تاشيولچى: كەلگەندە نورۇز

كەلگەندە نورۇز
ئەكبەر ئابدۇرېشىت تاشيولچى

ئويغاتتى ھىسلارنى قۇشلار نەغمىسى،
ساپ ھاۋا دىماققا ئۇرۇلغان سەھەر.
ئويغاندى تەبىئەت سوۋۇغان چۈشتىن،
باھارنىڭ ئەلچىسى بەرگەندە خەۋەر.

ئاڭلىنار باغلاردىن كاككۇك ناۋاسى،
دىللارغا بىر تاتلىق ئارمان بېغىشلاپ.
ناۋاغا جۆر بولدى دىھقان ناخشىسى،
ئىشچانلار مىھرىنى ئېتىزغا باشلاپ.

ياڭرىدى يىراقتىن ناغرا ساداسى،
ھە! بۈگۈن ھەممىگە يېڭى يىل،بايرام.
چاقىردى بەزمىگە نورۇز جىلۋىسى،
كائىنات ھاياتقا بەرمەكتە سالام.

شوخ كۈيلەر ئەۋجىسى چىقتى ھاۋاغا،
بېقىشىپ قىز-يىگىت چۈشتى ساماغا.
چالماقتا ساتارنى «ئاماننىساخان»..،
يامرىدى مۇھەببەت دىلدىن ساباغا.

تىترىدى يەر زىمىن قىقاس-چۇقاندا،
يىگىتلەر «ئوغلاق»قا چۈشتى قۇيۇندەك.
مىسالى ئۆركەشلىك تارىم دەرياسى،
« بۇغراخان» ھۇجۇمغا كەلگەن قۇشۇندەك.

پەيلىدىن يانمىغان غەيۇر قوچقاردىن،
«سادىر»نىڭ غۇرۇرى بولدى نامايان.
چېلىشقا چۈشكەندە قەھىرلىك پالۋان،
«سىيىت»نىڭ سىماسى كۆڭۈلگە ئايان.

قاينىسا داشلاردا «نورۇز»نىڭ ئېشى،
بىلىندى «نەۋائى»،«مەخمۇد» تىۋىشى.
شائىرلار «يۈسۈپ خاس ھاجىپ»نى كۆرسە،
«ئوغۇزخان» ئېتىنىڭ كەلدى كىشنىشى.

ئىھ!-بۈگۈن ھەممىگە باھار بايرىمى،
بارچە دىل شادلىنىپ سۈرمەكتە ھوزۇر.
ئەسلەيمەن ئەجدادىم باسقان ئىزلارنى،
ھەر يىلى  باھاردا، كەلگەندە نورۇز.

2014-يىل 26-يانۋار

شىئېرى مۇھىت ناياتى ياخشى  يارىتىلىپ پىكىر  تىرەنلىگىنى تاپقان،ئىجادىيىتىڭىزگە مۇۋاپىقىيەت تىلەيمەن！

بەرگەن مەدىتىڭىزگە رەھمەت....ئارقۇمى!   بۇ شېئىرنى (ئەگەر شېئىر دەپ ئاتاشقا مۇۋەپپىق بولسا)  نورۇز بايرىمى بولغان كۈنى يېزىپ بېقىپ، تۈزۈتۈشكە ئۈلگۈرمەيلا قاتتىق ئاغرىپ قالغان ئىدىم. سەل ئوڭشالغاندا قارىسام، نورۇز كۈنىدىن بىرەر ھەپتە ئۆتۈپ كىتىپتۇ. شۇڭا ھاپىلى-شاپىلا ئالدىراپ تۈزەتمەستىنلا مۇنبەرگە يوللىۋىتىپتىمەن. ئەمدى قارىسام مەسىلە خېلى ئېغىردەك قىلىدۇ. قايتۇرىۋالغىلى بولمىدى. مۇنبەردىكى قېرىنداشلار ھىلىمۇ ماڭا يۈز خاتىرە قىپتۇ.

