ئىبراھىم نىياز: قېرىماڭلار ، چىرايلىق قىزلار

قېرىماڭلار  ،  چىرايلىق  قىزلار

ئىبراھىم  نىياز


ئۆكۈنمەڭلار  يەنە   كەتتى   دەپ  ،
كېلىپ -  كېتىپ  تۇرىدۇ  يىللار  ،
قېرىتىڭلار  يىللارنى  ئەمما ،
قېرىماڭلار  چىرايلىق   قىزلار .

ھايات  دىگەن  ئۇزۇن   مۇساپە ،
جان  تىلەيدۇ ئىگىز – پەس  يوللار .
باھاسى  يوق  ياشلىق دىگەننىڭ ،
قېرىماڭلار  ،  چىرايلىق   قىزلار .

گۈل  تەڭلەيدۇ سىلەرگە  ئالەم  ،
ھاياتلاردىن     قالىدۇ  ئىزلار .
يالغۇزلۇقنى  خالىماس  كۆڭۈل ،
قېرىماڭلار  ،  چىرايلىق   قىزلار .

بەلكىم ھەممە  قېرىپ  كېتىدۇ ،
قېرىپ  كىتەر  ھەتتا  يۇلتۇزلار  .
قېرىسىمۇ جاھاندا  ھەممە ،
قېرىماڭلار  ،  چىرايلىق قىزلار .

گۈلدەك ئۆتسۇن  ھاياتنىڭ  كۈنى ،
كۈلۈپ باقسۇن  ھەركۈنى تاڭلار .
بارچە جاپا  بىز  بىلەن كەتسۇن ،
قېرىماڭلار  ،  چىرايلىق قىزلار .

ئاي قېرىسۇن ، قۇياش  قېرىسۇن ،
سىلەر بىلەن   ياشارسۇن  جانلار .
ساقال  بېسىپ  كەتسىمۇ   بىزنى   ،
قېرىماڭلار  ،  چىرايلىق   قىزلار .

گۈللەر  پۇراپ  تۇرمىسا  بىزگە ،
قاغجىرايدۇ  سىلەرسىز   باغلار  .
بىز  بوۋايغا ئايلانساق   مەيلى ،
قېرىماڭلار  ،  چىرايلىق قىزلار .

بۇ يازمىنى ئاخىرىدا   Erchin تەھرىرلىگەن. ۋاقتى  2014-8-21 17:36  

راس دەيسىز ،ئۇلار قېرىپ كەتسە قانداق قىلاتتۇق...تايىنلىق بىز قايتىشقا چۈشكەندە نىمە بولسۇن بولسۇنلا.

ياخشى بىر ناخشا تېكىست بولغىدەك بۇ شېئىرىڭ ئاداش ... بۇ قىزلارنى قەدىرلەيلى ، ئاسرايلى ... ئىلاھىم ! ئۇلارنىڭ گۈزەل ئەھلاقلىق بولۇشى بىزنىڭ بەختىمىز . ئامان بولغىن ئاغىنە ...

ماقۇل قېرىمايلى

ئادەمنىڭ يېشى قىرىسىمۇ بېشى قىرىمىسا،جىسمى قىرىسىمۇ كۆڭلى قىرىمىسا، پۇت-قولى قىرىسىمۇ  ئىرادىسى قىرىمىسا  ياشلىق دېگەن شۇ ئەمەسمۇ. بۇ يازمىنى ئاخىرىدا   ئىزدەن تەھرىرلىگەن. ۋاقتى  2014-8-21 18:47  

بولىدۇ ! بولىدۇ ! سىلەر ئەرلەر ئۈچۈن  بولسىمۇ  جۇشقۇن ياشاپ گۈلدەك چىرايلىق ،ياش تۇرايلى ، گۈزەل تىلەكلەر ئىشقا ئاشقۇسى !

نېمانچە تاتلىق شېئىردۇ بۇ. شېئىرنى ئوقۇغانچە ياشىرىپ كېتىۋاتقاندەك ھېس قىلىۋاتىمەن.

ھارماڭ ئەپەندى. ئىشلىرىڭىز خەيرلىك بولسۇن.

         شېئىرنىڭ مۇۋەپەقىيىتى بىلەن سىزنى قۇتلۇقلايمەن. مۇبارەك بولسۇن!

بىز بوۋايغا ئايلانساق مەيلى،
قېرىماڭلار چىرايلىق قىزلار....

بەرىكەتلىك بولۇڭ، ئىبراھىمكا!...

سالام ئىبراھىم ئاكا، بۇ شېئىرنى ئوقۇپ نەچچە ياش كەينىمگە قايتقاندەك بولدۇم. تاتلىق شېئىرلىرىڭىزدىن داۋاملىق ھوزۇرلاندۇرغايسىز.

مانا ئون ياش ياشىرىپ قالدىم...رەھمەت سىزگە!!!

مانا ئون ياش ياشىرىپ قالدىم...رەھمەت سىزگە!!!

مانا، تاتلىق تىلىكىڭىزنىڭ بەرىكىتىدىن مۇنبەردىكى ھەممە قىزلار قېرىماي تۇرۇپ تۇرىدىغان بوپتۇ. بۇ يازمىنى ئاخىرىدا   ئە.خ.ئەرتېكىن تەھرىرلىگەن. ۋاقتى  2014-8-21 21:23  

ئاۋال ئۇلارنىڭ قېرىماسلىقىنى ئەمەس، گۈزەل ئەخلاقلىق، پەزىلەتلىك، ئىمانلىق، ھايالىق بولىشىنى تىلىسەك ياخشىتى، ئۇ ۋاقىتتا قېرىسىمۇ چىرايلىق قېرىيتتى.
بۇ يازمىنى ئاخىرىدا   ablipiz idiris تەھرىرلىگەن. ۋاقتى  2014-8-23 15:46  

شائىر، ئەدەبىي تەرجىمان ئىبراھىم نىياز ئاغىينەم قاراماينىڭ گۈزەل قىزلىرىنى كۆرۈپ ياشلىق چاغلىرىنى ئەسلەپ،ئىجادىيەت ئىشقىدا سەل قېرىلىق يەتكىنىگە پۇشايمان قىلىپ، ئاشۇ بىرتۈركۈمشاھلا كۆز  تالىمەجنۇن چىرايلىق پەرىشتىلەرنى كۆرۈپ، ھاياجىنىنى باسالماي، ئەي! گۈزەل قىزلار  مەڭگۈ قېرىماڭلار !دەپ نىدا قىپتۇ-دە،  ئاغىينەم . ئوبدان يېزىلغان لىرىكا ئىكەن، ئۆزلىرىمۇ قېرىمىغايلا، ياشىغايلا تۈمەن مىڭ يىل!.