زۇلتاپ: 16-ئاۋغۇست قەشقەر ۋاقتى سائەت 11

ZULTAP · ۋاقتى: 2014-8-17 22:15:03


	16-ئاۋغۇست قەشقەر ۋاقتى سائەت 11 مېنى ئۆلسۇن دېدىڭمۇ؟ قەلبىڭدىكى چەت بىر زاراتگاھلىققا كۆمسۇن دېدىڭمۇ؟ فوسفور يالقۇنىدا كۆيسۇن دېدىڭمۇ؟ ئۆلگەن ئادەمنى ئۆلمىگەن ئادەم سۆيسۇن دېدىڭمۇ؟ نېمە ئويلىغانسەن؟ تاش يۈرىكىڭ يېرىلماس، خورلۇق تارتماس ساڭا ئەمدى ئالەم يۇرۇق، قۇياش پاتماس ماڭا تاڭ ئاتماس، پەقەت تاڭ ئاتماس...! نېمە ئويلىغانسەن؟ سۆيگۈنىڭنى ئازاپلاپ تويمىغان-سەن! بەدىنىگە بېنزىن چېچىپ ئوت قويمىغان-سەن! كۆيمەس ئوتنىڭ قۇچىقىدا ئوينىغان-سەن! ئويناپ بۇلۇپ يەنە مېنى ئويلىغان-سەن! ئېيىت!مەيلى نېمە بولسۇن، ئېيىت! يېنىڭدا دىۋىدەك ياتقان ئەشۇ ئادەمگە ئېيىت! بىرسى ماڭا ئاتاپ شېئىر يازىدۇ-دەپ ئېيىت، بۈگۈن ئاخشاملا، ئېيىت... مەن مەسخىرلىك ئازابتا قالدىم بېشىمنى كۆتۈرەلمەسمەن نۇمۇس ئىچىدە يەنە ساڭا شېئىر يېزىۋاتىمەن مېنى نۇمۇس قىلمايدىغان ئادەم بولسۇن دېدىڭمۇ؟ ئايرىلغانغا گەدەنگىچە تويسۇن دېدىڭمۇ؟ ئۆلگەن ئادەمنى ئۆلمىگەن ئادەم سۆيسۇن دېدىڭمۇ؟ ئېيىتساڭچۇ؟....

تام · ۋاقتى: 2014-8-18 00:22:43


	سۆيگۈ زۇلتاپنى ئۆلتۈردى.....!

-مېھرى · ۋاقتى: 2014-8-18 01:00:27


	خەت شەكلى ماڭا نورمال كۆرۈنمىدى.

بەربەرى · ۋاقتى: 2014-8-18 09:52:46


	شېئىرىڭنىڭ گۈزەللىكىدە مەسىلە يوق، ئەمما ئەقىدىگە تاقىلىدىغان سۆزلەردە دېققەت قىل زۇلتاپ. بارلىق ئىنسانلار ئۆلۈمنىڭ تەمىنى تېتىغۇچىدۇر

ARMAN · ۋاقتى: 2014-8-18 10:34:10


	تام يوللىغان ۋاقتى 2014-8-18 00:22 سۆيگۈ زۇلتاپنى ئۆلتۈردى.....! شېئىرنى ياقتۇردۇم،بىراق بۇ مىسرالارغا قاراپ بۇنى نۇرمال سۆيگۈ دەپ ئويلومىدىم. ئېيىت!مەيلى نېمە بولسۇن، ئېيىت! يېنىڭدا دىۋىدەك ياتقان ئەشۇ ئادەمگە ئېيىت!

داڭگال · ۋاقتى: 2014-8-18 12:32:08


	سۆيۈلەلمىگەنلەر قەلبىدىلا سۆيگۈ ۋولقانلاپ تۇرىدۇ.

غەمكۈز · ۋاقتى: 2014-8-18 21:12:33


	نىماندا گۈزەل غالجىرانە مىسرالار بۇ .....پەچەتكەن

ئا.ئابدۇرېھىم · ۋاقتى: 2014-8-20 13:31:15


	بۇ شېئىرنى ئوقۇغانسېرى يەنە ئوقۇغۇم كېلىۋاتىدۇ.بىر خىل پەيزى…

ئىلى · ۋاقتى: 2014-8-20 14:08:47


	مۇبارەك بولسۇن زۇلتاپ ئەپەندى!