ئەرك:«ئۈرۈك چېچىكى»تېمىسىدا ئەدەبى ئەسەر قوبۇل قىلىندۇ

ئۈمىدجان قادىرى · ۋاقتى: 2014-4-21 17:44:37


	ئەسىرىم تاللانمىسىمۇ،يەنىلا ئۈمىدۋارمەن. بۇ يازمىنى ئاخىرىدا ئۈمىدجان قادىرى تەھرىرلىگەن. ۋاقتى 2014-4-21 17:48

ئالىم ياسىن · ۋاقتى: 2014-4-21 17:49:48


	چېچەك سۆيگۈسى كېزىمەن چېچەكلىك باغلاردا خوشال، ئۆزۇمنى پۇتۇنلەي ئۇنتىغان پېتى. بىر سۆيگۈ ئەسىر قىپ ئالماقتا پەۋەس، چېچەكلەر كۆز قىسىپ قۇچاقلار مېنى. تىنىقىم ئەنبەرگە كېتەر ئايلىنىپ، چېچەكلەر بەرگەچكە ئىپار ھېدىنى. بىر سۆيگۈ تېنىمنى بارار ئىرىتىپ، چېچەكلەر قوينىغا ئاتتىم ئۆزۇمنى. «ئۈرۈك چېچىكى»تېمىسىغا زاكاس قىلىندى. ئالىم ياسىن (ئارمانى)

ئابدۇرېھىم زۇنۇ · ۋاقتى: 2014-4-21 17:50:55


	ئۆرۈك چېچىكىنى ئىچكىرىدىكى يولداشلارغا نامايان قىلىدىغىان گەپكەن-دە!

م.تۇردى · ۋاقتى: 2014-4-21 18:38:23


	ئىككى شېئىر باھار لىرىكىسى مۇساجان تۇردى تەبىئەت ئەركىسى،كۆكلەم نەۋباھار، ئىسىل بىر پەسىلدىن،يەتكۈزدى خەۋەر. ئېتىز،قىر دالىدا،قاينىغان ئەمگەك، ئۇچار قۇش،باغلاردا شادلىقتىن كۈلەر. قار-مۇزلار ئېرىدى،يەر زىمىن تەرلەپ، دەريا ۋە كۆللەرگە،شەربەتلەر تولدى. بۇغۇنلار ئوينىشار،قېنىغا پاتماي، لەگلەكلەر پەرۋازى،كۆكنى بىر ئالدى. ئۆچەكتىن چىقماقتا، بۇندا ھەر جانلار، ھاياتقا مىڭ ئۈمۈد،كۆزىدە بېقىپ. يەلپۈنەر مايسىلار،ئېتىز-قىرلاردا، ئاققۇ-غاز،ئۆتۈدۇ قاناتلار قېقىپ. بۇلبۇللار كۈيىدەك،نۇرۇز مەشرىپى، ھەر ياننى،شۇ قەدەر سالغان لەرزىگە. گۈل بۇلۇپ شادلىغى،بۇندا ھەممىنىڭ، سورۇننى قىززىتىپ، چۈشكەن بەزمىگە.. گىياھلار شېخىدا،چېچەك جىلۋىسى، توز كەبى تۈس ئالغان،يېقىن ۋە يىراق. خەلقىمگە باھاردەك،تۈكۈشكە ھىممەت، تەپەككۇر ھېسلىرىم،توختىماس ھەر ۋاق.. باھارنى سېغىنىش تامچىلايدۇ چېھرىڭلاردىن گۈزەللىك، دالا-تۈزنى،باغرىڭلارغا باسقاندا. پەرىزاتتەك،نازلىنىدۇ گۈل-گىياھ، ياپراقلاردىن،كۇمۇش بېزەك ئاسقاندا. دىماقلارغا بۇلار مېھمان،خۇش پۇراق، تىنىقىڭلار،كەزگىنىدە باغلارنى. كۈي تۈكۈدۇ،ئارچا-قارغاي ياپرىقى، يىلتىزىدا،چىڭ قۇچاقلاپ تاغلارنى. قەلىبلەردىن،دومىلىسا ناۋالار، توز مىسالى،ياسىنىدۇ تەبىئەت. ئېرىقلاردا ئۈزۈپ زۇمرەت چاچقۇلار، مايسىلاردىن بەرق ئۇرار نازاكەت. جىلۋەڭلەردىن ئانا يەرگە چاچار زوق، يېشىل روھقا ھەغدا بۇلۇپ،ھەممە جاي. تۇرسا ھايات سىلەر بىلەن نۇرلۇنۇپ، قانداقلارچە تۇرالايمەن سېغىنماي؟... «ئۈرۈك چېچىكى»تېمىسىغا تەۋسىيە قىلىنغان ئەسەر.

