كىرىش
QQ ئارقىلىق كىرىش
تىزىملىتىش
پارول قايتۇرۇش
تىزىملىك
باش بەت
Portal
مۇنبەر
BBS
ھويلا
Space
مىكروبىلوگ
تور خاتىرىسى
يازغۇچىلار لۇغىتى
خەنزۇچە
قازاقچە
»
مۇنبەر
›
مەخسۇس تېمىلار رايونى
›
ئەبجەش يازمىلار
›
ئارىقۇمى: كۆمەچ كۆمۈش
تىزىملىككە قايتىش
كۆرۈش:
533
|
ئىنكاس:
7
ئارىقۇمى: كۆمەچ كۆمۈش
[ئۇلانما كۆچۈرۈش]
ئارقۇمى
ئارقۇمى
توردا يوق
ۋاقتى: 2014-2-12 22:23:57
|
ھەممە قەۋەتنى كۆرۈش
|
كۆرۈش شەكلى
كۆمەچ كۆمۈش
ئابلىپىز توختىمۇھەممەد ئاراقۇمى
(1)
مەي باغلىغان كۆڭۈللەر كۈندە،
جاراڭلايدۇ جانان چىنىدەك.
ئەسلىمىلەر باياۋىنىغا،
تۆكۈلىدۇ تىللا تەڭگىدەك.
كۆيۈپ گۆر-گۆر يۇلغۇن شىۋىقى،
قوقاس ھىدى پۇرار پۇرۇقلاپ.
كۆمەچ كۆمگەن چاغلارنىڭ قۇشى،
جانلىرىدا تۇرار چۇرۇقلاپ.
‹‹ ئابدۇقادىر ھەي ھەي گۇپپالاڭ،
ئالتە كۆمەچنى قانداق يەپ بولاڭ،
قالغىنىنى تۈگۈپ بەلباغقا،
بوز يەر ئاچساڭ تۈگەيدۇ چالاڭ››.
مەھەللىنى كىيىپ بىشىغا،
ھەممە يادلاپ ئوقۇغان قوشاق.
يۈرەكلەرگە سىرغىتار لەززەت،
ۋىسال قۇچقان دەملىرى توشاق.
چۈشلىرىنى كۆرىدۇ يىشىل،
كۆمەچ يىگەن تاغلار خىرامان،
يۈرىكىنى قالاپ تاڭغىچە،
يۇلتۇزلىرى چىچىلغان ئاسمان.
(2)
گۈلخان ئانا چاققان دەرۋازا،
مەشرەپلەرنى چىللىغان ساراي.
دەمدەر ئۈنلەپ كۈللەتكەن كۈنلەر،
سۇمبۇل-سۇمبۇل چېچىڭنى تاراي.
بۇرۇتىنى تالىغان ئەركەك،
شاخلىرىغا ئىسىلغان مارجان.
تاملىرىدا چاقنىغان ئاپتاپ،
ئاي خىنىملار ئولتۇرغان ئايۋان.
لەۋ چىشلەيدۇ تاتلىق پىچىرلاپ،
زامانلاردىن زامانغا شوخلاپ.
كۆمىچىنى سېغىنغان ھايات،
ئوچىقىدا كۆيەر چاراسلاپ.
كۆىسىيىدە چوخچىلاپ بارخان،
ئۆز-ئۆزىنى چالار دىۋانە.
گۈلخان يىقىپ قاخشال تەنلەرگە،
بۇ ھاياتنى قىلار نۇرانە.
2014-يىلى 19-يانۋار، ئۈرۈمچى.
