«شىنجاڭ قىرغىز ئەدەبىياتى» ژورنىلىنىڭ چەتئەلدىكى ئەدەبىيات سەپىرى

دېھقانباي · ۋاقتى: 2014-6-11 19:20:36


	«شىنجاڭ قىرغىز ئەدەبىياتى» ژورنىلىنىڭ چەتئەلدىكى ئەدەبىيات سەپىرى مامەتئەيسا مامەتتۇرغان ئوغلى ئۇيغۇرچىلاشتۇرغۇچى:ئابدۇراخمان ئەزىز ئوغلى شىنجاڭ ئۇيغۇر ئاپتونۇم رايونلۇق ئەدەبىيات-سەنئەتچىلەر بىرلەشمىسى پارتىگۇرۇپپىسىنىڭ زور كۈچ بىلەن يېقىندىن قوللاپ-قۇۋۋەتلىشى ئارقىسىدا،جۇڭگو بۈگۈنكى دەۋر ئەدەبىياتى، مەدەنىيىتىنىڭ نەتىجىلىرىنى چەت مەملىكەتلەرگە تونۇشتۇرۇش،جۇڭگو ۋە قىرغىز جۇمھورىيىتىدە ياشاۋاتقان قىرغىز خەلقلىرىنىڭ ئەدەبىيات-مەدەنىيەت ساھەسىدىكى ئۆز-ئارا بېرىش-كېلىشىنى قويۇقلىتىش، ئۆز-ئارا چۈشىنىشنى ئىلگىرى سۈرۈش مەقسىتىدە «شىنجاڭ قىرغىز ئەدەبىياتى» ژورنىلى تەھرىراتىنىڭ باشلىقى،باش مۇھەررىر دولقۇن تۇردى ئوغلى،مۇئاۋىن باش مۇھەررىرى،شائىر جاھانباي ئاسانئالى ئوغلى، مۇھەررىر،يېتىلىۋاتقان ياش يازغۇچى،شائىر مامەتئەيسا مامەتتۇرغان ئوغلى قاتارلىقلاردىن تەركىپ تاپقان كىچىك ئۆمەك 2014-يىلى 5-ئاينىڭ 26-كۈنىدىن 28-كۈنىگىچە قىرغىز جۇمھۇرىيىتىنىڭ باش قەلئەسى بىشكەك شەھىرىدە ئەدەبىيات سەپىرىدە بولۇپ، «شىنجاڭ قىرغىز ئەدەبىياتى» ژورنىلىنىڭ 30 يىللىق تاللانما ئەسەرلەر توپلىمى» نى تارقىتىش مۇراسىمىنى ئۆتكۈزدى. «شىنجاڭ قىرغىز ئەدەبىياتى» ژورنىلى جۇڭگو قىرغىز ئەدەبىياتىنىڭ ۋەكىللىك ئەدەبىيات مەتبۇئاتى بولۇپ،1981-يىلدىن باشلاپ نەشىر قىلىنىشقا باشلىغان.مەملىكەت ئىچى ۋە چەتئەللەرگە ئاشكارا تارقىتىلىدۇ.مەملىكىتىمىزنىڭ يېقىن خوشنىسى بولغان قىرغىز جۇمھۇرىيىتىدە نورغۇن ئوقۇرمىنى بار بولغان نوپۇزلۇق ئەدەبىيات مۇنبىرى. چەت ئەل يازغۇچىلىرىنىڭ نادىر ئەسەرلىرىنى ئېلىمىز ئوقۇرمەنلىرىگە تونۇشتۇرۇش،ئېلىمىز ۋە دىيارىمىز يازغۇچىلىرىنىڭ نادىر ئەسەرلىرىنى چەتئەلگە تونۇشتۇرۇشتا مۇھىم كۆۋرۈك بولۇپ كەلمەكتە. «خەلق ئېغىز ئەدەبىياتى»،«دۇنيا ئەدەبىياتى»،«قارا سۆزنىڭ قايمىقى» (نەسىرىي ئەسەرلەر)،«سۆزنىڭ مارجىنى» (شېئىرىي ئەسەرلەر)، «ئەدەبىيات تونۇش» (ئوبزور-تەنقىتلەر)،«بۇرۇننىڭ بۇرۇنىسىدا»، «كۆكۈش ئېكران» (سەھنە ئەسەرلىرى)،«ئالتۇن بالالىق» (بالىلار ئەدەبىياتى)، «جەمئىيەت ۋە تۇرمۇش» قاتارلىق نورغۇنلىغان ئېسىل سەھىپىلەر