گۈلبەدەن: ئۇنسىي ئەلھاج - بۇلاقلارغىچە ئۇزۇن چاچلىق ئەلچى ئايال

gulbeden · ۋاقتى: 2014-2-23 23:22:16


	بۇلاقلارغىچە ئۇزۇن چاچلىق ئەلچى ئايال (پارچە) ئۇنسىي ئەلھاج -بۇ پارچىنىڭ ئۇيغۇرچە تەرجىمىسىنى بەرچىنئايغا بېغىشلايمەن. ئەي، يارىم سېنىڭ ئويۇنچۇقىڭ ھەم مەغلۇبىڭ بولۇشقا قەسەم قىلىمەن سېنىڭ يۇلتۇزىڭنى مۆرەمگە چۈشۈرۈش ئۈچۈن تىرىشىشقا قەسەم قىلىمەن كۆزلىرىڭنىڭ چاقىرىقىغا ئاۋاز قوشۇپ لەۋلىرىڭنىڭ ھېكمىتىگە ئاسىىيلىق قىلىشقا قەسەم قىلىمەن شېئىرلىرىمنى ئۇنتۇپ سېنى يادىمدا تۇتۇشقا قەسەم قىلىمەن سۆيگۈمنىڭ كەينىدىن يۈگرەشكە ھەمدە ئۇنىڭ داۋاملىق ئالدىمغا ئۆتۈپ كېتىشىگە قەسەم قىلىمەن سېنىڭ بەختىڭ ئۈچۈن كۈندۈز يۇلتۇزلىرىدەك ئۆچۈپ قېلىشقا قەسەم قىلىمەن قولۇڭدىكى كۆز ياشلىرىمدا ئولتۇراقلىشىشقا قەسەم قىلىمەن "سېنى سۆيىمەن" "سېنى سۆيىمەن" دېگەن بۇ ئىككى جۈملىنىڭ ئارىلىقى بولۇشقا قەسەم قىلىمەن تېنىمنى ئىچ پۇشىقىڭنىڭ يولۋاسلىرىغا مەڭگۈ تاشلاپ بېرىشكە قەسەم قىلىمەن سېنىڭ تۈرمەڭنىڭ تۈن ۋەدىلىرىگە ۋاپادار ئوچۇق ئىشىكى بولۇشقا قەسەم قىلىمەن مەن تۇرغان كۈتۈش ھۇجرىسىنىڭ قىزغىنىش، كىرىشىمنىڭ ئىتائەت، قېلىشىمنىڭ ئېرىش بولىشىغا قەسەم قىلىمەن سېنىڭ سايەڭنىڭ ئولجىسى بولۇشقا قەسەم قىلىمەن تىزلىرىڭنىڭ ئۈستىدە ئېچىلغان كىتاب بولۇشنى ھەرۋاقىت ئارمان قىلىشقا قەسەم قىلىمەن دۇنيانىڭ سەندىكى بىرلىكى بولۇشۇم ئۈچۈن، مەن دۇنيانىڭ سېنىڭ بىلەن سېنىڭ ئاراڭدىكى پارچىلىنىشى بولۇشقا قەسەم قىلىمەن سېنى چاقىرسام سائادەتنىڭ بۇرۇلۇپ قارىشىغا قەسەم قىلىمەن دىيارىمنى سېنىڭ سۆيگۈڭدە ھەمدە دۇنيانى دىيارىمدا كۆتۈرۈشكە قەسەم قىلىمەن سېنى قانچىلىك سۆيىدىغانلىقىمنى بىلمىگەن ھالدا سۆيۈشكە قەسەم قىلىمەن مەن مېنىڭ يېنىمدا مېڭىپ بۇ يالغۇز دوستنى سەن بىلەن ئورتاقلىشىشقا قەسەم قىلىمەن ئاۋازىڭنىڭ باياۋىنىدىن مېنىڭ ئۆمرۈمنىڭ ھەرىدەك ئۇچۇپ كېلىشىگە قەسەم قىلىمەن چېچىڭنىڭ چاقمىقىدىن يايلاقلارغا يامغۇر بولۇپ چۈشۈشكە قەسەم قىلىمەن قۇرلارنىڭ ئارىسىدىن ھەر قېتىم قەلبىمنى تاپقىنىمدا: تاپتىم سېنى! تاپتىم سېنى! دەپ توۋلاشقا قەسەم قىلىمەن ساڭا كۆپ ئىبادەت قىلىش ئۈچۈن ئاسىيانىڭ چوققىلىرىدىن ئېگىلىشكە قەسەم قىلىمەن. ئەرەبچىدىن ئالماش تەرجىمىسى بۇ يازمىنى ئاخىرىدا gulbeden تەھرىرلىگەن. ۋاقتى 2014-2-23 23:32

ARKZAT · ۋاقتى: 2014-2-24 00:24:23


	-بۇ پارچىنىڭ ئۇيغۇرچە تەرجىمىسىنى بەرچىنئايغا بېغىشلايمەن «پارچە»دىكى يۇقىرىدىكى ئىزاھات بىلەن ئەڭ ئاخىرىدىكى مۇنۇ جۈملە ئوتتۇرىسىكى «قەسەم»نى قانداق چۈشىنىش مۇمكىن؟ ساڭا كۆپ ئىبادەت قىلىش ئۈچۈن ئاسىيانىڭ چوققىلىرىدىن ئېگىلىشكە قەسەم قىلىمەن.

