بەگزات: جۇنۇنلۇق غەرزىدىن دىلخۇش

بەگزات · ۋاقتى: 2014-7-17 14:21:16


	جۇنۇنلۇق غەرزىدىن دىلخۇش زامان كەلمىش، رەقىبلەر قەستىدىن باشىم ئامان كەلمىش. قاشىڭ مىھرابىدا گۈلگۈن شاراب كۆردۈم، ئاياۋسىز كۆز ئۇرۇشلاردىن قىيان كەلمىش. گەدالىق شەۋكىتى دەۋران سۈرەر بولسا، ئىتائەت بۇرجىدىن دەۋرەپ جاھان كەلمىش. سىياقىڭ سۈلكىتى غەمدىن قىلۇر سەۋدا، ئاياغىڭ تەكتىدىن سەرسان ماكان كەلمىش. ئېشق مەيزابىدىن بىر جام ئىچەر بولسام، بىھۇشلۇق زەۋقىدىن مىڭ جان شۇئان كەلمىش. پىراقىڭ زۇلمىدىن كۆلبەم زاۋال تاپسا، تەمەننا قىلغالى جانان بۇيان كەلمىش مەگەر بەگزات خىيانەتتىن دىۋار قۇرغاي، سامالار لەرزىدىن قاپلاپ پىغان كەلمىش. بۇ يازمىنى ئاخىرىدا بەگزات تەھرىرلىگەن. ۋاقتى 2014-7-17 14:22

تۆرىبەگ قىزى · ۋاقتى: 2014-7-17 16:04:01


	غەزەللەردە پارىسچىنىڭ گۈزەل ئىبارىلىرى ئۆزىنى نامايەن قىپتۇ . قەلىمىڭىزگە نۇسرەت، قەلبىڭىزگە ھەسرەت يار بولغاي بېگىم !

ئارقۇمى · ۋاقتى: 2014-7-17 16:09:38


	ما غەزەلگە مۇبارەكلەر بولسۇن！

qaraxan · ۋاقتى: 2014-7-17 17:40:43


	تۆرىبەگ قىزى يوللىغان ۋاقتى 2014-7-17 16:04 غەزەللەردە پارىسچىنىڭ گۈزەل ئىبارىلىرى ئۆزىنى نامايە ... قەلبىڭىزگە ھەسرەت ئەمەس ھېكمەت يار بولسۇن دەيمىزغۇ دەيمەن تۆرىبەگ قىزى؟

ئا.جۇدۇن · ۋاقتى: 2014-7-17 18:46:18


	qaraxan يوللىغان ۋاقتى 2014-7-17 17:40 قەلبىڭىزگە ھەسرەت ئەمەس ھېكمەت يار بولسۇن دەيمىزغۇ د ... ئەسلى ،ھېكمەت ياكى نۇسرەت -دېمەكچىدۇر ،بولمىسا ،پەقەتلا ئازمايدۇ ،تاجىلىق قىز .

ئا.جۇدۇن · ۋاقتى: 2014-7-17 18:47:22


	ئا.جۇدۇن يوللىغان ۋاقتى 2014-7-17 18:46 ئەسلى ،ھېكمەت ياكى نۇسرەت -دېمەكچىدۇر ،بولمىسا ... نۇسرەت باركەنغۇ ،ئەستا...........

يۈسۈفىي · ۋاقتى: 2014-7-17 18:50:37


	ئازاب-ئوقۇبەت ۋە ھەسرەت كىشىگە دەرىجىدىن تاشقىرى ئىلھام بەخش ئېتىدۇ، ھەسرەتلىك قەلبتىن چىققان سادا مۇشۇنداق ھېكمەت بىلەن بىرلىشىپ كىشىنى ئۆزىگە جەلپ قىلىدۇ. پاتىگۈل ئاچامننڭ دېمەكچى بولغىنىمۇ بەلكىم مۇشۇ بولسا كېرەك. راستىمنى ئېيتسام، بۇ غەزەل خېلىلا سۆڭىكى بار غەزەل بوپتۇ، بەگزاتقا نۇسرەت تىلەيمەن.

