يۈسى. ئېمىلىيو. پاچىكو شېئىرلىرىدىن

يۈسى. ئېمىلىيو. پاچىكو (1939-) مىكسىكىلىق شائىر، يازغۇچى، نەسىرچى. مىكسىكىدا تۇغۇلغان. مىكسىكا دۆلەتلىك مۇستەقىللىق ئۇنۋېرستىتىدا پەلسەپە، قانۇن ۋە ئەدەبىيات ئوقۇغان. مەكتەپ پۈتتۈرگەندىن كېيىن دۆلەت ئىچى-سىرتىدىكى مەكتەپلەردە پىرۇففىسۇر بولغان. كىلاسسىك ۋە ھازىرقى زامان ھەمدە چەتئەل شېئىرىيىتىدىن ئۇزۇق ئالغاچقا، مىكسىكىدا خېلى بالدۇرلا نام چىقارغان. ئۇنىڭ يېرىم ئەسىرلىك يېزىقچىلىق ھاياتىدا ‹‹ كىچە ئېلىمىنىتلىرى ››(1963-يىلى ) ‹‹ئوتنىڭ جىمجىتلىقى › (1966)، ‹‹ بارسام قايتمايمەن›› (1973) ‹‹ئارالدا سەرسان بولماق›› (1976)، ‹‹ ۋاقىت قانداق ئۆتتى دەپ مەندىن سورىما ›› (1969)، ‹‹ئاشۇ چاغدىن باشلاپ›› (1980)، ‹‹ دېڭىزدىكى ئەمگەك ›› (1983)، ‹‹ تۇپراققا قاراپ›› (1986)، ‹‹ ئەسلىمەمدىكى شەھەر›› (1991)، ‹‹ ئاينىڭ ئىچ پۇشۇقى›› (1994)، ‹‹ئاقار قۇم  - 1992-1998-يىللاردىكى شېئىرلار›› ( 2000) ‹‹قىسقىسى ›› (2005)، قاتارلىق شېئىرلار توپلاملىرىنى ھەمدە ‹‹مىدۇسانىڭ قېنى ۋە باشقا ھېكايىلەر›› (1959)‹‹يىراقتىكى شامال››(1963-1969)، ‹‹ قەيەردە كۆز يۇمارسەن››(1967)، ‹‹ خۇشاللىقنىڭ پىرىنسىپى ››، ‹‹ باياۋان قۇمدىكى ئېلىشىش›› (1981) ۋە ‹‹ ئاۋغۇسىتنىڭ گۇگۇمى›› (1992) قاتارلىق ھېكايە توپلىمى ۋە رومانلارنى نەشىر قىلغان.
پاچىكونىڭ شېئىرلىرى ئاددى، تەبئىي، تارىخى ئاڭ ۋە ئەخلاق مەسەللىرىگە ئەھمىيەت بەرگەن، بەزىسى دىئالۇگقا، بەزىسى جىمجىت خىيال سۈرۈشكە يەنە بەزىسى مونۇلۇگقا ئوخشاپ قالىدۇ. شېئىرلىرى دائىم بىلىپ-بىلمەي باشقىلارغا ئىلھام ئاتا قىلىدۇ. نەپىس سەنئەت ئىچىدە كىشىلەرگە چوڭقۇرلۇق ئاتا قىلىدۇ.
ئۇ شېئىر ئىجادىيىتىدىن باشقا يەنە تەرجىمە ۋە نەشىرىياتچىلىق بىلەن شوغۇللىنىپ نۇرغۇن تۆھپىلەرنى قوشقان. ئۇ ئىجادىيەت ھاياتىدا ئاگاسىكالىتىس دۆلەتلىك شېئىرىيەت مۇكاپاتى (1969)، ‹‹ھاۋىر.بىرىياۋۇدىيا مۇكاپاتىغا (1973) دۆلەتلىك گىزىت-ژورنال مۇكاپاتىغا (1980) دۆلەتلىك ئەدەبىيات-سەنئەت مۇكاپاتىغا (1992) دۆلەتلىك ئەدەبىيات مۇكاپاتىغا ‹1993)يوسى. ئاسۇنسىن. شىرۋا شېئىر مۇكاپاتىغا (1996) تۇنجى نۆۋەتلىك يۈسى. دۇنۇسىبىلىيا لاتىن ئامىرىكا ئەدەبىيات مۇكاپاتىغا (2001)ئوكتاۋىئو. پاز ئەدەبىيات مۇكاپاتىغا (2003)بابىلۇ. نىرۇدائىبىرىيا شېئىرىيەت مۇكاپاتىغا (2004) فىدىرىك. گارسىيا. لوركا شېئىرىيەت مۇكاپاتىغا(2005) ۋە خانىش سوفىيە ئىبىرىيا لاتىن ئامىرىكا شېئىرىيەت مۇكاپاتىغا ۋە سىرۋانتىس ئەدەبىيات مۇكاپاتىغا (2009) ئېرىشكەن. -- خەنزۇچە تەرجىماندىن


