شەۋكەت راھمان شېئىرلىردىن تاللانما

yoruq · ۋاقتى: 2014-4-21 22:11:45


	شەۋكەت راھمان شېئىرلىرىدىن تاللانما ئۆزبېكچىدىن ئۇيغۇرچىلاشتۇرغۇچى : يالقۇن ئەزىزى 20-ئەسىر ئۆزبېك شېئىرىيتنىڭ ئۆزىگە خاس ۋەكىلى، مىللەتپەرۋەر شائىر شەۋكەت راھمان1950-يىلى قىرغىزىستاننىڭ ئوش ۋىلايىتىنىڭ قارا سۇ ناھىيىسىگە قاراشلىق پامىر مەھەللىسدە سودىگەر ئائىلىسدە تۇغۇلغان. 1975-يىلى موسكىۋادىكى ئەدەبىيات ئېنىستوتىنى پۈتتۈرگەن.1977-يىلى تۇنجى شېئىرلار توپلىمى« رەڭگىن لەھزىلەر»1981-يىلى «يۈرەك قىرلىرى»1984-يىلى«ئوچۇق كۈنلەر»1985-يىلى« گۈللەۋاتقان تاش»1986-يىلى«ئويغاق تاڭلار»1988-يىلى«ھۇلۋا»1997-يىلى« شاۋكەت راھمان شېئىرلىرىدىن سايلانما»قاتارلىق شېئىرلار توپلىمى نەشىر قىلىنغان . ئۇ ھايات ۋاقتىدا لوركا، ئالبىرىتى، ھېمنىز قاتارلىق چەتئەل شائىرلىرىنىڭ شېئىرلىرىنى ئۆزبېكچىگە تەرجىمە قىلغان.1996-يىلى 2-ئۆكتەبىر تاشكەنىت شەھرىدە 46 يېشىدا ۋاپات بولغان. شائىرغا شۇ يىلى(1996-يىلى)ئۆزبېكىستاندا خىزمەت كۆرسەتكەن مەدەنىيەت-سەنئەت خادىمى دەپ ئۇنۋان بېرىلگەن. تۆۋەندىكى شېئىرلار شائىرنىڭ ئۆزبېكىستان ماۋەرائۇنەھر نەشىرياتى2012-يىلى نەشىر قىلغان «ئەبەدىيەت ئارىلاپ»( تاللانما شېئىرلار توپلىمى)دىگەن شېئىرلار توپلىمىدىن ئۇيغۇرچىلاشتۇرۇلۇپ دىققىتىڭلارغا سۇنۇلدى. بۇ قېتىم شائىرنىڭ شېئىرلىرىنى ئۇيغۇرچىلاشتۇرۇشتا ئىلگىرى مېنىڭ دىققەتسىزلىكتىن چۈشۈپ قالغان ئايرىم سۆز،جۈمۈللەر تۈزتىلدى ۋە تولۇقلاندى. تەرىقەت دۇنياغا سىغمىدىم سىغمىدى دۇنيا، غۇربەتتىن تارايغان تەبىئىتىمگە. قاپ-قارا چېچەكتەك چېچىلغان ھۇليا، ئەجداتلار كۆمۈلگەن تەرەققىتىمگە. يىقىتسا شۇ يولدا يىقىتسۇن تەقدىر . مەيلىلا چېچەكلەر قاپ-قارا بولسۇن. خۇداھىم بەرگەن ھۆرلىگىم ياخشى، قۇرۇتلۇق ئېستەكلەر شولىسى سۇنسۇن! پىچىلغان قۇللارنىڭ قۇلزادىلارنىڭ، مەلەك سىماھلىرنى ئويناتقان دۇنيا. يارالغان لەھزىدىن ھۆر ئادەملەرنى، ئىبلىسلاردا تىلىدا سويلاتقان دۇنيا. چىرايلىق چۆچەكلەر مەنزىلىدۇر ئۇ، مېغىزى قايغۇدىن، پوستى زەھەردىن. سارغىيار ئېچىلماي تۇرۇپ قىزىلگۈل، تۇپرىقى جىمغىنا قۇسقان زەھەردىن. چايقىلار جاھالەت ئوچاقلىرىدا، نەچچە مىڭ مەشرەب ۋە مەنسۇرى، ھەللاج. بارغانچە يۈكسلەر يول بويلىرىدا، ئادىمىزات قېنىغا تويمىغان جاللات. تاكەي بۇ ئىبلىسلىق تاكەي بۇ يالغان، تاكەي تىغ كۆتۈرەر قارا گورۇھلار. تاكەي سېسىپ ياتىدۇ غېرىپ ئالامان، ئىچىگە تىپ-تىرىك كۆمۈلگەن روھلار. خەنجەردەك روھ كېرەك كېرەك چىن ياغدۇ، چىن ئىشىق يالقۇنى باغرىمغا تولسۇن. جىسمىمنى ئاغرىتسۇن پەقەت چىن ئاغرىق، چېچەكلەر قاپ-قارا بولسىمۇ بولسۇن. باغرى كەڭ خۇداھىم مەخپىرەت قىلار، يىقىلسام يەتمەي ئۇ ھەقىقىتىمگە. كۆمۈلسەم كۆمۈلەي ئۆلۈمى گۈزەل، ئەجداتلار كۆمۈلگەن تەرىقىتىمگە.. كەل يوشۇرۇپ قوياي مەن سېنى كەل يوشۇرۇپ قوياي مەن، سېنى، يۈرىكمنىڭ ئەڭ چوڭقۇر يېرىگە. كىيىن سەنمۇ يوشۇرغىن مېنى، يۈرىكىڭنىڭ ئەڭ چوڭقۇر يېرىگە. تاپالمىسۇن بىزنى ھېچكىشى مەنبە«مايبۇلاق»ژۇرنىلى 2014-يىلى 1-سان داۋامى بار بۇ يازمىنى ئاخىرىدا yoruq تەھرىرلىگەن. ۋاقتى 2014-4-22 10:58

