جاللات-:يەكشەنبىگە قايتىۋاتىمەن

مەن ماڭماقچى بولغان يولۇمنىڭ ئاشۇ چىغىر يول ئىكەنلىگىنى بىلەتتىم .بۇ چىغىر يول بىلەن ئولۇمگە يىقىنلىشالايتىم ،ھەم ئولۇمدىن قايتىپ كىلەلەيتىم .ئوزۇمنى ئولۇمگە يىقىنلاشتۇرغاندا ئۇ يەنىلا سىرتىمنىڭ ئىچىدە ماڭا يىقىنلىشىۋاتاتتى .ئىچىمنىڭ سىرتىدا مەندىن يىراقلىشىۋاتاتتى .ئاشۇ يوللار ماكانىمغا قارا سايە تاشلىغاندا يەكشەنبىدىكى ئولۇمگە قايتىشنى خىيال قىلدىم .








بۇ يازمىنى ئاخىرىدا   jallat تەھرىرلىگەن. ۋاقتى  2014-6-8 10:40  

شېئىرغا قۇتلۇق بولسۇن!
جاللات بۇرادەر ئىملا ئۆگىنىشتە بىر ئۆمۈر قىينالدى!

دوستۇم ،بەزىدە تۇيغۇ كەڭ يىيىلىپ ھازىرلىقنىڭ پۇتۇكلىرىنى لىرىكىغا خاتىرلەۋاتقاندا ئاشۇ لەۋلەشكەن سوزۇق تاۋۇشلار بىلەن لەۋلەشمىگەن سوزۇق تاۋۇشلار تۇيغۇمنى ئوزۇپ قويمىسۇن دەپ تىز خاتىرلەشكە بارلىق ئىشتىياقىم بىلەن ئاتلىنىمەن .ئوزۇمگە مەنادا يىقىنلاشقاندا «ئىملا»نىڭ ماتەم مۇزىكىسى چىلىنىۋاتقان بولىدىكەن .ئۇزۇك تاۋۇشلىرىمدا مەسىلە يوق .ھەم ھازىرقىدەك بىر قانچە قىتىم چىقارغان تىل يىزىق كومتىتىكىلەرنىڭ ھوججەتلىرى ئالدىدا مۇنبىرىمىزدىكى بارلىق يازمىلاردىن ئىملا سەۋەنلىگى تىپىشقا بولۇدۇ ....شېئىرنىڭ ئاستىغا ئالاھىدە ئەسكەرىتمە بىرىپ قويدۇم ...مەندە سەۋەنلىك يوق :بۇ شېئىردا ئايرىم مىسرالارنى ھىساپقا ئالمىغاندا تىنىش بەلگىلىرىمۇ قويۇلمىدى .ئوقۇرمەنلەر خالىغان يەردە تىنىپ ،خالىغان يەردە ھاردۇقىنى چىقىرىپ بەھوزۇر كىرىلىپ ئولتۇرۇپ شېئىردىن بەھىرلەنسۇن دىدىم lol بۇ يازمىنى ئاخىرىدا   jallat تەھرىرلىگەن. ۋاقتى  2014-6-8 12:56  

سالام، جاللات ئاكا. قانداق ئەھۋالىڭ؟ ياخشى تۇرۋاتامسەن؟ ئۇزۇن بولدى ئىزدىيەلمىدىم! ئامانمۇ سەن؟ چۈشكە يېقىن سەھەردە بۇ ئەسىرىڭنى ئوقۇپ ھۇزۇرلاندىم. تېنىڭنىڭ سالامەت، دوختۇرخانا- كېسەللىرىڭنىڭ تېخىمۇ كۆپىيىشىنى ئۈمۈد قىلىمەن. مەن بۇدا يەكەنگە بارغاندا ساڭا < ئىملا تۈزەتكۈچ> يۇمشاق دىتالىدىن بىرنى سوۋغا قىلاي... ئامان بول، سېنى ئۆزۈڭگە تاپشۇردۇم...

