مۇختار تۇردى 1976 – يىلى 6 – ئاينىڭ 18 – كۈنى مارالبېشى ناھىيەسىدە تۇغۇلغان ، 2001– يىلى 7 – ئايدا شىنجاڭ ئۇنىۋېرستېتىنىڭ ئەدەبىيات فاكولتېتىنى پۈتكۈزگەن ، 2001 -يىلى 9 – ئاينىڭ 17 – كۈنىدىن 2005 – يىلى 5 -ئايغىچە ش ئۇ ئا ر ئەدەبىيات – سەنئەتچىلەر بىرلەشمىسى خەلق ئېغىز ئەدەبىياتى جەمئىيىتى «مىراس»ژۇرنىلى تەھرىراتىدا مۇھەررىر بولۇپ ئىشلىگەن ، 2005 – يىلى 5– ئايدىن بۈگۈنگە قەدەر « تارىم » ژۇرنىلى نەشرىياتىدا مۇھەررىر بولۇپ ئىشلەپ كەلمەكتە . مۇختار تۇردى 1993– يىلى «بوز يەر ئۆزلەشتۈرگۈچىلەر گېزىتى »(ھازىرقى « بىڭتۈەن گېزىتى») دە ئېلان قىلىنغان «ئوقۇتقۇچى» ناملىق نەسىرى بىلەن ئەدەبىيات باغچىسىغا كىرىپ كەلگەن بولۇپ ، بۈگۈنگە قەدەر « مىللەتلەر ئەدەبىياتى » ( ئۇيغۇرچە ) ، « تارىم » ، «تەڭرىتاغ » ، « ئەدەبىي تەرجىمىلەر » ، « مىراس » ، «شىنجاڭ ئۇنىۋېرستېتى ئىلمىي ژۇرنىلى »، « ئىلى دەرياسى » ، « مايبۇلاق » ، « قۇمۇل ئەدەبىياتى » قاتارلىق ھەر دەرىجىلىك گېزىت ۋە ژۇرناللاردا 300 پارچىدىن ئارتۇق ھېكايە ، نەسىر ، ئىلمىي ماقالە، تەرجىمە ئەسەر ئېلان قىلغان . ئۇ تەرجىمە قىلغان « دەسلەپكى تەربىيە ۋە تالانت » ، « ئۈچ پادىشاھلىق ھەققىدە قىسسە » قاتارلىق بىر نەچچە پارچە كىتاپ شىنجاڭ پەن – تېخنىكا نەشرىياتى ، شىنجاڭ ياشلار – ئۆسمۈرلەر نەشرىياتى قاتارلىق نەشرىياتلاردا نەشر قىلىنغان .
مۇختار تۇردى شىنجاڭ يازغۇچىلار جەمئىيىتىنىڭ ، شىنجاڭ خەلق ئېغىز ئەدەبىياتى جەمئىيىتىنىڭ ئەزاسى .
ۋاقتى: 2014-5-18 15:24:09