yoruq · ۋاقتى: 2014-4-22 18:59:24


	ئەۋج شەۋكەت راھمان ئۆزبېكچىدىن ئۇيغۇرچىلاشتۇرغۇچى : يالقۇن ئەزىزى مەن شۈھبىسىز پارچىلىنىمەن، شۇنداق تۈگەر بۈيۈك خىزمىتىم. كىمگە كۆزۈم،كىمگە پىشانەم، كىمگە تېگەر قىززىق قىسمىتىم. غەليانلارغا تولغان ۋۇجۇتتىن، ئاخىر دۇنيادا بولىدۇ خالاس. يەر ئاستىغا كېرىپ كېتىمەن، بارچە مۆمىن بەندىلەرگە خاس. بىراق يەردە مەڭگۈ ياشايدۇ، كونا يۈزۈم، ئويچان كۆزلىرىم. دىمەك ئۆلمەس بۇ دۇنيادا ھېچ، خۇدا بەرگەن ئىزگۈ سۆزلىرىم. ئۇلار ياڭراپ تىنماي ئايلىنار، رەزالەتنىڭ تەۋەرىگىدە. مەنچۇ، مەڭگۈ كۈلۈپ ياتارمەن، قۇلاق سېلىپ يەرنىڭ تېگىدە. مەنبە«مايبۇلاق»ژۇرنىلى 2014-يىلى 1-سان بۇ يازمىنى ئاخىرىدا yoruq تەھرىرلىگەن. ۋاقتى 2014-4-22 19:02

