خۇرشىد دەۋران شېئىرلىردىن تاللانما

yoruq · ۋاقتى: 2014-1-25 15:22:38


	خۇرشىد دەۋران شېئىرلىردىن تاللانما ئۆزبېكچىدىن ئۇيغۇرچىلاشتۇرغۇچى: يالقۇن ئەزىزى خۇرشىد دەۋران 1952-يىلى 20-يانۋاردا ئۆزبېكىستاننىڭ قەدىمىي شەھىرى سەمەرقەند ئەتارا پىدىكى چاردارا قىشلىقىدا تۇغۇلغان. 1994- يىلىدىن 1996-يىلىغىچە ئۆز بېكىستان دۆلەتلىك مەنىۋىيەت- مەرىپەت مەركىزى رەھبىرىنىڭ ئورۇنباسارى بولۇپ ئىشلىگەن. 1998-يىلى ئۆزبېكىستان مىللىي رادىئو-تېلىۋېزىيە شىركىتى ياشلار قانىلىنىڭ باش دېرىكتورى، 2005-يىلى ئىيۇندىن باشلاپ ئۆز بېكىستان تېلېۋېزىيە ئىستانسىسىنىڭ دېرىكتورى بولۇپ ئىشلەپ كەلمەكتە. 1979-يىلى خۇرشىد دەۋراننىڭ دەسلەپكى شېئىرلار توپلاملىرى «قەدىردان قۇياش»، «شەھەردىكى ئالما دەرىخى»قاتارلىقلار نەشىر قىلىنغان، شۇ يىلى ئۇ ئۆز بېكىستان يازغۇچىلار جەمئىيىتىنىڭ ئەزالىقىغا قوبۇل قىلىنغان. شۇنىڭدىن كېيىن يەنە،1981-يىلى«تۈندىكى باغلار»، 1983-يىلى«ئۇچۇپ بارىمەن قۇشلار بىلەن »،1984-يىلى«تۇمارىسنىڭ كۆزلىرى».1986-يىلى«بالىلىقنىڭ ئاۋازى»، 1987 -يىلى«قەقنۇس»قاتارلىق شېئىرلار توپلاملىرى ئارقا-ئارقىدىن نەشىر قىلىنغان. ئارىدىن ئون يىل ئۆتۈپ، يەنى 1997-يىلى«باھاردىن بىر كۈن ئالدىن »، «تەنھا قۇشنىڭ ئاۋازى»قاتارلىق شېئىرلار توپلاملىرى نەشىر قىلىنغان. خۇرشىد دەۋران ئۆتكەن ئەسىرنىڭ 90-يىللىرىدىن باشلاپ، شېئىرىيەتتىن كۆرە نەسىرىي ژانىرلاردىمۇ سەمەرىلىك ئەسەرلەرنى ئىجاد قىلىشقا باشلىدى. ئۇ بۇ ساھەدە، ئالدى بىلەن تار ىختىكى ئۇنتۇلماس تارىخىي سىمالارنىڭ ھاياتىي پائالىيە تلىرىگە قىزىقىپ، دەسلەپكىي قەدەمدە ئۇلار ھەققىدىكى مۆتىۋەر قوليازمىلار بىلەن تونۇشتى، شۇنىڭ بىلەن 1989-يىلى بابۇر مىرزا ھەققىدە «سەمەرقەندخىيالى»، 1990يىلى ئەمىر تۆمۈر ساھىبقىران ۋە بىبىخانىم ھەققىدە«ساھىبقىران نەۋرىسى»، 1998-يىلى شەيخ كۇبرا ھەققىدە«شېھىدلار شاھى ياكى شەيخ كۇبرا چۈشلىرى» قاتارلىق تارىخىي قىسسىلەرلەرنى يازدى. روشەنكى ئۇ بۇ ئەسەرلىرى بىلەن ئۆتكەن ئەسىرنىڭ 90- يىللىرىدا ئۆزبېكىستاندا ئۆتمۈش-تارىخقا بولغان قىزىقىشنىڭ يەنىمۇ كۈچىيىشىدە تۈرتكىلىك