ئابلىپىز ئىدىرىس: مەن ئالەمدىن ئۆتكەندە

ablipiz idiris · ۋاقتى: 2014-3-20 18:36:18


	مەن ئالەمدىن ئۆتكەندە ئابلىپىز ئىدىرىس ھايات چېغىم بىلمەيسىز قەدرىم، جاپا سېلىپ جانغا جانلىرىم، سىزنى يامان قىينايدۇ دەردىم، مەن ئالەمدىن ئۆتكەندە جېنىم. كۈندە ئەلەم باغرىڭىز يارا، بوپ قالىدۇ بەختىڭىز قارا، ئۆتكەن ئۆمۈر قايتىلانماس يا؟! مەن ئالەمدىن ئۆتكەندە جېنىم. ئۇنۇتاي دەپمۇ ئۇنۇتالمايسىز، كۈنلىرىڭىز مەنسىز، مەنىسىز، يۈرىكىڭىز سوقىدۇ ئەنسىز، مەن ئالەمدىن ئۆتكەندە جېنىم. قايغۇ بېسىپ يوقايدۇ شاتلىق، ئۇچرىمايدۇ مەندەك بىر تاتلىق، ئۆزگە يارغا بولمايسىز ياتلىق، مەن ئالەمدىن ئۆتكەندە جېنىم. باھار كېلىپ قۇشلار كەلگەندە، مەن ئۆتىمەن يادلىنىپ كۈندە، گۈللەر پورەك ئاچار قەبرەمدە، مەن ئالەمدىن ئۆتكەندە جېنىم. 2014-يىلى 3-ئاينىڭ19-كۈنى بۇ يازمىنى ئاخىرىدا Erchin تەھرىرلىگەن. ۋاقتى 2014-3-20 19:51

پەروزان · ۋاقتى: 2014-3-20 20:50:04


	رىئاللىق ئاپرىدە قىلغان تەقدىر كىشىنى ھەر ئويغا، تۈرلۈك قىسمەتلەرگە دۇچار قىلسىمۇ، ئىش ئۆتۈپ كەتكەندىن كېيىن، ئادەمنىڭ ئېسىدىن نۇرغۇن كەچمىشلەر تىز كۆتۈرلۈپ كېتىدۇ، لېكىن ئابلىپىزنىڭ بۇ شېئىرىدا رىئاللىقنىڭ ئاشۇ ئاچچىق تەمى تۆكۈلۈپتۇ، كېلەچەك قىياسلىرى گۈزەل شېئىرى تىل، بەدىئى ماھىرلىق بىلەن ئىپادە قىلىنىپتۇ... ئۇنىڭ قەلىمى شېئىرغا بارغانچە ئەپ تاپقىلى تۇرۇپتۇ.

ئارقۇمى · ۋاقتى: 2014-3-20 20:57:02


	قەلەم تۇلپارىڭىز كىشنەپ تۇرغاي！…

دېھقانباي · ۋاقتى: 2014-3-20 21:02:35


	پەروزان يوللىغان ۋاقتى 2014-03-20 20:50:04 رىئاللىق ئاپرىدە قىلغان تەقدىر كىشىنى ھەر ئويغا، تۈر ئاخىركى كوپىلىتى تېخىمۇ مۇڭلۇق چىقىپتۇ…

a.sadir · ۋاقتى: 2014-3-20 21:03:45


	بۇ ناخشىغا باپ تېكىست بوپتۇ. بىرەر كومپىزىتۇر مۇزىكا ئىشلىسە، تازا لېرىك ھەم مۇڭلۇق ناخشا بولۇپ قالىدىكەن. سىزگە مۇۋەپپەقىيەت تىلەيمەن!

رۇمەيسا · ۋاقتى: 2014-3-20 21:36:06


	شۇنداق ئوماق شېئىر ئىكەن، قايتا-قايتا ئوقۇۋەتتىم.

ئابلەت.م.كۈيزار · ۋاقتى: 2014-3-20 21:46:03


	يۈرەككە تەگكۈدەك ناخشا تېكىستى بوپتۇ....

غازى ئوغلى · ۋاقتى: 2014-3-20 22:15:46


	مۇشۇنداق دەپ كىمنى قورقىتىۋاتقانسىز ھە، شىئېرىڭىزنى تاتلىق يېزىپسىز.قۇتلۇقلايمەن.

ئامىنە · ۋاقتى: 2014-3-20 22:33:30


	سىز ئالەمدىن ئۆتكەندە جېنىم، مەن تۇتۇتارمەن ئۇچكۇن قارىلىق. بارالمايمەن قەبرىڭىزگىمو، يىراق بولغاچ يول ھەم ئارىلىق. سىز ئالەمدىن ئۆتكەندە جېنىم، تۇغىلىدو چوقۇم نەۋرىمىز. ئىستىداتلىق شائىر ئاتىلىپ، ياسىلىدو غېرىپ قەبرىمىز.

ئاينۇرى · ۋاقتى: 2014-3-20 22:53:41


	غازى ئوغلى يوللىغان ۋاقتى 2014-3-20 22:15 مۇشۇنداق دەپ كىمنى قورقىتىۋاتقانسىز ھە، شىئېرىڭىزنى ... مەنمۇ مۇشۇ سۇئالنى سورىماقچى ئىدىم ، سىز چاققان چىقىپ سوراپ بولۇپسىز. بىراق شېئىر يېقىشلىق چىقىپتۇ.

دىلداش · ۋاقتى: 2014-3-20 23:30:53


	قەلىمىڭىز ھارمىسۇن، يەنىمۇ تىرىشقايسىز

رەيھان · ۋاقتى: 2014-3-21 09:52:42


	شۇنداق تاتلىق يېزىپسىز،ھارمىغايسىز.

تام · ۋاقتى: 2014-3-22 00:05:52

غازى ئوغلى · ۋاقتى: 2014-3-22 00:41:43


	Over يوللىغان ۋاقتى 2014-3-22 00:05 قاچان ئالەمدىن ئۆتىسەن؟! ئورۇنباسار بولماقچىمىدىڭ...

ablipiz idiris · ۋاقتى: 2014-3-22 13:57:51


	پەروزان يوللىغان ۋاقتى 2014-3-20 20:50 رىئاللىق ئاپرىدە قىلغان تەقدىر كىشىنى ھەر ئويغا، تۈر ... ئۇشبۇ تىمامغا قىممەتلىك ۋاقتىڭىزنى چىقىرىپ بەرگەن كۆز قاراش، باھالىرىڭىزدىن دىلىم سۆيۈندى. رەھمەت ئاكا.