ئەلقۇت(ت): لېف تولىستوي ــ توي مۇراسىمىغا نەچچە ئادەم قاتناشتى؟

بىر ئائىلە توي مۇراسىمى ئۆتكۈزۈپتۇ.نۇرغۇن ئورۇق –تۇغقان، دوست بۇرادەرلىرى كىلىپ تەبرىكلىشىپتۇ.قوشنا ئۆي خوجايىنى خىزمەتكارىنى چاقىرىپ<< سەن چىقىپ قوشنا ئائىلىدىكى تويغا قانچىلىك ئادەم كەلگەنلىكىنى ئۇقۇپ باق >> دەپتۇ.
خىزمەتكار بىر پارچە قېرى ئىلىۋىتىلمىگەن كۆتەكنى تېپىپ كىلىپ قوشنا ئائىلىنىڭ ئىشىك ئالدىغا قويۇپ قويۇپ،ئۆزى پەشتاقتا ئولتورۇپ سەۋرچانلىق بىلەن توي زىياپىتىدىن چىقىۋاتقانلارغا قاراپ ئولتورۇپتۇ.تەبرىكلەشكە كەلگەنلەر كەينى-كەينىدىن قايتىشىپتۇ.ئۆيدىن چىققانلىكى كىشىنىڭ ھەممىسى ھىلىقى كۆتەككە پۇتلىشىپ كىتىپتۇ.پۇتلاشقان ئادەملەر ھەممىسى سەت گەپلەر بىلەن تىللاپ قويۇپ ئۆز يولىغا كېتىۋىرىپتۇ.پەقەت ياشانغان بىر ئاياللا چىقىپ كېتىۋىتىپ كۆتەككە پۇتلاشقاندىن كىيىن ئورنىدىن تۇرۇپلا ئۇ كۆتەكنى ئىلىپ بىر چەتكە تاشلىۋىتىپتۇ.
خىزمەتكار ئۆيگە قايتىپ خوجايىن بىلەن كۆرۈشۈپتۇ. خوجايىن ئۇنىڭدىن << قوشنا ئۆيگە تويغا كەلگەن ئادەم خىلى كۆپمۇ>> دەپ سوراپتۇ.
<< پەقەت بىر ياشانغان مومايلا كەپتۇ>> دىدى خىزمەتكار.
<< بۇ نېمە دېگىنىڭ؟>>
<< بۇ مۇنداق ئىش ،مەن بىر دانە كۆتەكنى قوشنا ئۆينىڭ دەرۋازىسى ئالدىدا قويوپ قويغان،باشقىلارنىڭ ھەممىسى كۆتەككە پۇتلىشىپ كەتسىمۇ ،ئۇنىڭغا دارىتمىلاپ تىللاپ قويۇپلا،كۆتەك بىلەن كارى بولماي كېتىۋەردى،پەقەت ھىلىقى ياشانغان ئاياللا ئۇ كۆتەككە يەنە باشقىلارنىڭمۇ پۇتلىشىپ كەتمەسلىكى ئۈچۈن ئۇنى باشقا ياققا ئىلىۋەتتى.پەقەت ئادەملا شۇنداق قىلىدۇ،شۇڭا مەن شۇ بىر ئادەمنىلا < ئادەم > دەپ ئاتىلىشقا لايىق كىلىدىكەن دەپ قارىدىم >> دەپتۇ.

بۇ ئەسەر ‹‹خىللانغان فىليەتۇنلار ›› (经典杂文)  ژۇرنىلىنڭ 2013-يىللىق 9- سانىدىن تەرجىمە قىلىندى.
بۇ يازمىنى ئاخىرىدا   Erchin تەھرىرلىگەن. ۋاقتى  2014-8-17 15:21  

«ئادەم»نىڭ بىر شەرھىسى.

مۇبارەك بولسۇن ساۋاقدىشىم！

ماھىيىتى ئوخشىشىپ كېتىدىغان، مەزمۇنى، ھەجىمى ئوخشىمايدىغان بۇ تۈردىكى ھېكايىلەرھەربىر ئەلنىڭ يازغۇچىلىرىنىڭ قەلىمىدە ئوخشىمىغان ھالەتتە يورۇتۇپ بېرىلگەن. بۇنداق قىسقا ھېكايىلەرنىڭ ئوقۇشچانلىقى كۆپ، مەن مۇشۇنداق ھېكايىلەرگە ئامراق. يوللىغۇچىنىڭ ئەجرىگە رەھمەت .

  مۇشۇ فىليەتوندىكى سەلبىي پېرسوناژغا ئوخشاپ كېتىدىغان ئادەملەر ئۇيغۇرجەمئىيىتىدىمۇ كۆپىيىپ كېتىۋاتىدۇ، شۇڭا پۇزۇر كىيىنىپ يۈرگەنلەرنىڭلا ھەممىسى ئادەم بولۇشى ناتايىن! ياخشى فېليياتون ئىكەن، ئەجرىڭىزگە رەخمەت.