كۆكتولۇن: شېئىرلار

شېئىرلار

كۆكتولۇن


ئەگىشىش

دەرەخ بولسام ناۋادا
بۇ زىمىن قۇرۇت بولۇپ مېنى يىمەكتە.

گۈل بولسام
قار ياغار
قار ياغار.

ئۇنىڭ ئۈچۈن يىغلىغان بولسام،
كۆز ياشلىرىم قۇمغا سىڭەر
قۇم قۇرۇپ كىتەر.

ۋەيران كۆڭلۈمنى
قۇشلار چوقۇماس...

يۈرىكىمنى كېچىگە بەرگەن بولسام
كېچە ھېرىپ كىتەر

بىر بۈيۈك نۇرغا ئەگەشكەن بولسام
تاڭ ئاتار
قۇياشسىزمۇ.

قالدۇرۇش

دۇنيانى گۈللەرگە قالدۇرۇپ قوياي،
قۇرىۋاتقان دەرەخلەر بوپ قالسۇن گۇۋاھ.
كەچمىشلەر يۈرەككە تاغدەك يىقىلسۇن،
ئاسمان كەبىي بارچىغا تاشلاپ بىر نىگاھ..

دەريا-دەريا ياشلىرىمنى قۇشلار يۇشۇرار،
كۈز ياپرىقى خازانلارغا قۇشۇلدى ئاستا.
زۇھەل بىلەن خاتىرلەنگەن سۆزلىرىم ئۆچتى،
باش سەھەردە ئېقىپ چۈشكەن شەبنەملەر ئارا..

بىر پاتمان يورۇقلۇق چېچىلماقتا تىز،
قەلىبنىڭ قارىلىقىغا قوشۇلدى كېچە.
مەن ئۆزۈمنى يىراقلاردىن كۆرۈپ كەلدىم،
ئاۋازىڭ سايىسى قايتا كۆچكىچە.

كۆكلەش

ئىچىمنى ئاۋات قىلغان بىر قۇش ئىدى ئۇ،
ئاي-يىللار كۆچۈپ كەتتى يىراقلارغا.
قىپقىزىل ئېچىلىپ خۇش ھىد پۇرايتى،
باغرىمنى تاتلىغاندا بولغان شۇ يارا.

شامالنىڭ كەينىدىن كەتىم ئىز بېسىپ،
دۇنيادا شەبنەملەر كەم بولمىدى ھىچ.
تەبىئەت قوينىنى كەڭ ئېچىپتۇ،
كۆكلەپ چىققىنى يەنە سېغىنىچ..

بۇ يازمىنى ئاخىرىدا   Erchin تەھرىرلىگەن. ۋاقتى  2014-3-31 23:03  

بىر بۈيۈك نۇرغا ئەگەشكەن بولسام
تاڭ ئاتار
قۇياشسىزمۇ.

مۇنۇ  مىسرالىرىڭىزنى بەكمۇ  بەك  ياقتۇردۇم  ،بەرىكەتلىك  بولۇڭ

تەبىئەت قوينىنى كەڭ ئېچىپتۇ،
كۆكلەپ چىققىنى يەنە سېغىنىچ..

نېمىدىگەن تاتلىق مىسرا بۇ،مەن ئېلىپ كەتتىم ھە؟

شېئىرلىرىڭىزنى كۆرۈپ خوش بولدۇم .‹‹شاھيار››ژورنىلىنىمۇ قوللاپ قويارسىز.
بۇ يازمىنى ئاخىرىدا   بارخان تەھرىرلىگەن. ۋاقتى  2014-4-1 09:15  