ئەسلەيمەن ئەجدادىم باسقان ئىزلارنى،
ھەر  باھار چىچەكلەر بالقىتسا غۇرۇر.
ئۆزۈمچىلا ئۆزگەرتىپ باقتىم.شائىر ئېغىر ئالمىغاي. بۇ يازمىنى ئاخىرىدا   ئۈمىدجان قادىرى تەھرىرلىگەن. ۋاقتى  2014-3-28 21:39  

تاشيولچىنى كونا مۇنبەردە ئۇچراتقان ئىدىم، سىزگە يەنە بىر سالام بولسۇن. تىمىللىرىڭىز ئۈزۈلمىگەي!

ياردەمدە بولغىنىڭىزغا تەشەككۈر ئۈمىدجان.  سىزنىڭ شېئىرلىرىڭىزنى ياختۇرۇپ ئوقۇپ كىلىۋاتىمەن.داۋاملىق ھەمدەمدە بولغايسىز!

سىز بىلەن دىدارلاشقانلىغىمدىن خۇشالمەن مىھرى....! ئەسلى يېڭى مۇنبەردىمۇ بار ئىدىم. ئۇچرىشالماي كەتتۇققۇ تاڭ.   سالامەت بولۇڭ!

          خېلى ئۇزۇن ئارام ئېلىشتىن كېيىن مەيدانغا كەلگەن بۇ شېئىر ئۆز سۈلكىتى بىلەن كۆڭلۈمنى كۆتۈردى. ئاپورغا شادلىق يار بولغاي!

بارمۇسىز  ھوي كەسىپدىشىم؟..
يوقاپلا  كېتىسىزكەن مۇنداق ئانچە -مۇنچە ھاياتلىقدىن دىرەك بىرىپ قويىلى ماقما...

تىترىدى يەر زىمىن قىقاس-چۇقاندا،
يىگىتلەر «ئوغلاق»قا چۈشتى قۇيۇندەك.
مىسالى ئۆركەشلىك تارىم دەرياسى،
« بۇغراخان» ھۇجۇمغا كەلگەن قۇشۇندەك.
                  ھۇجۇمدا ئۆتكەن
.........................................................................................
نورۇزدا پارلىغان ئۆزلۇك تۇيغۇلىرىمىزغا كۆز تەگمىسۇن،.. بۇ نورۇزنامە ھەقىقەتەن ياخشى چىقىپتۇ.... قەلىمىڭىز چاپچىپ تۇرسۇن ، تاشيولچى بۇرادىرىم..

رەھمەت ئابدۇرېھىم ئاكا،!  راس دەيسىز ، ئۇزۇن بولدى ، بىر نەرسە يازمىغىلى ھەم مۇنبەرگە چىقمىغىلى. پۇرسەت بولمىدى ھەم ئىلھاممۇ كەلمىدى شۇ ئالدىراشلىقتا.

قانداغراق ئەھۋالىڭىز مۇنەۋۋەر خانىم؟. يېزىغا چۈشۈپ كەتكىلى 4 ئاي بولدى. بىز تۇرىۋاتقان كەنىتتە تورغا تۈگۈل كومپىيوتىرمۇ يوقكەن. شۇڭا يۇقاپمۇ كەتتىم. بەكلا ئالدىراشلىقتا ئىلھاممۇ يۇقاپ كەتتى شۇ.

پىكىر بەرگىنىڭىزدىن خۇرسەن بولدۇم. مىنىڭ كۆڭلۈمدىمۇ شېئىردا كۆپ سەۋەنلىك بار. ئالدىراقسانلىقنىڭ ئاقىۋىتى بولسا كىرەك. بۇندىن كىيىن كۆپرەك كۆرسەتمە بىرىشىڭىزگە مۇھتاجمەن.

ئىجادىيىتىڭىزگە مۇۋاپىقىيەت تىلەيمەن

رەھمەت دىلداش.