ئۈرۈمچىدە قىرغىز ئەدەبىياتى «يەتىكەن»ئەدەبىيات موكاپاتى تارقىتىلدى.

«شىنجاڭ قىرغىز ئەدەبىياتى» ژورنىلىنىڭ 2014-يىللىق ئاپتورلار يىغىلىشى ۋە 3-نۆۋەتلىك «يەتىكەن ئەدەبىيات موكاپاتى»،تۇنجى نۆۋەتلىك «ئىشقىن» بالىلار ئەدەبىياتى موكاپاتى تارقىتىش يىغىنى 2014-يىلى ئوغلاق ئېيىنىڭ 15-كۈنى ئۈرۈمچى كۆمۈركان مىھمانسارىيىدا ئۆتكۈزۈلدى.
يىغىنغا ئاپتونۇم رايونلۇق خەلق قۇرۇلتىيى دائىمىي كومىتىتىنىڭ سابىق ئورۇنباسار مۇدىرى ئاسانبەك تۇردى،ئاپتونۇم رايونلۇق سىياسى كېڭەشنىڭ سابىق ئورۇنباسار رەئىسى مامبەتاسان توختالى،ئاپتونۇم رايونلۇق ئەدەبىيات-سەنئەتچىلەر بىرلەشمىسى پارتىگۇرۇپپىسىنىڭ ئەزاسى،ئورۇنباسار رەئىس ئېركېش قۇرمانبەك قاتارلىق يولداشلار قاتناشتى.يىغىنغا شىنجاڭ قىرغىز ئەدەبىياتى ژورنىلىنىڭ باش مۇھەررىرى دولقۇن تۇردى رىياسەتچىلىك قىلدى.دىيارىمىزنىڭ ھەرقايسى جايلىرىدىن كەلگەن بىر قىسىم يازغۇچى-شائىرلار،شىنجاڭ پېداگوگىكا ئۇنۋېرسىتىتى ئەدەبىيات ئىنىستىتۇتى قىرغىز تىل-ئەدەبىيات سىنىپىنىڭ ئوقۇغۇچىلىرى بۇ قېتىمقى يىغىنغا قىزغىن ئىشتىراكتا بولدى.
يىغىندا شىنجاڭ قىرغىز ئەدەبىياتى ژورنىلىنىڭ باش مۇھەررىرى دولقۇن تۇردى قىرغىز ئەدەبىياتىنىڭ نۆۋەتتىكى ئەھۋالى،قىرغىز ئاپتورلىرىنىڭ ئىجادىيەت ئەھۋالى توغرىسىدا كۆز-قاراشلىرىنى بايان قىلدى.قىرغىز ئەدەبىياتى ئۈچۈن ھەر ۋاق پەرۋانە بولۇپ تىرىشچانلىق كۆرسىتىپ كىلىۋاتقان ئەدىبلەرنىڭ سەر خىل ئەسەرلىرى ئۈچۈن كەڭ ئاپتورلار بىلەن تەڭ كۈچ چىقىرىپ ژورنالنى تېخىمۇ سۈپەتلىك نەشىر قىلىش ھەققىدە ياخشى ئويلىرىنى ئوتتۇرىغا قويدى.
يىغىن ئادىل باھالاش تەرتىپلىرى ئارقىلىق ئوتلۇق مىسرالىرى بىلەن كەڭ ئوقۇرمەنلەرنىڭ ئېستىتىك تۆرىدىن ئورۇن ئېلىپ كېلىۋاتقان تالانتلىق ياش شائىر قۇرمانالى بادى،كۆپلىگەن نادىر داستانلارنىڭ ئاپتورى،تونۇلغان ياش شائىر جاھانباي ماشەك ۋە قىز-ئاياللارنىڭ نازۇك كۆڭۈل سىرلىرى،پىنھان ئارزۇ-ئىستەكلىرىنى تېتىملىق ھېكايىلىرى بىلەن ئىپادىلەپ ئوقۇرمەنلەر قەلبىدىن ئورۇن ئالغان يازغۇچى بۈۋىخان ئاڭقاش قىزى قاتارلىق ئۈچ ئاپتورغا 3-نۆۋەتلىك «يەتىكەن» ئەدەبىيات موكاپاتىنى بېرىشنى قارار قىلدى.شۇنىڭ بىلەن بىر قاتاردا بۇ يىل تۇنجى تارقىتىلماقچى بولغان «ئىشقىن» بالىلار ئەدەبىياتى موكاپاتىغا شائىر نۇر توختۇ بىلەن ياش شائىر سۆلەت ئابدۇمەمەت قاتارلىقلار نائىل بولدى.
يىغىن باشلانغان تۇنجى كۈنى چۈشتىن بۇرۇن ئاپتونۇم رايونلۇق ئەدەبىيات-سەنئەتچىلەر بىرلەشمىسىنىڭ ئورۇنباسار رەئىسى ئېركېش قۇرمانبەك خانىم «نەسىرچىلىك ۋە ئاخبارات ئەدەبىياتى» دىگەن تېمىدا لېكسىيە سۆزلىدى.چۈشتىن كىيىن ئاتاقلىق ئەدەبىي تەنقىتچى يالقۇن روزى «ئاپتورلار ئەدەبىي تەنقىدچىلىك قارىشىنى قانداق تۇرغۇزۇش كېرەك؟» دىگەن تېمىدا لېكسىيە سۆزلىدى.
يىغىن جەمئىي ئىككى كۈن داۋام قىلىدۇ.
(سۈرەتلەر يوللىنىدۇ) بۇ يازمىنى ئاخىرىدا   دېھقانباي تەھرىرلىگەن. ۋاقتى  2014-11-16 22:39  

