خوتەندە شېئىرىيەت سەپىرى

    خۇتەن ۋىلايەتلىك پارتكوم، مەمۇرى مەھكىمىنىڭ ئورۇنلاشتۇرۇشى، ۋىلايەتلىك پارتكوم تەشۋىقات بۆلۈمى، ۋىلايەتلىك  مەدەنىيەت - تەنتەربىيە ئىدارىسى، ۋىلايەتلىك ئەدەبىيات- سەنئەتچىلەر   بىرلەشمىسىنىڭ  تەشكىللىشى بىلەن ئاساسىي مېلودىيەنى ياڭرىتىش  بۇيىچە ئەدەبىيات-سەنئەت ساھەسىدىكىلەرنىڭ شېئىر دىكلىماتسىيە پائالىيىتى ئۆتكۈزۈلدى. خۇتەندىكى داڭلىق شائىرلاردىن تەشكىللەنگەن بۇ دىكلىماتسىيە ئۆمىكى مۇشۇ ئاينىىڭ 16-كۈنىدىن 22-كۈنىگە قەدەر خۇتەن ۋېلايىتىدىكى يەتتە ناھىيە، بىر شەھەردە  جەمئىي 9 مەيدان دىكلىماتسىيە پائالىيىتىى ئېلىپ باردى. بۇ پائالىيەتكە ۋېلايەتلىك ئەدەبىيات سەنئەتچىلەر بىرلەشمىسىنىڭ رەئىسى دولقۇن ھۇشۇر بىرۋاستە يىتەكچىلىك قىلدى.  ئاساسى قاتلاملاردىكى كادىر،ئىشچى-خىزمەتچى، ئوقۇتقۇچى- ئوقۇغۇچى، دېھقان- چارۋىچىلاردىن جەمئي 5000گە يېقىن كىشى دىكلىماتسىيە ھەم سەنئەت نومۇرلىرىنى ئاڭلىدى ۋە كۆردى.

      پائالىيەتتە خۇتەندىكى داڭلىق شائىرلاردىن ئابدۇللا سۇلايمان، ئابدۇقادىر سادىر، مۇختەر سۈپۈرگى، ئابدۇغېنى سېيىت، ئۆمەر مەتنۇرى، ئابدۇرىشات مۇساجان، روزىمەمەت ياقۇپ، مېھرىگۈل ئابلىز،   زەيتۇنەم مەمتىمىن قاتارلىقلار  ئۆزلىرى يازغان «ئۇقۇيمەن»،«ۋەتەندىن يۈز ئۆرۈش ئۇلۇمدىن يامان»،«ئوخشىماي قالدى»،«خۇشال كۈنلەر» قاتارلىق نادىر شېئرلارنى شۇنداقلا مەرھۇم شائىر تىيىپجان ئىليۇپنىڭ «ۋەتەن ھەققىدە غەزەل» ناملىق مەشھۇر غەزىلىنى دىكلىماتسىيە قىلىپ، ئاڭلڭغۇچىلارغا مەنىۋىي ئوزۇق ۋە بەدىئي زوق بەخىش ئەتتى. بۇ شېئىرلاردا ئاساسلىقى، مەركەز، قېرىنداش ئۆلكە-شەھەرلەرنىىڭ خالىس ياردىمى بىلەن يېقىنقى يىللاردىن بۇيان خۇتەننىڭ ئىقتىسادىي تەرەققىياتىنى تېزلىتىش ۋە خەلق تۇرمۇشىنى ياخشىلاشتا قولغا كەلتۈرۈلگەن زور مۇۋەپپەقىيەت-نەتىجىلەر مەدھىيىلەنگەن؛ تۇرمۇشىمىزدا كۆرۈلگەن ۋە كۆرۈلۈۋاتقان ئىلغار مەدىنىيەتكە زىت ناچار ئادەت-تەشەببۇسلار ئۆتكۈر تىل بىلەن قاتتىق قامچىلانغان؛ ئنسانلار ئوتتۇرىسىدىكى مېھرى-مۇھەببەت، دوستلۇققا مەدھىيە ئوقۇلغان. بۇ ئارقىلىق كىشىلەرنى رەزىللىككە قارشى كۈرەش قىلىپ تېنىچلىقنى قوغداشقا؛ كىشىلىك ھايات مۇساپىسىدە ھەققانى-ئادىل، سەمىمى، مېھرىبان بولۇپ، ئىناقلىق- دوستلۇقنى قەدىرلەشكە ئىلھاملاندۇرۇلغان.بولۇپمۇ مائارىپقا، پەرزەنتلەرنى تەربىيىلەشكە ئەھمىيەت بېرىشنىڭ ۋەتەن، مىللەتنىڭ كەلگۈسى تەقدىرىگە مۇناسىۋەتلىك مۇقەددەس مەسئۇلىيەت-مەجبۇرىيەت ئىكەنلىكى كۆرسۈتۈلۈپ، ئاتا-ئانىلار، پۈتكۈل جەمئىيەت ياش-ئۆسمۈرلەرنى تەربىيىلەشكە يۈكسەك ئەھمىيەت بېرىشكە چاقىرىلغان. بۇ قېتىم شىئېر دېكلىماتسىيە قىلىش جەريانىدىكى قىزغىن ئالقىشلاردىن خەلقىمىزنىڭ شىئېرىنى ياقتۇرىدىغانلىقى، شائىلارنى چوڭ بىلىدىغانلىقى يارقىن ئىپادىلەندى.

