مەخەت ئابدۇرېھىم: تىلىمىزنىڭ تەمىنى تەڭشەيلى(سۆزئوينى)

                                   تىلىمىزنىڭ تەمىنى تەڭشەيلى.
                                           (سۆز ئويىنى)
                                          مەخەت ئابدۇرېھىم

        تىلداشلار، تورىداشلار، تۇرمۇشىمىزدىكى تونۇشلار، تىل تەۋەسدىكى تەھرىر، تەرجىمان، تەشۋىقاتچىلار:-تىلىمىزنىڭ تەركىپلىرىنى  تەپسىلى تەكشۈرۈپ، تىلىمىزغا توپلىشىۋالغان تەمسىز تەركىپلەرنى تازىلاپ ،تىلىمىزنى توغرا تاۋۇش تەمىناتلىرىدىن تولوق تەمىللەپ،تەمىنى تاۋۇش تۇزلىرىدا تويۇندۇرۇپ،تەمبۇرنىڭ  تارىسىدەك تەڭشەپ،تۇرمۇشىمىزنىڭ تەرەپ-تەرەپلىرىگە تىزدىن تارقىتايلى.تىلىمىزنىڭ تەمىنى تەڭشىمىسەك،تىلداشلىرىمىز تەبىئەتنىڭ،تۇرمۇشنىڭ،تىل تۈركۈملىرىنىڭ تەبىئى تەركىپلىرىنى،تەكشى تەرەققىيات تەرتىپلىرىنى توغرا تونۇيالمايدۇ.
     تىلىمىزدىكى تەمسىز تەركىپلەر؛-تۈتۈننى تۇڭلۇكتىن تارقىتىدىغان، تۆگىنىڭ توقۇمىنى توخۇغا توقۇپ، توخۇنىڭ تاجىسىنى تىمساققا تاقايدىغان.تاۋۇزنى توقماقتا تىلىپ، توكنى تەرەكتۇردا توشۇيدىغان، توك توخۇسىنىڭ تۇخۇمىنى توڭلاتقۇدا تۇغدۇرۇپ، توڭگۇزنىڭ تىرىسىنى تونۇردا تاۋلايدىغان، تاشنى تاياققا تېڭىپ،تاغنى تىماقتا توختۇتۇپ، تۈتەك-تۇماننى تاغارغا توپلايدىغان. تەخەينىڭ تۇۋۇقىنى تازنىڭ تۆمۈر تاغىقىدا تارايدىغان.تامدىكى تۆمۈر تاختىنى توكسىز تىلفۇندا توۋلايدىغان.تونۇشلىرىنى، تۇققانلىرىنى تېتىقسىز تىلدا تىللايدىغان. توشقاندىن تاماكا تالىشىپ، تېرىقتا تاۋار توقۇپ، تىرەكنىڭ تويىدا توغراقنى تولغاق تۇتماستىنلا تۇغدۇرۇپ، تىل توغرىسدىكى تەبىرلەرنى تېتىقسىز تونۇشتۇرۇلماقتا.
    تىلىمىزغا تېتىقسىز تەركىپلەر توپلىشىپ، تەتۇر تاناسىپلىق تىلماچ تانىسدا تارقىلىۋەرسە تۇرمۇشىمىزنىڭ تەڭپۇڭلۇقىنى توسىۋىتىدۇ. تەرەققىياتىمىزنىڭ تۇڭلۇكلىرىنى تۆمۈر تۇۋاقتا تاقىۋىتىدۇ.
      تىلىمىزنىڭ تارىخى تەرەققىياتى توغرىسىدىكى تەلىماتلاردىن، تۈركى تىللار توپلىمىدىكى تەپسىلاتلاردىن تىلىمىزنىڭ تولۇمۇ تاتلىق تولۇمۇ تەملىك تەڭشەلگەن تەمىنى، تەكشى تارالغان تەلەپپۇزىنى تۇراقلاشتۇرالايمىز.
       تىلىمىز-تۈركى تىللار تۈركۈمىدىن تاللىنىپ، تارىم تۈزلەڭلىكلىرىگە، تەڭرى تاغ تاجىللىرىغا تەكشى تارقىلىپ، تىلداشلىرىمىزنىڭ تونوردەك تۇرمۇشىدا تەدرىجى- تەدرىجى تاۋلاغان تىلدۇر.
      تىلنىڭ تەمىنى تىلداشلار تېتىيالايدۇ، تۇرمۇش تەڭشىيەلەيدۇ.
     تورداشلار، تونۇشلار، تەرجىماللار، تەجىرىبىلىك تىلشۇناسلار،تەھرىرلەر تىلىمىزنىڭ تەقدىرى توغرىسىدا تەپەككۇرىمىزنى تۇراقلاشتۇرۇپ، تىلىمىزدىكى تەمسىز تەركىپلەرنى تازىلاپ ، تىلىمىزنىڭ تەمىنى تەبىئى تۇزلىرىمىزدا تەڭشەپ،تۇرمۇش تەپسىلاتلىرىنى تەبىئى تىلىمىزدا تەرەققىيات تومورىمىزغا تىزراق تارقىتىشقا تىرىشايلى!
     تىلداشلىرىمىزنى تىلفۇنداشلار تاشقىرىدا تۇرۇپ تلفۇندا توۋلىسىمۇ تاڭ،تىياتىرخانىدىكى تاماشىبىنلار تەبرىكلەپ-  تىللىسىمۇ تاڭ، تاڭغا تەلمۈرۈپ تۇرۇۋىرەمدۇق،تاڭ.

                                                ئاپتۇرى؛ مەخەت ئابدۇرېھىم



بۇ يازمىنى ئاخىرىدا   Erchin تەھرىرلىگەن. ۋاقتى  2014-2-9 00:51  

تولىمۇ تېتىملىق تىزىلىپتۇ، تىل تەپەككۈرىڭىزغا  تۈمەنمىڭ تەشەككۈر، تەپەككۈر تۇلپارىڭىز توختاۋسىز تېپىچەكلىسۇن!

  
    تىل تەمىگە تەشەككۇر، تىل تەرەققىياتى توغرىسىدا توختىماڭ، تەۋرەنمەڭ، تەڭ تۇرۇپ تىرىشايلى.

  
    تىل تەمىگە تەشەككۇر، تىل تەرەققىياتى توغرىسىدا توختىماڭ، تەۋرەنمەڭ، تەڭ تۇرۇپ تىرىشايلى.

تەپەككۈر تۇلپارىڭىز توختىمىغاي، تىلىمىزنىڭ تەمىگە تەشەكۇر.

     مەخەتجان مۇئەللىمنىڭ قەدەملىرى تېخىمۇ چوڭ بولغۇسى!

     مەخەتجان مۇئەللىمنىڭ قەدەملىرى تېخىمۇ چوڭ بولغۇسى!

قېرىغاندا قەدەم قىسقىراپ قېلىۋاتىدۇ،قانداق قىلغۇلۇق،قانداق قىلاتتۇق،قېرىغانغا قايغۇرۇپ قاقشىماي،قەلبىمىزنى قېرىتماي،قىممەتلىك قەلەم قۇرلىرىنى قېرىنداشلارغا قالدۇرايلى.قانداق؟!