ئۆكتەبىردىكى بىر پارچە رەسىم

ئەڭ ئاخىرقى يېشىلىقتا،
پەقەت شامال رۇخسەت قىلسىلا
بايان قىلار ھېكايىسىنى،
سۇئاللىرىنى سورىشار
سۆزلىشىدۇ ئەسلىمىلىرىنى،
ئۇلار بىرلىشىپ
سورىمايدۇ سۇئاللىرىنى .
ئەتە، ئۇلارنىڭ تېنى تازا بولمايدۇ.
ياشىغان بۇ بىر يىلدا
چاخماقنىڭ تايىقى ئۇنىڭ ئۈستىدىن كەتمىگەن ئىدى.
قۇرغان، پايدىسى قالمىغان ياپراقلار چۈشىدۇ ئۇچۇپ،
گۈلخان ئارا ئوينايدۇ ئۇسۇل.
ئۇلار تۈتۈنگە ئايلىنىپ كېتىدۇ.
قەدىمى بۇلۇتلارغا قەدەر يىتىدۇ.

سۈبھى


تېخى تاڭ يورۇمىدى، قۇشلار چۇرۇقلاشقا باشلىدى.
بىز قۇشلار تىلىنى تېخى بىلمەيمىز.
لېكىن ئۇلارنىڭ ۋىچىرلىشىشى سۆزلەش ئۈچۈندۇر.
قانچە ۋىچىرلىسىمۇ نىمە دىدى ئۇقمايمىز.
ئۇ كۆكتىكى تەسۋىرىي يېزىقتۇر.
مەڭگۈ بىلگىلى بولماس سىرلىق بىر سىردۇر.
قۇشلار شىۋىرلاپ تاڭ سەھەرنىڭ قاراڭغۇلىقىنى بۇزىدۇ.
تاڭ سەھەر قۇش پىيىغا ئەگىشىپ پەيدا بولىدۇ.
ئاينىڭ قانىتى، ھايات بەلگىسى
قاراڭغۇ كىچە ئەمەس مەڭگۈلۈك قەسەم.
سەھەر كۈلدى، زىمىن تۇغۇلدى
سۈبھى بىزنىڭ بىر كۈنىمىزنىڭ جامالىنى ئاچتى.

داۋامى بار

مەنبە خەنزۇچە << دۇنيا ئەدەبىياتى >> ژورنىلىنىڭ 2012-يىللىق 1-سانىدىن تەرجىمە قىلىندى.

بۇ يازمىنى ئاخىرىدا   risaletmerdan تەھرىرلىگەن. ۋاقتى  2012-5-2 00:08  

بۇ يازمىنى ئاخىرىدا   risaletmerdan تەھرىرلىگەن. ۋاقتى  2012-5-2 20:10  

  ‹ قاراڭغۇ كېچە ۋە قار› ناملىق شېئىردىن سالماق ئىپادىنى ھېس قىلدىم. باشقا ئەل خەلىنىڭ شېئىرىنى ئوقۇغاندا شۇ جاينىڭ سىياسى-ئىجتىمائى مۇھىتى بىلەن باغلاپ چۈشۈنۈش زۆرۆرمۇ قانداق؟ شۇ جاينىڭ ئەھۋالىدىن ئاز-تولا خەۋىرى بولىغان ئەھۋالدا شېئىرنى چۈشۈنۈشكە ئورۇنۇش قىيىن ئىكەن.

تەھرىرلەپ قۇيدۇم.

شائىرلارنىڭ تۇرمۇشى

بۇ يازمىنى ئاخىرىدا   risaletmerdan تەھرىرلىگەن. ۋاقتى  2012-5-4 00:40