مۇھەممەدجان راشىدىن: دوستلارغا

كىتاب · ۋاقتى: 2014-5-24 15:00:55


	دوستلارغا مۇھەممەدجان راشىدىن يامان كۈنلەر مەن بىلەن كەتكەي، ياخشى كۈنلەر سەن بىلەن بولسۇن. مەنلا تارتاي تىكەن دەردىنى، قىزىلگۈللەر سەن بىلەن بولسۇن. چوققىلارنى ساڭا ئۆتۈندۈم، ماڭا قالسۇن ساينىڭ تاپىنى. تەقدىر ساڭا تاۋار تون ياپسۇن، ماڭا قالسۇن ئەسكى چاپىنى. ماڭا قىيا باقمىغان ھۆرلەر، بېرىپ سىنىڭ چېيىڭنى قۇيسۇن. كىبىرلىكتە ماڭا غادايغان، بېرىپ سىنىڭ كىرىڭنى يۇيسۇن. مەن ياسىغان كۆۋرۈكتىن ئۆتسەڭ، مىنىڭ ئۈچۈن ياساپتۇ دەپ ئۆت. سەپەرلەردە ئۇلاغسىز قالساڭ، ھاپاشلاشقا يەنە مىنى كۈت. ئاي چىللىسا، مەن قالاي، سەن چىق، ئايدا دوستۇم بار دەپ يۈرىمەن. پەخىرلەنسە مۈلكىدىن ئەللەر، مەن سىنىڭدىن ھۇزۇر سۈرىمەن. مەن تۇرغاندا غەم قىلىپ يۈرمە، قاردا قالغان خامانلىرىڭدىن. غەلۋىر تۇتۇپ ئۆزۈم ئايرىيمەن، چەشلىرىڭنى سامانلىرىڭدىن. دورىمايمەن‹‹ ئاغزى دوست›› لارنى، ئاغرىپ قالساڭ قەلبىم يىغلايدۇ. ئىككى قولۇم تاپقانلىرىنى، سەندىن ئاياپ دۇنيا يىغمايدۇ. بىر نان تاپسام، يېرىمى سىنىڭ، تەڭ ئۆلىمىز ئاچلىقتىن ئۆلسەك. يالغۇز كۈلگەن ياخشىلىق ئەمەس، تەڭ كۈلىمىز توقلۇقتىن كۈلسەك. يامان كۈنلەر مەن بىلەن كەتكەي، ياخشى كۈنلەر سەن بىلەن بولسۇن. مەنلا تارتاي تىكەن دەردىنى، قىزىلگۈللەر سەن بىلەن بولسۇن. ( بۇ شېئىر 2001 - يىلى 11 - نۆۋەتلىك ‹‹ خانتەڭرى ئەدەبىيات مۇكاپاتى›› غا ئېرىشكەن) مەنبە: شىنجاڭ ياشلار- ئۆسمۈرلەر نەشرىياتى نەشىر قىلغان ‹‹ خانتەڭرى ئەدەبىيات مۇكاپاتى›› غا ئېرىشكەن ئەسەرلەردىن تاللانما - شېئىرلار دىگەن كىتابتىن ئېلىندى

كىتاب · ۋاقتى: 2014-5-24 16:31:10


	بۇ تىمىنى بەك ياقتۇراتتىم شۇنىڭ ئۈچۈن بۇ يەرگە يوللاپ قويدۇم. مۇمكىن بولسا تەستىقلاپ قۇيۇشىڭلارنى سەمىمىيلىك بىلەن ئۈمىد قىلىمەن!

انقۇش · ۋاقتى: 2014-5-24 20:00:48


	ئاي چىللىسا، مەن قالاي، سەن چىق، ئايدا دوستۇم بار دەپ يۈرىمەن. پەخىرلەنسە مۈلكىدىن ئەللەر، مەن سىنىڭدىن ھۇزۇر سۈرىمەن.

ئۈمىدجان قادىرى · ۋاقتى: 2014-5-24 21:10:24


	ياخشى شېئىردىن قايتا ھوزۇر ئېلىش پۇرسىتىگە ئېرىشتۈرگەن ئالىمجاننىڭ ئەجرىگە رەھمەت ئېيتىمەن.

Wolkani · ۋاقتى: 2014-5-24 22:26:37


	ئەجىرلىرىگە باركاللا !

ئالىم ياسىن · ۋاقتى: 2014-5-25 00:22:15


	بۇ ئۇستازنىڭ ئۆمرى ئۇزۇن بولغاي!يەنە شۈنداق ياخشى شىئېرلىرىغا تەشنامىز.

ھۈسەيىن ئەسئەت · ۋاقتى: 2014-5-25 13:25:10

كىتاب · ۋاقتى: 2014-5-25 22:18:52


	ئۈمىدجان قادىرى يوللىغان ۋاقتى 2014-5-24 21:10 ياخشى شېئىردىن قايتا ھوزۇر ئېلىش پۇرسىتىگە ئېرىشتۈرگە ... مەن بۇ شېئىرنى يوللاش ئارقىلىق سىزگە ھۇزۇر ئاتا قىلالىغىنىم مىنىڭ ئەڭ چوڭ خۇشاللىقىم. مىنىڭ بۇ ئەمگىكىمنى قوللىغىنىڭىزغا، ياقتۇرغىنىڭىزغا رەخمەت!

كەشپى · ۋاقتى: 2014-5-26 14:19:32


	مۇھاممەتجان راشىدىن ئاكىمىزنىڭ شئېرلىرنى داۋاملىق يوللاپ تۇرشىڭىزنى ئۈمۈد قىلمەن . شائىرنىڭ تېنىگە سالامەتلىك يار بولغاي! بۇ شائىرىمىزدەك ئېسىل شائىرلار كەم تېپىلىدۇ...

كىتاب · ۋاقتى: 2014-5-26 19:56:22


	Wolkani يوللىغان ۋاقتى 2014-5-24 22:26 ئەجىرلىرىگە باركاللا ! رەخمەت سىزگە!

مىھرىم · ۋاقتى: 2014-5-29 22:45:53


	مەن بەك ياختۇرۇدىغان شىر ئدى،رەخمەت سىزگە...مۇھەممەتجان راشىدىن ئاكىمىزنىڭ ئومرى ئۇزۇن بولسۇن.

كىتاب · ۋاقتى: 2014-5-29 22:50:12


	انقۇش يوللىغان ۋاقتى 2014-5-24 20:00 ئاي چىللىسا، مەن قالاي، سەن چىق، ئايدا دوستۇم بار دەپ ي ... رەخمەت!

كىتاب · ۋاقتى: 2014-6-1 21:58:08


	ھۈسەيىن ئەسئەت يوللىغان ۋاقتى 2014-5-25 13:25 رەخمەت سىزگە!

كىتاب · ۋاقتى: 2014-6-1 21:59:57


	بۇرۇت يوللىغان ۋاقتى 2014-5-25 00:22 بۇ ئۇستازنىڭ ئۆمرى ئۇزۇن بولغاي!يەنە شۈنداق ياخشى شىئې ... ياخشى شېئىرلىرىدىن يەنە يوللاپ تۇرىمەن.

بىناۋا · ۋاقتى: 2014-6-2 13:36:02


	مۇھەممەدجان ئاكىنىڭ ‹‹سەن كەتكەن كۈنى›› دېگەن شېئىرى ماڭا بەك تەسىر قىلىدۇ.قانچە رەت ئوقىسام،شۇنچە رەت كۈزۈمگە ياش تىقىلىدۇ.