يارغول · ۋاقتى: 2014-4-22 19:53:33


	ئىقبال مىرزا ئۆزبېكىستان شەۋكەت راھمان قايغا كەتتى بۇرادەرلەر؟ ئۇچۇپ قونۇپ،ئۇچۇپ قونۇپ شام-سەھەرلەر، نەفىس سەنئەت سەھنىسى دەپ ئايغا كەتتى. شەۋكەت راھمان قايغا كەتتى بۇرادارلەر؟ كېپىنەكلەر ئۇچمايدىغان جايغا كەتتى. كىم قۇياشقا سالدى يەردىن تېپىپ گۆھەر، كىم كۆڭلىگە شولا ئىزلەپ ئايغا كەتتى. شەۋكەت راھمان قايغا كەتتى بۇرادەرلەر؟ چىراغ يېنىپ ئۆچمەيدىغان جايغا كەتتى. چار بازاردا سۆز ئاختۇرار خېرىدارلار، بىراۋ كاتتا كەتسە بىراۋ مەيدە كەتتى. شەۋكەت راھمان قايغا كەتتى بۇرادەرلەر؟ يالغان قەسەم ئىچمەيدىغان جايغا كەتتى. ئاياللارنىڭ بەندى بولدى قايسى مەردلەر، قاي دەرۋىشلەر چاغىر بىلەن مەيگە كەتتى. شەۋكەت راھمان قايغا كەتتى بۇرادەرلەر؟ تۆھمەت تېشى چۈشمەيدىغان جايغا كەتتى. نەغمىلەرنى بەس قىلىڭلار ئەمدى يېتەر، قوللىرىڭىز بىكار دۇتار،نەيگە كەتتى. شەۋكەت راھمان قايغا كەتتى بۇرادەرلەر؟ ئاسايىشتا ئۇخلايدىغان جايغا كەتتى. -شەۋكەت راھمان ئۈچۈن ئىشلەنگەن مەخسۇس ۋىدىئودىن نەق مەيدا دىكلاماتسىيەسى بويىچە قەلەمگە ئېلىندى. بەلكىم قەلەمگە ئېلىش داۋامىدا خاتالىقلارغا يول قويغان بولۇشۇم مۇمكىن،ئەھلى ئۇستازلارنىڭ تۈزۈتۈپ بېرىشىنى ئۈمۈد قىلىمەن. مەرھۇم شەۋكەت راھمان ئۆزبېك شېئىرىيىتىلا ئەمەس،پۈتكۈل تۈركىيلەرنىڭ شېئىرىيىتىدىمۇ مۇئەييەن تەسىرگە ئېگە دەپ ئويلايمەن.ئۇنىڭ شېئىرلىرى يۈرەكلەرنى تىترىتىدۇ. -يارغول بۇ يازمىنى ئاخىرىدا يارغول تەھرىرلىگەن. ۋاقتى 2014-4-22 20:07

ablipiz idiris · ۋاقتى: 2014-4-22 20:47:06


	داۋامىنى كۈتىمەن...

روزى2 · ۋاقتى: 2014-4-23 11:11:11


	ئەجرىڭىزگە رەھمەت،يالقۇن بۇرادەر.

yoruq · ۋاقتى: 2014-4-23 14:47:14


	ۋەتەن شەۋكەت راھمان ئۆزبېكچىدىن ئۇيغۇرچىلاشتۇرغۇچى : يالقۇن ئەزىزى ھېلىغىچە بىر ئىشنى دورىيالمىدىم، ھېلىغىچە بىراۋنى قىلمىدىم رازى. بىھۇدە ئۆتۈپتۇ گۈزەل ئۆمرۈمنىڭ، قانچىلىك چىرايلىق باھارى، يازى. بەخىت بارلىقىنى ئۇنتۇپلا قالدىم، باغرىمغا چېقىنلار تەگدى دەفئەتەن. سېنىڭدىن ئۇلۇغراق نەرسە يوقلىقىنى، چېچىم ئاقارغاندا مەن بىلدىم ۋەتەن. كېچىكىپ مەن بىلدىم نىچۈن كېچىكىپ، بىلسەم بولمامتى ئوتتۇز يىل ئاۋال، ئەقىلسىز تۇغۇلماي بىلسەم بولمامتى، كۆرگەن بولارمىدىم سېنى مۇكەممەل؟ ھېلىھەم ئۇلۇغ ۋەتەن بولمىقىڭ ئۈچۈن، ئاۋازى تاشلارنى يارار كۈيچىلەر. قانچىلاپ سېھرىگەر شائىرلار كېرەك، قانچىلاپ بىلىم كېرەك قانچە كۈچ –چىدام. ئۆمرۈم كوچىلەردەك جىمجىت،شىددەتلىك، چوڭ بىر تىناي دەيمەن بىر كۈنى بىمالال. ياخشى ئادەم بولۇشقا قىلىدۇ كەملىك، خېلى كەملىك قىلىدۇ ياشىماق ھالال. بەكمۇ كېچىكىپ بىلدىمغۇ سېنى، چېقىنلار يوق قىلسا مېنى دەفئەتەن، ئېيىت قانداق چىدايمەن بۇنداق خورلىققا، ئېيىت قانداق ياتىمەن باغرىڭدا ۋەتەن؟! ئىزاھ : دەفئەتەن - تۇيۇقسىز ،بىردىن ،ئۇشتۇمتۇت دىگەن مەنىدە مەنە:« مايبۇلاق» ژۇرنىلى 2014-يىلى 1-سسان بۇ يازمىنى ئاخىرىدا yoruq تەھرىرلىگەن. ۋاقتى 2014-4-23 14:49

