تەمكىن: يىگىت ئويغاق، بىراق قىز

يىگىت ئويغاق، بىراق قىز


ئايدېڭ كېچە، ئايدەك بۇ جاھان،
يۇلتۇز ئوينار كۆكتە كۆز قىسىپ.
ئاي تاماشا قىلار يۇلتۇزنى
بىردە چىقىپ بىردىلا مۆكۈپ.

ئايدېڭ كېچە ئايدەك بۇ جاھان.
ھېلال ھامان ئۈزىدۇ كۆكتە.
ئۇخلىمىغان شۇتاپ بىر يىگىت،
تۈتەكسىز ئوت كۆيۈپ يۈرەكتە.

ئايدېڭ كېچە،ئايدەك بۇ جاھان،
ناخشا ئېيتار يىگىت يىگانە.
ئۇيقۇ قاچقان تەشنا كۆزىدىن،
قەلبى ئۇنىڭ شۇنچە خارابە.

ئايدېڭ كېچە،ئايدەك بۇ جاھان،
يىگىت ئويغاق، شەبنەم كۆزىدە.
بىراق قىزچاق ياتار خىرامان،
باشقا بىرنى كۆرۈپ چۈشىدە.

بۇ يازمىنى ئاخىرىدا   Erchin تەھرىرلىگەن. ۋاقتى  2014-12-2 13:29  

ئايدېڭ كېچە،ئايدەك بۇ جاھان،
يىگىت ئويغاق، شەبنەم كۆزىدە.
بىراق قىزچاق ياتار خىرامان،
باشقا بىرنى كۆرۈپ چۈشىدە.

قۇت بولسۇن ئاكا!

ئايدېڭ كېچە،ئايدەك بۇ جاھان،
يىگىت ئويغاق، شەبنەم كۆزىدە.
بىراق قىزچاق ياتار خىرامان،
باشقا بىرنى كۆرۈپ چۈشىدە
                           
شىئېرىڭىز بەك ياخشى چىقىپتۇ. بولۇپمۇ ئەڭ ئخىرقى كۇبلېتى

       شېئىرنىڭ «قانات-قۇيرىقى» بەك پەيزى بىر تەرەپ قىلىنىپتۇ. ماۋۇ:
       «ئايدىڭ كېچە، ئايدەك بۇ جاھان،
       يۇلتۇز ئوينار كۆكتە كۆز قىسىپ.
       ئاي تاماشا قىلار يۇلتۇزنى
       بىردە چىقىپ ۋە بىردە مۆكۈپ.» دېيىشنى ئويلىشىپ باقسىڭىز. ئاندىن «ئايدېڭ، ھېلال» دېگەن سۆزلەرنى «ئايدىڭ، ھىلال» دەپ يازغايسىز. ئامەت يار بولسۇن، ئىنىم!


بۇ يازمىنى ئاخىرىدا   ئابدۇرېھىم زۇنۇ تەھرىرلىگەن. ۋاقتى  2014-12-2 17:39  

بۇ پىكىرلەرنى قوبۇل قىلىمەن مۇئەللىم.

بىرخىل پەيزى چىقىپتۇ بۇ شېئىر.

شېئىرىڭىزنى ياقتۇردۇم

ئىلھاملىرىڭىز ئۈزۈلمىگەي

يارىغان بولسا مەيلى ئەمەسمۇ. ھېلىمۇ بىرنەچچىسىنى باشقىلار بېقىۋالدى. دوستلار بېقىۋالسا ھېچنىمە بولمايدۇ. بۇ يازمىنى ئاخىرىدا   تەمكىن تەھرىرلىگەن. ۋاقتى  2014-12-3 12:20  

مۇبارەك بولسۇن

نىمە دىگەن تاتلىق بۇ لېرىكا .

سىزنىڭ ھېس قىلغىنىڭىزمۇ توغرا ئىكەن ئادىلجان!

شىئ‍ېرىڭىزنى ياقتۇردۇم.