بۈزۆھرە تۇرۇپ سەھەر: ئاي چېچەكلىرى

sahar · ۋاقتى: 2014-11-13 22:08:49


	ئاي چېچەكلىرى بۈزۆھرە تۇرۇپ سەھەر قۇياش چاچقان ئىللىق نۇرلاردەك، چېچىلىمەن يولۇڭغا سېنىڭ. مەيىن – مەيىن شامال بولۇپ سەن، سۆيۈپ قويغىن چېچىمغا مېنىڭ. مەن ئۆزۈمنى بىر دەستە گۈل دەي، ماڭا يانداش نازۇك چىمەندەك. ھېجران ھەرگىز چېچەكلىمىسۇن، ئۆمۈر ئۆتسۇن گوياكى قەندەك. ئاي چېچىكى بۇلبۇللار توقىغان مەشۈت - ئىپەكتەك كېپىنەك ئوۋلىغان ھەشقىپىچەكتەك، ئاق بۇلۇت يايلىغان مەستخۇش پەلەكتەك، شۈنچىلىك مەستخۇشمەن سېنىڭ ئىلكىڭدە. سەھەردە نۇرلىنىپ ئۈكەر - چولپاندەك، تەبەسسۇم ياغدۇرۇپ لالە، رەيھاندەك، ئاي چېچىكى، ئۇپۇقتىكى گۇلخاندەك، شۈنچىلىك مەستخۇشمەن سېنىڭ ئىلكىڭدە. سېغىنىش ئايدىڭ ئاخشامدا ئايغا باقىمەن، ئايمۇ نۇرىنى سىپىدۇ ماڭا. سېغىنىش تولغان چولپان كۆزۈمنى، ئاي ئېلىپ بېرىپ تاشلارمۇ ساڭا. ئايدىڭ ئاخشامدا ئايغا باققاندا، سەۋدالىق مېنى قويار پىراقتا. سېغىنىشلىرىم سۇدەك ئاقىدۇ، لېكىن سەن جېنىم ئايدەك يىراقتا. ياپراق تۆكۈمى ياپراق تۆكۈمىدە ھېسلىرىم غېرىپ، تۇرنىلاردەك ئۇچقۇم كەلدى يىراققا. مىڭبىر سۇئال ياپراقلاردەك تۆكۈلۈپ، مىڭبىر خىيال تاشلىدىغۇ پىراققا. لەۋلىرىمدىن قەلبىم سۇئال سورىدى، ساڭا بۇنچە ھەسرەت يۇتماق نە ھاجەت؟ قىلىچ يوپۇرماقلىق تاش ئورمان ئىچرە، بۈركۈت چۆجىسىنى باققانغۇ ئابەت. مۇڭغا چۆكۈپ، خازان قىلما يىللارنى، ئۆمۈر دېگەن ساڭا بەرگەن ئامانەت. ۋاقىتلارغا چېكت، پەشنى بىلىپ قوي، ئامانەتكە قىلىپ سالما خىيانەت. بۇ يازمىنى ئاخىرىدا Erchin تەھرىرلىگەن. ۋاقتى 2015-2-5 10:45

داڭگال · ۋاقتى: 2014-11-14 16:26:51


	2-ئەسەر بىلەن 3-ئەسەرنىڭ ماۋزۇسى ئالمىشىپ كەتتىمۇ-نىمە؟

18139193341 · ۋاقتى: 2014-11-14 17:41:39


	قۇلڭىزغادەت دەت كەلمىسۇن

sahar · ۋاقتى: 2014-11-15 22:57:17


	داڭگال يوللىغان ۋاقتى 2014-11-14 16:26 2-ئەسەر بىلەن 3-ئەسەرنىڭ ماۋزۇسى ئالمىشىپ كەتتىمۇ-نىمە ... ئۇنداق ئەمەس، ئىككىنچىسىنىڭ ماۋزۇسى ئاي چېچىكى. ئاددى يازمامغا كۆز يۈگۈرتكىنىڭىزگە رەھمەت.