بىلەن دىيارىمىز ۋە ئېلىمىز مىللىي ئەدەبىياتىنىڭ،شۇنداقلا دۇنيا ئەدەبىياتىنىڭ مۇھىم تەركىۋى قىسمىغا ئايلىنىپ ئوقۇرمەنلىرىنىڭ مەنىۋى چاڭقىشىنى قاندۇرۇپ كەلمەكتە.2011-يىلى «شىنجاڭ قىرغىز ئەدەبىياتى» ژورنىلىنىڭ 30 يىللىق شانلىق تارىخي خۇلاسىلەپ چىقىلغان بولۇپ، 30 يىلدىن بېرى قىرغىز ئەدەبىياتىدا يورۇق كۆرگەن نادىر ئەسەرلەر تاللىنىپ توپلام تۈزۈلۈشكە باشلىغان.ھەر-بىرسى چوڭ 16 فورماتلىق،411 بەتلىك، ئەرەب ئېلىپبەسىدىكى قىرغىزچە نۇسخىسى ئىككى توم،ئىسلاۋىيان يېزىقىدىكى قىرغىزچە نۇسخىسى ئىككى توم بولۇپ 2011-يىلى 10-ئايدا شىنجاڭ پەن-تېخنىكا نەشىرىياتى تەرىپىدىن نەشىر قىلىنغان.بىرىنچى تومى نەسىرىي ئەسەرلەرنى،ئىككىنچى تومى شېئىرىي ئەسەرلەرنى ئۆز ئىچىگە ئالىدۇ. ئەدەبىيات سەپىرى 2014-يىلى 5-ئاينىڭ 26-كۈنى قىرغىز جۇمھۇرىيىتىنىڭ جۇمھۇرىيەت مىللىي پەنلەر ئاكادىمىيىسىدە باشلاندى. پائالىيەتنى قىرغىز جۇمھۇرىيىتى مىللىي پەنلەر ئاكادىمىيىسىنىڭ ئورۇنباسار باشلىقى، فىلولوگىيە پەنلىرى بويىچە دوكتورى، پىروفېسسور ئابدىلداجان ئاقماتالىيېۋ تەشكىللىدى.قىرغىز مىللىي پەنلىرى ئاكادىمىيىسنىڭ «چىڭغىز ئايتماتوۋ نامىدىكى تىل ۋە ئەدەبىيات ئىنىستىتۇتى»نىڭ خادىملىرىدىن 31 نەپەر كىشى پائالىيەتكە قىزغىن ئىشتىراك قىلدى. «شىنجاڭ قىرغىز ئەدەبىياتى» ژورنىلىنىڭ تەھرىرات باشلىقى، باش مۇھەررىر دولقۇن تۇردى ئوغلى يىغىن ئەھلىگە «شىنجاڭ قىرغىز ئەدەبىياتى» ژورنىلىنىڭ 30 يىلدىن بۇيان بېسىپ ئۆتكەن شانلىق مۇساپىلىرىنى،قولغا كەلتۈرگەن نەتىجىلىرىنى،مول مەزمۇنلۇق،رەڭدار سەھىپىلىرىنى، ژورنالنىڭ دىيارىمىز ئىچىدە ئۆتكۈزۈپ كىلىۋاتقان تۈرلۈك پائالىيەتلىرى ۋە ئۇيۇشتۇرغان موكاپاتلىرى قاتارلىق تەرەپلەردىن ئەتراپلىق تونۇشتۇرۇش ئېلىپ باردى.يىغىن ئىشتىراكچىلىرى شىنجاڭدىكى قىرغىز ئەدەبىياتىنىڭ ئومۇمىي ئەھۋالىغا بىردەك ئىجابىي باھالىرىنى بېرىشتى. 27-چىسلا قىرغىز جۇمھۇرىيىتىنىڭ دۆلەتلىك تىل كومىسسىيىسىدە «شىنجاڭ قىرغىز ئەدەبىياتىنىڭ 30 يىللىق تاللانغان ئەسەرلەر توپلىمى»نى تارقىتىش مۇراسىمى ئۆتكۈزۈلدى.مۇراسىمغا ئەدەبىيات ساھەسىدىكى زاتلار قىزغىن قاتناشتى. كومىسىيە رەئىسى،ئاتاقلىق شائىر ئىگەمبەردى ئەرمات ئوغلى مۇراسىمنىڭ ئەھمىيىتىنى تولۇق مۇئەييەنلەشتۈرۈپ ياخشى تىلەكلىرىنى ئېيتتى. دولقۇن تۇردى ئوغلى مۇراسىم ئەھلىگە «شىنجاڭ قىرغىز ئەدەبىياتى» ژورنىلى ھەققىدە ئەتراپلىق مەلۇماتلارنى بېرىپ ئۆتتى. 