يازغۇچىلار مۇنبىرى ماڭا گۇۋاھمۇ ؟

ھەسەنجان دانىش · ۋاقتى: 2014-10-24 01:31:07


	يازغۇچىلار مۇنبىرى مىنىڭ ئاپتورلۇق ھوقۇقۇمنى قوغداشقا ياردەم قىلالايدىغان قانۇنلۇق ئاپراتمۇ ؟ ئەسسالاممۇ ئەلەيكۇم يازغۇچىلار مۇنبىرىنى باشقۇرۇپ قىلۋاتقان ھۆرمەتلىك باشقۇرغۇچىلار ياخشىمۇ سىلەر ؟ ئالدى بىلەن ھەممىڭلارغا چوڭقۇر سالىمىمنى يوللايمەن . كەمىنە ھەسەنجاندىن ھەممىڭلارغا ئوتلۇق سالاملار بولسۇن، گەپنى نەدىن باشلاشنى بىلمەي قالدىم شۇنداق بولسىمۇ ئېغىر كۆرمەي بۇ تېمامنى چىقىرىپ بىرىشىڭلارنى ئۈمىد قىلىمەن. . يازغۇچىلار مۇنىردىكى بىر قانچە تونۇش دوستلىرىم بىلىدۇ . مەن بىر يىلدىن بۇيان ئىزچىل ناخشا تېكىستى يېزىشنى داۋاملاشتۇرۇپ كىلۋاتىمەن . ھەم يازغانلىرىم گەرىچە ئاز بولسىمۇ دوستلىرىمنىڭ تەۋسىيەسى بىلەن يزاغۇچىلار مۇنبىرىگە يوللاپ كىلۋاتىمەن . بۇ مۇنبەرگە يوللاشتىكى مەقسىتىممۇ يازغۇچىلار مۇنبىرىنى باشقا بىكەتكە قارىغاندا نوپۇزلۇق تور بىكەت دەپ قارىغىنىمدا ئىدى .ھەم شۇ ئارقىلىق ئۆزۈمنىڭ تېكىسىتلىرىنى كومپىزىتۇرلار كۆرسە مەندىن رۇخسەت ئىلىپ مۇچىكا ئىشلەپ باقسا دەپ ئويلىغان ئىدىم . لېكىن بۈگۈن ئويلىمىغان بىر ئىش بولدى . ئۇدۇن تورىنى ئاچسام يېڭى ناخشىلار تېزىملىكىدە « چۈشىنەرسەنمۇ » دىگەن بىر ناخشىنى ئۇچرىتىپ قالدىم . شۇنىڭ بىلەن ئۆزۈمنىڭ ئىلگىرى شۇ تېمىدا بىر پارچە تېكىسىت يازغىنىم ئېسىمگە كىلىپ ناخشىنى قويسام دەل مىنىڭ تېكىستىم ئىكەن . http://www.mp3uy.com/play_user_music.asp?id=89912 بۇ ناخشىنىڭ تېكىستىنى ئىلگىرى مەن يازغۇچىلار مۇنبىرىگە يوللىغان forum.php?mod=viewthread&tid=14564 ئەمدى نەق گەپكە كەلسەم ، مەن ھازىر رۇخستىمسىز تېكستىمنى ئىشلىتىۋالغان بۇ ناخشىچىنى ئىزدەۋاتىمەن . ئەگەر ناخشىچىنى تېپىپ قالسام تېكىسىتنىڭ ئاپتورلۇق ھوقۇقىنىڭ مىنىڭ ئىكەنلىكىنى ئېتىراپ قىلماي تۇرۋالسا ، مەن ئەرىز قىلىپ قالسام يازغۇچىلار مۇنبىرى ماڭا گۇۋاھچى بولۇپ بىرەرمۇ ؟ ئېغىر كۆرمەي مۇشۇ ھەقتە پىكىر تەكلىپىڭلارنى بەرگەن بولساڭلار ؟ سىلەردىن مىننەتتار بولغان بولاتتىم . بۇ يازمىنى ئاخىرىدا ھەسەنجان دانىش تەھرىرلىگەن. ۋاقتى 2014-10-24 01:33

Erchin · ۋاقتى: 2014-10-24 21:20:36


	مېنىڭچە، بۇ مۇنبەرنىڭ ئۇلىنىش مەنزىلىنى داۋادا ئىسپات قىلسىڭىز بولىدۇ، دەپ قارايمەن. بۇ مېنىڭ شەخسىي قارىشىم. مۇناسىۋەتلىك قانۇن، ۋە تور قانۇن، بەلگىلىمىلىرىنى كۆرۈپ چىقىڭ!