رول ئوينىدى. خۇرشىد دەۋران بۇنداق تارىخىي سىمالارنىڭ ھاياتىي پائالىيەتلىرىنى پۇختا ئۈگۈنۈپ ۋە چوڭقۇر تەتقىق قىلىپلا قالماي، بەلكى ئۇلار ھەققىدە يەنە، ئۇلۇغبەگ مىرزا ھاياتىغا بېغىشلانغان «ئالغۇل» (1995)، بابۇر مىرزا ھاياتىغا بېغىشلانغان «سېغىنىش»(1996)قاتارلىق تارىخىي تېمىدىكى سەھنە ئەسەرلىرى بىلەن تارىختىكى ئاجايىپ كىشىلەرنىڭ يارقىن ئوبرازىنى ھازىرقى زامان ئۆزبېك دىرا مىچىلىقىغا ئېلىپ كىردى. شۇ دەۋىرلەردە، بولۇپمۇ ئۆزبېكىستان مۇستەقىللىقىنى قولىغا ئالغاندىن كېيىن، ئۇنىڭ يەنە «ئەمىر تۆمۈر تۇغۇلغانلىقىنىڭ 660-يىللىقى»،«ئۇلۇغبەگ تۇغۇلغانلىقىنىڭ 600 يىللىقى »غا بېغىشلانغان ئوپېرالىرى سەمەرقەند سەھنىلىرىدە ۋە فىرانىسىيىنىڭ پارىژ شەھرىدە ئۆتكۈزۈ لگەن«بۇخارا ۋە خىۋە شەھەرلىرى قۇرۇلغانلىقىنىڭ 2500يىللىقى»نى خاتىرلەش كېچىلىكلىرىدە پارىژ شەھىرىدىكى يۇنىسكو ۋ مۇزىيى«ئوردىئان»تىياتىرخانىسىدا ئوينالغان. ئۇنىڭدىن باشقا يەنە «تۆمۈر نامە» ناملىق 21 قىسىملىق تېلۋېزىيە تىياتىرى، «بۇخارائىي شەرىف»ناملىق ئىككى قىسىملىق تېلىۋېزىيە فىلىمى سۈرەتكە ئېلىنىپ تارقىتىلغان. ئۇ يەنە، شەرق ۋە غەرب شائىرلىرىنىڭ شېئىرلىرىدىن تەركىب تاپقان«قىرىق بىرئاشىق دەپتىرى»(بۇ توپلامغا جۇڭگو شائىرلىرىدىن لى بەي بىلەن دۇفۇنىڭ شېئىرلىرى كىرگۈزۈ لگەن).«ئوتتۇرا ئاسىيانىڭ ياش شائىرلىرى»(1989) ۋە ياپون شائىرلىرىنىڭ شېئىرلىرىدىن تەركىب تاپقان«دېڭىز ياپراقلىرى»، «ساكۇرا گۈللىرى تۆكۈلەر»(1988)قاتارلىق تەرجىمە توپلاملىرىنى نەشىر قىلدۇرغان. ئۇنىڭ شېئىرلار توپلاملىرىنىڭ بەزىلىرى ئەزەربەيجان،پولشا، بۇلغارىيە، روسىيە،تۈركىيە، فرانسىيە، ئىسپانىيە، ئامېرىكا،ئەنگلىيە، ياپونىيە، مېكسىكا،تاجىكىستان قاتارلىق ئەللەردە تەرجىمە قىلىنىپ نەشىر قىلىنغان. خۇرشىد دەۋران ئىجادىيەت ھاياتىدا، كۆپ قېتىملىق شېئىرىيەت فىستىۋاللىرىغا قاتناشقان،ھەمدە 1997-يىلى چاقىرىلغان ئۆزبېكىستان جۇمھۇرىيىتى ئالىي مەجلىسىنىڭ ۋەكىلى بولۇپ سايلانغان ۋە شۇ يىغىندا«دوستلۇق»ئوردېنى بىلەن مۇكاپاتلانغان. 