زۇلپىنۇر مەمىتىمىن: رەھمەت سىزگە مۇئەللىم [ئۇلانما كۆچۈرۈش]

             رەھمەت سىزگە مۇئەللىم

                 زۇلپىنۇر مەمىتىمىن
  
            كىچىكىمدە ئىش ئۇقماس ،
            نادان ئىدىم شوخ ئىدىم .
            كەپسىزلىكتىن ھەممىنى ،
            بىزار قىلىپ يۈرەتتىم .

            گەپ ئاڭلىماي ئۆيدىمۇ ،
            خەقىش قىلىپ ئانامغا .
            تەڭتۇشلارنى بوزەك قىپ ،
            چالما ئېتىپ قۇشلارغا  .

            تال چىۋىقنى ئات ئېتىپ ،
            چۈشەتتۇق بىز بەيگىگە .
            ئالدىرايتتىم ھەممىدىن ،  
            تېز بارسام دەپ پەللىگە  .

             قاچانلاردۇر بىر كۈنى ،
             ئاكام كەلدى مەكتەپتىن .
             دېدى  ئاڭا   ئانامغا  :
           «ئۇچۇر» كەلدى ئوقۇشتىن .

            ئويلاپ قالدىم تۇرۇپلا ،
            بارايمۇ-يە مەكتەپكە .
            قىزىقتۇردى ئاكاممۇ ،
            ئاداش جىق دەپ ئۇ يەردە .
   
            ئاخىر كىردىم ئوقۇشقا ،  
            تاشلىماستىن شوخلۇقنى .
            تولدۇردىڭىز مۇئەللىم ،
            قەلبىمدىكى بوشلۇقنى .

            تۈزەتتىڭىزتېرىكمەي ،
            يامان ئىللەت ئادەتنى .
            ئۆگەتتىڭىز مۇئەللىم ،
            قانداق ئادەم بولۇشنى .

            كىچىكلىكتىن،شوخلۇقتىن ،
           رەنجىتكەنتىم قانچە رەت .
           چۈشەندىم مەن ئۆمۈردىن،
            ئۆرۈلگەندە نەچچە بەت .

            ئەجرىڭىزدە مۇئەللىم ،
            كەپسىزلىكنى تاشلىدىم .
            كىتاب ئېلىپ قولۇمغا ،
             ئۆگىنىشنى باشلىدىم .

            يورۇتتىڭىز دىلىمنى ،
            ھارماي-تالماي ئۆگىتىپ .
            بەل باغلىدىم مەنمۇ ھەم ،
            ئوقۇش ئۈچۈن تىرىشىپ .
  
            ئاتىدىڭىز ھەممىنى  ،
            ئەۋلادلىرىم بەختى دەپ .
            ئورنىغانتى دىلىمغا ،
            ئوقۇتقۇچى بولاي دەپ .

            ھازىرغىچە روھىڭىز ،
            يۆلەك ماڭا ھەردائىم .
            چىن دىلىمدىن دەيمەنكى ،
            رەھمەت سىزگە مۇئەللىم .

( بۇ شېئىرىمنى سەبىيلىكىمدە ئىلىم شەربەتلىرى بىلەن قەلبىمنى سۇغارغان قەشقەر شەھەر قوغان يېزا ئىشچان باشلانغۇچ مەكتەپتىكى ئوقۇتقۇچۇم ئايتىللا مەمەتكە بېغىشلايمەن . ) بۇ يازمىنى ئاخىرىدا   Erchin تەھرىرلىگەن. ۋاقتى  2014-12-5 15:48  

ئاپرىن ھەقىقەتەن بالىلارچە پىكرىگە تۇيۇنغان تاتلىق شېئرىكەن!

بۇ مېنىڭ تورغا ئېلان قىلىنغان تۇنجى شېئىرىم ھەم تىرىشچانلىقىمنىڭ تۇنجى مېۋىسى . تەستىقلىغۇچىغا ۋە ياخشى باھا سۆزلىرى بىلەن ماڭا ئىلھام بەرگەنلەرگە كۆپ رەھمەت .

sizga utuk tilayman ,

رەھمەت سىزگە

سىزگە ئوتۇق تىلەيمەن، شىئىرىڭىز بەك ياخشى چىقىپتۇ

ياخشى باھا بەرگىنىڭىزگە رەھمەت !

تۈنجى شىئېرىڭىزغا مۇبارەك بولسۇن ! تولىمۇ ياخشى يېزىلپىتۇ . سىز ئېيىتقاندەك مۇئەللىم ئۇ ھەقىقەتەن ئۇلۇغ، كۈيلەشكە ،مەدھلەشكە تېگىشلىك ئىنسان . تىرىشچانلىق سىزگە دائىم يار بولسۇن ، قەلەم تۇپارىڭىز چاپچىپ تۇرسۇن !

  ئۇستاز ھەققىدە قەلەم تەۋەتكەن قولىڭىزغا دەرت كەلمىسۇن! تېخىمۇ ئوتۇقلۇق بولغايسىز  !

مۇئەللىمگە ئوقۇغان سەمىمىي مەدھېيىڭىزدىن خۇش بولدۇم.سۈزۈك تۇيغۇلار سىزگە داۋاملىق ھەمراھ بولغاي!!

مۇبارەك بولسۇن .
داۋاملىق يوللاپ تۇرغايسىز .
بۇ يازمىنى ئاخىرىدا   باشتۇغ تەھرىرلىگەن. ۋاقتى  2014-12-5 23:12  

   ئەسسالام زۇلپىنۇر، ئۆسمۈرلۈك ھاياتىڭىزنىڭ يالدامىسى بولغان بۇ شېئىرىڭىزنىڭ تىلى خېلى راۋان ھەم يەڭگىل چىقىپتۇ. بەلكىم، ھازىرقى چىن ھېس-تۇيغۇلىرىڭىز ئاساسىدا قەلەم تەۋرەتسىڭىز تېخىمۇ ياخشى چىققۇسى! قورۇنماي ھەم ئىككىلەنمەي دادىل قەلەم تەۋرىتىشىڭىزگە تېلەكداشمەن.

رەھمەت ، مەن چوقۇم تىرىشىمەن . تەنقىدىي پىكىرلەرنى كۆپرەك بېرىپ تۇرۇشىڭىزنى ئۈمىد قىلىمەن .

ئۆسمۈرلىكنى ،سەبىيلىكنى ئەسلىتىدىغان ،قەلىپ تۇيغۇلۇرىڭىزنىڭ شاھىدى،يۈرەك تېۋىشىڭىزنىڭ ئىلھامى ئارقىلىق يورتىلغان ،رەخمەت سىزگە مۇئەللىم  نامىلىق ئۇشبۇ تاتلىق شئېرىڭىزنى ياقتۇردۇم ،قەلىمىڭىزدىن  نۇرلار چاقنىسۇن !

ئوقۇتقۇچى- ئۇستازلارغا قانچىلىك مەدھىيە ئوقۇساقمۇ ئەرزىيدۇ. مۇنبەرگە يوللىغان بۇ شېئىرىڭىز بالىلارغا خاس تىل بىلەن يەڭگىل يېقىشلىق چىقىپتۇ. بۇنىڭدىن كېيىن تېخىمۇ ياخشى ئەسەرلىرىڭىز بىلەن بىزنى ئۇچراشتۇرۇپ تۇرارسىز...