سىلەرنى تەبرىكلەيمەن قېرىندېشىم !!
بولسا  «يەتىكەن ئەدەبىيات موكاپاتى» دېگەننى چۇشەندۇرۇپ قويسىڭىز!!!!

سىزلەرنى تەبىرىكلەيمەن

شىنجاڭ قىرغىز ئەدەبىياتى» ژورنىلىنىڭ 2014-يىللىق ئاپتورلار يىغىلىشى ۋە 3-نۆۋەتلىك «يەتىكەن ئەدەبىيات موكاپاتى»، تۇنجى نۆۋەتلىك «ئىشقىن» بالىلار ئەدەبىياتى موكاپاتى تارقىتىش يىغىنى ئىچىلغانلىقىدىن ئۇچۇر بەرگەنلىكىڭىزدىن سۈيۈندۈم. يىغىن ئەھلىگە سالام

سۈرەتلەر يانفوندا يوللانغاچقا ئېنىق چىقمايدىكەن.
(خەۋەر ۋە سۈرەتلەرنى تەمىنلىگەن：ماناس تور بېكىتىدىن ； مامبەتايسا)

جىمىرلىشىپ كۆز قىسۇر،
كۆكتە سانسىز يۇلتۇزلار.
شۇ يۇلتۇزلار ئىچىدە،
«يەتىكەن» دەپ يۇلتۇز بار……

......

شىنجاڭ قىرغىز ئەدەبىياتى» ژورنىلىنىڭ 2014-يىللىق ئاپتورلار يىغىلىشى ۋە 3-نۆۋەتلىك «يەتىكەن ئەدەبىيات موكاپاتى»، تۇنجى نۆۋەتلىك «ئىشقىن» بالىلار ئەدەبىياتى موكاپاتى تارقىتىش يىغىنى ئىچىلغانلىقىغا مۇبارەك بولسۇن!!

مۇبارەك بولسۇن !

قېرىنداش مىللەتلەر ئەدەبىياتىنىڭ مۇنەۋۋەر ئەسەرلەرنى باھالاش پائالىيىتىگە مۇبارەك بولسۇن!

ئابدۇراخمان قېرىندىشىمىزنىڭ بۇ ئۇچۇر بىلەن بىزنى تەمىنلىگەنلىكىگە كۆپ رەھمەت

يىغىن ئەھلىگە سالام!

جىمىرلىشىپ كۆز قىسۇر،
كۆكتە سانسىز يۇلتۇزلار.
شۇ يۇلتۇزلار ئىچىدە،
«يەتىكەن» دەپ يۇلتۇز بار……

سۇيۇنگىدەك ئىش بوپتىغو ئىنىم!!!

ئەجەپ نۇرلۇق ئىكەنغو،
يۇلتۇزلارنىڭ يۇلتۇزى.
ياخشى بىر ئىش قىلىپتو،
«يەتىكەن»دېگەن شو كىشى.

ساناقلىقلا ئارىدا،
«يەتىكەن» دەك ئاقىللا.
ئۆز قەدرىنى تىكلىگەن ،
قىرغىزلارغا ھەشقاللا!!!!!!!!