پاشاگۈل ئىسمائىل:پەخىرلىك قىز بولۇپ تۆرەلگەنلىگىم

پاشاگۇل · ۋاقتى: 2014-4-17 01:04:10


	پاشاگۈل ئىسمائىل تۇردى ھاجى قىزى پەخىرلىك قىز بولۇپ تۆرەلگەنلىگىم قىلمايمەن پۇشايمان، قىز بۇلۇپ دۇنياغا كۆز ئاچقىنىمغا. چىرقىراپ- چىرقىراپ، يەنە چىرقىراپ. چوڭ بولدۇم، ھايات! سۆيگۈ! ئەقىدە! بۇلىقىدىن شەربەتلەر ئېچىپ، قىز بولۇپ تۆرەلدىم. ئويغۇر قىزىغا خاس، قەلبىم. ئۆكۈنۈش، ئەپسۇستىن خالى. چۈنكى مەن شۇنداق، ئاكام ياتقان قېرىندا. يېتىپ چوڭ بولغان، بوي تارتىشقان. كۈلىمەن. قېنىپ- قېنىپ، چۈنكى، ئازاپ دولقۇنى. چۆكتۈرەلمىدى. تۆرەلگەن، ۋۇجۇدۇم. بىر ھەقىقەتەن، ۋىجدانىم ھۈكۈمران سەبىي قەلبىمگە. 1993–يىل 8–سان ‹‹تارىم››ژورنىلىدىن ئېلىندى.

زۇلپىيە راھمان · ۋاقتى: 2014-4-17 10:55:54


	پاشاگۈلنىڭ قەلىمىدىن تۆكۈلگەن بۇ قەتەلەر يۈرۈگۈمنى تىترىتىپ ئۆتتى.قانداق قىز بۇلۇش،قانداق ئايال بۇلۇپ ياشاشتىن ئىبارەت بىر سادانى ئاڭلىدىم.قىزلىرىمىز مۇشۇلارنى بىر ئۇقۇسا ئىدى ....مۇبارەك قەلەملىرىڭىز توختاپ قالمىسۇن .پات پات يېزىپ تۇرۇڭ

gulbeden · ۋاقتى: 2014-4-17 11:18:17


	بىر گۈزەل ئۇيغۇر قىز بولغاچقىلا سەن گۈلبەدەن نۇرى بىر ئوتلۇق قىز بولۇپ كەلگىنىڭ ئۆچۈن ئېھ قاقاس چۆللەرنى پۈركىدىڭ گۈلگە لىققىدە ھاياجان قاپلىدى پۈتۈن سەن ئەگەر بىر تال تاش تاشلىساڭ كۆلگە بىر ئوتلۇق قىز بولۇپ كەلگىنىڭ ئۆچۈن سەن ئۆچۈن ئاچىدۇ رەڭدار كېپىنەك ئاسماندەك زەڭگەر ھەم ماۋى بەرگىنى ئايىقىڭ ئاستىدا قالسا گۈل- چېچەك خۇشاللىق ئىلكىدە بېرەر جېنىنى سەن ئۆچۈن ئېچىلار رەڭدار كېپىنەك ئەي سېنىڭ قوللىرىڭ گويا گۈل چىمەن سالغۇسى كېلەر ھە قۇشلارنىڭ ئۇۋا مەن سېنى يازماقچى بولسام ھەم ئەگەر تۇيۇلار قەلىمىم شۇنچىلىك غۇۋا ئەي سېنىڭ يۈزلىرىڭ گويا گۈل- چىمەن ئەي، سېنىڭ ئىسمىڭنى ئاتىماق بولۇپ پارلايدۇ تاغلارنىڭ چېكىسىدە تەر مىڭ قېتىم لاۋۇلداپ، غەيرەتكە تولۇپ جان بەرمەك ئىستىمەس ساڭا قايسى ئەر؟ ئېھ سېنىڭ ئىسمىڭنى ئاتىماق بولۇپ ... بىر دۇرۇس قىز بولۇپ كەلگىنىڭ ئۆچۈن پاكلىق ھەم ھاياتلىق تۆكۈلدى سەندىن ۋە يەنە ئۇيغۇرنىڭ بولغىنىڭ ئۆچۈن سەن ئۆچۈن بىر پارچە شېئىرقالدى مەندىن بىر گۈزەل ئۇيغۇر قىز بولغىنىڭ ئۆچۈن ! بۇ يازمىنى ئاخىرىدا gulbeden تەھرىرلىگەن. ۋاقتى 2014-4-17 11:19