3-ئاي · ۋاقتى: 2014-2-24 01:04:42


	بەرچىنئاي دېگەن كىم ئەمدى؟

ئەركىن · ۋاقتى: 2014-2-24 01:09:35


	ئۇيغۇر قىزلىرى نېمانچە يامان. يىراقتىكى ئۆلۈپ كەتكەن ئۇنسى ئەلھاجمۇ ئۇيغۇر قىزلىرىغا بېغىشلاپ شېئىر يېزىپتۇ ئەمەسمۇ؟! بۇ شېئىرنى پاسئان شېئىرىيەت مۇنبىرىدە كۆرگەن ئىدىم. لېكىن بۇ يەردە مەنبەمۇ ئەسكەرتىلمەپتۇ، تەمەچ تەرگۈچىلەر ھەممىلا يەردە تىمسىقلاپ يۈرىدىكەن دېسە بۇ يازمىنى ئاخىرىدا ئەركىن تەھرىرلىگەن. ۋاقتى 2014-2-24 01:12

gulbeden · ۋاقتى: 2014-2-24 01:14:59


	ئەركىن يوللىغان ۋاقتى 2014-2-24 01:09 ئۇيغۇر قىزلىرى نېمانچە يامان. يىراقتىكى ئۆلۈپ كەتكەن ئ ... راست دەيسىز، ھەقىقەتەن قالتىس ئۇيغۇر قىزلىرى!چۈنكى ئۇيغۇر قىزلىرىدە ! ئۆلۈپ كەتكەن ئۇنسىي ئەلھاجنىڭ شېئىرىنى، ئۆلۈپ كەتمىگەن ئالماش تەرجىمە قىلىپ، ئۆلۈپ كېتىۋاتقان بەرچىنئايغا ھەدىيە قىپتۇ! قەدرىنى قىپتۇ دېمەك، بۇ نېمىدىگەن ياخشى ئىش؟ ھەم ئۆلۈپ ئۈلگۈرمىگەن مەن بۇنى ياقتۇرۇپ ، تېخى تىرىكلەر ئۆچۈنلا بۇ يەرگە يوللىدىم .ھەم تەرجىماننىڭ رۇخسىتى ، ۋە ئۆز ئىناۋىتىم بىلەن يوللىغىنىم ئۆچۈن مەنبە مەندۇرمەن ! ياخشى يېرى بەزىلەرنىڭ قايغۇسىنى چۈشىنىشكە بولىدۇ، قۇرۇپ كەتكەنلىكىدىن بىر پارچە كېسەل كارۋېتىنى ھەر يەردە كۆتۈرۈپ يۈرگىنىگە كۆرە، كورلىقىدىن ھەر يەردە ھەركىمنى كور قىلاي دەپ كۆزىگە توپا چېچىپ يۈرگىنىگە كۆرە.. قاتتىق ھىسداشلىق ئىچىدە بېشىڭىز ئامان بولسۇن دېيىشتىن باشقا چارىمىز يوق . بۇ يازمىنى ئاخىرىدا gulbeden تەھرىرلىگەن. ۋاقتى 2014-2-24 11:19

gulbeden · ۋاقتى: 2014-2-24 03:08:02


	3-ئاي يوللىغان ۋاقتى 2014-2-24 01:04 بەرچىنئاي دېگەن كىم ئەمدى؟ ۋاي تاڭ، مەن پەقەت شېئىرلا ئوقۇيدىكەنمەن، كىمنىڭ كىملىكىنى ئوقۇمايدىكەنمەن. بەك بىر بىلگۈڭىز كەپ كەتكەن بولسا ئىزدەپ تېپىپ ئالماشتىن سورىۋېلىڭ.

قەلبىنۇر ئېلياس · ۋاقتى: 2014-2-24 11:52:29


	سىزگە ئۇتۇق تىلەيمەن ! بۇ پارچىڭىزنىمۇ ياختۇردۇم .

