غوجامۇھەممەد شېئىرلىرى(ئاۋازلىق)

بىر شېئىرىيەت ئاشىقى شائىر غوجامۇھەممەدنىڭ بىر قىسىم شېئىرلىرىنى دېكلىماتسىيە قىلغان ئىكەن. دوستلارنىڭ ھوزۇرلىنىشىغا سۇنۇلدى.
بۇ يازمىنى ئاخىرىدا   huxhuy تەھرىرلىگەن. ۋاقتى  2014-5-23 10:15  

سەمەرىيلىك ئەمگىكىڭلارغا تەشەككۈر

بۇ ياخشى ئەمگەكتىن تولىمۇ سۆيۈندىم ،ئەجرلىرىگە كۆپ رەخمەت !

خۇشخۇي ئاكىمىزنىڭ ئەجرىگە كۆپ رەھمەت ！

ئېچىلمىدىغۇ؟

ئېچىپ سەل تەخىر  قىلسىڭىز چىقىدۇ.

تونۇلغان پىداگوك، شائىر خۇشخۇي ئەپەندىگە كۆپتىن كۆپ رەخمەت.

شئېر دىكىلماسسىيە ئاۋازىدىن ناخشا ئاۋازى بەك يۇقۇرى بوپ قاپتۇ،بىراق ئەجرىڭىزگە رەھمەت

خالىس ئەمگەك ! ياخشى چىقىپتۇ .

خالىس ئەمگەك ! ياخشى چىقىپتۇ .

تولىمۇ ئەھمىيەتلىك ئىش بوپتۇ، شۇغىنىسى شىئىر دېكلىماتسىيە قىلغۇچىنىڭ يەرلىك شىۋىسى سەل كۈچلۈك بولۇپ قاپتۇ، ئاۋاز ئارتىسىدىن بىرەرسى ئوقۇغان بولسا تىخىمۇ ياخشى بولاتتىكەن!

تولىمۇ ئەھمىيەتلىك ئىش بوپتۇ، ياخشى چىقىپتۇ .

چقمىدىغۇ

چۈشۈرۈۋالغىلى بولسا ياخشى ئىدى-دە!

                      دۇتارچى ئايال                                       

                          بارمىقىڭ چاپتۇرۇپ كېلەر قېقاسلاپ،
                          تارلارنىڭ ئۈستىدە ساناقسىز ئاتنى.
                          بىر چىنە قىزىق چاي ھور ئۆرلەپ تۇرغان،
                          كېلەر ئېھ گۈپپىدە ئىچكۈم ھاياتنى.

                          ھېلىقى كوچىغا باشلىدىڭ يەنە،
                          يارىمنىڭ كۆڭلىكى قىپقىزىل ئىدى.
                          يەشمەكتە بىر- بىرلەپ تۈگمىلىرىمنى،
                          ئاھ، سېنىڭ ناخشاڭنىڭ نازۇك قوللىرى.

                          ئۆرگىلەي ئاسماندا ئايىڭ بولمىسا،
                          قايتمايمەن تېمىڭنى ئۆرۈپ كېچىدە.
                          مۇھەببەت دۇنيادا ئەڭ يامان ئوغرى،
                          تۇتۇلماي كەلگەن ناخشاڭ ئىچىدە.



                                    ماي

                        بۇ قاقاس كۈنلەردە مەن ھۋچكىم ئەمەس،
                        يېنىمدا بىر دەريا ئاقار سۇسىراپ.
                        قولۇمدا دۇتار قىز، قارنى يېرىلغان،
                        تىلىمدا بىر ناخشا ئۆلەر چىرقىراپ.

                       ماشىنا نەقەدەريېقىمسىز ئادەم،
                       ئادەم نەقەدەر ئاجىز ماشىنا.
                       ئەرلەرنىڭ ئەسلىدە پادىشاھى يوق،
                       تەلپۈنەر ئاياللار بالا- قازاغا.

                       قىزلارنى ئەينەكلەر يەيتتى سۇندۇرۇپ،
                       ئەرلەرنى پارچىلاپ يەيتتى خىزمەت پۇل...
                       تۇيۇقسىز چىقىپ مەن ئەينەك ئىچىدىن،
                       قاچتىم ئەڭ خىلۋەت بىر ئۆڭكۈرگە ئۇدۇل.