yoruq · ۋاقتى: 2014-4-23 15:00:53


	ئەگەر شاۋكەت راھمان ئۆزبېكچىدىن ئۇيغۇرچىلاشتۇرغۇچى: يالقۇن ئەزىزى تۆھمەتتىن يىقىلسا ئەگەر بىر دوستۇم، مەن بولسام خىلۋەتتە مۆكۈنۈپ ياتسام. بۇمۇ يەتمىگەندەك كۆپ ۋاقىت ئۆتمەي، پاكمەن دەپ نايناقشىپ خاتىرە ساتسام. ياق بولماس ياشايتىم بېشىمنى ئىگىپ، يۈرەتتىم ئۆمۈربات يۇرت-يۇرتمۇ كېزىپ. ئادەملەر كۆزىگە تىك قارالماستىن، كېسىلگەن بېشىمنى كۆكسىمگە ئېسىپ. ياق،ياق،ياق ئەلۋەتتە بىرگە بولاتتىم، دوزاق مالايلىرى ئىشقا چۈشكەن چاغ. دوستۇمغا يانمۇ-يان تۇرۇپ، ئۆلەتتىم، ئېھتىمال ئۆلەتتىم ئۇندىن بۇرۇنراق... ئىلان قىلىنغان مەنبە« مايبۇلاق»ژۇرنىلى 2014-يىلى 1-سان بۇ يازمىنى ئاخىرىدا yoruq تەھرىرلىگەن. ۋاقتى 2014-4-23 15:02

yoruq · ۋاقتى: 2014-4-23 15:29:49


	تەرىقەت دىگەن شېئىردىكى چىرايلىق چۆچەكلەر مەنزىلىدۇر ئۇ، مېغىزى قايغۇدىن، پوستى زەھەردىن. سارغىيار ئېچىلماي تۇرۇپ قىزىلگۈل، تۇپرىقى جىمغىنا قۇسقان زەھەردىن. بۇ مىسرانى مېغىزى قايغۇدىن، پوستى زەردىن دەپ ئوقۇشىڭلارنى سورايمەن. بۇ يازمىنى ئاخىرىدا yoruq تەھرىرلىگەن. ۋاقتى 2014-4-23 15:32

