پەرىدە ئىسمايىل مېھرى:بولمىساڭ

بولمىساڭ

پەرىدە ئىسمايىل مېھرى

نە شىپاسى بۇ ھاياتنىڭ يار يېنىمدا، بولمىساڭ،
كۈندە ،تۈندە ئايلىنىپ باغرى  جېنىمدا بولمىساڭ.

جانغا تولغان ئىشتىياقلىق خىسلەتى سۆيگۈڭ بىلەن،
شىرنىلىك كەۋسەرىدىن لىقلاپ قېنىمدا بولمىساڭ.

قازغۇ قازغايمۇ مۇھاببەت ھېكمىتى  قات-قاتتا سىر،
ھەر نىشانىمنى يېرىپ ،مەنزىل كېنىمدا بولمىساڭ.

داغۇ پەريادىمدا سەن  ئىنسانلىقىمنىڭ پەسلىدە،
ئىشتىھاغا دىل ئايان ،رىسقى نېنىمدا بولمىساڭ.

شاخلىغاي؟ قاخشاللىقىم بوستان لېۋىڭنىڭ بەرقىدىن-
ئوسىلاپ ،  قەلبىمگە سۇ باشلاپ   تېرىمدا بولمىساڭ .

مېھرى شەمشەر ئاستىدا تۇيغۇ جېڭىدە قەھرىمان...
بىخلىغاي؟ مۇنبەتتىمۇ بىر سەپ قېرىمدا بولمىساڭ.


2014-يىلى 11-ئاينىڭ 23-كۈنى (ئاتۇش)





بۇ يازمىنى ئاخىرىدا   -مېھرى تەھرىرلىگەن. ۋاقتى  2014-11-23 23:29  

بىر چاغلاردا ئىسكەندەر سەمەتنىڭ«مۇھەببەت چۆلىدە،يۈرىمەن تېنەپ،
بىر تامچە سۆيگۈدە جاناننى ئىزدەپ...»دېگەن ناخشىسى بار ئىدى...ئەسلەپ قالدىم...

نە شىپاسى بۇ ھاياتنىڭ يار يېنىمدا، بولمىساڭ،
كۈندە ،تۈندە ئايلىنىپ باغرى  جېنىمدا بولمىساڭ

                  نە  ھۇزۇرى  بۇ ھاياتنىڭ  يار  قېشىدا  بولمىسام ،
                  كۈندە-تۈندە باغ ئېتىپ،مەن تېنىڭدا بولمىسام .

                  جانغا  سىڭگەن  ئاشىقى  شۇ  ، بىقارارلىق شەربىتى ،
                  مۇكەررەمنىڭ زەمزىمىدەك مەن قېشىڭدا بولمىسام .

                  ھاي-ھاي تېرەكنىڭ تۈۋىدىن ئوخچىغان بۇلاقىڭغا ،
                  پوك ئېتىپ چىلاپ قويغان رىسقى نېنىڭدا بولمىسام .

                  شاخلىغاي قاخشاللىقىڭ ئاتەش لىۋىمنىڭ  بەرقىدىن ،
                  ئوسىلاپ قويغان يېرىڭدەك ئىسسىق قېرىندا بولمىسام .

                  مېھرى  شەمشەر  ئاستىدا ، بولسا  گەر  بىر  قەھرىمان ،
                  جۇدۇنىنىڭ  كۆز-قۇلاقى --جانان  شېرىندا  بولمىسام ...

        

ياخشى يىزىپسىز. جۇدۇن تېخىمۇ ياخشى تۈزەپ قۇيۇپتۇ. ئەجرىڭلارغا مۇبارەك بولسۇن!

شىرنىسى تامچىپ تۇرغان غەزەلنى لەۋلىرىمنى تامشىپ تۇرۇپ ئوقۇۋالدىم.
مېھرى خانىمنىڭ قەلەملىرى تېخىمۇ بەرىكەتلىك ۋە قۇۋۋەتلىك بولۇشىنى تىلەيمەن.
ئىككى تال سوئال بەلگىسى بار مىسرالار زېھنىمنى بىرئاز ئالدى.شۇ ئىككى سوئال پىكىرنىڭ راۋانلىقىغا سەل تەسىر يەتكۈزدىمۇ قانداق؟