بەگزات: سەن

بەگزات · ۋاقتى: 2014-8-1 18:44:10


	سەن ئابدۇسالام مۇھەممەد بەگزات سەن ساراڭ قوللىرىڭنى كۆزلىرىمگە تىقىۋەت قوچۇپ – قوچۇپ قارچۇقلىرىمنى ئېزىۋەت سېغىنىشلىرىمدىن يىپ ئېشىپ كۆزلىرىمنى ئېچىلماسقا تېكىۋەت پەقەت ھېسلىرىمدا جامالىڭنى كۆرەي سەن زەھەرلىك يىلان لىۋىڭ بىلەن زەھەرلىرىڭنى ۋۇجۇدۇمغا تۆكۈۋەت لېكىن تەشنالىقىمنى ئامان قوي ئەجەلنىڭ باغرىدا يېتىپ مۇھەببەت جامىدىن مەي سۈمۈرەي سەن قارلىغاچ پاشىنىڭ تىلىنى ئۈزگەندەك چىشلەپ - چىشلەپ تىللىرىمنى ئۈزىۋەت دىلىم بىلەن ئىسمىڭنى زىكرى قىلىپ دوزاخقا چۈشەي كۆيۈپ – كۆيۈپ گۇناھلىرىمدىن پاك بولغىنىمدا ھۆرلەر بىلەن سېنى بىرگە ئېلىپ يۈرەي سەن يالماۋۇز ئاشىقلارغا ئىبرەت قىلىپ شېرىن ئەسلىمىلەرگە ئېسىۋەت چۈشلىرىمدىن زىخ ياساپ تاپانلىرىمنى تىشىپ قانلىرىمنى شورىۋەت تومۇرلىرىڭدا ئېقىپ يۈرۈپ ۋىسالنىڭ پەيزىنى سۈرەي بۇ يازمىنى ئاخىرىدا بەگزات تەھرىرلىگەن. ۋاقتى 2014-8-1 18:44

تەمكىن · ۋاقتى: 2014-8-1 22:20:50


	مۇئاپىقىيەتلىك ھەم بەكمۇ ئېسىل چىقىپتۇ بۇ شېئىر

يۈسۈفىي · ۋاقتى: 2014-8-1 22:58:47


	سىزنىڭ چاچما شېئىر يازغىنىڭىزنى ئەمدى كۆردۈم، خېلىلا ئوبرازلىق ھەم ياخشى چىققان ھەسرەتنامە بوپتۇ. تەكلىپىم، 2-مىسىراسىدىكى ” قوللىرىڭنى“ دېگەن سۆزنى توغرا چىققاندەك ھىس قىلمىدىم، “”بارمىقىڭنى“ دېسەك بولارمىكىن. قولنى ئەمەس، قول بارمىقىنى كۆزگە تىققان ھالەتتە يازغان سەل ئەمەلىي بولارمىكىن.

ensak · ۋاقتى: 2014-8-1 23:11:48

دەرت · ۋاقتى: 2014-8-2 11:03:36


	شېئىرىڭىزنى كۆرۈپلا مەمەت ئۆمەرنى ئەسلەپ قالدىم.قارىغاندا مەمەت ئۆمەرنىڭ تەسىرىگە ئۇچرىغاندەك قىلىسىز. بۇنداق شېئىرلارنىڭ ۋاقتى ئۆتكەندەك بىراق بۇ شېئرىڭىز ياخشى چىقىپتۇ رەھمەت

ئاتامان · ۋاقتى: 2014-8-2 13:45:40


	يۈسۈفىي يوللىغان ۋاقتى 2014-08-01 22:58:47 سىزنىڭ چاچما شېئىر يازغىنىڭىزنى ئەمدى كۆردۈم، خېلىلا سىزنىڭچە شېئىر ئەمەلىي بولۇشى كېرەكمۇ ؟

ئاتامان · ۋاقتى: 2014-8-2 13:48:48


	دەرت يوللىغان ۋاقتى 2014-08-02 11:03:36 شېئىرىڭىزنى كۆرۈپلا مەمەت ئۆمەرنى ئەسلەپ قالدىم.قارىغ بۇ شېئىرنى ياخشىراق ئوقۇپ بېقىڭ. ئەمەلىيەتتە بۇ شېئىر مەمەت ئۆمەرنىڭكىگە ئازراقمۇ ئوخشىمايدۇ. بۇ شېئىردا ئۇنىڭ تەسىىرى بار دېيىش جۆيلۈشتىن باشقا نەرسە ئەمەس！

بەربەرى · ۋاقتى: 2014-8-2 16:26:52


	مۇشۇ شېئىردىكى تۇيغۇنى ھېس قىلالمىسىلامەمەت ئۆمەرگە دۆڭگەپ باقىدىغان جانباقتىلارنىزە

تۆرىبەگ قىزى · ۋاقتى: 2014-8-2 19:53:34


	مەن بىر جۆيلۈپ باقاي ئەمدى ؛ چىن تۆمۈر باتۇر ئۆيدە بارمۇ ؟ مىسران قىلىچى يېىندا بارمۇ ؟ .... ... - چىن تۆمۈر باتۇرئۇخلاپ ياتۇر، مىسران قېلىچنى نانغا ساتۇر. جېنىم يالماۋۇز كىرگىن تىزراق، ساقلىدىم ساڭا قاندىن بىر تاۋاق . بولما ئاۋارە تاپىنىمنى تىشىپ ، تومۇرۇمدا تۇنۇش يول بارغۇ؟!

ئۈمىدجان قادىرى · ۋاقتى: 2014-8-2 22:42:16


	ۋىسال ئۈچۈن ھەممىگە چىداشلىق بېرەلەيدىغان روھقا تىۋىنىمەن!

يۈسۈفىي · ۋاقتى: 2014-8-2 23:32:51


	ئاتامان يوللىغان ۋاقتى 2014-8-2 13:45 سىزنىڭچە شېئىر ئەمەلىي بولۇشى كېرەكمۇ ؟ كۆزگە قولنى تىققاندىن بارماقنى تىققان سەل ئەمەلىيەتكە ئۇيغۇنراق كېلىدىغان ئىش، ئادەتتە بىز بەزى گەپلەرنى توغرا ئويلىساقمۇ، بىراق خاتا ئىپادىلەيمىز، مەسىلەن كۆزۈڭگە قاراپ ماڭ دېگەندەك… مەن شۇنى دېمەكچى ئىدىم. ئىپادىلەش جەھەتتىكى ئەمەلىيەتچانلىقنى كۆزدە تۇتتۇم

تام · ۋاقتى: 2014-8-4 00:25:09