haltakoqa · ۋاقتى: 2014-4-24 04:46:10


	ئەجرىڭىزگە رەھمەت

yoruq · ۋاقتى: 2014-4-24 11:28:50


	دوسىتلارغا رەھمەت، تۆۋەندە شەۋكەت راھماننىڭ مايبۇلاق ژۇرنىلدا ئىلان قىلىنغان يەنە بىر پارچە شېئىرنى يوللاپ قويدۇم. ئەمدى جىم تۇراسىز شەۋكەت راھمان ئۆزبېكچىدىن ئۇيغۇرچىلاشتۇرغۇچى : يالقۇن ئەزىزى ئەمدى جىم تۇراسىز پەقەت ئىلاج يوق، دۇنيا ئۆزگەرمىدى سىز ئېيىتقان سۆزدىن. سىز قۇرغان قەسىرلەر ۋەيرانە بولدى، ئەخلەتكە لىق تولدى سىز ئاققان ئېقىن. ئەمدى جىم تۇرارسىز ئاخىر بىلىمەن، ئەمما ھەركىمگە تەقدىر نېسىپتۇر. بىلمەكچى بولسىڭىز ئەگەر شائىرلىق- جاسارەت سۆزىنىڭ تەرجىمىسدۇر. ئەمدى جىم تۇرارسىز سىز تىڭشاڭ ئەلنى، ئەل ئەسلا دىمەيدۇ،زاغلار كۈيلىسۇن. ئەمدى كەڭلىكلەردە ھەق سورىماستىن، يەرنى بىزەپ ياتقان باغلار كۈيلىسۇن. كۈيلىسۇن كەلدىغۇ كۈيلەشنىڭ پەيتى، كۈيلىسۇن مەڭگۈلۈك قوشىقلىرىنى. بۇزسۇن-دە سىز كەبى ئەقلى قىسقىلار، خەۋپسىرەپ تۇرغان توسىقلىرىنى. ئانا... قۇلاق سېلىڭ... ئاڭلاۋاتامسىز، كۈيلەر شائىر شامال،كۈيلەر شائىر قار. شائىر قاراڭغۇلۇق، شائىر تاڭلاردا، شائىر دەريانىڭ شولىلىرى بار. ئىلان قىلىنغان مەنبە« مايۇلاق» ژۇرنىلى 2014-يىلى 1-سان بۇ يازمىنى ئاخىرىدا yoruq تەھرىرلىگەن. ۋاقتى 2014-4-24 11:31

ئە.قۇربان ئۇرغۇ · ۋاقتى: 2014-4-24 12:38:52


	ئەجىر -ئەزىما دەپتىكەن،ھوزۇرلاندىم.

yoruq · ۋاقتى: 2014-4-25 12:47:47


	خىرگاھى* شەۋكەت راھمان ئۆزبېكچىدىن ئۇيغۇرچىلاشتۇرغۇچى: يالقۇن ئەزىزى ھەمىمىز قۇياشتا كۆيگەن تېرە بىز قاچان تىز چۆكىۋىدۇق، ئۆچتى ئىزىمىز. سىقىراپ ئاغرىيدۇ ئىششىق تىزىمىز، ئورنىمىزدىن ئازراقلا تۇرساق مەيلىمۇ؟ ئۆتكەنلەر بەگدۇر-بەگ، قالغان جاۋدىرار، بوينىدا كۆرۈنمەس گۈللەر شالدىرار، مېھنەتتىن يېرىلغان قوللار قالىترار، ئۆزبېكىم يېرىدە يۈرسەك مەيلىمۇ؟ شاماللار گۈللەرمىش ئازات تاڭلاردا، ئازاتلىق ئاۋازى ئوڭۇ-سوللاردا ئاتىلار قىينىلىپ تىككەن باغلاردا، ئېغىناپ بىر خىيال سۈرسەك مەيلىمۇ؟ نەچچە مىڭ ئەللامە ئەجداتلار ئۆلگەن، تەپەككۇر سېسىپ، روھلىرى چىرىگەن، ئۇرۇقلار ئاينىغان تاپ-تاقىر چۆلدە، ئۆزبېكىم دۆلىتىنى قۇرساق مەيلىمۇ؟ يۈز ئەللىك يىل ئۆتتى، مانا شۇ ھالەت، ھېلىھەم داۋام ئېتەر مەككار تىجارەت. بىلمىدىم، نەدىن كەلدى ئۇشىبۇ ھالەت، نىمىشقا بولمايسىز بىر ئاز خىجالەت؟ نىمىشقا سورايمەن سىزدىن ئىجازەت ؟ ئىزاھ : خىرگاھى- تۆۋەن ،پەس،ئاۋاز دىگەن مەنىدە ئىزاھ : بۇ شېئىر تېخى ئىلان قىلىنمىغان بۇ يازمىنى ئاخىرىدا yoruq تەھرىرلىگەن. ۋاقتى 2014-4-25 12:50