توختەم ئىمىن: بايرىمىڭغا مۇبارك ئانا

تۇختەم · ۋاقتى: 2014-3-6 16:41:40


	بايرىمىڭغا مۇبارەك ئانا توختەم ئىمىن بايرىمىڭغا مۇبارەك ئانا، كۈنلىرىڭدە كۈلسۇن جۇپ قۇياش. ئايىغىڭنى سۈيىدۇ تاغلار، يالقۇنىڭدا ئېقىن ياسار تاش. بايرىمىڭغا مۇبارەك ئانا، كۆزلىرىڭدە ئەگىمىسۇن ياش. تىلەكلىرىڭ ئەجەپ كۆپ سىنىڭ، قېرىساڭمۇ ئۇلار يۈرەر شاش. بايرىمىڭغا مۇبارەك ئانا، قەلبىڭدە بار مىنىڭ جەننىتىم. سەنغۇ تاما قىلمايسەن مەندىن، ئەمما ئەجەپ كۈيەر يۈرىكىم. بايرىمىڭغا مۇبارەك ئانا، ئۇلۇقلۇقۇڭ،ئۆمرۈڭدۇر بەختىم. سەن دۇنيادا گۈزەلسەن -گۈزەل، گۈزەللىكنى خالىمايدۇ كىم؟!... بايرىمىڭغا مۇبارەك ئانا، دىمە بۈگۈن ئۈيۈم،باللىرىم.... ياشاپ باققىن شۇ بىر كۈنۈڭدە، ئۈزۈڭ ئۈچۈن ئانا بىر قېتىم!!... بۇ يازمىنى ئاخىرىدا Erchin تەھرىرلىگەن. ۋاقتى 2014-3-6 19:23

ئۈمىدجان قادىرى · ۋاقتى: 2014-3-6 19:20:12


	مەنمۇ ئانامنىڭ بايرىمىنى مۇبارەكلەيمەن.بارلىق ئانىلارنىڭ بايرىمىغا مۇبارەك بولسۇن!

بازغان · ۋاقتى: 2014-3-6 19:26:47

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

تارال · ۋاقتى: 2014-3-6 19:39:52


	مەن مۇنداق ئوقۇپ باقتىم، خانىم: ئانامغا تىلەك توختەم ئىمىن بايرىمىڭغا مۇبارەك ئانا، ئاق بېشىڭدا سويلىسۇن قۇياش. ئايىغىڭنى سۆيسۇن ئاھ، تاغلار، يالقۇنىڭدا ئېقىن ياساپ تاش. بايرىمىڭغا مۇبارەك ئانا، كۆزلىرىڭدىن ئەگىمىسۇن ياش. تىلەكلىرىڭ ئەجەپ كۆپ سېنىڭ، قېرىساڭمۇ ئۇلار يۈرەر ياش. بايرىمىڭغا مۇبارەك ئانا، ئايىغىڭدا مېنىڭ جەننىتىم. تامايىڭ يوق مەندىن، دۇنيادىن... بىر سەن ئۈچۈن سوقار يۈرىكىم. بايرىمىڭغا مۇبارەك ئانا، مېھرىبانىم ھاياتىڭ-بەختىم. سەن دۇنيادا يىگانە گۈزەل، قەلبىمدىكى ئۈز، بۈيۈك تەختىم. بايرىمىڭغا مۇبارەك ئانا، تەبرىكلەيمەن يەنە مىڭ قېتىم. ئويلىمىغىن بالا-چاقاڭنى، ئۈزۈڭ ئۈچۈن ياشا بىر قېتىم!... بۇ يازمىنى ئاخىرىدا تارال تەھرىرلىگەن. ۋاقتى 2014-3-6 19:41

ئۆمەر · ۋاقتى: 2014-3-6 20:05:14


	بارلىق ئۇلۇغ ئانىلارنىڭ بايرىمى مۇبارەك بولسۇن، خانىم قىزلارنىڭ«8-مارت» ئى قۇتلۇق بولسۇن.