28-چىسلا قىرغىز جۇمھۇرىيىتىنىڭ مەملىكەتلىك يازغۇچىلار جەمئىيىتى مەخسۇس پائالىيەت تەشكىللەپ، «شىنجاڭ قىرغىز ئەدەبىياتى» ژورنىلىنىڭ تارقىتىلىش مۇراسىمىنى داۋاملاشتۇردى. قىرغىز جۇمھۇرىيىتىنىڭ خەلق يازغۇچىسى كېڭەش يۇسۇپ ئوغلى باشچىلىقىدىكى ئەدەبىيات ساھەسىدىكى ئاتاقلىق ئەربابلار مۇراسىمغا قاتناشتى. قىرغىز مەملىكەتلىك يازغۇچىلار جەمئىيىتىنىڭ رەئىسى،شائىر ئەكبەر رىسقۇل ئوغلى مۇراسىمنى باشقۇردى ۋە قىرغىز مەملىكەتلىك يازغۇچىلار جەمئىيىتى بىلەن جۇڭگو-شىنجاڭ يازغۇچىلار جەمئىيىتى ئوتتۇرىسىدىكى بېرىش-كىلىشنى كۈچەيتىشنى،مەدەنىيەت ئالماشتۇرۇشنى كېڭەيتىشنى بەكمۇ خالايدىغانلىقىنى بىلدۈردى. پائالىيەت جەريانىدا «شىنجاڭ قىرغىز ئەدەبىياتىنىڭ 30 يىللىق ئەسەرلەر توپلىمى» ناملىق ئىككى توم كىتاپ قىرغىز جۇمھۇرىيىتىنىڭ ھەر قايسى جايلىرىدىن كەلگەن تۈرلۈك مەتبۇئات ۋەكىللىرىگە يىتەرلىك تارقىتىپ بېرىلدى.قىرغىز جۇمھۇرىيىتىدىكى كۆپلىگەن مەتبۇئاتلار بۇنىڭدىن ئىلگىرى «جۇڭگۇ قىرغىز ئەدەبىياتى» سەھىپىسىنى ئېچىپ ئېلىمىزدىكى قىرغىز ئەدىبلىرىنىڭ ئەسەرلىرىگە مۇۋاپىق بوشلۇق بېرىپ كىلىۋاتقانلىقىنى، بۇنىڭدىن كىيىن مۇشۇنداق تۈردىكى مەخسۇس سەھىپىلەرنى تېخىمۇ كېڭەيتىپ ئېچىپ،خوشنا ئەللەر ئەدەبىياتىنىڭ ئالماشتۇرۇش ۋە تونۇشتۇرۇش خىزمىتى ئۈچۈن تېخىمۇ ياخشى سەھنە ھازىرلايدىغانلىقلىرى ئۈستىدە سەمىمىي توختىلىشتى. بۇ قېتىمقى ئەدەبىيات سەپىرىدە مەخسۇس پائالىيەتلەر باشتىن-ئاخىر ئوڭۇشلۇق تەشكىللىنىپ،دەل ۋاختىدا ئۆتكۈزۈلۈپ،500دىن ئارتۇق توپلام تارقىتىلىپ ياخشى ئىجتىمائىي كەيپىيات يارىتىلدى.قىرغىز جۇمھۇرىيىتىدىكى ئەدەبىيات ئاشىنالارىنىڭ جۇڭگۇ قىرغىز ئەدەبىياتى ھەققىدىكى چۈشەنچىسى چۇڭقۇرلاشتۇرۇلدى.«شىنجاڭ قىرغىز ئەدەبىياتى» ژورنىلىنىڭ قىرغىز جۇمھۇرىيىتىدىكى ئەھمىيەتلىك سەپىرى ھەققىدە رادىيو،تېلىۋۇزۇر،ئەدەبي ژورناللار ۋە گېزىتلەردە مەخسۇس خەۋەرلەر بېرىلىپ،خوشنا مەملىكەتتىكى ئەدەبىيات ئاشىنالىرىنىڭ يۈكسەك دىققىتىنى ئۆزىگە تارتتى. بۇ يازمىنى ئاخىرىدا Erchin تەھرىرلىگەن. ۋاقتى 2014-6-12 21:46