بۇ يازمىنى ئاخىرىدا ئارقۇمى تەھرىرلىگەن. ۋاقتى 2014-2-12 22:26
ئىنكاس
جابدۇق
پاش قىلىش
ت.مۇھەممەت
ت.مۇھەممەت
توردا يوق
ۋاقتى: 2014-2-13 00:46:59
|
ھەممە قەۋەتنى كۆرۈش
ئابلىپىزنىڭ كۆمىچىدىن بىر خىل قەدىمىيلىك پۇراپ تۇرىدۇ. مېنىڭ تۇغۇلغان يۇرتۇممۇ چىرا ناھىيەسىنىڭ گۇلاخما يېزىسى. بۇ يېزىنىڭ يۇرت لەقىمى «كۆمەچ»، ئۇنىڭ رىۋايىتىنى ئىنىم دولقۇن جاپپار چىرا مەشرىپىدە ئوبدان يورۇتقان. شۇڭىمۇ كۆمەچ دېسە ئالاھىدە دىققەت قىلىمەن. ئابلىپىزنىڭ يازغۇچىلار تورىغا كەلگىنى ۋە تۇنجى كۆمىچىنى تورداشلارغا ئاتىغىنىدىن سۆيۈندۈم. بەرىكەتلىك قوللار قەدىمىي مەدەنىيەتنى شېئىرى تۈستە داۋاملىق نۇرلاندۇرۇپ تۇرغاي.
ئىنكاس
ئېسىل
ناچار
جابدۇق
پاش قىلىش
shaidayi
shaidayi
توردا يوق
ۋاقتى: 2014-2-13 00:47:22
|
ھەممە قەۋەتنى كۆرۈش
تاتلىق يازمىڭىزغا مۇبارەك بولسۇن!
كىچىك چېغىمد ئانام دائىم كۆمەچ كۈمۈپ بىرىدىغان، بۇ شېئىرنى ئوقۇپ شۇنداق سېغىندىم ئاشۇ ئانام كۆمگەن كۆمەچنى... تاتلىق شېئىرلىرىڭىز ئارقىلىق ماڭا ئۇنتۇلغان تاتلىق كەچمىشىمنى ئەسلەتتىڭىز، كۆپ رەھمەت سىزگە، ئىجادىيەتلىرىڭىزنىڭ تېخىمۇ ئوتۇقلۇق بولۇشىغا تىلەكداشمەن !
ئىنكاس
ئېسىل
ناچار
جابدۇق
پاش قىلىش
-مېھرى
-مېھرى
توردا يوق
ۋاقتى: 2014-2-13 01:18:55
|
ھەممە قەۋەتنى كۆرۈش
كىچىكىمدە ئانام تونۇر بېشىدا چۈشۈك يىسەڭ قېرىمايسەن دەپ بىر مۇنچە چۈشۈكلەرنى يىيىشكە مەجبۇر قىلاتتى. مۇماممۇ شۇ ئوچىقىنىڭ ئالدىدا ئولتۇرۇپ كومگەن كۆمەچلىرىنى بەزىدە يىڭى بىلەن سۈرتۈپلا ماڭا تەڭلەيتتى. شۇ تەۋەرۈكلەر ئەمدى نەدىدۇ ؟شېېرىڭىزدىن شۇ سۆيۈملۈكلەرنىڭ سىماسىنى كۆرگەندەك بولىۋاتىمەن.
بۇ يازمىنى ئاخىرىدا -مېھرى تەھرىرلىگەن. ۋاقتى 2014-2-13 01:21
ئىنكاس
ئېسىل
ناچار
جابدۇق
پاش قىلىش
ئەلرام
ئەلرام
توردا يوق
ۋاقتى: 2014-2-13 01:21:53
|
ھەممە قەۋەتنى كۆرۈش
يېقىشلىق مىسرالار مېھرى ئسسىق يۇرتىمىزنى ئىسىمگە سالدى، ياقتۇرۇپ ئوقۇدۇم.
