تەمكىن: بۈگۈن كېچە

بۈگۈن كېچە



بۈگۈن كېچە قار ياغىدۇ قار،
سەبىيلەرنىڭ كۈلكىسىدەك ئاق.
چىڭ ئېتىپ قوي يانچۇقلىرىڭنى،
قاردەك ئۇچۇپ كىرمىسۇن باغاق.

بۈگۈن كېچە قار ياغىدۇ قار،
ئۇزۇن يىللىق ئەقىيدىدەك پاك.
سۆيگىنىڭگە ئېتىپ سالما قار،
يۈرىكىگە چاك كېتىدۇ چاك.

بۈگۈن كېچە قار ياغىدۇ قار،
ئانىلارنىڭ قەلبىدەكلا ئاق.
دېرىلدەيدۇ كاماردا ھوقۇش،
مەيپۇرۇش قىز قولىدەك سوغاق.

بۈگۈن كېچە قار ياغىدۇ قار،
سەبىيلەرنىڭ كۈلكىسىدەك ئاق.
دەسسەپ سالما قاردەك يۈرەكنى،
مۇزلىمىسۇن چىن سۆيگۈ بىۋاق.
بۇ يازمىنى ئاخىرىدا   Erchin تەھرىرلىگەن. ۋاقتى  2014-11-21 16:11  

مۇبارەك بولسۇن ، ھارمىغايسىز !

تەمكىن ئەپەندى قولىڭىزگە دەرت كەلمىسۇن !  شېئىرىڭىز شۇنداق يېقىملىق چىقىپتۇ .

ياخشى چىقىپتۇ، ياقتۇرۇپ ئوقۇدۇم، قوللىرىڭىزغا دەرت كەلمىسۇن.

دەسسەپ سالما قاردەك يۈرەكنى،
مۇزلىمىسۇن چىن سۆيگۈ بىۋاق.   

بۇ مىسرالار  ماڭا بەك ياقتى بۇ يازمىنى ئاخىرىدا   دىلپاك تەھرىرلىگەن. ۋاقتى  2014-11-21 17:42  

قوللىرىڭىزغا دەرت كەلمىسۇن، ئىنىم...

شېئىرىڭىز بەك ياخشى چىقىپتۇ! لىرىك ئىلھاملىرىڭىز ئۈزۈلمىسۇن،نويابىردا بەرىكەتلىك بولۇڭ

        سىزگە مۇبارەك بولسۇن، بەك سەبىي، ئوماق چىقىپتۇ.

بۈگۈن كېچە قار ياغىدۇ، قار،
سەبىيلەرنىڭ كۈلكىسىدەك ئاق.
چىڭ ئېتىپ قوي يانچۇقلىرىڭنى،
قاردەك ئۇچۇپ كىرمىسۇن باغاق.

بۈگۈن كېچە قار ياغىدۇ، قار،
ئۇزۇن يىللىق ئەقىيدىدەك پاك.
سۆيگىنىڭگە ئېتىپ سالما قار،
يۈرىكىگە چاك كېتىدۇ، چاك.

بۈگۈن كېچە قار ياغىدۇ ، قار،
ئانىلارنىڭ قەلبىدەكلا ئاق.
دېرىلدەيدۇ كاماردا ھۇقۇش،
مەيپۇرۇش قىز قولىدەك سوغۇق.

بۈگۈن كېچە قار ياغىدۇ، قار،
سەبىيلەرنىڭ كۈلكىسىدەك ئاق.
دەسسەپ سالما قاردەك يۈرەكنى،
مۇزلىمىسۇن چىن سۆيگۈ بىۋاق.


مەن پەش (،) قويۇپ قويغان يەرنىڭ ئالدىدىكى جۈملە پۈتتى، شۇڭا پەش قويۇلىشى كېرەك. پىكىرىمنى قويلۇشۇپ كۆرەرسىز، ئاندىن «سوغاق» كوررىكتورنىڭ ئالدىغا بارغاندا چوقۇم «سوغۇق»قا ئۆزگىرىپ كېتىدۇ، شۇڭا ئۆزىڭىز ئوڭشىۋەتسىڭىز سۆيۈملۈك ئىش بولىدۇ. سىزگە ئىلھام پەرىسى ھەر ۋاقىت يار بولۇپ تۇرغاي!

شېئىرىڭىزدىن بەك زوقلاندىم، بۇ شېئىرلارنى ئوقۇۋېتىپ ھەر يىلى تۇنجى قار ياغقاندا تونۇش-بىلىش، دوست-بۇرادەر، قېرىنداشلىرىمغا نۇرغۇن قارلىق تاشلاپ، قار توختىغاندىن كېيىن نۇرغۇن قارلىق سوۋغىسى يىغىۋالىدىغىنىم ئېسىمگە كەچتى. ئاللاھ خالىسا، بۇ يىلىمۇ يەنە چوقۇم نۇرغۇن قارلىق سوۋغىسى يىغىۋالىمەن...