ئىلگىرى سىلىگە ئىملا ھەققىدە كۆپ ئېيتقان. شۇنداقتىمۇ بۇ شېئىرنىڭ ئېسىللىكىدىن سۆيۈنۈپ چاقچاق قىلغۇم كېلىپ، مۇنداقلا دەپ قويغىنىم ئۇ. كۆڭلۈڭلەرگە كەلمىسۇن ھە!
ئىنكاسنىڭ ئۆزىمۇ ئېسىل چىقىپتۇ.   بۇ يازمىنى ئاخىرىدا   Erchin تەھرىرلىگەن. ۋاقتى  2014-6-8 13:09  

دوستۇم جاللاتنىڭ يەكشەنبىگە قايتىۋاتقانلىقىنىڭ سىرى ئارىدىن ئالتە يىل ئۆتكەن بۈگۈنكى كۈندە رىزۋانگۈلنىڭ  «ھالرەڭ يەكشەنبە»سى ئارقىلىق ئاشكارىلاندى.  ئەمدى كېيىنكى قەدەملەرنى دۈشەنبەدىن باشلىغايسەن، دوستۇم.

رەھمەت قىرىنداشلىرىم .

يەكشەنبىگە قايتىۋاتقان قەدەملەرنىڭ ئىزىدىن ئېچىلغان ھالرەڭ چىمەنلەرنىڭ خۇش پۇرىقىنى بەخترەڭ ئاسماندىن كۆرۈپ، سۆيگۈ تەختىدە ئەزىزلىنىپ، مۇھەببەتنىڭ ئىللىق باغرىدا ئەللەيلىنىۋاتقان  قەلەمداش دوستۇمنىڭ بەختىدىن سۆيۈندۈم ، شېئىرىڭىز بىلەن سىزگە ئالىي ئېھتىرام بىلدۈرىمەن جاللات ئەپەندى.

دەل ۋاقتىدا ياڭرىغان كۈيلەرنىڭ ھوزۇرى ئەجەپ شىرىن بولىدىكىنا؟!!!!!!. بۇ يازمىنى ئاخىرىدا   ساجىدە سۇلايمان تەھرىرلىگەن. ۋاقتى  2014-6-8 13:56  

يەكشەنبىگە قايتسىڭىزمو گەر،
مولۇندەكلا تۇرار دۇشەنبە.
قاتارلىشىپ كەلسە يەتتە كۇن،
مۇمكۇنمىدو تۇرماق سۇكۇتتە؟

جاللات ئەپەندىمنىڭ شىئېرلىرىنى ئوقۇمىغىلى ئۇزۇن بوپتىكەن. بۇ شىئېرنى ئوقۇپ ھوزۇرلاندىم دېسەم يالغان ئېيتقان بولىمەن. چۈنكى بۇ شىئېرنى چۈشىنىپ ھەزىم قىلغۇدەك قابىلىيەت ھازىرچە مەندە بولمىسا كېرەك. بىرەيلەننىڭ «شىئېر چۈشىنىلمەيدۇ، ھىس قىلىنىدۇ» دېگەن گېپىنى ئاڭلىغان ئىدىم. بۇ گەپنىڭ راست - يالغانلىقىنى ياكى توغرا - خاتالىقىنى بىلمەيمەن. ئىشقىلىپ بىر ئىدىيەنى، كۆز قاراشنى ھىس قىلغاندەك بولدۇم. بەلكىم مۇشۇنچىلىك ھىس قىلىشنىڭ ئۆزىمۇ شىئېرنىڭ ۋە شائىرنىڭ مەقسىتى بولسا كېرەك. لىرىك ئەسەرلەر ئوقۇرمەندىن زىر - زەۋىرگىچە چۈشىنىشنى ۋە ئاپتوردىن چۈشەندۈرۈشنى تەلەپ قىلسا بولمايدۇ. مېنىڭچىمۇ لىرىك شىئېرنى قانچە چۈشەندۈرگەنچە شۇنچە لاۋزىلىشىدۇ.
80- يىللارنىڭ باشلىرىدا ئۇيغۇر كونا يېزىقىدا «ئۆ، ئۈ» ھەرپلىرى يوق ئىكەندۇق. جاللات ئەپەندىمنىڭ كۆپلىگەن ئىنكاسلىرىنى ئوقۇدۇم. «ئۆ، ئۈ» ھەرپلىرىنى ئىشلەتكىنىنى ئاساسەن كۆرمىدىم. 30 يىل ئۆتۈپ كەتكەن بۈگۈنكى كۈندىمۇ ئەپەندىمنىڭ ئاشۇ چاغدىكى ئىملادا نېمىشقا بۇنچە جاھىللىق بىلەن تۇرىدىغانلىقىنى زادىلا چۈشەنمىدىم.

يەكشەنبىگە قايتۋاتقان جۈپ ئىزلاربەركەتلىك بولسۇن!