Erchin · ۋاقتى: 2014-6-11 23:41:21


	دوستانە بېرىش-كېلىش ئۈزۈلمىسۇن!

ئابدۇرېھىم زۇنۇ · ۋاقتى: 2014-6-11 23:45:47


	قىزغىز ئەدەبىياتى بىلەن ئوقۇغۇچىمىز دولقۇن توردۇمۇ چەت ئەللەردە زىيارەتتە بولۇپتۇ. مۇبارەك بولسۇن!

دېھقانباي · ۋاقتى: 2014-6-11 23:59:52


	مەزمۇن يوللاش جەريانىدا «ئەرەب ئېلىببەسىدىكى» دىگەن سۆزنى «ئەرەب يېزىقىدىكى» دەپ خاتا يوللاپ قاپتىمەن.ئۆزرە！باشقۇرغۇچىلار تۈزىتىپ قويغان بولسا……

ئۈمىدجان قادىرى · ۋاقتى: 2014-6-12 00:55:22


	مۇبارەك بولسۇن!

غوجىمۇھەممەد · ۋاقتى: 2014-6-12 01:43:46


	دوستۇم ئەنۋەرجان سادىق كۆكنۇرنى بۇ ئۆمەكتە بارمىكىن دەپ سۈرەتلەر ئارىسىدىن خىلى ئىزدىدىم. بىراق ئۆمەكتىكىلەر قىرغىز ئەدىبلىرىنىڭ ۋەكىللىرى ئەمەس، قىرغىز ئەدەبىياتى»مۇھەررىرلىرى ئىكەن ئەمەسمۇ؟

زەينۇللا · ۋاقتى: 2014-6-12 09:11:37


	غوجىمۇھەممەد يوللىغان ۋاقتى 2014-6-12 01:43 دوستۇم ئەنۋەرجان سادىق كۆكنۇرنى بۇ ئۆمەكتە بارمىكىن د ... سىز ئويلىغاندەك بولغان بولسا دېھقانبايمۇ بار بولغان بولاتتى

چوغلانبەگ · ۋاقتى: 2014-6-12 10:12:11


	ھەقىقەتەن ئەھمىيەتلىك ئەدەبىيات سەپىرى بوپتۇ،قىرىنداش قىرغىز ئەدەبىياتى ئۈچۈن مىھنەت قىلىۋاتقان ئەزىزلەرگە سالام!

چوغلانبەگ · ۋاقتى: 2014-6-12 10:13:29


	ئۇيغۇران يوللىغان ۋاقتى 2014-6-12 09:11 سىز ئويلىغاندەك بولغان بولسا دېھقانبايمۇ بار بولغان ... دىھقانباي،كۆكنۇر ئىنىمغىمۇ بۇنداق پۇرسەتلەر نىسىپ بولغاي.

دېھقانباي · ۋاقتى: 2014-6-12 16:26:52


	غوجىمۇھەممەد يوللىغان ۋاقتى 2014-06-12 01:43:46 دوستۇم ئەنۋەرجان سادىق كۆكنۇرنى بۇ ئۆمەكتە بارمىكىن د بۇ سەپەر قىرغىز مەتبۇئاتلىرىنىڭ چەتئەلدىكى كەسپىي خىزمەت سەپىرى بولغانلىقى ئۈچۈن،شۇنداقلا سىرتقا چىقىدىغان ئادەم سانى ۋە ۋاقىت قاتارلىق جەھەتلەردە زىچ ھەم نازۇك ئورۇنلاشتۇرۇش بولىدىغان ئىش بولغاچقا مۇھەررىرلەر باردى.بۇ ھەم ئاسان قولغا كەلمەيدىغان جاپالىق جەريان ئەمەسمۇ.قىرغىز ئەدەبىياتىغا كۆڭۈل بۆلگەن،ياخشى تىلەكلىرىنى ئايىمىغان ئۇستازلارغا رەھمەت!……

دېھقانباي · ۋاقتى: 2014-6-12 16:34:50


	چوغلانبەگ يوللىغان ۋاقتى 2014-06-12 10:13:29 دىھقانباي،كۆكنۇر ئىنىمغىمۇ بۇنداق پۇرسەتلەر نىسىپ ب چوغلانبەگ ئاكامنىڭ ياخشى تىلەكلىرىگە تەسەننا ！！！…ئۆزلىرىدەك سۆيۈملۈك ئۇستازىمىزنىڭ ياخشى تىلەكلىرىدىن ئالەمچە بەختىيارلىق سەزمەكتىمەن！ياخشى كۈنلەر،ئىزگۈ تىلەكلەر ھەممىمىزگە ئورتاق بولسۇنلار！……

بەگ · ۋاقتى: 2014-6-12 23:28:16


	دوستانا بېرىش - كېلىشلەر داۋاملاشغاي! دېھقانباي تورداشنىڭ تەپسىلىي ھەم سۆرەتلىك مەلۇمات بەرگىنىگە رەھمەت! بۇ يازمىنى ئاخىرىدا بەگ تەھرىرلىگەن. ۋاقتى 2014-6-12 23:29