ئەنۋەر1 · ۋاقتى: 2014-11-15 23:19:39


	بۇلبۇللار تۇقۇغان مەشۇت-ئىپەكتەك بۇ مىسرالارنى بۇلبۇللار ئۇقۇغان ئاشىق كۈيىدەك --دەپ ئۇقۇدۇم. ئۇنىڭ ئۈستىگە بۇلبۇللار مەشۇت-ئىپەك تۇقۇمايدۇ ئەمەسمۇ.

shaidayi · ۋاقتى: 2015-2-5 00:22:41


	بىر-بىرىدىن ئېسىل چىققان شېئىرلاركەن، مۇبارەك بولسۇن! ئىزدىنىشلىرىىڭىزگە ئوتۇق تىلەيمەن! تېخىمۇ بەرىكەتلىك بولغايسىز قېرىندىشىم!

ABLAJAN.BOWAKI · ۋاقتى: 2015-2-5 09:56:51


	بۇ شېئىرلار گويا بىر ناخشا تېكىستلىرىدەك يېقىشلىق ئىكەن...سىزگە قۇت بولسۇن!

ABLAJAN.BOWAKI · ۋاقتى: 2015-2-5 09:57:32


	بۇ شېئىرلار گويا بىر ناخشا تېكىستلىرىدەك يېقىشلىق ئىكەن...سىزگە قۇت بولسۇن!

Wolkani · ۋاقتى: 2015-2-5 11:59:32


	شئېرلىرىڭىزنى ياقتۇردۇم ،ئىلھاملىرىڭىزغا ئاپىرىن !

(ئۈمىد) · ۋاقتى: 2015-3-5 21:12:42


	ئاي چېچەكلىرگە تەشەككۈر، ... بەرىكەتلىك بولۇڭ بۇزوھرە..

پەروزان · ۋاقتى: 2015-3-10 18:39:14


	«ئاي چېچەكلىرى» نىڭ داۋامىنى بىزگە بېرىۋەتسىڭىز بولاتتى. ھېلىمۇ ئۇزۇن بولدى سىز بىزنى ساقلاتقىلى...

ھۆرگۈل · ۋاقتى: 2015-3-10 22:50:06


	مۇبارەك بولسۇن، گۈزەل لىرىكىلىرىڭىز ئۇزۇلمىگەي، بەرىكەتلىك بولغايسىز دوستۇم.

سارباش · ۋاقتى: 2015-3-10 23:44:27


	مۇبارەك بولسۇن؟ئەزىز قىرىندىشىم

sahar · ۋاقتى: 2015-3-13 22:38:38


	ئاي كۆيىكى بۈزۆھرە تۇرۇپ سەھەر ئۇپۇقتا ئاي شىرىن ئۇيقىدا، مەڭىزلىرى قىپقىزىل يال-يال. مەن سېغىندىم ئاينىڭ يۈزىنى، چۈشتى كىرپىك مەڭزىمگە تال-تال. ئاي ئاچمىغاچ ھېچبىر كۆزىنى، ئىلىپ قەددىم بولۇپ قالدى دال. يالپۇز ئۈنگەن بۇلاقنىڭ بويى، ئاينى ساقلار ماكانىم بولدى. كۆرەلمەي ھېچ ئاينىڭ كۆزىنى، بىر جۈپ كۆزۈم بۇلاقتەك تولدى. رەببىم ماڭا شۇنداق يېقىنكەن، بۇ كۆيۈكنىڭ ئوتىنى سالدى. بۇ يازمىنى ئاخىرىدا sahar تەھرىرلىگەن. ۋاقتى 2015-3-13 22:44

sahar · ۋاقتى: 2015-3-13 22:49:11


	كېچىنىڭ يۈزى بۈزۆھرە تۇرۇپ سەھەر يېغىشقا باشلىدى سىمىلداپ كېچە، سىمىلداپ باھاردا يامغۇر ياققاندەك. كۆرۈشكە ئۈمتۈلسەم يۈزىنى ئۇنىڭ، قارىماي قاچتىغۇ غۇر – غۇر شامالدەك. سەھەرگە ئۇلىدىم مىڭبىر كېچىنى، باغرىمنى ئۇنىڭ لېۋىگە يىقىپ. كۆرەلمەي پەقەتلا كېچە يۈزىنى، كەتتىغۇ پىراقلار گۈلخاندەك يېنىپ. 2015.2.17

بۈزۆھرە تۇرۇپ سەھەر: ئاي چېچەكلىرى

باھا سۆز

باھا سۆز

باھا سۆز

باھا سۆز

باھا سۆز

باھا سۆز

باھا سۆز

باھا سۆز