ئارىيان · ۋاقتى: 2014-10-24 21:23:48


	ئاۋال تېخى كۆرۈشۈپ باقماي ، تۇرۇپ بەك يىراقنى ئويلاپ كىتىپسىز ،،، ياخشى تەرىوىنى ئويلاڭ،،، ئىتراپ قىلىپ قالار،، بۇ تىما ماڭا ئۆزىنى گۇاڭگاۋ قىغاندەكلا قىلىندى

Wolkani · ۋاقتى: 2014-10-24 21:43:39


	بۇ ئىشلارغا سالماقلىق بىلەن مۇئامىلە قىلىڭ .

رۇمەيسا · ۋاقتى: 2014-10-24 22:14:35


	ناخشا تېكىستىڭىزنى مۇزىكا سېلىپ ئوقۇغان ناخشىچى تېخى ئۇنى ئۆزىنىڭ قىلىۋالغان ياكى قىلىۋالمىغانلىقىنى بىلمەي تۇرۇپ، بۇ يازمىنى مۇنبەرگە تاشلاپ، سەل ئالدىراقسانلىق قىلىپ قالدىڭىزمۇ قانداق؟

-مېھرى · ۋاقتى: 2014-10-24 22:51:30


	بەلكىم ئۇمۇ سىزنى ئىزدەۋاتقاندۇ ، مەن ناخشىنىلا ئاڭلىدىم ئەمما شېئېرىنى مېنىڭ دەۋالغان خېتىنى كۆرمىدىم ،بولسا ناخشا تېكىستىگە يارىغان شېئېرىڭىز ئۈچۈن پەخىرلىنىڭ، ھەم ناخشا تېكىستىڭىزنى سۆيۈپ ئىشلەتكەن كومپىزوتۇرلارغا رەھمەت ئېيتىڭ. ئۇ سىزنىڭ تېكىستىڭىزنى سۆيۈپتۇ. بەزىدە قانداق چىقار دەپ ئىشلەپ باققان مۇزىكىلارمۇ شۇنداق چىرايلىق چىقىپ قالىدۇ .ھەۋەسكار مۇزىكانتلىرىمىز ئۈچۈن كۆكسىڭىزنى كەڭ تۇتۇڭ..تىكىستىڭىز ئاۋاز بىلەن يەنىمۇ جان تاپقاندەك بوپتۇ.ئۇ بىزنىڭ قېرىندىشىمىز.ناخشا يۈرۈكۈمگە تەگدى...مەنچە ئۇمۇ سىزنى تاپقاندا ئالەمچە خۇش بولار.ھەمكارلىقىڭلار داۋام ئەتكەي. مېنىڭچە بۇ بىر ياخشى باشلىنىش. بۇ يازمىنى ئاخىرىدا -مېھرى تەھرىرلىگەن. ۋاقتى 2014-10-24 23:00

يۈسۈفىي · ۋاقتى: 2014-10-24 23:20:37


	مېھىرىنىڭ پىكرىنى قوللايمەن. تېكىست ئاپتورلۇقىغا باشقىلارنىڭ ئىسمىنى يېزىۋالغان بولسا ئاندىن بۇ تېما يوللانسىمۇ كېچىكمەيتى. مەن سىز يوللاپ قويغان ئۇدۇن باش بېتىنى كۈندە ئاچىمەن، ناخشا تىزىملىكىدىن بۇ ناخشىنى نەچچە كۆرۈپ چېكىپ باقماپتىمەن، ئەمدى چېكى باقسام بولغۇدەك…