     بۇقېتىمقى پائالىيەتتە يەنە ناھىيە-شەھەرلىك سەنئەت ئۆمەكلىرى ئۆزلىرى كۆڭۈل قويۇپ تەييارلىغان ئېسىل سەنئەت نومۇرلىرىنى يۇقۇرى ماھارەت بىلەن ئورۇنداپ، پائالىيەتنى ئەۋجىگە كۆتۈردى.

    پائالىيەت سۈرەتلىرى

شېئىرىيەت سەپەرى باشلىنىش مۇراسىمى

خوتەن ۋىلايەتلىك ئەدەبىيات-سەنئەتچىلەر بىرلەشمىسىنىڭ رەئىسى دولقۇن ھوشۇر پائالىيەتنى تەشكىللىمەكتە

سەپەرداشلار

دېھقان-چارۋىچىلار شېئىر دىكلىماتسىيەسنى زوق بىلەن تىڭشىماقتا

كىشىلەر شائىرلارنى قارشى ئېلىۋاتىدۇ

شائىر ئابدۇللا سۇلايمان شېئىر ئوقۇماقتا

شائىر مۇختار سۈپۈرگە شېئىر ئوقۇماقتا

شائىر ئابدۇقادىر سادىر شېئىر ئوقۇماقتا

شائىر ئۆمەر مەتنۇرى قۇتيار شېئىر ئوقۇماقتا

شائىر ئابدۇغېنى سىيىت شېئىر ئوقۇماقتا

شائىر ئابدۇرىشات مۇساجان شېئىر ئوقۇماقتا

شائىر رۇزىمۇھەممەت ياقۇپ شېئىر ئوقۇماقتا

شائىرە مېھرىگۇل ئابلىز نەزەر شېئىر ئوقۇماقتا

شائىرە زەيتۇنەم مەمىتمىن شېئىر ئوقۇماقتا

شائىرلار زىيارەتتە

شېئىر ساداسىغا لەرزان ناخشا-ئۇسۇللار ماسلاشتى

بۇ يازمىنى ئاخىرىدا   bagyar تەھرىرلىگەن. ۋاقتى  2014-9-30 11:55  

چىرىغا كەلگەندە خەۋەرمۇ بىرىپ قويماپسىزغۇ، ئاكىجان؟

تونۇش سىمالارنى كۆرۈپ،كۆڭلۈم سۆيۈندى.
كۆرگەن، بىلگەن،تونۇش بىلىشلەرنىڭ تېنى ساغلام-سالامەت تۇرۇپتۇ.
پائالىيەتكە قاتناشقان بارلىق ئەدىب-ئەدىبەلەرنىڭ تېنىنىڭ تېخىمۇ سالامەت،تۇرمۇشىنىڭ خاتىرجەم،ئىشلىرىنىڭ ئۇتۇقلۇق بولۇشىنى تىلەيمەن.

يېزىلارغا چۈشۈپ، يېزىلاردا ئېلىپ بېرىلمايدىكەندە بۇ پائالىيەت. ياخشى ئىشلار بۇلىۋاتىدۇ. ئىشلىرىڭلار خەيرىلىك بولغاي.

ئەھمىيەتلىك پائالىيەتلەرگە نۇسرەت تىلەيمەن !
ھەم يەنە مۇشۇنداق كاتتا خەۋەرنى ،بىز بىلەن يۈز كۆرۈشتۈرگەن بەگيار ئاكامغىمۇ رەخمەت ! ئامان بولۇڭ ئاكا !

بەك ياخشى پائالىيەت بوپتۇ. ئۇستازلىرىمنى يەنى ئابدۇللا سۇلايمان، مۇختەر سۈپۈرگىنى كۆرۈپ 1987-يىلدىن 1990- يىلغىچە بولغان خوتەندىكى تۇرمۇشۇم ئېسىمگە كەلدى. ئۇلارنىڭ تېنى ساق تۇرغاي!
شېئىر ئۇقۇش سەپىرى ـــ بۇ بەك قىزىق ئاتالما بوپتۇ. بىر ھازا كۈلدۈم.
مېھرىگۇل، زەيتۇنەملەرمۇ ئامان - ئېسەن تۇرغاي!

              شېئىرىيەتنى ئەلگە يەتكۈزۈش ئۈچۈن سەپەرگە چىققان كارۋانلارغا مۇبارەك بولسۇن!

بەك ئەھمىيەتلىك پائالىيەت بولۇپتۇ.

