''پەرۋاز '' ژۇرنىلى

يانغىن · ۋاقتى: 2012-5-8 20:01:12


	بالىلارنىڭ قەلب تۆرىدىن ئورۇن ئالغان《پەرۋاز》ژۇرنىلى 《پەرۋاز》ژۇرنىلى 1995-يىلى شىنجاڭ مائارىپ گېزىت-ژۇرنال نەشرىياتى تەرىپىدىن ئىچكى نومۇر بىلەن نەشر قىلىنغان《 ماقالىلار ئايلىق ژۇرنىلى 》دىن 1998-يىلى نەشر قىلىنغان《 ئۈمىد چېچەكلىرى 》گە،《 ئۈمىد چېچەكلىرى 》دىن 2003-يىلى شىنجاڭ مائارىپ گېزىت-ژۇرنال نەشرىياتى بىلەن شىنجاڭ مائارىپ نەشرىياتى بىرلەشكەندىن كېيىنكى مەملىكەت ئىچى – سىرتىغا ئاشكارە تارقىتىلىدىغان《پەرۋاز》ژۇرنىلىغا تەرەققىي قىلىپ خۇددى توختاۋسىز ئېقىپ تۇرغان ئەزىم دەريادەك ئۈزۈكسىز ئالغا ئىلگىرىلەپ ، قەدەم ئىزىدىن چېچەك-چىمەنلەرنى ئۈندۈرۈپ ، بالىلارنىڭ غايە-نىشانىگە نۇرلۇق ماياك ،بىلىم خەزىنىسىگە جاۋاھىر بولۇپ كەلدى. بۇ جەرياندا 《بالىلار دۇنياسى》 ، 《دۇردانىلەر خەزىنىسى》، 《كىچىك ئەدىبلەر بۆشۈگى》 ،《 ئاتا-ئانىلار دەستۇرى》 بولۇشقا تىرىشتى.بالىلارنىڭ ئەقىل بولىقىنى ئېچىش، يېزىقچىلىق سەۋىيىسىنى ئۆستۈرۈشنى ئۆزىنىڭ ئەڭ ئالىي نىشانى قىلدى. بۇ ئارقىلىق سان ۋە سۈپەت جەھەتتە بۆسۈش خاراكتىرلىق نەتىجىلەرنى قولغا كەلتۈرۈپ، مەكتەپلەر ، ئاتا – ئانىلار ۋە باشلانغۇچ مەكتەپ ئوقۇغۇچىلىرى ئارىسىدا ياخشى ئوبراز ياراتتى. شان-شەرەپلىرى: 2008-،2010-يىلى دۆلەت ئاخبارات-نەشرىيات باش مەھكىمىسى تەرىپىدىن《ئۆسمۈرلەرگە تەۋسىيە قىلىنغان ژۇرنال》؛ 2012-يىلى ئاپتونوم رايونلۇق پارتكوم تەشۋىقات بۆلۈمى، ئاپتونوم رايونلۇق ئاخبارات-نەشرىيات ئىدارىسى ، ئاپتونوم رايونلۇق ژۇرنالچىلار جەمئىيىتى تەرىپىدىن《7-نۆۋەتلىك شىنجاڭ ژۇرنال مۇكاپاتىغا ئېرىشكەن ژۇرنال》بولۇپ باھالانغان. ئاساسلىق سەھىپىلەر: 《يېزىقچىلىق يېتەكچىسى》،《ئۈلگە ۋە ئۆرنەك》،《قەلب ئۈنچىلىرى》،《روجەك》،《گۈلدەستە》،《كۆڭۈل-كۆڭۈلدىن سۇ ئىچەر》،《تىل-تىللادىن قىممەت》،《خاسىيەتلىك ئويۇنلار》،《ئەدىبلىرىمىز》،《قائىدىنى قانات قىلىڭ》،《مەشھۇر شەخسلەر ھەققىدە》،《مارجانبۇلاق》،《مەسەللەر گۈلىستانى》،《تاغنىڭ ئارقىسىدا تاغ بار》،《مەغرىپتە-مەشرىقتە》،《كىم ئەقىللىق》. ئادرېسى : ئۈرۈمچى شەھىرى غالىبىيەت يولى 187-قورۇ 《پەرۋاز》ژۇرنىلى ئۇيغۇر تەھرىر بۆلۈمى پوچتا نومۇرى : 830049 ئېلخەت ئادرېسى : parwazlove@126.com ئالاقىلىشىش تېلېفون نومۇرى : 0991-8564393،2852464 مۇشتەرى قوبۇل قىلىش ۋاكالەت نومۇرى : 58-140 مەملىكەت ئىچىدىكى بىر تۇتاش نومۇرى :CN65-1247/G 地址：乌鲁木齐市胜利路187号《小学生时空》维文编辑部联系电话：0991-8564393 ，2852464 邮政代码： 58-140 全国统一刊号： CN65-1247/G باش مۇھەررىر : تۇنىياز ئىلىياس(شىنجاڭ مائارىپ نەشرىياتىنىڭ مۇئاۋىن باش مۇھەررىرى،ئالىي مۇھەررىر) دائىمىي ئىشلارغا مەسئۇل مۇئاۋىن باش مۇھەررىر : ئەسقەر مىجىت ( كاندىدات ئالىي مۇھەررىر،تەھرىر بۆلۈم مۇدىرى) ژۇرنالنىڭ يېقىنقى بىر قانچە سانلىرىنىڭ مۇقاۋىلىرى

