ئارزۇگۈل ھۈسەن خالەم: ئۇنتۇلماس كەچمىش

                         ئۇنتۇلماس كەچمىش


                  ئارزۇگۈل ھۈسەن خالەم


يامغۇر ياغقان بۇ سوغۇق كېچە ،
ئاھ ، باغرىمدا كۆيەر بىر گۈلخان .
كىرپىكىمدىن دوملايدۇ ئۈنچە ،
ئاھ ، دۇنيامۇ چېكىدۇ پىغان .


كۆزۈم شۇ تاپ بەرگەندۇ سۆزلەپ ،
پىنھاندىكى سىرىمنى بىر يول .
كۆزلىرىڭمۇ كۆزۈمنى بەزلەپ ،
دىدى گۈلۈم خەيرى ئامان  بول.


ئاجراپ كەتتى چىرماشقان بارماق ،
سەن كەينىڭگە قايرىلغان چاغدا .
تەقدىر بەلكىم سالغاندۇ قارماق ،
مېنى سەنسىز  قالدۇرۇپ  داغدا .


كۆرەلمەيمەن سېنى قايتا رەت ،
چۈشۈم بولۇپ قالار بۇ كېچە .
يۈرىكىمنى بىللە ئېلىپ كەت ،
ساقلاپ قويغىن تاكى ئۆلگىچە .


يامغۇر ياغقان بۇ سوغۇق كېچە ،
ئاھ ، باغرىمغا ئۇرۇلار بازغان .
ھەر يامغۇردا ئەسلە كىيىنچە ،
بۇ كەچمىشنى ئىككىمىز يازغان .

لىرىكىڭىز ناھايتى تىتىملىق بولۇپتۇ.سىزدىكى ئىلىھام يەنىمۇ چاپچىپ تۇرسۇن.تۇنجى ئىنكاس يازالىغىنىمدىن خۇشالمەن.بەركەرلىك بولۇڭ.

مەرھابا ！ياخشى يىزىپسىز،ئاپرىن！

ياخشى چىقىپتۇ شېئىرىڭىز. بەركەتلىك بولۇڭ.

ياخشى چىقىپتۇ مۇبارەك بولسۇن!

       بۇنداق  كەچمىشنى  باشتىن  ئوتكۈزگەنلەر  ئاز  ئەمەسقۇ  ،دەيمەن ،  ئاپىرىن.

مۇبارەك قەلەملىرى ئاستىدىكى شېئرلاردىن تولىمۇ پەخىرلەندىم !

ئەزىزلەرنىڭ شېئىرىمنى  ياقتۇرۇپ ئوقۇغانلىقىدىن ، ئىلىھاملاندۇرغىنىدىن ، ياخشى تىلەكلەرنى تىلىگىنىدىن ئالەمچە سۆيۈندۈم . ئەزىزلەرگە كۆپ رەھمەت !

ئۇيغۇر شېئىرىيتىدىكى يىتۈك شائىرنىڭ شېئىرىمغا بەرگەن باھاسى ماڭا ئالەمچە ھەركەتلەندۈرگۈچ كۈچ بولدى ،  سىزگە رەھمەت ! تەكلىپ -پىكىرىڭىزگە ، يېتەكلىشىڭىزگە مۇھتاجمەن !

ئىجادىيىتڭىزنىڭ يەنىمۇ ئۇتۇقلۇق بۇلۇشىغا تىلەكداشمەن

ھاي-ھاي ئارزىگۈل، ئاۋۇ يىتۈك دېگەن سۆزنى قىلماڭ. ئادەمنى چېلىۋاتقاندەك تۇيغۇ بېرىدىكەن. بەزى سۆزلەر بەزى ئورۇنلاردا جايىنى تاپالمىسا ئەكىسچە تەسىر بېرىپ قويىدۇ.
قەلىمىڭىز بارغانچە سۈزۈلگىلى تۇرۇپتۇ. مۇنبەرگە كۆپرەك يوللاڭ.

ئۇ سۆز سىزنىڭ ئىستىداتىڭىزغا بولغان يۈكسەك دەرىجىدىكى قايىللىقىم  ۋە ھۆرمىتىمنى ئىپادىلەيدۇ ، ھەرگىزمۇ  ئارتۇقچە قىلىنىپ قالغان سۆز ئەمەس ، خوپ ماس كەلدى  تۇرىۋەرسۇن .
ساۋاقداش بولۇپ ئوقۇۋاتقان چاغدىمۇ شائىر دىسەك‹‹ مەن شائىر ئەمەس ،ھەۋەسكار›› دەپ تۇرۋالغان ئىدىڭىز ، ئەمدى بۇ سۈپەتنىمۇ ئىنكار قىلىۋاتىسىزغۇ ؟

ئارزۇگۈل خانىمنىڭ  لىرىكىسى ياخشى چىقىپتۇ. ئۇنتۇلماس كەچمىشلەرنى ئەسلىتىپ،ئاچچىق-تاتلىق ھېسلار قوينىدا ئەللەيلەتكەن لىرىكىڭىزغا رەھمەت.

yakturaum