ئاسانات · ۋاقتى: 2014-4-17 15:40:20


	بەك ياخشى شېئىر ئىكەن قەلەملىرى توختاپ قالمىغاي

پاشاگۇل · ۋاقتى: 2014-4-17 17:33:21


	زۇلپىيە،گۈلبەدەن،ئاسانات، تەشەككۈر سىلەرگە،دوستلۇرۇم، تەپەككۈر قۇشلىرى ئىچىدە ئورتاق پەرۋاز قىلايلى! ‹‹ھەقىقەتتىن›› دېگەن سۆز ئىملا جەھەتتىن خاتا بولۇپ قاپتۇ.تۈزۈتۈپ چۈشۈنىشىڭلارنى ئۈمۈت قىلىمەن.

haltakoqa · ۋاقتى: 2014-4-17 22:06:52


	ياقتۇردۇم

رابىيگۈل ئىبراھ · ۋاقتى: 2014-4-17 22:09:31


	قەلىمىڭىزگە بەركەت تىلەيمەن.

زوقلان · ۋاقتى: 2014-4-18 10:11:04


	گۈلبەدەن ئۇستىلىق بىلەن ياندىشىپ ، پاشاگۈلنى تېخىمۇ ئېچىلدۇرۋېتىپتۇ. ھەر ئىككى شائىرەگە ئاپىرىن.

ھەققانى1 · ۋاقتى: 2014-4-19 22:16:17


	ئاپىرىن سىڭلىم.ئىجادىيەت شۇڭقارىڭىز تېخىمۇ قانات قاققاي!

ئا.جۇدۇن · ۋاقتى: 2014-7-9 12:17:22


	ھەققانى1 يوللىغان ۋاقتى 2014-4-19 22:16 ئاپىرىن سىڭلىم.ئىجادىيەت شۇڭقارىڭىز تېخىمۇ قانات قاقق ... ئوغۇلدەك قىزلار بار ، قىزلاردەك ئوغۇل ، سەن قايتا تۇغۇلساڭ ، قىز بولۇپ تۇغۇل . نانقېپى ئوغۇلدىن ئەلادۇر-ئەلا ، نۇزۇگۇم سىياقى چاچلىرى سۇمبۇل .

ئامانى · ۋاقتى: 2014-8-17 08:30:01


	ئا.جۇدۇن يوللىغان ۋاقتى 2014-7-9 12:17 ئوغۇلدەك قىزلار بار ، قىزلاردەك ئوغۇل ، س ... بۈك-باراقسان ئورماندا ، ئوقۇل ھەم قىزلار بولسۇن . ئۇلار قىلغان ئارماندا ، گۈل-چىمەن ئىزلار بولسۇن .

پاشاگۇل · ۋاقتى: 2014-8-18 10:57:55


	يازمامغا قەلەم تەۋرەتكەن دوستلارغا سالام!

رۇزتوختى ئ‍ادىل · ۋاقتى: 2014-12-12 12:41:03


	ياقتۇردۇم

ئايشەم1 · ۋاقتى: 2014-12-12 12:57:37


	پاشاگۈلگە ئاپىرىن!

پاشاگۈل ئىسمائىل:پەخىرلىك قىز بولۇپ تۆرەلگەنلىگىم

باھا سۆز

باھالاش