1999-يىلى ئامېرىكىنىڭ ۋاشىنگىتون شەھر ىدە ئۆتكۈزۈلگەن ئاسىيا يازغۇچىلىرى قۇرۇلتىيىغا قاتناشقان ۋە شۇ يىلى ئۆز بېكىستاندا «ئۆزبېكىستان خەلق شائىرى » ئۇنۋانى بىلەن تارتۇقلانغان. 2000-يىلى ئۆز بېكىستان پارلامېنىتىنىڭ دىپوتاتلىقى(پارلامېنىت ئەزالىقى)غا سايلانغان. تۆۋەندە شائىرنىڭ« قېقىنۇس»« باھاردىن بىر كۈن بۇرۇن»« باللىقنىڭ ئاۋازى» قاتارلىق 3 شېئىرلار توپلىمىدىن ئۇيغۇرچىلاشتۇرۇلغان بىر تۈركۈم شېئىرلارنى دىققىتىڭىزلارغا سۇندۇم. دەريا يوقتۇر چېچىڭدىن باشقا دەريا يوقتۇر چېچىڭدىن باشقا، دولقۇنىدا ئاقاي دىسەم. كۆزۈڭدىن باشقا يۇلتۇز يوقتۇر، قاراي دىسەم باقاي دىسەم. ئىسمىڭدىن باشقا بىر سۆز يوقتۇر، ئېيتاي دىسەم توۋلاي دىسەم. كۆزۈڭدىن باشقا يۇلتۇز يوقتۇر، يالقۇنىدا كۆيەي دىسەم. مېھرىڭدىن باشقا كۈندۈز يوقتۇر، سۆزلىرىمنى ئېيتاي دىسەم كۆزۈڭدىن باشقا يۇلتۇز يوقتۇر، باشقا يولدا كېتەي دىسەم. كېرەك بولسا كېرەك بولسا قىلىچ ئۇچىدا، ياشا سۆيگۈم سەن مەجنۇن بولۇپ سېرىق رەڭلىك گۈللەر ئىچىدە، ئېچىل كىيىن قىزىل گۈل بولۇپ. دېلڭدىكى سۆزنى ئېيىت پەقەت، بەخىتلىك قىل سۆيگەن ئايالنى. ئاڭا سەن زەر -تىللانى ئەمەس، ئىنئام قىلغىن ئاينى،شامالنى. ئۆچىڭنى ئال،ياۋدىن زۇلمەتتىن، ساتقىنلاردىن،ئەڭ ئاخىرقى مەيدان. سان-ساناقسىز تېرەكلەر ئارا، ئەڭ قۇۋەتلىك چىنارغا ئايلان. يالغان بىلەن تولغاندا ئەتراپ، ئىچىڭگە يۇت،تىترەك نالىنى. چاللار جىمجىت بولۇپ قالغاندا، ئالقىشلىغىن راستچىل بالىنى ! قولۇمدا بىر قىلىچ بار ئىدى قولۇمدا بىر قىلىچ بار ئىدى ، ئۇ قىلىچىم قانغا زار ئىدى . قىلچىمدىن ئايرىلار بولدۇم ، نە بولغايدۇر ئەۋالىم ئەمدى . قولۇمدا بىر قىلىچ بار ئىدى، تىغىدا ياۋ قانى خار ئىدى، قىلچىمدىن ئايىرىلار بولدۇم، نە بولغايدۇر ئەۋالىم ئەمدى . قولۇمدا بىر قىلىچ بار ئىدى ، ئۇنى ماڭا بەرگەن يار ئىدى ، قىلىچىمدىن ئايرىلار بولدۇم ، نە بولغايدۇر ئەۋالىم ئەمدى . يات قىلىچلار قانىغا زار ئەمدى ، يات قىلىچتىن قانىم خار ئەمدى . باشقىلارغا يار بولدى ئۇ قىز ، قولۇمدا بىر قىلىچ بار ئىدى . ئىلان قىلىنغان مەنبە« مايبۇلاق»ژۇرنىلى2012-يىلى 4-سان داۋامى بار بۇ يازمىنى ئاخىرىدا yoruq تەھرىرلىگەن. ۋاقتى 2014-1-26 12:57