ماھىرە · ۋاقتى: 2012-5-8 21:11:07


	بالىلارنىڭ ئوقۇشلۇغى بولغان ‹‹پەرۋاز›،ژورنىلى ھەقىقەتەن ياخشى ئىشلىنىپ كېلىۋېتىپتۇ . يېقىندا بىرقانچە سانلىرىنى كۆرۈپ چىقتىم . ژورنالنىڭ بۇندىن كېيىنكى تەرەققىياتىنىڭ بالىلارنى ئورتاق قىزىقىشىنى چىقىش قىلغان ئاساستا يەنىمۇ ئەتراپلىق ئىشلىنىپ چىقىشىنى،گۆدەكلەرنىڭ مەڭگۈلۈك ئۆز، مەنىۋى ماكانى بولۇپ قېلىشىنى ئۈمۈت قىلىمەن .

ئەزىز ھېيت كۈن · ۋاقتى: 2012-5-8 21:23:01


	بالىلارنىڭ مەنىۋى دۇنياسىنى بېيىتقۇچى ياخشى ژورنال.ئۇنى قوللاش كەڭ مەزمۇننى جۈملىدىن بالىلارنىڭ ياش ئالاھىدىلىكى ۋە پىسخىك ئالاھىدىلىكىگە ماس كېلىدىغان ئەسەرلەرنى يېزىپ يوللاشنىمۇ ئۆز ئىچىگە ئالىدۇ.بۇ ژورنال گۈللەنگەي.ئاپتورلار قوشۇننى كۆپەيگەي دەپ ئۈمىد قىلىمىز.

ablipiz idiris · ۋاقتى: 2012-5-8 21:26:25


	بالىلارغا كۆڭۈل بۆلگەن ئەزىزلەرگە كۆپ رەھمەت.

ئەمەتجان سەمەت · ۋاقتى: 2012-5-9 09:41:39


	بالىلارنىڭ سىرداش دوستى بولغان پەرۋاز ژۇرنلىنىڭ تېخمۇ ياخشى نەتىجىلەرنى قولغا كەلتۈرۈشىگە تىلەكداشمەن!

ي.ت.توغراق · ۋاقتى: 2012-5-9 10:29:17


	ئەسقەر مىجىتنىڭ ئەمگەك مىۋىسى يەردە قالمايدۇ

ئۆزيول · ۋاقتى: 2012-5-9 11:40:58


	مۇشۇنداق بىر ژۇرنالنىڭ بولغانلىقى بىزنىڭ، جۈملىدىن پەرزەنتلىرىمىزنىڭ تۇرمۇش ۋە ئۆگۈنىشىدىكى ناھايىتى مۇھىم ئامىل، «پەرۋاز» ژۇرنىلىنىڭ توختاۋسىز پەرۋاز قىلىشىغا چىن قەلبىمدىن تىلەكداشمەن، ژۇرنال تەھرىر بۆلۈمىدىكىلەرگە سەمىمىي سالام يوللايمەن!