ئابدۇرېھىم زۇنۇ · ۋاقتى: 2014-7-17 18:56:48


	ياخشى چىقىپتۇ. «قاشىڭ»دىكى ئانى ئاجىزلاشتۇرىۋەتسەك، ۋەزن تېخىمۇ چىرايلىق چىقار ئىكەن دەپ قالدىم.

بەگزات · ۋاقتى: 2014-7-17 22:43:38


	ئابدۇرېھىم زۇنۇ يوللىغان ۋاقتى 2014-7-17 18:56 ياخشى چىقىپتۇ. «قاشىڭ»دىكى ئانى ئاجىزلاشتۇرى ... ئابدۇرېھىم مۇئەللىم دېگەندەك ئاجىزلاشتۇرۇپ ئالسام بولغۇدە، پىكىرىڭىز ئۈچۈن رەھمەت.

ئەھەدى · ۋاقتى: 2014-7-18 19:13:35


	مەگەر بەگزات خىيانەتتىن دىۋار قۇرغاي، سامالار لەرزىدىن قاپلاپ پىغان كەلمىش. بىلىپ ئوتقا ئۆزىن ئورغان سەمەندەرنىڭ، ۋىسال پەيتى نىشائاللا، ھامان كەلمىش.

ablipiz idiris · ۋاقتى: 2014-7-18 21:41:18


	بىگىمنىڭ غەزەللىرى ئىسىل چىقىپتۇ. راست بىگىم سىلى نەچچە ئايلار ئىلگىرى ‹‹ئۆزبېك شېئىرىيەت ئۈنچىللىرى1-2) ماقالىڭىزنى يوللاپ ئاخىرى بار داۋاتقاندەك قىلغان ئىدىلە، ئاخىرىنى يوللىمىدىلىغۇ؟ مەن بەك قىزىقىپ قالغانتىم شۇنىڭغا، ۋاقتلىرى يار بەرسە ماقالىلىرى پۈتۈپ كەتكەن بولسا يوللىۋەتسىلىمۇ بوپتىكەن.

مۇڭلان · ۋاقتى: 2014-7-18 22:10:13


	بەگزات بۇرادەر ھەربىر ئىجادىيتىڭىزنى ئوقۇسام يېزىش روھىڭىزغا تولىمۇ قايىل بولىمەن، ئىجا جېڭىگە سالغان ئېتىڭىز توختىماي چاپقاي.

بەگزات · ۋاقتى: 2014-7-18 23:15:07


	ablipiz idiris يوللىغان ۋاقتى 2014-7-18 21:41 بىگىمنىڭ غەزەللىرى ئىسىل چىقىپتۇ. راست بىگىم سىلى نەچچ ... ئەسلىدە ئۆزبېك شېئىرىيىتىنىڭ جەدىدىزم دەۋرىدىن ھازىرغىچە بولغان نامايەندىلىرىنى قىسقىچە سۈرەتلىك تەرجىمىھالى بىلەن تونۇشتۇرغاچ قىسمەن شېئىرلىرىنى ئۇيغۇرچىلاشتۇرۇپ تەييار قىلغانىدىم. كومپىيۇتىر دېگەنننىڭمۇ پايدىسىغا يارىشا زىيىنىمۇ بار نەرسىكەن، بىر بۇزۇلغان بىلەن تەڭ بىر قىسىم ماتېرىياللىرىم قاتارىدا «ئۆزبېك شېئىرىيەت ئۈنچىللىرى» ماۋزۇسىدىكى تەييارلىغانلىرىمنىڭ ھەممىسى يوقالغان بولدى. ئەمدى پۇرسەت بولغاندا قايتىدىن تەييارلىماقچى بولىۋاتىمەن.

ق.ئوسمان غازى · ۋاقتى: 2014-7-19 00:47:03


	بەگزات يوللىغان ۋاقتى 2014-7-18 23:15 ئەسلىدە ئۆزبېك شېئىرىيىتىنىڭ جەدىدىزم دەۋرىدىن ھا ... تۆرەبەگ قىزى ئېسىل ەەپتۇ. ئېنىم سىزدە بىر ئېچىلماسلىق بار...

كۆكيال · ۋاقتى: 2014-7-19 01:07:02


	جۇنۇنلۇق غەرزى نېمە دىگەن گەپ؟ چۈشەندۈرۈپ قويۇڭلارچۇ؟