ئىملانى توغۇرلىماي  تۇرۇپ شېئىر يازماڭلار  ئەپەندىلەر ،سىلەرنىڭ بىرەر ئەزايىڭلار  كەم  يارىتىلغانمۇ يا   ؟  ئۇيغۇر تىلىغا ھاقارەت قىلماڭلار ！ بولمىسا  باشقا تىلدا يېزىڭلار  ！نىمە  گەپ بۇ  دائىم  ئىملا خاتالىقى تەكىتلىنىۋاتسا  ،يەنە يېزىۋىردىغان گەپمۇ ؟

                                           يەكشەنبىگە قايتىۋاتىمەن

     مەن ماڭماقچى بولغان يولۇمنىڭ ئاشۇ چىغىر يول ئىكەنلىكىنى بىلەتتىم. بۇ چىغىر يول بىلەن ئۆلۈمگە يىقىنلىشالايتتىم، ھەم ئۆلۈمدىن قايتىپ كىلەلەيتتىم. ئۆزۈمنى ئۆلۈمگە يېقىنلاشتۇرغاندا ئۇ يەنىلا سىرتىمنىڭ ئىچىدە ماڭا يېقىنلىشىۋاتاتتى، ئىچىمنىڭ سىرتىدا مەندىن يىراقلىشىۋاتاتتى. ئاشۇ يوللار ماكانىمغا قارا سايە تاشلىغاندا يەكشەنبىدىكى ئۆلۈمگە قايتىشنى خىيال قىلدىم.


ئەي، كېچە
ئۆلۈمدىكى قاراڭغۇ كېچە
مەن ئۆزۈمنى پاكلاي دېگەنتىم
مەن ئۆلۈمگە قايتاي دېگەنتىم
قانلىرىمنىڭ يەكشەنبىسىدە
ئۆلۈم ماڭا يىقىنلاشقاندا
ئۆلۈمدىكى چىغىر يوللاردا
ئۆلۈپ كېتىشنى خىيال قىلاتتىم .

ئەي، كېچە
بۈگۈن يەنە ئايدىڭ بولدىمۇ ؟
ئۆلۈمۈمنىڭ غەمسىز جانلىرى
چىغىر يولدا زامانغا قايتىپ
يەكشەنبىدىن پاناھلاندىمۇ ؟

ئەي، كېچە
جاڭگالدا ناخشىدا يۈرگەن بوۋامنىڭ
كۆرىمەن ئۆلۈمگە ماڭغانلىقىنى .
قۇملۇققا چېچىلغان قىزىل قانلارنىڭ
ئاڭلايمەن ئۆلۈمگە پىچىرلىغانلىقىنى .
كۆرىمەن ئا  نىڭ ئۆزىدەك تەنھا
ئۆلۈمدىن سىر پىتى قاچقانلىقىنى .

ئەي، كېچە
ئارمان تۈنلىرىنى يايغاندا سەھەر
ئاڭلايمەن سىرتىڭدا ئېچىلدى ئىشىك
قىسمەتنىڭ كەينىگە مۇككەندە سايە
سېنى سۆزلەيمەن ئايدىڭ بولغاندا
مېنى سۆزلەيدۇ ئۆزىدە كىملەر ؟

ئەي كېچە
ئاسماننى يېپىنىپ كەتتىم باھارغا
دېڭىزدا ئۇخلايمەن يەنە سۈكۈتتە
يەكشەنبىگە  قايتىۋاتىمەن
ئۆلۈم ماڭا يىېىنلاشقاندا
مېنى سۆزلەيدۇ ئۆزىدە كىملەر ؟

2008-يىلى 10-ئاينىڭ 2-كۈنى (يەكەن)

ئەگەر كۈچۈم يەتسە  ئىملانى توغۇرلىمىغان بارلىق شائىر ،يازغۇچىلارنى ئۇرغان بولاتتىم  ！！！شائىرلىق  قەلىمى پىشقان كىشىلەر ئۈچۈن    ئىملا  خاتالىقى جىنايەت  ！ئۇيغۇر  ئەدەبىياتى بىلەن شۇغۇللىنىدىغان يازغۇچى ،شائىرلار  ئىملاغا دىققەت قىلمىسا  باشقىلار قانداق قىلىدۇ ！ئانا تىلغا ھاقارەت قىلغان ھەرقانداق كىشىگە يۇز قىلمايمەن ！