ئايشەم1 · ۋاقتى: 2014-2-24 12:21:31


	مەن سىزگە يازغان ئىنكاسنى ئوقۇدىڭىزمۇ ؟

مېھرى · ۋاقتى: 2014-2-24 12:34:32


	ئايشەم1 يوللىغان ۋاقتى 2014-2-24 12:21 مەن سىزگە يازغان ئىنكاسنى ئوقۇدىڭىزمۇ ؟ سالام ئايشەم خانىم ! گۈلبەدەنگە قالدۇرغان سۆزىڭىز مېنىڭ سۆز دەپتىرىمدە تۇرىدۇ . ئۆز پېتى كۆچۈرۈپ قوياي : ئېيت ناخشاڭنى گۈلبىدىن ، پۈتۈن ئاۋام ئاڭلىسۇن ! ناخشاڭ بىلەن ، شادلىنىپ ، ساڭا كۈڭۈل باغلىسۇن . ئايشەم1دىن.

gulbeden · ۋاقتى: 2014-2-24 13:59:56


	تۆۋەندىكىسى بەرچىنئاينىڭ يازغان جاۋاب شېئىرىكەن. بۇلاقلارغىچە ئۇزۇن چاچلىق ئەلچى ئايالدىن بەرچىنئاي _ مېنىڭ بىرىمگە بېغىشلايمەن. سۇنىڭ يۈزىدىن توزىۋاتقاندەك توزۇۋاتقان قۇشلارنىڭ تېنىدىن سۇنىڭ يۈزىگە ئاياق قويغان قۇشلارنىڭ ئايىقىدەك لەرزان ئاياقلاردىن چاچراپ چىققان سۇ تامچىلىرىنىڭ دەقىق ئىچىدىكى ھاياتىدەك بىر ھاياتتىن مەن چىقىپ كېلىمەن مەن ! بۇ دەقىق سېنىڭ بىلەن قۇچاغلىشىشىمغا يېتىپ ئاشىدۇ بۇ دەقىق مۈرەڭگە لەۋلىرىمنى يېقىشىمغا يېتىپ ئاشىدۇ بۇ دەقىق ئۇچاڭدىن تۆكۈلگەنلەرگە كۆز سۈرۈشۈمگە يېتىپ ئاشىدۇ ھېچ يېتىشمەسلىكنىڭ ئىچىدىن مەن چىقىپ كېلىمەن مەن ! شادىيانىلىقىڭغا پارە پارچەم پارە پارچەمنى پۈتۈنلىسۇن ئارامىڭغا قاراڭغۇ كېچەڭنىڭ رەڭلىرى جانۇ جېنىمنى قىينىسۇن سېنىڭ خالىشىڭغا مېنىڭ تەكرار - تەكرار قايتىشىم ۋە كېلىشىم تەييار تۇرسۇن سېنىڭ ھەر خاھىشىڭدىن مەن چىقىپ كېلىمەن مەن ! سەن ئاستا – ئاستا ئۆرلەيۇ مېنى قوللاردەك پۇلاڭلات سەن ئالەمدىن ئۆتيۇ يەنە ئالەمگە قايتا كەل تېخىمۇ زورىيىپ بېسىۋېلىۋاتىسەنيۇ كۆرۈنمەيسەن ھەر كۆرۈنمەسلىكىڭدىن مەن چىقىپ كېلىمەن مەن ! ئىسمىڭ بۇ يەرگە ئېقىپ چۈشكەن ئېغىرلىقىدىن ئېقىپ چۈشكەن ئىسمىڭ بۇ يەردە قالدى ئېغىرلىقىدىن بۇ يەردە قالدى سەن روھتىنمۇ يەڭگىل بىر ئاۋازنى چاقىرىۋاتىسەن سېنىڭ ھەر چاقىرىشىڭغا مەن چىقىپ كېلىمەن مەن ! قۇشلارنىڭ قانىتىدەك ئايلىنىپ كېتەيلى بىز كېپىنەكلەرنىڭ قانىتىدەك ئايلىنىپ كېتەيلى بىز سەن مېنى كۆتۈر لەيلەت ۋە يېنىڭغا ئېلىپ كەت سېنىڭ ھەر ئېلىپ كېتىشىڭدىن مەن چىقىپ كېلىمەن مەن ! ئىسمىمنى كۆرۈپ شەرەپكە سىغماي قالىمەن سېنىڭ ئىسمىڭىڭ ئىچىدە ئىسمىمنى كۆرۈپ تېشىپ چىقىمەن سېنىڭ ھەربىر ئاتىشىڭدا ئىسمىمنى ئىسمىڭ بىلەن بىللە قوي ئەي نىگارىم .. مەن چىقىپ كېلىمەن مەن ! بۇ يازمىنى ئاخىرىدا gulbeden تەھرىرلىگەن. ۋاقتى 2014-2-24 14:03

ئايدە · ۋاقتى: 2014-2-24 22:05:08


	بۇ شېئىرلاردىن تولىمۇ ھوزۇرلاندۇق. ئالماشقا ھەم بەرچىنئايغا تەشەككۈرلەر بولسۇن.

پەرىدە توختاخۇن · ۋاقتى: 2014-2-24 22:14:56


	بۇ شىئېرلاردىن ھوزۇرلاندىم ،تېما يوللىغۇچىغا رەخمەت.

گۈلبەدەن: ئۇنسىي ئەلھاج - بۇلاقلارغىچە ئۇزۇن چاچلىق ئەلچى ئايال

باھا سۆز