yoruq · ۋاقتى: 2014-1-25 16:19:38


	بولدى يېتەر تەلمۈرمەڭ ئايغا بولدى يېتەر تەلمۈرمەڭ ئايغا ، ھە،بىلىمەن ئاي بەكمۇ گۈزەل، تويۇپ بولماس بۇنداق چىرايغا. يېتەر ئەمدى تەلمۈرمەڭ كۆككە ، گەرچە قىزغۇچ يۇلتۇزلار، سىرداش كەبى بولسىمۇ يۈرەككە . بولدى دىمەڭ، ئۇ ھىلال پاتار ، ئۇ كىشنىگەن ساپ-سېرىق تۇلپار، تۇمانلاردەك يېيىلىپ ياتار . يەرگە قاراڭ خۇددى شۇ چاغدا ، يۇلتۇزلاردەك يۇمران مايسىلار ، باش كۆتۈرۈپ ئۈنۈپ چىقماقتا . دېرزىنىڭ پەردىسدىكى قارنى دېرىزنىڭ پەردىسدىكى قارنى ، كۈزىتىدۇ تۆۋەندىكى گۈل. تاشقىرىدا ياققان چاغدا قار، ئۆيدە كىتاپ ئوقۇغىن ماقۇل . تاشقىرىدا ياققان چاغدا قار ، بۇ ئوي سۈرۈپ ئېڭرىماق دىمەك. ۋە چىراغنى ئۆچۈرۈپ قويۇپ ، ئاپئاق شامنى ياندۇرماق كېرەك . تاشقىرىدا ياققان چاغدا قار ، كوچىدىكى چىراغدەك پارلاپ . قانداق ياخشى مەيۈس ،بەختىيار ، قىز كېلىشنى ئولتۇرساڭ پايلاپ . قانداق ياخشى كۈزەتسەڭ تۇيۇپ، تاشقرىدا ياققان ئاق قارنى . ھېچ بولمىسا ئالدىڭغا قويۇپ ، ئۆتكۈر شاراپ ،بىر بۇردا ناننى . بىراق نىچۈن چىدىماس يۈرەك ، كىينىمەن ئاستا بىمادار . قىيىن ئىكەن ئۆيدە ئولتۇرماق ، تاشقرىدا ياققان چاغدا قار . ئادەملەر بۇ ئادەملەر ھەسرەتكە تولۇپ ، قانداق ئويلار سۈرۈپ ماڭىدۇ ؟ تاڭنى ئېلىپ كەلمەكچى بولۇپ ، تۈن قوينىدا يۈرۈپ ماڭىدۇ ؟ بۇ ئادەملەر يۈرىكى كۆيۈپ ، قاي مەنزىلنى كۆزلەپ ماڭىدۇ ؟ ئۇلار ئاسان يوللارنى قويۇپ ، -خەلقىم دەيدۇ ،بوزلاپ ماڭىدۇ . بۇ ئادەملەر كۆكسى-بوغۇزدىن، كۆزلىرىدىن نىچۈن ئاقار قان ؟ بۇ ئادەملەر تۆككەن قانلاردىن ، تۈن قوينىدا كۆكۈرىدۇ تاڭ ! مىرتىمىر خاتىرىسگە -مىرتىمىر ئۆزبېك خەلقىنىڭ ئاتاقلىق شائىرى شەھەر ئۆزرە يېغىۋاتىدۇ قار ، تۇيار ئىدۇق سوغۇق تەپتىنى . ئۇزاقلاردا كەزمەكتە باھار ، بىز يوقۇتۇپ قويغاندا سېنى . يىغىلاشتۇق ،جىددى ۋە مەھزۇن ، كۆپەيمەكتە سەزدىم دوسىتلارنى . كۈي ئاقماقتا غەم كەبى ئۇزۇن ، قوزغاتقانچە دىلدىن ھېسلارنى . دەپىنىدىن قايىتتۇق مۈكچۈيۈپ، ئېزەر ئىدى كۆرۈنمەس تاۋۇت. قار سۈيىدە يۈزلەرنى يۇيۇپ ، شىۋىرلىدۇق" يۈرەك ئەستە تۇت'' شەھەر ئۆزرە يېغىۋاتىدۇ قار ، تۇيار ئىدۇق سوغۇق تەپتىنى . ئۇزاقلاردا كەزمەكتە باھار ، بىز يوقۇتۇپ قويغاندا سېنى . شۇندا كىمدۇر، كىم ئۇ ئەستە يوق ، دىدى غەمكىن ئەكىنىچە باش : -مېيىتىنى كۆتەرگەن چاغدا ، كۆزلىرىدە كۆردۈم تامچە ياش . ئاھ! دوسىتلىرىم يۈرەك سەزمەكتە ، ئۇ كۈزۈتەر ئەمدى بىزلەرنى. كۆزىدە ياش ئۇ يىغلار ئىدى ، -قىيناپ قويدۇم دەيدۇ سىزلەرنى . تەبەسسۇمىڭ يادىمدا ھامان تەبەسسۇمىڭ يادىمدا ھامان ، يادىمدىدۇر خەندان كۆزلىرىڭ . كۈلۈشىڭنى ئەسلەيمەن بۇئان ، ئۇنتۇلغاندۇر يالغان سۆزلىرىڭ . ئەتىرگۈلنىڭ بەرگىدەك قىزىل ، ئالۋۇن ئىدى تەبەسسۇمىڭ ھەم . -ئەي كۆزلىرى خەندان ئۇرغان قىز ، سەندىن ماڭا قالدى پەقەت غەم . مەن بىلىمەن ئەڭ ئاخىرقى دەملەر ، ھالسىزلارچە ئۇزاتسام قولۇم . سېنىڭ،سېنىڭ تەبەسسۇمىڭ ئىچرە ، كۆزلىرىمگە باقىدۇ ئۆلۈم . ئىلان قىلىنغان مەنبە« مايبۇلاق»ژۇرنىلى2012-يىلى 4-سان داۋامى بار بۇ يازمىنى ئاخىرىدا yoruq تەھرىرلىگەن. ۋاقتى 2014-1-26 12:55