لالە · ۋاقتى: 2014-3-6 20:37:38


	بۈگۈن ئاپام چۈشۈمگە كىرىپ قاپتىكەن .ئەتىگەندىن تا ھازىرغىچە يىغلىغۇملا كەلگەنتى .بۇ شىئېرنى ئوقۇپ يەنە يىغا تۇتتى .مەرھۇم ئانام ئۈچۈن دۇئا قىلىمەن .بارلىق ئانىلارنىڭ تىنىگە سلامەتلىك يار بولغاي !

ئەرتېكىن · ۋاقتى: 2014-3-7 00:08:36


	بارلىق ئانىلارنىڭ بايرىمغا مۇبارەك بولسۇن!

دىلداش · ۋاقتى: 2014-3-7 00:30:02


	ئانىلارنىڭ بايرىمىغا مۇبارەك بولسۇن

تۇختەم · ۋاقتى: 2014-3-7 10:26:29


	كەلگەن قەدىمىڭلاغا مەرھابا!.....تارال ئەپەندىنىڭ ئۇقۇشلىرىدىن سۈيۈندۈم،لىكىن يەنىلا ئۆزۈمنىڭ پىكرىدە قالغۇم بار،كۆپ رەھمەت!..........

پەروزان · ۋاقتى: 2014-3-7 10:52:06


	ئانا - ھاياتلىقنىڭ جۇلاسى، مېھىر-مۇھەببەتنىڭ خاسىيەتلىك ئۇۋىسى، ئانا گۈل-غۇنچىلارغا ھاياتلىق ئاتا قىلغۇچى باھار ... چېھرىگە قۇياش ھارارىتىنى مۇجەسسەملىگەن جانىجان ئانىلارنىڭ ئەتىكى بايرىمىغا مۇبارەك بولسۇن! مۇھەببەت گۈلزارلىقىدا مېھىرلىك ياشاپ ھەم بىزنى مېھىرلىك ياشىتىپ كەلگەن مېھرىبان ئانىلارغا مەڭگۈلۈك سالاملار بولسۇن! بۇ يازمىنى ئاخىرىدا پەروزان تەھرىرلىگەن. ۋاقتى 2014-3-7 12:19

(ئۈمىد) · ۋاقتى: 2014-3-7 12:15:03


	................. بايرىمىڭغا مۇبارەك ئانا، كۆزلىرىڭدىن ئەگىمىسۇن ياش. تىلەكلىرىڭ بولسۇن ئىجابەت، نىسىپ بولسۇن سۆيۈملۈك ياشاش...

تۇختەم · ۋاقتى: 2014-3-7 12:44:42


	................. بايرىمىڭغا مۇبارەك ئانا، كۆزلىرىڭدىن ئەگىمىسۇن ياش. تىلەكلىرىڭ بولسۇن ئىجابەت، نىسىپ بولسۇن سۆيۈملۈك ياشاش.............. ئۈمىد ئەپەندى رەخمەت.بەكلا ياخشى ئۇقۇپسىز بۇ كۇبلىتنى!........

خەندان · ۋاقتى: 2014-3-7 13:35:39


	بۈيۈك ئانىلارغا بېغىشلانغان لىرىكىلاردىن ھوزۇر ئالدىم!قىز-ئاياللارنىڭ بايرىمىغا مۇبارەك بولسۇن!ئەرلەرنىڭ يۈرۈكى ئىپتىخارلىققا تولسۇن!

پاسىل · ۋاقتى: 2014-3-9 18:49:58


	بۇ شىئېر بەك نەپىس چىقىپتۇ ...مۇبارەك بولسۇن...بارىلىق ئانىلارغا خاتىرجەملىك يار بولغاي...

nurdin · ۋاقتى: 2014-3-9 20:18:48


	شېئىر يەڭگىل ،ئۇز چىقىپتۇ. توختەم ھەدە جەننەت ھەققىدە چۈشەنچىڭىز قانچىلىك بىلمەيمەن. جەننەتنى ئۆز جايىدىن ئىزلەڭ.ئانا قەلبىدىن ھۇزۇر،شادلىق ، بەخىت ئىزلەڭ.

بازغان بازغان توردا يوق جۇغلانما 696	ۋاقتى: 2014-3-6 19:26:47 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
بازغان بازغان توردا يوق جۇغلانما 696
	ئىنكاس ئېسىل ناچار جابدۇق پاش قىلىش