«مۇزات دولقۇنلىرى» ژۇرنىلى

  
         باي ناھىيەلىك پارتكوم، ناھىيەلىك خەلق ھۆكۈمىتىنىڭ قوشۇلۇپ تەستىقلاپ، مەخسۇس مەبلەغ، ئادەم كۈچى ئاجرىتىشى، ناھىيەلىك مەدەنىيەت تەنتەربىيە رادىيو تېلېۋىزىيە ئىدارىسىنىڭ بىۋاستە ئىجرا قىلىشى ئارقىلىق، نەشىر قىلىنىشتىن توختاپ قالغىلى 9 يىل بولغان «مۇزات دولقۇنلىرى»ئەدەبىي ژۇرنىلى 2010- يىلى  ئىچكى قىسىمدا قايتا نەشىر قىلىندى. قايتا نەشىر قىلىنغان 2 يىلدىن بۇيان باي ناھىيەسىدىكى كەڭ ئەدەبىي ئىجادىيەتچىلەرنىڭ ئىجادىيەت سورۇنىغا ئايلاندى، شۇنداقلا، ئاپتورلارنىڭ نادىر ئەدەبىي ئەسەرلىرى  بۇ ژۇرنالدا ئېلان قىلىنىپ،باي ناھىيەسىنىڭ مەنىۋىي مەدەنىيلىك قۇرۇلۇشى، ۋە ئىقتىسادىي، ئىجتىمائىي، ئىناقلىق قۇرۇلۇشى ئۈچۈن خىزمەت قىلدى. ژۇرنالنىڭ سۈپىتى ۋە سەۋىيەسى  ناھىيە ئىچى-سىرتىدىكى ئوقۇرمەنلەرنىڭ، مۇتەخەسىسلەرنىڭ ياخشى باھاسىغا ئېرىشتى.
       «مۇزات دولقۇنلىرى»  قايتا نەشر قىلىنغاندىن بۇيان چىققان 9 سان ژۇرنالدا ناھىيەلىك  4 رەھبەرلىك كوللىكتىپىدىكى  رەھبەرلەردىن تارتىپ دېھقانلارغىچە، ئالى  مەكتەپنىڭ ئاسپىرانتلىرىدىن تارتىپ ، تولۇقسىز ئوتتۇرا مەكتەپنىڭ ئوقۇغۇچىلىرىغىچە، ئاپتونوم رايون ئىچىدە بەلگۈلىك تەسىرگە ئىگە قەلەمكەشلەردىن  تارتىپ،  تۇنجى ئەسىرى ئېلان قىلىنغان ھەۋەسكارلارغىچە 300 دىن ئارتۇقراق ئاپتورنىڭ 1000 پارچىدىن ئارتۇق ئەسىرى  بۇ ژۇرنال سەھىپىسىدە ئېلان قىلىنىپ، قەلەمكەشلەرگە پۇرسەت، سورۇن، شارائىت ھازىرلاپ بەردى، ئىلھام، مەدەت بەردى. بۇ ژۇرنالنىڭ نەشر قىلىنىشى باي ناھىيەسىنىڭ مەدەنىيەت قۇرۇلۇشىنى تەتەققى قىلدۇرۇشتا تۈرتكىلىك رول ئوينىدى.
    17 -نۆۋەتلىك مەركىزى كومىتېتى 6- ئومۇمى يىغىنىنىڭ روھىنى ئەستايىدىل ئۆگۈنۈپ ۋە ئىزچىللاشتۇرۇش،  ئەدەبىي ئىجادىيەت تەرەققىياتى ئارقىلىق، سوتسىيالىستىك مەدەنىيەت چوڭ تەرەققىياتى، چوڭ گۈللىنىشىگە تۈرتكە بولۇپ، سوتسىيالىستىك مەدەنىيەت قۇرۇلۇشىنىڭ يېڭى يۇقىرى دولقۇنىنى يەنىمۇ قوزغاش، ئومۇميۈزلۈك ھاللىق جەمئىيەت بەرپا قىلىشنىڭ يېڭى غەلىبىسىنى قولغا كەلتۈرۈش، جۇڭگوچە سوتسىيالىزم ئىشلىرىدا يېڭى ۋەزىيەت يارىتىش، جۇڭخۇا  مىللەتلىرىنىڭ ئۇلۇغ گۈللىنىشىنى ئىشقا ئاشۇرۇشتا «مۇزات دولقۇنلىرى» نىڭ رولى تولۇق جارى قىلدۇرۇلدى.