زۇننارە · ۋاقتى: 2014-1-25 16:50:58


	ئەسسالامۇ ئەلەيكۇم! ئاللاھ رەھمەت قىلسۇن قېرىندىشىم. خۇرشىد دەۋراننىڭ ئېسىل كۈي چەشمىلىرى بىلەن يۈز كۆرۈشتۈرگىنىڭىزگە ھەشقاللا.

yoruq · ۋاقتى: 2014-1-25 17:12:25


	ۋەئەلەيكۇم ئەسىلام زۇننارە، رەھمەت، مەن تېمنى داۋاملاشتۇراي، ياقتتۇرغان بولسىڭىز مەن ئەمگىكىمدىن رازى.

yoruq · ۋاقتى: 2014-1-25 17:13:47


	سۆز قۇشتۇر سۆز-قۇشتۇر، ئاۋايلا ئۇنى . ئاۋايلا، كۆكسىڭنى سەن قىلغىن ئۇۋا . قانىتنى سىلا، ئەركىلە، ئۆز قېنىڭدىن ئۈچۈرگىن قۇشقا . شېئىر-ئۇچۇۋاتقان قۇشقا ئوخشايدۇ ، قۇياشقا تەلپۈنەر ئۇ ئۇچۇپ-ئۇچۇپ. شېئىرنىڭ تۆت سەتىرى- قەپەز بولمىقى، ئاسمان بولمىقى مۈمكىن سۆز ئۈچۈن ... جىملىق دەرىتلىرىمنى ئېيىتسام تۈنلىرى ، -جىم ئولتۇرۇڭ دەيدۇ خوتۇنۇم. ناخشا ئېيىتسام ناۋالار قىلسام ، -جىم بولۇڭ دەپ ۋاقىرار خوشنام . جاراڭلىسا قولۇمدا كېشەن ، -جىم بول دەيدۇ،قەھىرلىك دۈشمەن . گۈلزار ئارا سايىرسا بۇلبۇل ، -جىم بول دەيدۇ سۇلغان ئەتىرگۇل . ئۇسۇل ئويناپ، ناخشىلار ئېيىتسا ، -جىم ئولتۇرغىنا دەيمەن بالامغا . جىم بولساڭچۇ دەپ ۋاقىرماقتىمەن ، دىلىمدىكى يىغا-نالەمغا . جىملىق مېنىڭ ئۆمرۈم-ھاياتىم ، جىملىق مېنىڭ ئاخىرقى پەريادىم . جىملىق بىلەن چۈشكەن بەسمۇ-بەس ! پەقەت يۈرەك ، يۈرەك جىم ئەمەس ... مەن سۆيۈمەن مەن سۆيۈمەن شىۋىرلار ئايال كىرلىرىڭنى يۇيۇپ بېرىمەن. دەزماللايمەن كۆينەكلىرىڭنى، سېنى قۇچقان قوللىرىم بىلەن. پەقەت بىر كۈن يېنىڭدا يېتىپ، جىملايغانچە شىۋىرلايمەن بەس؛ يۈرىكىنىڭ ئاستىدا كىمدۇر، خۇددى سەندەك ئالماقتا نەپەس. ئىلان قىلىنغان مەنبە« مايبۇلاق»ژۇرنىلى2012-يىلى 4-سان داۋامى بار بۇ يازمىنى ئاخىرىدا yoruq تەھرىرلىگەن. ۋاقتى 2014-1-26 12:55

