مەخەت ئابدۇرېھىم: ئاز ۋە تولا (ھەجۋىي)

                                              ئاز ۋە تولا
                                 
                                             (شىئېرى چاقچاق)

                                              مەخەت ئابدۇرېھىم




                        بوستانلىقتا بۇلبۇل ئاز،پاختەك بىلەن غاز تولا،
                      ئېتىزلىقتا قوناق ئاز، پاختا بىلەن ماز تولا.


                    ئورمانلىقتا يولۋاس ئاز،مايمۇن بىلەن ئات تولا،
                      ئىتوتلاردا ناخشا ئاز، چاقچاق بىلەن دات تولا.


                       كاۋاپچىدا بۆرەك ئاز، جىگەر بىلەن ئۆت تولا،
                       كەسپى تېخنىك خادىم ئاز،ئەقلى ئاجىز دۆت تولا.


                          باشلىرىدا تۇماق ئاز،چاچلىرىدا ئاق تولا،
                          رەقەملەردە جۇپ سان ئاز،ساناپ كۆرسەك تاق تولا.


                          ئۆي ئالمىغان ئادەم ئاز،يەنە ئالسا جاي تولا.
                           قەرز ئالمىغان ئادەم ئاز،كەمبىغەلدىن باي تولا.


                            ئارقا ئىشىكتە ساقچى ئاز،تەتۈر ماڭسا يول تولا،
                             بەرگىن دىسە قۇلاق ئاز،ئالغىن دىسە قول تولا.


                             باغۋەنلەردە شاپتۇل ئاز،باققاللاردا قاق تولا،
                               يالغانچىدا ماقۇل ئاز،ئالدامچىدا ياق تولا.


                               رېستۇراندا تاماق ئاز،پۇشۇرمىغان سەي تولا،
                                قوشۇق بىلەن تاۋاق ئاز،پىيالىدا مەي تولا.


                                ناۋايلاردا سامسا ئاز،يوغان ياپقان نان تولا،
                                دېھقانلاردا كىسەل ئاز،تومۇرلاردا قان تولا.


                              دىگەن گىپىم بەكمۇ ئاز،دىسەم يەنە گەپ تولا،
                                دىگەنلەرنىڭ گەپنى ئاز،يۈرۈكىدە دەت تولا.


بۇ يازمىنى ئاخىرىدا   Erchin تەھرىرلىگەن. ۋاقتى  2014-8-10 01:23  

         مۇبارەك بولسۇن! ئۆزلىرىگە قۇت-ئامەت ۋە ئېسەنلىك يار بولغاي!

قاملىشىپتۇ جۇمۇ ، مەخەتجان مۇئەللىمنىڭ ئۆزگىچە،رەڭدار تىمللىىرى  ئادەمنى قىزىقتۇرماي قالمايدۇ .   

ئەسسالامۇئەلەيكۇم،ھۆرمەتلىك ئابدۇرېھىم زۇنۇن ئۇكام،خوتەنگە تىچ-ئامان بارنلىرىدىن خاتىرجەم بولدۇم.
ئەسىرىمگە تۇنجى بولوپ ئىنكاس يازغانلىرىغا رەھمەت.

  ئارىمىزدا ئۆزلىرىدەك ياىشى ئاز،كۆپ سۆزلەيدىغان باخشى تولا.
  سورونلاردا لاياقەتلىك  سازچى ئاز،باش ئايىغى يوق ناخشى تولا.

بەك ياخشى يېزىپسىزغۇ، مەخەت مۇئەللىم.

مۇئەللىم，ماۋۇ يازمىلىرى بەك ياخشى چىقىپتۇ！قەلەملىرى تالمىسۇن！…

خويمۇ ئىسىل لىرىكا،
خىيالىمغا سىرداشتى.
ئايمۇ ئاڭابىرىپ مېھرىنى،
تۈندە قىنىپ مۇڭداشتى...

ئاپىرىن..ئاپىرىن....!

خويمۇ ئىسىل لىرىكا،
خىيالىمغا سىرداشتى.
ئايمۇ ئاڭابىرىپ مېھرىنى،
تۈندە قىنىپ مۇڭداشتى...

ئاپىرىن..ئاپىرىن....!

تۇلىمۇ ياخشى يېزىپسىز مۇئەللىم..
ئەتراپمىزدىكى «ئاز» ۋە «تۇلا» نى ئىخچام، چۈشىنشلىك تىللار بىلەن تۇلىمۇ ياخشى ئىپادىلەپ بېرىپسىز.. قەلەملىرىڭىز ھارمىغاي..
سىزگە سالامەتلىك ۋە ئۇتۇقلار يار بولغاي..

كەمبىغەلگە رىزىق ئاز،بايۋەتچىگە نەپ تولا،

شېر ئوقۇشقا ئادەم ئاز،مەخەتجاندا گەپ تولا.

مۇبارەك بولسۇن،قۇرداش.ياخشى چىقىپتۇ.