                              نۇر چاچار ھەسرىتىم ئەينەك ساندۇقتا

                              ھېچنىمەڭ بولمىسا ئەي قىرى كېچە،
                              مەن سېنىڭ ئاشناڭمەن تەنھا ئۇيقۇسىز.
                              چۇۋۇۋەت چېچىڭنى تاپىنىڭغىچە،
                              مۇھەببەت ئون بەشكە تولمايدىغان قىز.

                              نۇر چاچار ھىسرىتىم ئەينەك ساندۇقتا،
                              يېرتىلغان خەتلەردە، يىرتىق ھاياجان.
                              ئۆسمەكتە تەلپۈنۈپ ساقال- بۇرۇتۇم،
                              كۈلپەتلىك تولۇن ئاي چۈشلىرى تامان.

                              بىلمەيسەن توساتتىن مەن ئالەمدە يوق،
                              جەسىتىم ئېسىقلىق تۇرار بازاردا.
                              ئادەملەر شاد- خۇرام ئوينايدۇ ئۇسسۇل،
                              تولىدۇ ھەممە يەر مېنىڭ ناخشامغا.



                                    ئىككى تاش مۇڭدىشىپ ئولتۇرار سايدا

                                    دەريالار سۈپسۈزۈك نومۇس ئىچىدە،
                                    چېچىنى تارايدۇ تاغلارغا قاراپ.
                                    ئورمانلار كىرپىكى تۆكۈلەر كۈزدە،
                                    يۇلتۇزلار گاھىدا قويىدۇ قاۋاپ.

                                    يۆتىلەر دالىدا قىرى گۈلخانلار،
                                    ئىككى تاش مۇڭدىشىپ ئولتۇرار سايدا.
                                    چىغىر يول ئىزىقىپ قالىدۇ دائىم،
                                    بىر قىزچاق توختىماي يىغلايدۇ ئايدا.

                                   كۆكسىگە تەڭلەنگەن مىلتىقىنىڭ ئۇچى،
                                   سايرايدۇ بىر قۇشقاچ پەرۋاسىز، خۇشال...
                                  بەلكىم بۇ بىر پارچە رەڭسىز رەسىمدۇر،
                                  يا چېچى چۇۋۇلغان سەممىي ئايال.



                                       تىۋىش

                                 بۇ كوچا، ئۇ كوچا ئوخشاش بىر كوچا،
                                 بارغىلى بولىدۇ يارنىڭ ئۆيىگە.
                                 ئۇ ناخشا، بۇ ناخشا ئوخشاش بىر ناخشا،
                                 ئوت قويار بەرىبىر كۆڭۈل ئۆيىگە.

                                 ئادەملىك كۈلپىتى يىراق يېزىدا،
                                 بىر كونا تاغاردىن تۇرار چېچىلىپ.
                                 قىزىل گۈل ۋارقىراپ توزۇش ئالدىدا،
                                 ئاداققى چەككىچە باقار ئېچىلىپ.

                                 بىر پاشا ھەتتاكى ئاشۇ بىر پاشا،
                                 ئەڭ مەشھۇر قانخوردۇر نامى تارالغان.
                                 ئادەملەر يوشۇرۇن ماڭار ئۆلۈمگە،
                                 بىلمەيدۇ، ماشىنا ئۆرۈلەر قاچان؟!


                                      ۋاز كېچىش

                                مەن بۈگۈن چىرايلىق بىزەپ بويۇمنى،
                                سۆيىمەن تۇنجى رەت كۆرگەن ئايالنى.
                                ئاندىن مەن بولىمەن ۋەھشىي بىر قاتىل،
                                ئۆلتۈرۈپ تاشلايمەن قەلبمدە ئۇنى.

                                ئارىلاپ ئەڭ پەسكەش كوچىلار ئارا
                                توۋلايمەن، مانا بۇ بىزنىڭ شەھەر دەپ.
                                مەسخىرە قىلىمەن مەدەنىيەتنى،
                                قۇسۇقلار ئىچىدىن چىقىپ ئۆمىلەپ.

                                سەن كىم دەپ سورىسا دەيمەن باش چايقاپ:
                                مەن بۇ دەم ھېچ كىشى، يوق مەن ھېچ يەردە.
                                غوجى... ئۇ ئىسىمدۇر ياش بىر ئازاپنىڭ،
                                ئۇ ئۆلدى، خاتىرجەم ياتقاي گۆرىدە.