ئارىيان · ۋاقتى: 2014-1-25 17:23:12


	ئىسىل شېئىرالار بۇ يازمىنى ئاخىرىدا ئارىيان تەھرىرلىگەن. ۋاقتى 2014-1-25 17:25

تام · ۋاقتى: 2014-1-25 17:33:10


	يالقۇن ئاكا ئېسىل شېئىرلارنى ئوقۇۋالدىمدە بۈگۈن! جاپا چەكسەڭمۇ بۇ تىمىنى داۋاملاشتۇرغىن جۇما! مەنلا ئوقۇيمەن!

yoruq · ۋاقتى: 2014-1-25 17:39:26


	ۋىدا مەن سەندىن كەتمەك ئىستەيمەن، يامغۇردەك ئەمەس ـ يامغۇر يەنە قايتىپ كېلىدۇ. شامالدەك ئەمەس ـ شامال يەنە قايتىپ كېلىدۇ. مەن سەندىن كەتمەك ئىستەيمەن مۇھەببەت كەبى... قار ياغقان ئاخشام -رەئۇپ پەرفى شېئىرىغا نەزىرە قار ياغقان ئاخشام، شەھەرنى كەزسەڭ، خىرە-شىرە كوچىلارنى كەزسەڭ. قوللىرىڭنى يانجۇققا تىقىپ- قار بولسا ئىرىسە لەۋلىرىڭدە جىم. ئويلىساڭ يىراق-يىراقلاردا قالغان كىمنىدۇر. شۇ قارنى ئويلىساڭ قەلبىڭ ئەندىكسە. شۇ چاغدا ئۆزۈڭ سۆيگەن قىزنى ئويلىساڭ، شۇ چاغدا ئويلىساڭ ئاناڭنى. قار بولسا تىنماستىن يېغىۋەرسە جىم، جىملىقتا تىنمىسا قەدىمىڭ. ئۆزۈڭمۇھەم قار ئۇچقۇنىدەك سىڭىپ كەتسەڭ تۈننىڭ باغرىغا... كىمگىدۇر يول بەرسەڭ،كىمگىدۇر سالام. ئەمما ئۆزۈڭ بىلمىسەڭ بۇنى. قار بولسا تىنماستىن يېغىۋەرسە جىم ئاداشساڭ،سەزمىسەڭ ئاداشقنىڭنى... ئايال ئۇ ئايالنىڭ كۆڭلەكلىرى كىر، ئۇ ئايالنىڭ قاداق قوللىرى. ئۇنىڭ كۈندە يۈز-كۆزلىرى كۆك، ئۇنى كۈندە ئۇرىدۇ ئىرى. بۈگۈن كېچە يولنىڭ چېتىدە، كۆرۈپ قالدىم ئاشۇ ئايالنى. ئۇ پۇرايدۇ مەن كۆرمەي ئۆتكەن كىچىككىنە مەرۋەرىد گۈلنى. بۈگۈن تۈندە يەنە تىرىلدىم بۈگۈن تۈندە يەنە تىرىلدىم، سەن ئىشىكنى ئالدىرماي ئاچتىڭ. شىۋىرلىدىم: مانا مەن كەلدىم، پەردىلەرنى ئاچمايسەن نىچۈن؟ نىمىندۇر ئىزلەيدۇ كۆزلەر، نىمىندۇر ئىزلىدىم شۇتاپ. كۆرۈپ قالدىم ياستۇقۇڭ ئۆزرە، ياتار ئىدى مەن سۆيگەن كىتاب. رومال ئارتىپ كوچىغا چىقتى رومال ئارتىپ كوچىغا چىقتى، رومىلىنى ئاچتى كوچىدا ۋە چاچلىرى بىردىن چۇۋۇلۇپ ئېقىپ چۈشتى يەلكىلىرىدىن. شۇنداق گۈزەل ئايال ئىدى ئۇ، قەلەندەردەك ئەگەشتى ھېلال. تىك قىيادىن