ئەدىھەم · ۋاقتى: 2014-4-21 18:40:02


	ئاسىمجان،مەرھۇم شائىرىمىز ئابدۇساتار ناسىرىنىڭ بۇ ھەقتە بىر ياخشى شېئىرى بولىدىغان، شۇنى تەۋسىيە قىلغىن.ئۇ شېئىر مۇنداق باشلىناتتى: ئۆرۈك چېچەكلىرىنى ئۇچۇرغاندا ئوق، تۇغۇلغان ئىكەنمەن خىلۋەت كوچىدا....

ئەدىھەم · ۋاقتى: 2014-4-21 18:40:10


	ئاسىمجان،مەرھۇم شائىرىمىز ئابدۇساتار ناسىرىنىڭ بۇ ھەقتە بىر ياخشى شېئىرى بولىدىغان، شۇنى تەۋسىيە قىلغىن.ئۇ شېئىر مۇنداق باشلىناتتى: ئۆرۈك چېچەكلىرىنى ئۇچۇرغاندا ئوق، تۇغۇلغان ئىكەنمەن خىلۋەت كوچىدا....

(ئۈمىد) · ۋاقتى: 2014-4-21 19:54:28


	باھار سۈرەتلىرى ياسىنجان ئىمىن ئۈمىد باھار... تۈمەن رةڭدة كىيىپ گۈلچەمبەر، گۈل پۈركۈيدۇ تىنىقلىرىدىن. يۇلتۇزلاردةك تارالسا گۈللەر، كۈلۈپ كېتەر قىلىقلىرىدىن. گۈلدەك دېھقان قىزغا ئايلىنىپ، گۈللەر تىرةر ئېتىز قىرىدىن..... باھار... شاخ-شاخلاردا پورةكلەپ كۈلۈپ، كەڭلىكلەرگە تۇتار گۈلدەستە. تۆكۈلىدۇ بەرگلەر خۇشبۇي، كۈي تۆكىدۇ ئىزگۈ تىلەكتە.. بوۋاي كەلدى قۇزا يىتىلەپ، نورۇز ئىشقى قاينار يۈرةكتە. يېشىل كۆڭلەك كىيىپ جانانقىز، پىرقىرايدۇ چاقىپەلەكتە. يىگىت ئوغلاق تارتىپ يانمۇ-يان، ئات چاپىدۇ بەيگە-كۆرەكتە... باھار... تىنىقىدىن ئۇچۇرتۇپ سەلكىن، سۆيۈپ قۇيار بىخلارنى ئىللىق. كۆك پوتلىلىق نوتا تاللارنى، يالپۇزلارنى سۆيەر مېھرىلىك. ھاياتلىقنى قوغداپ جۇدۇندىن، بوۋىقىدةك سىيلايدۇ سىلىق.... باھار... سىمىلدىتىپ گۈلچى قىز كەبى، بۇلۇتلاردىن يامغۇر تۈكىدۇ. سۈزۈك-سۈزۈك، يول-يول سېغىنىش كۆزنەكلەرنى يەڭگىل چىكىدۇ... بەزەن بولۇپ ئۇماق قارلىغاچ، بۇلاقلارنى چىم-چىم ئىتىدۇ.. چاچلىرىنى ئۆرۈپ قىرىقتال، زىمىستاننىڭ بوسۇغىسىدا، باغرى يالقۇن يازنى كۈتىدۇ... ناۋادا مۇناسىۋەتلىك دەپ قارالسا-«ئۈرۈك چېچىكى»تېمىسىغا تەۋسىيە . بۇ يازمىنى ئاخىرىدا (ئۈمىد) تەھرىرلىگەن. ۋاقتى 2014-4-21 21:44