ئىنكاس
ئېسىل
ناچار
جابدۇق
پاش قىلىش
تەمكىن
تەمكىن
توردا يوق
ۋاقتى: 2014-2-13 10:16:11
|
ھەممە قەۋەتنى كۆرۈش
كۈل بىلەن قوشۇلۇپ كىلىدىغان مىزىلىلىك بىر خىل پۇراق....مىنى ۋە ھەممىمىزنى قەدىمىيلىك، ئۇيغۇرلۇق تۇيغۇسى ئىچىگە باشلاپ كىرگەن بۇ شېئىردىن زوق ئالدىم، رەھمەت دوستۇم.قەلەمگە بەرىكەت تىلەيمەن.
ئىنكاس
ئېسىل
ناچار
جابدۇق
پاش قىلىش
ئابدۇرېھىم زۇنۇ
ئابدۇرېھىم زۇنۇ
توردا يوق
ۋاقتى: 2014-2-13 11:02:00
|
ھەممە قەۋەتنى كۆرۈش
كۆمەچنىڭ ھىدى تور دۇنياسىنى بىر ئاپتۇ. مۇبارەك بولسۇن، ئاراقۇمى!
ئىنكاس
ئېسىل
ناچار
جابدۇق
پاش قىلىش
چوغدىل
چوغدىل
توردا يوق
ۋاقتى: 2015-3-22 14:46:04
|
ھەممە قەۋەتنى كۆرۈش
«ئابلىپىزكام كەتتى» دەپ ئاڭلاپ
مەرسىيە
«ئارا قۇم»نى باستى غېرىبلىق،
«كۆكتېرەك»لەر يۈكۈندى، ھەيھات…
«پاسىئان»دا ماتەم ھۇيلىرى،
«ئۇدۇن»لۇقنى سىلكىدى ھايات…
«ئۈرۈمچى»نىڭ يۈزلىرى قارا،
«ئۈچتاش»تا بىر «قارا پەيشەنبە».
ئارىقۇمى قىرىق تۆت ياشتا،
راست دۇنياغا كەتتى بىردەمدە…
جۈمە كۈنى، كۈلمىدى قۇياش…
چاڭ-توزانلار ئۇچتى كۈنبويى.
«ئامان بول!» دەپ پىچىرلار «ئۈچتاش»،
قار ئاستىدا ھۆڭرەر «ئۈرۈمچى».
ئەزىمەتتىن ئايرىلدى «ئۇدۇن»،
«ئەلۋىدا!» دەر يۇرتۇم «پاسىئان».
«كۆكتېرەك»مۇ قىلماقتا دۇئا،
«ئارا قۇم»غا سىڭمەكتە ئارمان…
―― چوغدىل
ئىزاھات:
①ئاراقۇم - گۇما ناھىيە كۆكتېرەك يېزا ئاراقۇم كەنتى
②پاسىئان - ھازىرقى گۇما ناھىيىسى
③ئۇدۇن - ھازىرقى خوتەن ۋىلايىتى
④ئۈچتاش - سەندۈنبىي (ئۈرۈمچىدە)
2014-يىلى 11-ئاينىڭ 14-كۈنى.جۈمە.ئۈرۈمچى.
بۇ يازمىنى ئاخىرىدا parhat kazim تەھرىرلىگەن. ۋاقتى 2014-11-20 15:45
ئىنكاس
ئېسىل
ناچار
جابدۇق
پاش قىلىش
تىزىملىككە قايتىش
ئالىي ئىنكاس
B
Color
Image
Link
Quote
Code
Smilies
كىرگەندىن كېيىن ئىنكاس يازالايسىز
كىرىش
|
تىزىملىتىش
سەھىپە جۇغلانما قائىدىسى
ئىنكاس يوللاش
ئاخىرقى بەتكە ئاتلاش
ستاتىستىكا
|
يانفون نۇسخىسى
|
新疆作家协会网
Powered by
Discuz!
X3.2
(
NurQut Team
)
© 2001-2011
Comsenz Inc.
For
www.xjzjxh.com
جۇغلانما 0, دەرىجە ئۆسۈش ئۈچۈن جۇغلانما
چوققىغا قايتىش