سەرۋەر مۇھەممەد سايرامى: سەن كېتىپ

ئىبنۇرى · ۋاقتى: 2014-6-16 12:12:51


	سەن كېتىپ سەرۋەر مۇھەممەد سايرامى گۈل-چىمەندەك كۆڭۈل بېغىم سۇسىز قالدى سەن كېتىپ، نۇرغا تەشنا يۈرىكىم نۇرسىز قالدى سەن كېتىپ. سۆيگۈڭ بىلەن تىكلىگەن مۇھاببەتلىك سۇلتانىم، باش باھاردا چۆلدەرەپ شاھسىز قالدى سەن كېتىپ. سۆيگۈڭ دېڭىز،مەن ئۇندا ئۈزۈپ يۈرگەن بىر كېمە، ئادىشىپ ئۇ نىشاندىن رولسىز قالدى سەن كېتىپ. ھېتيىت-ئايەمدە،بايرامدا كۈلكە ياققان ئۆي ئىچى، غېرىپلىقتىن مىسكىنلىك چىقىپ قالدى سەن كېتىپ. بويۇن ئېگىپ تەقدىرنىڭ بۇيرۇقىغا ئاخىرى، بۇلبۇل كەبى تىللىرىم سۇسىز قالدى سەن كېتىپ. شادلىق بىلەن قايغۇغا ھامىلىكەن بۇ ھايات، شۇ ھەقىقەت يۇلتۇزدەك ئايان بولدى سەن كېتىپ. مەنبە؛ بورتالا گېزىتى ‹سايرام ئەدەبىي بېتى›2014.6.13 بۇ يازمىنى ئاخىرىدا ئىبنۇرى تەھرىرلىگەن. ۋاقتى 2014-6-16 13:12

qaraxan · ۋاقتى: 2014-6-16 16:41:22


	ھىجران كۈيلىرى ساداقەتلىك قەلبنىڭ تەخىرسىز مىۋىسى،ئەگەر قەلبتە زەررىچە ‹‹ئالا››لىق ساقلانسا ئۇ مىۋىنىڭ مەي باغلىمىغى تەس،مەڭگۈ غورا ھالەتتە قالغۇسى...

دولانى · ۋاقتى: 2014-6-16 17:19:29

Wolkani · ۋاقتى: 2014-6-16 18:47:33


	ياخشى يېزىلغان غەزەللەردىن ھوزۇر ئالدىم ،قەلەملىرى ئۆكسىمىگەي !