زوقلان · ۋاقتى: 2014-4-21 20:21:40


	سۈتتەك مەڭز يېلىنجار شاختا پەرھات باھايىدىن شاماللارغا ئېيتار سىرىنى، لېۋى شىرىن ، نازۇك ، ئاق يۈزلۈك. دەرەخلەردىن پەقەت بىرىنى، ئارىلايدۇ بۇدەم قوي كۆزلۈك. سۈتتەك مەڭز يېلىنجاپ شاختا، ئېچىلدۇرار سۈزۈك ئاسماننى. ئاپپاق سۆيگۈ كۈلەر ھاياتتا، ئاق چۈشلەرگە كۆمۈپ جاھاننى. چىچەك قۇنار ئۇستى - بېشىمغا، ئانامنىڭ ئاق لىچىكىمىدۇ؟ پەرىشتىلەر كەلدى قېشىمغا، ئۇيغۇر خەلق چۆچىكىمىدۇ؟ سۈيەر مېنى ئۆرۈك دەرىخى، چەكسىز كەتكەن ئېتىزلار ئارا. تولدى نۇرغا قەلبىمنىڭ شېخى، ئەلۋەك ، سۈزۈك كارىزلار ئارا. ‹‹ ئۆرۈك چېچىكى ›› تېمىسىغا زاكاس قىلىمەن. مۇۋاپىق بولمىغان جايلىرىنى تۈزۈتۈپ ئىشلىتىشكە قوشۇلىمەن. ئادرىسىم: توقسۇن ناھىيە غولبۇيى يېزا ‹‹ زوقلان ›› كەسپى فىلىم - سۈرەتچىلىكى. تېلىفۇن: 13095044100 . پوچتا نۇمۇرى: 838102

sakarauli · ۋاقتى: 2014-4-21 20:31:56


	ئەسەر سانى دېيىلمىگەن ئىدى،توپلام بولىدىغان بولدى. لېكىن قىزغىنلىقتىن سۆيۈنۈش ، ۋە ئۇنى قەدىرلەش كىرەك.

ئەرك · ۋاقتى: 2014-4-21 21:28:25


	ئەسەر بىلەن تەمىن ئەتكەن دوستلارغا رەھمەت...ئەسەر جىددى لازىم دېگەچ ۋاقتىنى يوللىمىدىم. چۇنكى بۇ ھەقتىكى ئەسەرنى داۋاملىق ئىزدەۋاتىمىز.شۇڭا بۇ يەردە ئەسەر يوللىغان تورداشلارغا رەھمەت.بىزنى داۋاملىق قوللاپ تۇرغايسىزلەر...

ئەرك · ۋاقتى: 2014-4-21 21:31:23


	ئۈرۈك چېچىكى گۈلبانۇم ئابابەكرى ھاۋادا باھار ھىدلىرى گۈپۈلدەيتتى. ئانام ھويلىدىكى پاكار ئوچاق يېنىدا ئولتۇرۇپ، ئۆز - ئۆزىگە نېمىلەردۇر پىچىرلاپ ياشلىرىنى سۈرتمەكتە. ئۇنىڭ قىزارغان كۆزلىرىگە قاراپ ھەممىنى چۈشەندىم. دادام يوق، ئاكام تۈرمىدە، ئاچام كېسەل بىلەن ئۆلدى. مەن تېخىچە ئىشسىز.... باھار شاماللىرى يۈزۈمنى سىپاپ ئۆتتى. ئانامنىڭ چاچلىرىنى سۆيۈپ قويدى. مەن ئىچىمدە ئۇنىڭغا شۇنداق تەسەللىي بەردىم: - قايغۇرماڭ ئانا، قاراڭ ئاۋۇ ھالرەڭ ئېچىلىپ كەتكەن ئۈرۈك چېچەكلىرىگە... مەن چوقۇم ئىش تاپىمەن، ئىنسانلار قولىدىكى پۇل، پارچە - پارچە يىرتىلىپ، ئەخلەت دۆۋىسىگە ئايلانمىسىلا، پۇرلىشىپ كەتكىنىگە ئۆز قىممىتىنى يۇقاتمايدۇ، جىنىم ئانا، بىزمۇ ئەنە شۇنداق... (ئاپتۇر قورغاس ناھىيە پىلانلىق تۇغۇت كومىتىتىدا)

