توقسۇ: ئايالسىز ئۆي

توقسۇ1 · ۋاقتى: 2014-3-21 13:17:12


	ئايالسىز ئۆي پەردىلەر سۈكۈتتە تۇرىدۇ جىمجىت ، كۆلەڭگە تاشلايدۇ بەكمۇ پەرىشان . تاملارنىڭ كۆز يېشى سىڭدى قەلبىگە ، غەمكىنلىك ئىلكىدە يۈتەر زەرداپ قان . ئەينەكتىن قارايدۇ مىسكىن بىر چىراي ، سېغىنىش ئىلكىدە بولغان سىڭايان ، چىراقنىڭ نۇرلىرى تۈكۈلەر ئاستا ، ئۈمچىيەر لەۋلىرى يوقتۇر ھاياجان . قازان ۋە چۈمۈچتىن تۈكۈلىدۇ مۇڭ ، ئاشخانا بوي سۇزۇپ چاقىرار ئايال ، جۈمەكنىڭ سۇلىرى سوغۇق ۋە غەمكىن ، سۇدىمۇ ئېھتىمال قالمىغان ماجال . گېلەمدە شۈمشىيىپ قارايدۇ ئەخلەت ، چېچىلىپ بەك رەتسىز مۇڭلىنار كىيىم ، تۈكۈلۈپ تۇرىدۇ سانجاق-سانجاق مۇڭ ، ئايالسىز بۇ ئۆينىڭ كۆڭلىمۇ يېرىم . بۇ يازمىنى ئاخىرىدا ھەبىبۇللا مىجىت تەھرىرلىگەن. ۋاقتى 2014-3-21 13:33

-مېھرى · ۋاقتى: 2014-3-21 14:01:18


	ئايالسىز رەڭلەنمەس ھايات باغلىرىڭ، گۈل پۇراپ يورۇيدۇ ئاتقان تاڭلىرىڭ.

ئامانى · ۋاقتى: 2014-3-21 16:01:48


	ئاياللار بولغاچقا گۈل باغ بۇ دۇنيا . ئىلھاملىرى پەرۋاز قىلغاي .

مۇنىرە · ۋاقتى: 2014-3-21 19:49:19


	ئايالسىز ئۆيدىن چاشقانمۇ يامانلايدۇ

ئايتېكىن · ۋاقتى: 2014-3-21 20:10:36


	بەك ياقتۇردۇم،بەرىكەتلىك بۇلۇڭ.

ئايشەم1 · ۋاقتى: 2014-3-21 22:34:59

توقسۇ1 · ۋاقتى: 2014-3-26 13:22:16


	جۈمەكنىڭ سۇلىرى سوغۇق ۋە غەمكىن ، سۇدىمۇ ئېھتىمال قالمىغان ماجال . بۇ يازمىنى ئاخىرىدا توقسۇ1 تەھرىرلىگەن. ۋاقتى 2014-3-26 13:22

ئايشەم1 · ۋاقتى: 2014-8-19 21:59:40


	ئاياللىق ئۆي تاغدەك مازىرىم، ئايال بولمىسا داتلىشار قازىنىم. ئاپىرىن !!! بۇ شېئىرىزنى راستتىنلا بەك ياقتۇردۇم، جۇمۇڭ! ئاياللارنى بەك مۇھىم بىلگەنلىگىڭىزدىن سۈيۈنۈپ تېمىڭىزنى يەنە ئوقۇدۇم.

توقسۇ1 · ۋاقتى: 2015-4-21 00:49:59


	‹‹ئايالسىز ئۆي››ۈم قالدى مۇڭسىراپ، ياش تۆكمەكتە غېرىپ تاۋۇشى. مىسرالىرى قىسماقتا بويۇن، كۇبلىتىنى يۇيار كۆز يېشى. تۇراقلىرىن بېسىپتۇ توپا، رېتىمىدىن ئاڭلانماس سادا ، قېتىپ قاپتۇ قايغۇلىمۇ، مەزمۇنىدا تىمتاسلىق گويا. ئېماگلىرى ئۆلۈپ كېتىپتۇ، نەزىرىگە كېتىپتۇ ھېسىيات. تەقدىرىدىن ئېچىنىپ ۋەزىن، بىھۇشلۇقتا يېقىلىپ پات- پات. ھىچبىر كىشى ئۇزاتماپتۇ قول، ئۆركەشلىرى تاشلاپتۇ چېچەك ، قاپىيەسى كېتىپتۇ قايان، كەلگۈسىدىن ئىيتىدۇ چۆچەك بۇ يازمىنى ئاخىرىدا توقسۇ1 تەھرىرلىگەن. ۋاقتى 2015-4-21 01:00

تۆتتاش · ۋاقتى: 2015-4-21 01:57:14


	مىنىڭ يازغان تېمام سىزنىڭكىگە ئوخشاش بۇلۇپ قاپتۇغۇ دوستۇم، بۇ شېئىرىڭىزنى كۆرمەپتىكەنمەن. كەچۈرۈڭ.

dolani2015 · ۋاقتى: 2015-4-21 18:58:54


	گېلەمدە شۈمشىيىپ قارايدۇ ئەخلەت ، چېچىلىپ بەك رەتسىز مۇڭلىنار كىيىم ، تۈكۈلۈپ تۇرىدۇ سانجاق-سانجاق مۇڭ ، ئايالسىز بۇ ئۆينىڭ كۆڭلىمۇ يېرىم . ئاياللار ئۆينىڭ گۈلى دەپ بىكار ئېيتىلمىغاندە ، بەك ياخشى يېزىلىپتۇ.