         سىڭلىم، سۈزۈك تۇيغۇلىرىڭىز ئۈزۈلمىسۇن، ئىچىڭىزدىن تۆكۈلۈپ تۇرغان نۇردەك تال-تال مىسرالار كۆكتولۇننىڭ يېڭىدىن يېڭى قىسسىلىرىنى بايان قىلسۇن!  
        مەيلى سىز گۈل بولۇپ ئېچىلماڭ، مەيلى سىز دەرەخ بولۇپ باراقسان كۆكلەڭ، ھەتتا بىر قەترە شەبنەم بولۇپ ئىسسىق بىر ھارارەت تەپتىدە يوق بولۇپ كېتىڭ سىزگە قالغىنى يەنىلا شۇ سۆيۈملۈك، ئاچچىق بىر سېغىنىش. سىزنىڭ شۇ سېغىنىشنىڭ قوللىرىغا مەھكەم ئېسىلىپ ئەتىلەرگە ئۈمىد بىلەن باققىنىڭىز باققان. بۇ تۇيغۇلارنى شېئىردا بەكمۇ جانلىق يورۇتۇپسىز.
      ئەتىگەندە شېئىرىڭىزنى ئوقۇپ خۇرسەن بولدۇم!  

كۆكتولۇننىڭ شېئىرلىرىنى كۆرمىگىلى ئۇزاق بوپتىكەن.يەنە بۇرۇنقىدەك ھاياجانغا سالدى مېنى.
مۇبارەك بولسۇن سىڭلىم!

تۇيغۇنى  ئوچۇقلا ئىپادىلەش  سىزنىڭ شېئىرلىرىڭىزنىڭ بىر ئالاھىدىلىكى. شېئىرنى  قورام تاشلارنىڭ زوراۋانلىقدىن قۇتۇلدۇرۇش سىزنىڭ نىشانىڭىز. سىز شىئېردا ناھايىتى تەمكىن ھالەتتە نامايەن بولىسىز. ۋە تىلنى سۆزلىتىسىز. تۇيغۇنى پورەكلىتىسىز.

كۆكتۇلۇن، تۆرىبەگ قىزىنى يوقاپ كېتىپتۇ،- دەپ ئاڭلىدىم، راستىمۇ؟
كۆكتۇلۇمدا سۇ بار دەپ ، قۇملۇقتا ئالۋۇنغا ئۇچراپ قېلىپ ، يا تۇلۇمغا يېتەلمەي، يا قۇملۇقتىن كېتەلمەي « شەھرىڭگە مۇساپىرمەن، ھالىمدىن خەۋەر ئالغىن ...» دەپ يۈرەمدۇ يا ؟

بۇ شىېرلارنى كۆرۈپ ھەيران قالدىم. مەن ھەر قانچە قىلساممۇ بۇنداق يازالمۇغىدەكمەن. داۋاملىق تىرشقايسىز.

ياخشى چىقىپتۇ، مۇبارەك بولسۇن...

ئەگىشىش

دەرەخ بولسام ناۋادا
بۇ زىمىن قۇرۇت بولۇپ مېنى يىمەكتە.

گۈل بولسام
قار ياغار
قار ياغار.

ئۇنىڭ ئۈچۈن يىغلىغان بولسام،
كۆز ياشلىرىم قۇمغا سىڭەر
قۇم قۇرۇپ كىتەر.
-----------

دەرەخ بولسام ناۋادا --سىز دەرەخ بولمىدىڭىز، سىز دەرەخ بولماقچى، بولماسلىقىڭىزمۇ مومكىن، چۈنكى بۇ مىسرا ئارقىسىدىكى «ناۋادا» دىگەن سۆز سىزنىڭ تىخى دەرەخ بولۇپ قالمىغانلىقىڭىزدىن ئىشارە قىلىدۇ.
ئەمدى ئىككىنچى مىسراغا قارىسام:
بۇ زىمىن قۇرۇت بولۇپ مېنى يىمەكتە.
يۇقارقى ئىككى مىسرا بىر-بىرىدىن ئايرىلالمايدۇ، ئەمما سىز دەرەخكە ئايلانمىغان ئەھۋالدا زىمىن قۇرت بولۇپ سىزنى قانداق يىيەلىسۇن.

ئۇ ئۆزىنى دەرەخ دەپ تەسەۋۇر قىلىغىنىدە قۇرۇتلار ئۇنى يىمەكتە  ئىدى