:18


	ياسىنجاننىڭ ئىجادىيىتىگە ئۇتۇقلار بولسۇن، راستىنلا كۆڭۈلگە ياققىدەك بىر شىېر بولۇپتۇ.

uygurya · ۋاقتى: 2014-12-7 16:21:04


	مۇز تاملارنى ئەگىزلىتەيلى باھار كېلىپ گۈللەر چاچقۇچە... دىلدىن-دىلغا ئاقايلى شىر-شىر مېھىر بىلەن ئالەم باشقىچە... بۇ مىسرالىرىڭىز ماڭا بەك ياقتى...قۇتلۇق بولۇڭ!

خالنۇر · ۋاقتى: 2014-12-7 17:51:10


	ئالدىراش ئەمەس ‹ئالدىراشلار›جىققۇ بىزدە.

(ئۈمىد) · ۋاقتى: 2014-12-7 19:03:35


	ئۇستازلارنىڭ ،مۇنبەرداش دوستلارنىڭ ئىشتىراكىدىن سەمىمىي تىلەكلىرىدىن سۆيۈندۈم ، رەھمەت... ھەپتە ئىلگىرى بەشكېرەمدە ئايالىم تەرەپتىن بىر تاغىمىز تۈگەپ كېتىپ،ئۇچتۇرپان قاخشال يولى بىلەن كېچىلەپ ماڭغان بولساقمۇ نامىزىغا ئۈلگۈرەلمەپتۇق. مەرھۇمنىڭ ئىنىسى غاپپاكام دىگەن كىشى‹‹تۇققانلىرىڭمۇ كەلدىغۇ ئاكام،.... ياغاچ ئاتقا مىندىڭغۇ ئاكام..›› دەپ ھازا ئېچىپ يىغلىغاندا كەلگەنلەر قاتارى مەنمۇ ئۈزەمنى تۇتالمىدىم... شۇ سۆز بەك تەسىر قىپتىكەن..قاخشال يولىدا ئىسىمگە كەلگەن ‹‹ئۈلگۈرەلمەي قالمىز بىر كۈن، پۇرسىتىمىز ياغاچ ئاتقىچە›› دىگەن ئىككى مىسرانى دومۇلىتىپ ، شۇنداق بىر سىلكىنىشكە تۇترۇق بولالىسا دىگەن ئۈمددە بۇ قاپىيلەرنى تىزىپ قويدۇم.. دوستلارغا ياققىنىدىن خۇشھالمەن... ماڭا ئاتا ئانامنىڭ خىزمىتىنى قىلىش نىسىپ بولمىغانىكەن، قەبرىسىنى بولسىمۇ يوقلاۋاتىمەن.... ئاتا ئانىسى ،تەۋەرۈكلىرى ھاياتلار يوقلاپ تۇرايلى، ئۇرۇق تۇققان-دوست بورادەرلەر ئىزدىشىپ ، ھال سورىشىپ ئۆتكەنگە نىمە يەتسۇن.. بۇ يازمىنى ئاخىرىدا (ئۈمىد) تەھرىرلىگەن. ۋاقتى 2014-12-7 19:04

تۆرىبەگ قىزى · ۋاقتى: 2014-12-7 19:27:04


	دېگەنلىرىڭىز بەك ئورۇنلۇق . شېئىرنىمۇ بەك ياقتۇردۇم، ناخشا قىلىپ ئوقۇلسا ئۆمرى ئوزۇن ناخشىلاردىن بولۇپ قالغۇدەك.

ئۈمىد: ئالدىراشلارغا

باھا سۆز

باھا سۆز

باھا سۆز

باھا سۆز

باھا سۆز