سەرداھى · ۋاقتى: 2014-4-21 22:39:52


	شىئېرلار ئەھمەد يۈسۈپ سەرداھى ئۈرۈك دەرىخى ئېھ،نۇرسىز كۆزۈمدە چايقىلار كېچە، دەرىزە سىرتىغا باقتىم پەرىشان. ئېسىمگە سۈركىلىپ ئۆتتى بىر ئايال، تىپتىنىچ كۆيمەكتە قاراڭغۇ ئورمان. تىڭشايمەن ئىچىمنىڭ جىمجىتلىقىنى، سۆزلەرنىڭ تېنىدە كۆكلەيدۇ يارا. تاملارنىڭ قېتىدىن يېلىنجايدۇ چوغ، ئاقىدۇ ئۆركەشلەپ ئۇسسىغان دەريا. كېچىنىڭ تىنىقى مەست قىلار شۇدەم، گۈللىدى ئېھتىمال ئۈرۈك دەرىخى. قاراڭغۇ شاخلاردا تۇرار ئېسىلىپ، ھېلىقى ئايالنىڭ چوغدەك يۈرىكى... كۆزۈمنى بوش يۇمۇپ چۆكتۈم ئۆزۈمگە، ئېچىلدى تۇيغۇمنىڭ گۈللىرى قات-قات. كۆيمەكتە بىر تال دان ئالقىنىم ئۆزرە، باش قويۇپ كۆكسۈمگە ئۇخلايتتى ھايات! ئاق رەڭ ئاق رەڭدە ئىدى بۇ يەردىكى بارچە نەرسىلەر كارۋات، تام ۋە يالغان كۈلكىلەر… ئاق رەڭدە ئىدى لەۋلەردىكى ھارغىن تىنىقلار. دەرىزىدە ئۇخلاپ قالغان گۈل، كوچىدىكى غېرىپ چىراقلار. ئاق رەڭدە ئىدى ئۇسساۋاتقان ئىستەكلەر، يەنە كۆزلەردىكى سۈزۈك بۇرجەكلەر. ئىچىپ چەكسىز قاراڭغۇلۇقنى، چۇل-چۇل بولغان يورۇق ئەينەكلەر. ئاق رەڭدە ئىدى پاسىلىدا ئىككى ئالەمنىڭ كۆكلەۋاتقان گۈزەل قىسمەتلەر… چېچەك پەسلى ئۇرۇلۇپ دىماقلارغا پۇراقلىرى، مەھلىيا قىلار دىلنى چېچەك پەسلى. شاخلاردا ۋىلىقلايدۇ ھاياجان ھەم، بۇلبۇللار ياڭرىغان چاغ باھار ئەسلى. زوقلىنىپ چېچەكلەرنىڭ جىلۋىسىگە، يايرايدۇ كېپىنەكلەر قانات قېقىپ. مەست بولۇپ شۇ خۇشپۇراق ھىدلىرىدىن، كېتەلمەس پەرۋانىدەك كۆكرەك يېقىپ. مۇھەببەت جاملىرىدىن ئىچىپ كەۋسەر، پىچىرلاش توختىمايدۇ خىلۋەتلەردە. شۇ گۈلگۈن چېچەكلەردىن پۈتكەن ئارمان، ۋىلىقلاپ تېلىقىدۇ يۈرەكلەردە... ئاق چېچەك باھارنىڭ تىنىقى چوغلاندى ئاخىر، سۇدەكلا ئېرىدى تىلنىڭ سۆڭىكى. خىيالدەك كونىراپ كەتتى توساتتىن، دىلبەرنىڭ يىرتىلغان ئەتلەس كۆڭلىكى. دەرەخنىڭ ھەسرىتى تۇپراقتىن ئىللىق، ئاق چېچەك چالغىتار كۆزنىڭ يېغىنى. بۇلبۇلنىڭ ئاۋازى كۆيۈپ قىپقىزىل، قان قىلدى كۆكلىگەن كۆڭۈل دېغىنى. ئىچىمدىن ئىچىمگە چۆكتۈم بىر ھازا، سۈپسۈزۈك سۇدىنمۇ سۈزىۋالدىم دۇغ. سەن چۇل-چۇل چاقساڭمۇ قەھرىڭنى جېنىم، مېھرىمنىڭ ئاقلىقى قەدرىڭدىن ئۇلۇغ! ›ئۈرۈك چېچىكى‹ تېمىسىغا تەۋسىيە. بۇ يازمىنى ئاخىرىدا سەرداھى تەھرىرلىگەن. ۋاقتى 2014-4-21 22:53