بۈگۈن كېچە
ئىدىرس روسۇل تەمكىن
بۈگۈن كېچە قار ياغىدۇ قار،
سەبىيلەرنىڭ كۈلكىسىدەك ئاق.
چىڭ ئېتىپ قوي يانچۇقلىرىڭنى،
قاردەك ئۇچۇپ كىرمىسۇن باغاق.

بۈگۈن كېچە قار ياغىدۇ قار،
ئۇزۇن يىللىق ئەقىيدىدەك پاك.
سۆيگىنىڭگە ئېتىپ سالما قار،
يۈرىكىگە چاك كېتىدۇ چاك.

بۈگۈن كېچە قار ياغىدۇ قار،
ئانىلارنىڭ قەلبىدەكلا ئاق.
ئاقلىقىغا يوقتۇر ھېچ گۇمان،
خىيال قىلما «يۈرەي مەن دەپ تاق».

بۈگۈن كېچە قار ياغىدۇ قار،
سەبىيلەرنىڭ كۈلكىسىدەك ئاق.
دەسسەپ سالما قاردەك يۈرەكنى،
مۇزلىمىسۇن چىن سۆيگۈ بىۋاق.

   بۇ شېئىر ياخشى چىقىپتۇ، ئەمما شېئىرى مەزمۇن ياراتقان تاتلىق كەيپىياتنى بىر پۈتۈنلۈككە ئىگە قىلىش ئۈچۈن ئۈچىنجى كۇپلىتنىڭ ئۈچىنجى، تۆتىنجى مىسراسىنى يوقۇردىكىدەك ئۆزگەرتىپ باقتىم.
  ئەسلىدىكى ئىككى مىسراغا كەلسەك شېئىرنىڭ بىر پۈتۈنلىكىگە بولغان باغلىنىشى بەك ئاجىز ئىكەن.
  ئارتۇق سۆزلىگەن بولسام ئۆزۈرلۈكمەن!

بۇ يازمىنى ئاخىرىدا   ئەلرام تەھرىرلىگەن. ۋاقتى  2014-11-21 20:28  

شېئىر بەك ياخشى چىقىپتۇ!   ئىلھاملىرىڭىز ئۈزۈلمىسۇن، بەرىكەتلىك بولۇڭ
ئىنكاس
بۇ يازمىنى ئاخىرىدا   ئەينەك تەھرىرلىگەن. ۋاقتى  2014-11-21 22:54  

شېئىر بەك ياخشى چىقىپتۇ!   ئىلھاملىرىڭىز ئۈزۈلمىسۇن، بەرىكەتلىك بولۇڭ
ئىنكاس
بۇ يازمىنى ئاخىرىدا   ئەينەك تەھرىرلىگەن. ۋاقتى  2014-11-21 22:55  

ئىلھاملىرىڭىزغا بەركەت تىلەيمەن.

بۈگۈن كېچە قار ياغىدۇ قار،
سەبىيلەرنىڭ كۈلكىسىدەك ئاق.
چىڭ ئېتىپ قوي يانچۇقلىرىڭنى،
قاردەك ئۇچۇپ كىرمىسۇن باغاق.
  شېئىرى تۇيغۇم تۆۋەنرەك ئىكەنلىكى،يېڭىچە شېئىرىيەتكە نىسبەتەن چۈشىنىشىمنىڭ تېيىزلىقى ئۆزۈمگە ئايان بولسىمۇ سەل تەئەججۈپتە قالدىم.مېنىڭچە تەبىئەت ھادىسىسىگە نىسبەتەن ھاۋارايى ئىنتانسىسىمۇ ‹قار ياغىدۇ قار›دېگەن رەۋىشتە بۇنداق كەسكىن ئىپادە بىلدۈرمەيدۇ.‹قار ياغماقتا قار›دەپ ئېلىشنى مۇۋاپىق دەپ قارىدىم(ئۆزەمچە).
‹چىڭ ئېتىپ قوي يانچۇقلىرىڭنى،
قاردەك ئۇچۇپ كىرمىسۇن باغاق.›
باغاقتىن،ئادىمەتچىلىك-باراۋەتچىلىكتىن ئۆزىمىزنى شۇنچىۋالا ئېلىپ قاچقۇلۇقمۇ؟
مۇشۇ ئىككى مىسرانى شېئىرغا سىغدىلىپ كىرىۋالغاندەك ھېس قىلدىم.
سۆزۈمنىڭ ئارتۇقچە كەتكەن يەرلىرى بولسا تەمكىن ئەپەندىدىن ئالدىنئالا ئۆزرە سورايمەن.