تەمكىن:مۇھەببەت

مۇھەببەت

ھاياتنىڭ تورسىمان ئاچاللىرىدا،
سەزمەستىن ياشايسەن مەۋجۇتلۇقۇڭنى.
سايەڭنى سوراقلاپ كېتىسەن گاھى،
پىچىرلاپ نىمىنىڭ ئۇلۇغلۇقىنى.

كۈلكىمۇ سېنىڭدىن كېتەر ياتلىشىپ،
يىغاڭنى يىغلايسەن ئۆزگىلەر ئۈچۈن.
تونۇماي قالىسەن ئۆزۈڭنى ھەتتا
يۈرىكىڭ توۋلايدۇ بىر ناخشا يوچۇن.

پىلسىرات سەن ئۈچۈن ساياھەت يولى،
بىلمەيسەن نىمە ئۇ مۇھەببەت-نەپرەت.
ئۆزۈڭدىن يىراقلاپ ياشىغان كۈنۈڭ
يىتەكلەپ ماڭغىنى سېنى مۇھەببەت.

تەنھالىق سەن تامان سىلجىغان دەقىق،
قەلبىڭدە بىخلايدۇ بۈيۈك ھەقىقەت.
ئويلىغان كۈنۈڭدە بەخىت ھەققىدە،
ئىشىگىڭ چەككىنى چوقۇم مۇھەببەت. بۇ يازمىنى ئاخىرىدا   تەمكىن تەھرىرلىگەن. ۋاقتى  2014-10-27 10:20  

مۇھەببەت ھەققىدە ياخشى بىر شېئىر ئوقۇۋالدىم.ئاپرىن!

ئۆلمەس تىمىدىكى شئېرىڭىزنى ياقتۇرۇپ ئوقۇدۇم ،ھارمىغايسىز .

مۇھەببەت ھەققىدىكى بايانلار گۈزەل چىقىپتۇ.

ياخشى چىقىپتۇ

پىلسىرات سەن ئۈچۈن ساياھەت يولى،
بىلمەيسەن نىمە ئۇ مۇھەببەت-نەپرەت.
ئۆزۈڭدىن يىراقلاپ ياشىغان كۈنۈڭ
يىتەكلەپ ماڭغىنى سېنى مۇھەببەت.

قۇت بولسۇن ئاكا.

رەھمەت سىزگە.

كۈلكىمۇ سېنىڭدىن كېتەر ياتلىشىپ،
يىغاڭنى يىغلايسەن ئۆزگىلەر ئۈچۈن.
تونۇماي قالىسەن ئۆزۈڭنى ھەتتا،
يۈرىكىڭ توۋلايدۇ بىر ناخشا يوچۇن.

بىر ئاشىقنىڭ پورتىرتىنى سىزىپسىز،مۇمكىن بولسا  2004-يىلدىن بۇرۇنقى شېئىرلىرىڭىز بىلەنمۇ ئۇچراشقان بولساق بوپتىكەن

مۇھەببەت ھەققىدە يازمىدۇق داستان،
چۈنكى بىز ئۇنىڭغا خائىنلىق قىلغان.....
           -ھاۋاگۈل

بۇ يازمىنى ئاخىرىدا   شۇئەيب تەھرىرلىگەن. ۋاقتى  2014-10-27 19:21  

كۈلكىمۇ سېنىڭدىن كېتەر ياتلىشىپ،
ئاھ ئۇرۇپ يىغلايسەن ئۆزگىلەر ئۈچۈن.
تونۇماي قالىسەن ئۆزۈڭنى بەزەن
نەپەسلەر بىر ناخشا توۋلايدۇ  يوچۇن.

  مەن مۇنداق ئۆزگەرتىپ ئوقۇپ باقتىم. ئىزدىنىشلىرىڭىزگە ئوتۇق يار بولسۇن !

ياخشى يېزىپسىز، ئىجادىڭىزغا بەرىكەت تىلەيمەن.

ئىزدىنىشلىرىڭىزگە ئوتۇق تىلەيمەن.

  ياخشى چىقىپتۇ  يەنىمۇ ئۇتۇق تىلەيمەن!

گۈزەل چىقىپتۇ

«ئۇنتۇش ئۈچۈن يازغان شېئىرنىڭ،
ئەسلىمىدۇر تۇنجى مىسراسى.»