مۆچەل ھەققىدە شېئىر(ئا.جۇدۇن يوللىغان)

ئا.جۇدۇن · ۋاقتى: 2014-6-16 19:37:58


	مۆچەل ھەققىدە شېئىر يىل بېشى چاشقان ئېرۇر ، كالىسى مۆرەپ كېلۇر . يولۋىسى يولدا يېتىپ ، توشقېنى سەكرەپ كېلۇر . دەريادا بېلىق ئۈزۈپ ، يىلاننى قوغلاپ كېلۇر . ئات ئالدىدا ، قوي كەينىدە مەرەپ كېلۇر . مايمۇنى ئويناپ ماڭار ، تو خۇسى چىللاپ كېلۇر . ئىتلىرى ھاۋشۇپ ئۆتەر ، توڭگۇزى تويلاپ كېلۇر . - ماتىريالدىن بۇ يازمىنى ئاخىرىدا ھەبىبۇللا مىجىت تەھرىرلىگەن. ۋاقتى 2014-6-16 20:01

-مېھرى · ۋاقتى: 2014-6-16 21:20:03


	مومامنىڭ ئاغزىدى ئاڭلىغان ئىدىم...رەھمىتى مومام يادىمغا يەتتى...

ئا.جۇدۇن · ۋاقتى: 2014-6-16 22:02:50


	-مېھرى يوللىغان ۋاقتى 2014-6-16 21:20 مومامنىڭ ئاغزىدى ئاڭلىغان ئىدىم...رەھمىتى مومام يادىمغ ... مۆچەل شېئىرىنىڭ ۋارىيانتلىرى خېلى كۆپ ئىدى ،قولۇمدىكىسىنى يوللاپ قويدۇم ، مومىمىز نىڭ ئېيتقانلىرى ئېسىڭىزدە بولسا ،سېلىشتۇرۇپ كۆرەيلىچۇ . بولمىسا مەيلى .

Wolkani · ۋاقتى: 2014-6-16 22:59:02


	ئەجىرىڭىزگە باركاللا !

مۇنەۋۋەر ئابدۇق · ۋاقتى: 2014-6-17 01:40:53


	مەن توخۇ يىلى ...چىللاپ كەلگۈدەكمەن..

سۆسۈن · ۋاقتى: 2014-6-17 09:42:23


	ئۇستاز، مۆچەلدىكى موشۇ ھايۋان ناملىرىنىڭ موشۇنداق تەرتىپتە تىزىلىشىنىڭ سەۋەبى ياكى ئىلمىي ئاساسى ھەققىدە ماتىريال بولسا تەمىنلىگەن بولسىڭىز بوپتىكەن، سەۋەبىنى بەكمۇ بىلگۈم كېلىۋاتىدۇ.

qaraxan · ۋاقتى: 2014-6-17 10:16:22


	مۆچەلگە<< پەتىۋا>>... قاراخان چاشقان يىلى دوست-بۇرادەر خامىنىڭنى يىغىۋال، كالا يىلدا تىزەك تېرىپ ئېتىزىڭنى قىغلىۋال. يولۋاسقا سەن يولۇقما،يولۇقساڭمۇ ھولۇقما، يولۋاس يىلدا تېرىسىنى داپ ئېتىپ بىر چېلىۋال. ئەرنى نومۇس ئۆلتۈرەر ،توشقاننى زەي قومۇشلار، توشقان يىلدا قورققانلار دالدا تاپساڭ مۆكۈۋال. بېلىق باشتىن سېسىغاچ،كۆزى دائىم تالادا، بېلىق يىلدا باش كۆزۇڭنى ئاپتاپقا پات سېلىۋال. يىلان كۆرسەڭ بېشىغا ئۇر! ئىتنى كۆرسەڭ پۇتىغا، يىلان يىلدا زەھەر چاچماي تۆشۈكۈڭدە يېتىۋال. ئات ئاقسايدۇ تاقىدىن ،چاپان كېتەر ياقىدىن ، ئات يىلىدا ئىگەر تۇقۇم زىننەت بولسا سېتىۋال. يامانغا ياغ ياراشماش ،ئۆچكىگە تاغ ياراشماس، قوي يىلىدا تۆمۈر چارۋا قىلىپ ساغلىق بېقىۋال. مايمۇننى كىم مەسخىرە قىلسا ئۆزى مايمۇندۇر، مايمۇن يىلدا خاننىڭ ئاغزى مايمۇن بولسا بىلىۋال. ئات سۆلىتى يايلىدا بىل ، خورازنىڭكى تاجىدا. خوراز يىلدا سەھەر قوپۇپ رىسقىڭ بولسا تېپىۋال. ئىتلار ھاۋشىپ ھارغۇچە ئۇخلاپ قالار سەھەردە، ئىت يىلىدا تويغان يەرنىڭ قەدرىنى سەن بىلىۋال. توڭگۇز تۈكى كىرگەن ئۆيگە پەرىشتىلەر يولىماس، توڭگۇز يىلى ھورۇن بولماي ئۇلۇغ سەپكە يېتىۋال! 2014-يىلى 11-فېۋرال ئىنكاس ئورنىدا يوللاپ قويدۇم ...

ئا.جۇدۇن · ۋاقتى: 2014-6-17 11:22:11


	qaraxan يوللىغان ۋاقتى 2014-6-17 10:16 مۆچەلگە>... قاراخان قاراخان بارىكاللا ، ئاجايىپ چۈشۈپتۇ .تىلىڭىزغا دەرت كەلمىسۇن . مۆچەل پۈتۈن دۇنياغا ئورتاق ئىكەن ، يىللار رەت تەرتىۋىنىڭ ئاشۇنداق تىزىلىش سەۋەبى نەدىدۇ ، بىرەر ئىلمىلىكى بارمۇ قانداق . ئىزدىنىپ باقامدۇق ؟

ئا.جۇدۇن · ۋاقتى: 2014-6-17 11:28:16


	قاراخان بارىكاللا ،تىلىڭىزغا دەرت كەلمىسۇن .ئاجايىپ جايىدا چۈشۈپتۇ. مۆچەل پۈتۈن دۇنياغا ئورتاق ئىكەن . يىللار رەت تەرتىۋىنىڭ ئاشۇنداق تىزىلىش سەۋەبى نەدىدۇ ،بىرەر ئىلمى ئاساس بارمۇ-يوق ،ئىزدىنىپ باقامدۇق ؟

ئا.جۇدۇن · ۋاقتى: 2014-6-17 11:42:08


	سۆسۈن يوللىغان ۋاقتى 2014-6-17 09:42 ئۇستاز، مۆچەلدىكى موشۇ ھايۋان ناملىرىنىڭ موشۇنداق تەر ... ئىشقىلىپ ، رېۋايەت -ئەپسانىلاردا تەڭرى يىللارغا ھايۋاناتلار نامىنى بەرگەندە ،سىر دەريانىڭ ئۇ قېتىدىن ، بۇ قېتىغا قايسى ھايۋان بالدۇر ئۆتسە ،شۇنى بىىرىنچى ئورۇنغا قويغانمىش . چاشقان كالىنىڭ مۆڭگۈزىگە چىقىۋېلىپ ،قىرغاققا ئاز قالغاندا ئۆزىنى ئېتىپ بىرىنچى بولىۋاپتۇ . توڭگۇز پاتقاقتىن چىقىپ بولالماي ،ئاخىرىدىن سانىغاندا ‹‹بىرىنچى›، بوپ قاپتىكەنمىشلەر ... قالغېنى ماڭا قاراڭغۇ ، بىللە ئىزدىنەيلى ،ھە ،رەپقەت ئەپەندى .