ھىجران · ۋاقتى: 2014-10-24 23:22:25


	ئەسلى ناخشا تېكىستىنى ئىشلىتىشتىن بۇرۇن ئۇلار سىز بىلەن ئالاقىلىشىشى ، سىزنىڭ ماقۇللىقىڭىزنى ئالغاندىن كېيىن، تېكىستنى سىزنىڭ يازغانلىقىڭىزنى ئەسكەرتىپ ئاندىن ئىشلەتكەن بولسا تۇلىمۇ ياخشى بۇلاتتى .ئەمما ئۇلار بۇنىڭغا سەل قاراپتۇ . ناخشىنى ئاڭلىدىم .مىلودىيەبىلەن تېكىست بىرلىشىپ گۈزەل بىر مۇھەببەت كۈيىنى ياڭرىتىپتۇ . ناخشىچى،شۇنداقلا ئاركود لاشتۇرغۇچىمۇ خېلى كۈچەپتۇ .ئەمما ئۇلارنىڭ تېكىستنى سىز نىڭ ماقۇللىقىڭىزنى ئالمايلا ئىشلىتىشى ،ئەخلاق نۇقتىسىدىن ئېيىتقاندا سەمىمىيەتسىزلىك ھېساپلىنىدۇ . بۇنى بۇنداقلا بولدى قىلىۋېتىش بىر قەلەم ئىگىسى ئۈچۈن ئەلەم . مەنچە ئۇلار بۇ ئۇچۇرلارنى كۆرگەندە سىز بىلەن چۇقۇم ئالاقىلىشىدۇ ناۋادا ئالاقىلشماي قالسا، بۇ سىز گە بىر ساۋاق بۇنىڭدىن كىيىنكى ئىجادىيتىڭىزدە ھۇششار بۇلۇڭ . مېنىڭمۇ بىر ھېكايەم بىر ئوغرى تەرىپىدىن كىلونلىنىپ ‹‹ تارىم غۇنچىلىرى ›› ژورنىلىدا ئېلان قىلىنغاندا مەنمۇ ھەيرانلا قالغان. بۇ ھاياتنىڭ ئادەملىرى بەك مۇرەككەپ بۇلۇپ كەتتى ،شۇنڭ ئۈچۈن ھەر بىر قەلەم تەۋرەتكۈچى ھۇششارلىقىمىزنى ئاشۇرشىمىز كېرەك. بۇنىڭدىن كېيىنكى ئىجادىيتىڭىزگە ئۇتۇقلار يار بولسۇن . بۇ تېكىستنى ناخشا قىلىپ ئوقۇغۇچىنىڭ ئارخبىنى ئۈمىد تورىدىن سۈرۈشتۈرۈپ بېقىڭ شۇ يەردىن چىقىشى مۇمكىن . مۇنداقلا بولدى قىلىدىغان ئىش ئەمەسكەن بۇ .

ئا.توختى · ۋاقتى: 2014-10-25 07:06:43


	ئاۋۋال سىلى ئۇلارنى تەشەببۇسكارلىق بىلەن ئىزدەڭلار، ئويلىغان نەتىجە چىقمىسا ئاندىن ئىسپات بولۇشقا چاقىرساڭلا مەن بىرىنچى بولۇپ ئىسپات بولىمەن .

ئۈمىدجان قادىرى · ۋاقتى: 2014-10-25 08:49:08


	ياخشى نىيەتتە قىلىنغان ئەجىر يامان ئىشقا ئۆرۈلۈپ كەتمىگەي.سالماق بولۇڭ ھەسەنجان.