ئارزۇگۈل · ۋاقتى: 2012-5-9 22:30:11


	بۇ جورنالنىڭ ھەر ئايلىق سانىنى ئوقۇغۇچىلىرىمغا تارقىتىۋاتقىنىمدا ،ئۇلارنىڭ چېھرىدىكى تەقەززالىق،خۇشاللىق ئالامىتى بىلەن تەڭ چۇۋۇرلۇشۇپ كېتىشلىرىنى كۆرۈپ تولىمۇ سۆيۈنۈپ كېتىمەن . مەن جورنال ئۈچۈن كۈچ چىقىرىۋاتقان بارلىق جاپاكەشلەرگە ، ئوقۇغۇچىلىرىم نامىدىن ئامانلىق تېلەيمەن .

قاراتېكىن · ۋاقتى: 2012-5-11 03:48:04


	بىزگە بالىلار بىلەن بىللە قانات قېقىشقا ئاسمان بەرگەن «پەرۋاز»غا سالام!

parhat kazim · ۋاقتى: 2012-5-11 09:28:41


	خېلى يىللاردىن بېرى بۇ ئوماق ژۇرنالنىڭ ھەر بىر سانىنى ئوقۇپ كېلىۋاتىمەن. ئۆزىنىڭ رەڭدار سەھىپىلىرى بىلەن بالىلارنىلا ئەمەس، چوڭلارنىمۇ ئۆزىگە تارتىدىغان بۇ ژۇرنالنىڭ تېخمۇ گۈللىنىشىنى تىلەيمەن.

ئەلتۇغ · ۋاقتى: 2012-5-11 14:56:40


	بۇ ژۇرنالنىڭ بالىلىرىمىزنى قولىدىن يېتىلەپ ئەدەبىيات ئالىمىگە ئېلىپ كىرىشىدە ئۆزگىچە تۆھپىسى بار.ئوقۇغۇچىلىرىمنىڭ ھەر بىر سان ژۇرنالنى شۈنچىلىك تەشنالىق بىلەن ئوقۇپ كېتىۋاتقانلىقىغا قاراپ ئىچ-ئىچىمدىن سۆيۈنۈپ كېتىمەن.ئەسقەر مىجىتنىڭ تىرىشچانلىقىغا تەشەككۈر! بۇ ژۇرنال باشلانغۇچ مەكتەپ ئوقۇغۇچىلىرىنىڭ ئەدەبىي ئىجادىيىتىگە ئىلھام بېرىشنى مەقسەت قىلىپ چىقىرىلىۋاتقان بولغاچقا كەلگۈسىدە بىر تۈ*ركۈم يېڭى يازغۇچىلارنى تەربىيەلەپ چىقىشتا ياخشى مەكتەپ بولالايدۇ. يەنە كېلىپ بۇ ژۇرنال ئارقىلىق زامانىدىن پاكزات، ئابلېكىم ھەسەن، پەرھات كازىمى، جاسارەت جاپپار،ياسىنجان توخنىياز توغراق،نامانجان تۇرسۇن قاراتېكىن قاتارلىق بالىلار يازغۇچىلىرىنىڭ ئەسەرلىرىنى دائىم ئۇچرىتىپ تۇرىمەن. ئۇلارمۇ مۇشۇ بۇلاقنىڭ سۈيىنى دائىم ئىچىپ تۇرىدۇ...

ئىپار · ۋاقتى: 2012-6-3 14:05:39


	بۇ ژۇرنالغا چوڭلار بالىلار ئۈچۈن يازغان ئەسەرلەرنى ئەۋەتسىمۇ بولامدۇ؟

يانغىن · ۋاقتى: 2012-6-3 14:34:30


	ئىپار يوللىغان ۋاقتى 2012-6-3 14:05 بۇ ژۇرنالغا چوڭلار بالىلار ئۈچۈن يازغان ئەسەرلەرنى ئە ... ئەلۋەتتە بۇلىدۇ .

ئىپار · ۋاقتى: 2012-6-3 14:37:44


	يانغىن يوللىغان ۋاقتى 2012-6-3 14:34 ئەلۋەتتە بۇلىدۇ . ئەجەپ ياخشى، ئەمسە ئېلخەت ئارقىلىق ئەۋەتسەك بولىدىكەن دە؟

ئارزۇگۈل · ۋاقتى: 2012-6-3 14:41:27


	ئۇكام يانغىن ،ئوقۇغۇچىلىرىمنىڭ ئەسرلىرىنى ئەۋەتمەكچى بولسام ،ئىلخەت ساندۇقىغىلا يوللىسام بولارمۇ؟ياكى چوقۇم پوچتىدىن سېلىش كېرەكمۇ؟