نوبىلنىڭ ۋەسىيەتنامىسى
(شىۋېتسىيە)
مەن ــ ئىمزا قويغۇچى ئالفرېد بۇخارېد نوبىل، ئەستايىدىل ئويلىنىش ئارقىلىق شۇنى جاكالايمەنكى،تۆۋەندىكى قۇرلار مېنىڭ ئۆلگەندىن كېيىنكى قېپقالغان مال-مۈلۈكلىرىمنى بىر تەرەپ قىلىشقا دائىر ۋەسىيەتنامەمدۇر.
مەن ۋەسىيەتنامەمنى ئىجىرا قىلغۇچىدىن قېلىپ قالغان مال-مۈلۈكلىرىمنى تۆۋەندىكى ئۇسۇل بويىچە بىر تەرەپ قىلىشنى تەلەپ قىلىمەن.
مېنىڭ بارلىق مال-مۈلكۈم نەق پۇلغا ئايلاندۇرۇلسۇن،ئاندىن بىخەتەر،ئىشەنچىلىك جايلارغا مەبلەغ قىلىپ سېلىنسۇن؛ مۇشۇ مەبلەغ بىلەن بىر فوندى جەمئىيەت قۇرۇلسۇن، فوندتىن كېلىپ چىققان ئۆسۈم بىلەن ھەر يىلى ئالدىنقى بىر يىلدا ئىنسانىيەت ئۈچۈن زور تۆھپە قوشقان ئادەملەر مۇكاپاتلانسۇن.مەزكۇر ئۆسۈم بەش ئۆلۈشكە ئايرىلسۇن،تەقسىملىنىشى مۇنداق بولسۇن:
بىر ئۆلۈشى خىمىيە ئىلمىدە زور بايقاش ئېلىپ بارغان ياكى يېڭىلىق ياراتقانلارغا بېرىلسۇن؛
بىر ئۆلۈشى فىزىكا ساھەسىدە زور بايقاش ئېلىپ بارغان ياكى زور كەشپىيات قازانغانلارغا بېرىلسۇن؛
بىر ئۆلۈشى فىزىئولوگىيىە ياكى مېدىتسىنا ساھەسىدە زور بايقاش ئېلىپ بارغانلارغۇچىلارغا بېرىلسۇن.
بىرئۆلۈشى ئەدەبىيات ساھەسىدە غايىۋىيلىككە ياتىدىغان نادىر ئەسەرلەرنى ئىجاد قىلغۇچىلارغا بېرىلسۇن.
ئەڭ ئاخىرقى بىر ئۆلۈشى مىللەتلار ئىتتىپاقلىقى ۋە دوستلۇقنى ئىلگىرى سۈرگەن مۇنتىزىم قوشۇنىنى ئەمەلدىن قالدۇرغان ياكى بىكار قىلغان،شۇنىڭدەك تىنچلىق يىغىنىنىڭ تەشكىلاتلىرى ۋە تەشۋىقاتلىرىغا ئەڭ زور تىرىشچانلىق كۆرسەتكەن ياكى زور تۆھپە قوشقان كىشىلەرگە بېرىلسۇن.
فىزىكا مۇكاپاتى بىلەن خىمىيە مۇكاپاتىنى ستوكھولىم شىۋىتسىيە خان جەمەتى پەنلەر ئاكادىمىيىسى تارقاتسۇن؛
مىدىتسىنا بىلەن فىزىئولوگىيە مۇكاپاتىنى ستوكلوھىم كارولىن تىببىي ئىنىستىتۇتى تارقاتسۇن؛
ئەدەبىيات مۇكاپاتىنى ستوكھولىم ئەدەبىيات ئاكادىمىيىسى تارقاتسۇن؛
تىنچلىق مۇكاپاتىنى نورۋېگىيە پارلامېنىت سايلىمىدا ۋۇجۇتقا كەلگەن بەش كىشىلىك كومېتىت تارقاتسۇن.
مۇكاپاتقا ئېرىشىشكە تېگىشلىك نامزاتلارنىڭ دۆلەت تەۋەلىكىگە قارىتا ئارتۇقچە ئويلىنىپ يۈرۈشكە بولمايدۇ. بۇ دېگەنلىك مەيلى ئۇ ئەر ياكى ئايال بولسۇن،مەيلى سىكاندىناۋىيەلىك بولسۇن،كىمنىڭ شەرتى توشسا،شۇ مۇكاپاتقا ئېرىشسە بولىدۇ دېگەنلىكتۇر.مەن يەنە شۇنى جاكالايمەنكى مۇشۇنداق مۇكاپات تارقىتىش مېنىڭ زور ئارزۇيۇمدۇر.
بۇ مېنىڭ بىردىن بىر ئىناۋەتلىك ۋەسىيەتنامەم.مەن ئۆلگەندىن كېيىن، مال-مۈلكىمنى بىر تەرەپ قىلىشقا دائىر ئىلگىرىكى ھەرقانداق بىر ۋەسىيەتنامە بايقالسا بىردەك ئىناۋەتسىز.
ۋەسىيەتنامە قالدۇرغۇچى:
ئالفرېد بۇخارېد نوبىل
ئەسكەرتىش: مەن قايسى بىر توردىن «نوبىلنىڭ ۋەسىيەتنامىسى» ناملىق بۇ ماقالىنى ئۇچرىتىپ ساقلاپ قويغانىدىم. مۇنبەرداشلىرىمىزنىڭ پايدىلىنىشى ئۈچۈن يوللاپ قويدۇم.
|
ۋاقتى: 2014-11-16 11:07:02