ئاستانە · ۋاقتى: 2014-10-25 11:07:00


	بۇ تېكىستنى ئوقۇغان ناخشىچىدا تېكىست ئىگىسىگە بولغان ھۆرمەت يوق ئىكەن، ئەگەر بولغان بولسا ئۆزى ياقتۇرغان تېكىستنىڭ ئاپتورى بىلەن ئالاقىلاشماق بەك ئاسان ئىدى، ئۇ ئەسلى ئاپتورنىڭ رۇخستىنى ئېلىپ ئاندىن كېيىن ئوقۇغان بولسا ياخشى بولاتتى، چۈنكى ھەر قانداق بىر تېكىست ئاپتورى بىر ناخشىچى ماۋۇ تېكىستىڭىزنى ئوقۇپ باقاي دېگەن دېسە مانچە پۇل بېرىڭ دېمەيدۇ، بەلكى ئۆزىنىڭ يازغان نەرسىسىنىڭ باشقىلارغا ياققىنىدىن خۇش بولۇپ ماقۇل دەيدۇ. ھەسەنجان ئىنىم، سىز ئاۋۋال ھەرخىل ئاماللار ئارقىلىق ئاۋۇ ناخشىچى بىلەن ئالاقىلىشىڭ، ئەگەر ئۇ بۇ ناخشىنى mp3 شەكلىدە تارقاتقان بولسا ئامال يوق، ناۋادا mtv شەكلىدە تارقاتقان بولسا تېكىستى دېگەن يەرگە قاراڭ، ئۇ يەرگە ئىسمىڭىز كىرگۈزۈلمىگەن بولسا ئەرز قىلسىڭىز بولىدۇ. ھەرگىز تېكىستىمنى ناخشا قىلىپ ئوقۇپتۇ، ئىسمىم بولمىسىمۇ مەيلى، دەيدىغان ئىشنى قىلماڭ. شۇ ئارقىلىق ئۆزىڭىزنىڭ مۈلكىنى قوغداڭ، ۋاقتى كەلگەندە يازغۇچىلار مۇنبىرى ئاپتورلۇق ھوقۇقىڭىزنى قوغدىشىڭىزغا گۇۋاھچى بولالايدۇ!

ئادىل0998 · ۋاقتى: 2014-10-25 11:32:13


	بۇنداق ئىش (مەرھۇم شائىر ئابدۇرېھىم ئۆتكۈر ئەپەندىنىڭ بىر شېئىرىنى قانۇنسىز ئىشلىتىۋېلىش) ھەققىدىكى بىر دەۋاغا ئائىت مۇنۇ يازمىنى كۆرۈپ باقسىڭىز بەلكىم نېمە قىلىش، قانداق قىلىش كېرەكلىكىنى بىلىۋېلىشىڭىزغا ئاز-تولا پايدىسى بوپ قالسا ئەجەپ ئەمەس: http://bbs.bagdax.cn/thread-12452-1-1.html

رەيھانگۇل · ۋاقتى: 2014-10-25 12:49:36


	ھىجران يوللىغان ۋاقتى 2014-10-24 23:22 ئەسلى ناخشا تېكىستىنى ئىشلىتىشتىن بۇرۇن ئۇلار سىز بىل ... بۇ پىكىرنى قوللايمەن

sargardan · ۋاقتى: 2014-10-25 13:22:04

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

م.تۇردى · ۋاقتى: 2014-10-25 13:41:08


	مىنىڭچە سىزنىڭ تىكىستىڭىزگە مۇزىكا ئىشلەپ،ناخشا قىلىپ ئېيىتقۇچى، سۆزى كىمنىڭ؟ مۇزىكىسى كىمنىڭ ؟ناخشا ئورۇنلىغۇچى كىم؟ دىگەنلەرنى ئۇچۇق قىلىۋەتسە،ئۇچاغدا سىزنىڭ ئەنسىرىشىڭىزنىڭمۇ ھاجىتى قالمايتتى....ناخشا سەنئىتىمىزدە شائىر بىلەن مۇزىكانتنىڭ ئىسمىنى ئەسكەرتىپ قويمايدىغان ئەھۋاللار بىر قەدەر كۆپ..

sargardan sargardan توردا يوق جۇغلانما 737	ۋاقتى: 2014-10-25 13:22:04 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
sargardan sargardan توردا يوق جۇغلانما 737
	ئىنكاس ئېسىل ناچار جابدۇق پاش قىلىش

يازغۇچىلار مۇنبىرى ماڭا گۇۋاھمۇ ؟

باھا سۆز

باھا سۆز