ھەسەنجان تىلۋالدى: دەردلىرىڭگە دەرمان بوپ ئۆتەي (ناخشا تېكىستى)

ھەسەنجان دانىش · ۋاقتى: 2014-7-27 10:11:06


	دەردلىرىڭگە دەرمان بوپ ئۆتەي (ناخشا تېكىستى) ھەسەنجان تىلۋالدى يالغۇز قالساڭ چۆللەردە گۈلۈم ، كۆزئالدىڭدىن كارۋان بوپ ئۆتەي. غەملىرىڭگە غەمخانە بولۇپ، غەش كۆڭلۈڭدىن ئارمان بوپ ئۆتەي. ئايسىز كىچە غەم قىلما ھەرگىز، تۈن قويندا گۈلخان بوپ ئۆتەي. يوللىرىڭنى ئايدەك يورۇتۇپ، تاڭدا يۇلتۇز چولپان بوپ ئۆتەي. توسىمىسۇن ئالدىڭنى توساق ، جۇپ قولۇڭدا بازغان بوپ ئۆتەي. پەرۋاسىزمەن ياتلار سۆزىگە، يات كۆزىدە ئازغان بوپ ئۆتەي. مەيلى دەيمەن قالسام جاپاغا ، ساڭا كىرەك بىرجان بوپ ئۆتەي. سىنىڭ ئۈچۈن رازى ھەممگە، ئېغىر كۈندە پايخان بوپ ئۆتەي. بارچە شاتلىق بولسۇن سىنىڭكى، مەنلا غەمدە قالغان بوپ ئۆتەي. زەرىچە دەرتكە قويغۇم يوق سىنى، دەتلىرىڭگە دەرمان بوپ ئۆتەي . تۆت كۈنلۈكلا ئۆتنە ئالەمدە، مەڭگۈ ساڭا جانان بوپ ئۆتەي. چىن كۆڭلۈمنى رەت قىلما زېنھار، پاك قەلبىڭدە ۋولقان بوپ ئۆتەي. بۇ يازمىنى ئاخىرىدا Erchin تەھرىرلىگەن. ۋاقتى 2014-7-27 15:30

ھەسەنجان دانىش · ۋاقتى: 2014-11-21 12:54:32


	ئۇنتۇپ كېتەي ھەسەنجان تىلۋالدى مىنى دىلدىن سۆيگەن بولساڭ يار، كېتەرمىدىڭ تاشلاپ يىراققا. سىنىڭ ئۈچۈن سوققان يۈرەكنى، قويارمىدىڭ ھەسرەت پىراققا. ئاھ ئۇرمايمەن كەتكىنىڭ بىلەن، كۆنەلەيمەن تەغدىر سىناققا. ياش تۆكمەيمەن ئاۋارە بولۇپ، ئوخشىساممۇ ئۆچكەن چىراققا. ئۇنتۇپ كېتەي ئەمدى مەن سىنى، رايىم يوقتۇر نەزەر سالماققا. يار قەدرىمنى بىلمىگەن ئۆزۈڭ. مەن قالمايمەن سوئال-سوراققا. قاملاشمايدۇ سەنمۇ بىلىسەن ، تاڭغان بىلەن تاشنى تاياققا. ئۈزەر بولساڭ يېڭى بىرگۈلنى، مەنمۇ كېتەي باشقا بىرباغقا.

ھەسەنجان دانىش · ۋاقتى: 2014-11-21 12:56:14


	ئەسكەرتىش ؛ مەزكۈر تېكىسىتلەر يېتىلۋاتقان ياش ناخشىچى باتۇرجان ئابدۇقادىرغا بىرىلدى . باشقىلارنىڭ قالايمىغان ئىشلىتىشىگە بولمايدۇ .

ھەسەنجان دانىش · ۋاقتى: 2014-11-23 11:41:13


	يارىم مىنى ئالدىدى ھەسەنجان تىلۋالدى كۆڭلۈم يېرىم قەلبىم كۈلۈپ باقمىدى، دەت ئازاپتىن يۈرەك ئارام تاپمىدى. بەخىت كىلىپ ماڭا قۇچاق ئاچمىدى، دىلدىن سۆيگەن يارىم مىنى ئالدىدى. بۈگۈن بىلدىم يارنىڭ يارى بارئىكەن، مىنىڭ سۆيگۈم يارئالدىدا خار ئىكەن، ئازاپلاندىم ئالەم ماڭا تار ئىكەن ، دىلدىن سۆيگەن يارىم مىنى ئالدىدى. يارىم بار دەپ ئىيتقان بولسا ئەسلىدە، يۈرمەس ئىدىم مەنمۇ ئۇنىڭ ۋەسلىدە، ئازار يىدى كۆڭلۈم باھار پەسلىدە، دىلدىن سۆيگەن يارىم مىنى ئالدىدى. كىمگە ئىيتاي ئەمدىلىكتە بۇ دەتنى، كىم چۈشىنەر ئىچىمدىكى ھەسرەتنى، كۆڭۈل بەرسەم سىلىپ ماڭا كۈلپەتنى، دىلدىن سۆيگەن يارىم مىنى ئالدىدى.

ھەسەنجان دانىش · ۋاقتى: 2014-12-7 13:45:27


	يارسەنەم ھەسەنجان تىلۋالدى مەپتۇن بولدۇم مەن ساڭا بىلەرسەنمۇ يار سەنەم ، تەشنا بولدۇم يولۇڭغا كىلەرسەنمۇ يار سەنەم. ئۇچراپ قالساڭ دوقمۇشتا نازىڭ بىلەن تەلمۈرۈپ، شېرىن تاتلىق ھېسلاردا كۈلەرسەنمۇ يار سەنەم. ئەجەپ يەتتىم قەدرىڭگە دىدارىڭنى سېغىنىپ ، سەنمۇ مىنىڭ قەدرىمگە يېتەرسەنمۇ يار سەنەم . كۆيۈپ -كۆيۈپ كۈل بولدى يۈرەك باغرىم ئېزىلىپ، مەن كۆيگەن شۇئوتلاردا كۆيەرسەنمۇ يار سەنەم. مەن سۆيگۈڭگ ەئىنتىلدىم كىچىلەرى تولغۇنۇپ . بىلسەڭ مەندىن مۇھەببەت كۈتەرسەنمۇ يار سەنەم. قوشۇلسا گەر رىسقىمىز تەغدىرىمىز بىر بولۇپ، مەن سۆيگەندەك دىلىڭدىن سۆيەرسەنمۇ يار سەنەم . نازلانما ھەسەنجان تىلۋالدى نازلانما ئامرىقىم ئەي گۈزەل دىلدار، تەلمۈرۈپ يولۇڭغا بولدۇم ئىنتىزار، سەن كۆيدۈڭ كىملەرگە بىلمەيمەن لېكىن، مىنىڭ پاك قەلبىمدە پەقەتلا سەن بار. كۆڭلۈمنىڭ خۇشپۇراق ھاۋاسى ئۆزۈڭ، مۇھەببەت دەردىمنىڭ دەۋاسى ئۆزۈڭ. سىنىڭسىز شادلانماس مەندىكى يۈرەك، بۇ مىسكىن يۈرەكنىڭ ناۋاسى ئۆزۈڭ. كەل جىنىم، ئامرىقىم قىينىما مىنى ، ئاي يىللار ئۆتسىمۇ سۆيىمەن سىنى ، مىنىڭ پاك سۆيگۈمگە ئىشەنگىن ئىشەن، بىر ئۆمۈر ھېجرانغا قويما دىلىمنى.