تەمكىن:ئېيتامدىمىز ناخشىمىزنى ئەمدى تاق

ئېيتامدىمىز ناخشىمىزنى ئەمدى تاق؟

ئېسىڭدىمۇ قۇياش مۆككەن ئورماندا
كۈن پاتقىچە سەن تۆتقۇلاق تەرگىنىڭ؟
تاپقان ئىدىڭ راس شۇ كۈنى بەختىڭنى،
بولدى ماڭا كىيىن ئازاپ بەرگىنىڭ.

بولدى ماڭا كىيىن ئازاپ بەرگىنىڭ،
تاتلىق سۆيۈش، ناخشىلارنى ئۇنۇتتۇڭ.
تاللىدىڭمۇ بىلمىدىم ھېچ ئۆزگىنى،
مەن گۈل سۇندۇم، سەن يۈرەكتىن مۇز تۇتتۇڭ.

كەچكۈزدىكى ياپراقلارنىڭ چۈشىدەك،
قالدى سوغۇق ئەسلىمىلەر شۇ پېتى.
دەسسەپ ئۆتتۈڭ ئەقىدەمنى ئېھ گۈزەل،
ئېيتىقىن دەسلەپ كۆيۈپ يۈرگەن كىم ئىدى؟

دەپ باققىنا دەسلەپ كۆيگەن كىم ئىدى،
«مەڭگۈلۈك بۇ...»دىگەن سەنمۇ ياكى مەن؟
ئېيتامدىمىز ناخشىمىزنى ئەمدى تاق؟
ھەر ئىككىمىز يىڭىلگەنگە بېرىپ تەن؟ بۇ يازمىنى ئاخىرىدا   تەمكىن تەھرىرلىگەن. ۋاقتى  2014-10-31 19:11  

سىزگە  ئاپىرىن   بەك ياخشى  يېزىپسىز.ئايرىلىپ  يامان  بوپتۇ،  ئايرىلىش ئازابى  يامان.

دەسلەپ كۈيۈپ يۈرگەنلەر ئاز ئەمەستى ئەسلىدە،
ئاخىرغىچە كۈيۈشنى تەس كۆرگەنتى بەزىلەر.
تەنتەكلىكتە مەڭگۈلەر كۆپ ئىكەنغۇ ۋەدىدە،
يېرىم ئۈمۈر تۈگىسە تەڭشىلىپتۇ پەدىلەر. بۇ يازمىنى ئاخىرىدا   رىشتىم تەھرىرلىگەن. ۋاقتى  2014-11-1 20:00  

بولدى ماڭا كىيىن ئازاپ بەرگىنىڭ،
تاتلىق سۆيۈش، ناخشىلارنى ئۇنۇتتۇڭ.
تاللىدىڭمۇ بىلمىدىم ھېچ ئۆزگىنى،
مەن گۈل سۇندۇم، سەن يۈرەكتىن مۇز تۇتتۇڭ.

چىن تۇيغۇ بىلەن يۇغۇرۇلغان بۇ كەبىي لىرىكىلار ئۈزۈلمىسۇن!

ھەر ئىككىمىز يېڭىلگەنگە بېرىپ تەن ،
ۋىژىلدىتىپ يۈرەكلەرگە سالدۇق ئەن .
ئۇنتۇلغاچقا تاتلىق ۋەدە ، ناخشا ھەم ،
ئۈششك تەگكەن ياپراق  كەبى تىترەر تەن ...

ئۇزاق بوپتىكەن شېئىرلىرىڭىزنى كۆرمىگىلى. ياقتۇرۇپ ئوقۇدۇم. ئىجادىيىتىڭىزگە يېڭى تەم ۋە بەرىكەت تىلەيمەن.

ياخشى چىققان لىرىكىكەن ، ئاپىرىن  !

مۇھەببەتنىڭ ئاچچىق ئەسلىمىلرى ھەر دوقمۇشتا ھەر ئادەمگە ئۇچراپ تۇرۇدۇ.شېئر ياخشى چىقىپتۇ.ئاپرىن!

يالغۇز كىشىلىك ئېيتقاندىن، قوش كىشىلىك ئېيتقان ياخشى، جاراڭلىق، ياڭراق چىقىدۇ ئاۋازىڭىزلار.

ھايات سەھنىسىگە بىرگە چىققىلى ئۇنىمىسا ئامال يوق-تە.