ھەر قېتىمقى مۇندەرىجسىنى كۆردۈم لىكىن بىر سان ژۇرنالىنى قولومغا ئېلىپ كۈرۈپ باقمىدىم. مۇمكىن بولسا دىيارىمىز خوتەندىمۇ تاپقىلى بولسا بەك ياخشى بولاتتى.

بۇ ژورنالمۇ ياخشى چىقىۋاتىدۇ. جاپاكەش مۇھەررىرلەرگە سالام

قەھرىمان روزى ئەرچىننىڭ جاپالىق ئەمگىكىگە رەخمەت

دولقۇنلار كۈۋەجەپ، شاۋقۇنلاپ تۇرسۇن!...

‹‹مۇزات دولقۇنلىرى››توختىماي ئۆركەشلىگۈسى..................

مۇزارت دولقۇنلىرى ئۈزۈلمىگەي. ئەرچىنكام مەزكۇز ژۇرنالنىڭ يىراق كەلگۈسى ئۈچۈن ئۆز ئىزىنى باسىدىغانلارنى يىتىشتۈرۈپ مېڭىشنى ئەستىن چىقارمىغاي.

قەھرىمان ئاكامغا ژۇرنال نامىنى ئۆلچەملىك يېزىپ يوللاپ بەرسەم بولغىدەك ( ئاكىمىز خالىسا).

نامانجان تۇرسۇن قاراتېكىن، تەكلىپىڭىزدىن ئەجەب خوش بولدۇم! بولسا شۇنداق قىلىڭە! 4-5 خىل خەت شەكلىدە يېزىپ يوللاپ بىرىڭا! شېئىرلىرىڭىز(سونېت، غەزەللىرىڭىز)دىنمۇ يوللاپ قويۇڭ! بۇ يازمىنى ئاخىرىدا   Erchin تەھرىرلىگەن. ۋاقتى  2012-6-12 10:17  

بۇگۇن مەنمو ئەسەر ئەۋەتتىم ،يارىسا ئىشلىتەرسىلەر.

بۇ ژورنالنىڭ تېخىمۇ ياخشى چىقىشىنى ئۈمۈت قىلىمەن

ئامىنە،  ژۇرنالغا مەسئۇل كىشى ئەۋەتكەن ئەسىرىڭىز نى كەلمەپتۇ دەيدۇ. بۇ ئېلخەت ساندۇقىغا قايتا يوللاپ قويۇڭ:
763126417@qq.com

muzatdolkunliri@163.com

يەنە قايتا يوللىدىم.

      «مۇزات دولقۇنلىرى» ژۇرنىلىنىڭ كېيىنكى قەدەملىرىنىڭ يەنىمۇ نۇسرەتلىك بولۇشىغا سەمىمىي تىلەكداشمەن!
      بۇ ژۇرنالنىڭ ئۆز قەرەلىدە، ئىزچىل ياخشى چىقىشى ئۈچۈن پائال ئەجىر سىڭدۈرىۋاتقان دوستلاردىن قەھرىمان روزى ئەرچىن، ئېلى نىياز دەرمانىي، قۇربان ئەلى قاتارلىقلارغا سەمىمىي سالام يوللايمەن!

ئۆز يېزىقىمىزدىكى نەشىر ئەپكارلىرىنىڭ كۆپىيىشى، خەلقىمىز روھىنى تاۋلايدىغان يەنە بىر پىچ كۆپەيدى دىگەن گەپ، بىر ياخشى ئىشنىڭ روياپقا چىققىنىغا خۇشالمەن.