ئەھمىيەتلىك پائالىيەتلەر ئۈزۈلمىگەي!

بۇ پائالىيەتنىڭ تەسىرى بەك ياخشى بولدى!

مەيلى قانداقلا بولمىسۇن ئۈرۈمچى، قەشقەر، خوتەنلەردە ئۆتكۈزۈلگەن شائىرلار يېغىلىشلىرىدىن بىز نورغۇنلىغان شائىرلارنى تونىۋالدۇق. بۇ پائالىيەتنىڭ باشقا ۋىلايەتلەرگىمۇ كېڭىيىشىنى، ئامال بار ئەدەبىياتنىڭ ئەدەبىياتلىغىنى ساقلىشىنى، خەلقنى شېئىردىنمۇ، شائىردىنمۇ زىرىكىدىغان ھالغا كەلتۈرۈپ قويماسلىغىنى، ئاۋامغا ھەقىقى شائىر ۋە شېئىرىيەت تۇيغۇلىرىنى بىرىش ئارقىلىق شېئرىيەتكە چۈشكەن داغلارنى ئازتولا تەمىزلىشىنى ئارزۇ قىلىمەن.
مەن بۇ تېمىدا مۇنداق ئۈچ نۇقتىدىن ئويلىنىپ قالدىم:
1. «ئاساسىي مېلودىيەنى ياڭرىتىش»دېگەن مۇقامنى «شېئىر دېكىلىماتسىيەسى»نىڭ بېشىغا قويىۋىلىش ئانچە ئىلمىي ۋە شېئىرىيەتكە يېقىشلىق ئىش ئەمەس. مېنىڭچە يەنە باشقىچە سۆز ئاتالغۇلارنىڭ ئىشلەتكەندە تېما .ئوقۇرمەنلەرگە تېخىمۇ چىن ۋە ھەقىقى تۇيغۇ بېرىشى مۆمكىن ئىدى.
2. بەگيار ئەپەندىنىڭ شۈنچە مۇھىم تېمىنى ۋاقتىدا ھوزۇرىمىزغا سۇنغىنى ناھايتى ئۇلۇغ ئىش. بۇنىڭغا چېن كۆڭلۈمدىن رەھمەت ئىيتىش بىلەن بىرگە ئەركەك، چىشى جىنىسنى بىلدۇرىدىغان «شائىر» ۋە «شائىرە»كەبى  ئاتالغۇلىرىنى ئىرىنمەي، پەرىقلىق رەۋىشتە ئىشلىتىش قويىشىنى تەۋسىيە قىلىمەن. شۇنداق قىلغاندا شېئىرىيەتنىڭ يىگانە ئىپادىلەش ۋاستىسى بولغان تىل تېخىمۇ جانلىق ۋە پاساھەتلىك چىقىشى مۆمكىن.
3. بۇ تېمىدا خوتەن دىيارىدىكى ئەزىزلەرنى كۆرۈپ تولىمۇ خۇرسەن بولدۇم. تېمىنىڭ داۋامىدا بەگيار ئەپەندىنىڭ پائالىيەتتە ئوقۇلغان نەمۇنىلىك ئەسەرلەردىن، ۋە ئەسەرلەر ھەققىدىكى باشقا مۇلاھىزىلەردىن بىزنى خەۋەرلەندۈرۈپ تۇرىدۇ دېگەن ئۆمىد ۋە ئارزۇدا مەن.

قۇتلۇق پائالىيەت ۋە موشۇ پائالىيەتنى روياپقا چىقىرىش ئۈچۈن كۈچ چىقارغان بارلىق ئەدەبىيات سەنئەت ھامىيلىرى، قەلەمكەش-ئەدىبلەر، ئارقا سەپ ياردەمچىلىرىگە رەھمەتلەر بولسۇن.

قۇتلۇق پائالىيەت ۋە موشۇ پائالىيەتنى روياپقا چىقىرىش ئۈچۈن كۈچ چىقارغان بارلىق ئەدەبىيات سەنئەتچىلەرگە تەشەككۇر.

بۇ پائالىيەت چىرا ناھىيەسىدە 9- ئاينىڭ 18- كۈنى ئۆتكۈزۈلدى.
ھوزۇرۇڭلارغا پائالىيەت سۈرەتلىرىنى يوللاپ قويدۇم

سۈرەتلەرنى ياخشى تارتالماي قالدىم. ئەپۇ قىلارسىلەر؟

ئەدەبىياتىمىزنى سۆيۈملۈك خەلقىمىزگە يۈزلەنگۈرۈش سەپىرىدىكى بارلىق ئۇتۇقلار كىشى دىلىنى خۇش قىلىدۇ. بۇ پالىيەتنى تەشكىللەشگە ئەجىر سىڭدۈرگەن بارلىق ئەزىزلەرگە ئالى ئېھتىرام. شائىر، شائىرەلىرىمىزگە سالامەتلىك ۋە شادىمانلىق يار بولسۇن.