سائادەت ساتتار · ۋاقتى: 2014-4-21 23:42:08


	چېچەكزاردىكى يېگىت سائادەت ساتتار ئايتۇغ باھاردىكى ئىللىق قۇياش نۇرىدا، كۈلۈپ تۇرۇپ چېچەكزاردا بىر يىگىت. مىھىر تامغان چېھرى بىرلە قىزچاقنىڭ- يۈرىكىگە قويۇپ قويدى بىر چىكىت. چېچەك ھىدى دىماقنى مەست ئەيلىسە، يىگىت كۆزى سۆزلەر ئىدى مىڭ قىسسە. سىرداشقاندا ئۈنسىز بېقىپ قاراقلار، چېچەكزارمۇ تىڭشار ئىدى جىممىدە. شۇندىن بېرى چېچەكلىدى بىر ئۈمىد، يىگىت-قىزنىڭ غۇبارسىز،پاك قەلبىدە. كەلمىش باھار سۆزلەر سۆيگۈ قىسسىسى، بەلكىم يەنە ئاشۇ كۈلگۈن چېچەكلەر. چېچەك سوراپ بارسام باھاردا سائادەت ساتتار ئايتۇغ ئارماندىن توقۇلغان لالەرەڭ قولۋاق، مۇڭلىنىپ تۇرىدۇ سەنسىز ئارالدا. ئىشەنچتىن بىشارەت بەرگىنە ئەركەم، ئۇنىڭغا ئولتۇرۇپ باراي ئالدىڭغا. ئارمانلار باغرىنى قاپلىغاچ قار-مۇز، كۆپ نالە ئەيلىدىم تەكرار ياناردا. بېرەمسەن مىھرىڭنى قوشۇپلا ئەركەم، بېرىپ قالسام چېچەك سوراپ باھاردا.

مۇھاجىر · ۋاقتى: 2014-4-22 00:11:59


	ئۆرۈك چىچىكى ئەھمەدجان قاسىم بۈگۈن تۆكوشكە نۆۋەت كەلدى، ئەمما شاختا تۇرار گىدىيىپ. بۇ ۋەتەندە نۇر ئىمىپ ياشاپ، قۇرۇپ كەتسەممۇ چۇشمەيمەن ئانا！ شاخ ئوغلىنى ئۇزىتىپ تۇپراق تامان، يىقىنلاشتى ئانا زىمىنغا ！ نىھايەت ،قاتتىق شامال، سوقتى جۇدۇنلار！ ئەمما چىچەك مەردانە ھالدا ئەۋلادلارنى پەپىلەپ، قوشار قاتارغا ！ شۇندىن بىرى گۈزەل بولدى چىچەك مەشھۇر، ئۆرۇك ئۈچۈن يوق بۇندىن پەخىر ！

ئەدىھەم · ۋاقتى: 2014-4-22 11:33:41


	ئاق چېچەك چېچەكلىدى ئۆرۈك گۈللىرى، يالتىرىدى قەلبىمدە ئاقلىق . ئېيتتى تەبىئەت سۆيگۈ كۈيىنى، چۇلغىۋالغاچ باغرىنى پاكلىق . قار گۈللىرى چېچىلدى لەپ-لەپ، پۇراپ كەتتى بۇرنۇمغا باھار . گۈپپىدە ئوت ئالدى ۋۇجۇدۇم، پىشتى گويا مەڭزىمدە ئانار. 2004.11.20