باقىمەن يولغا تىك قىيادىن باقىمەن يولغا، ئېدىرلارغا تاشلاپ كۆز قىرىم. قارا چېچى تىترەپ شامالدا، بالا كېلەر يول بېسىپ ھارغىن. قۇش ئاۋازى مەيلىمنى تارتار، شاخلار تەۋرەپ، ئۇچۇر كېتەر قۇش. ئېدىرلارنىڭ سۈكۈتى ئارا، تىترەپ ئۆتەر ئەنە بىر تاۋۇش. كۆز تاشلايمەن مەن يەنە يولغا، ھېسلىرىمنى بېسىپ بىماجال. ئاپپاق چېچى تىترەپ شامالدا، يېقىنلىشار مۈكچەيگەن بىر چال. بىر گۈزەل ئايالغا بىر گۈزەل ئايالغا سۆيىمەن دىدىم تاشلار ئويغاندى. بىر جاپاكەش ئىنساننى دوستۇمسەن دىدىم تاغلار ئويغاندى بىر يېتىم بالىنىڭ يېشىنى سۈرىتسەم دۇنيا ئويغاندى. ئىرىپ كېتەر خىرە تۇمانلار ئىرىپ كېتەر خىرە تۇمانلار، كېپىنەكتەك ئويغۇنار يالپۇز. ئاسمان گويا دېڭىزغا ئوخشاش، ئوتلار ئۆزرە دولقۇنلايدۇ كۈز. قارىياغاچىنىڭ گۈلى بولسا جىم، شاۋقۇنلايدۇ تارىلىپ ئەتىر. چۈشلىرىمگە كىرىدۇ ئاخشام، مايسىلارنى قۇچاغلاپ ئېدىر. شامال ئۇچار ئەركىن قۇتىراپ، كۆرەر تاملار ئۇلاپ چۈشنى. گۈللەۋاتقان ئۆلكىنى كۆرۈپ، دەرىزىلەر ئاچار كۆكسىنى. يورۇتقانچە يۈرەك ئىچىنى، يېشىل ئوتلار شەبنەمگە قونار. ۋەتىنىنى سېغىنىپ بىردىن، يەر ئاستىدا جەڭچى ئويغۇنار. ئىلان قىلىنغان مەنبە« ئاقسۇ ئەدەبىياتى»ژۇرنىلى 2013-يىلى 4-سان داۋامى بار بۇ يازمىنى ئاخىرىدا yoruq تەھرىرلىگەن. ۋاقتى 2014-1-26 12:56

yoruq · ۋاقتى: 2014-1-25 17:45:16


	ئىنىم مۇھەممەد ئۆمەر، ماۋۇ مۇنبەردىمۇ دوستىمىز مەسئۇد ئىسا ئۇيغۇرچىلاشتۇرغان خۇرشىد دەۋران شېئىرلىرى بار، كۆرۈپ باقارسەن، بۇ تېما داۋاملىشىدۇ. http://awangart.com/mun/ بۇ يازمىنى ئاخىرىدا yoruq تەھرىرلىگەن. ۋاقتى 2014-2-4 12:15

ablipiz idiris · ۋاقتى: 2014-1-25 18:02:39


	داۋامىنى كۈتىمىز.

yoruq · ۋاقتى: 2014-1-25 21:27:13


	قىز ۋە شامال ھەققىدە چۆچەك دەرىتلىرىمدەك ئۇزۇن كوچىنى، ئايىغىڭنىڭ ئاۋازى سۆيدى. ئۇخلاپ قالغان ئايدىڭ كېچىنى، ئويغىتىدۇ چېچىڭنىڭ ھىدى. ئۇزاقلاردىن ساڭا ئىزمۇ-ئىز، ئاشىق شامال ئەگىشىپ كېلەر. يالۋۇرىدۇ ئۇ ساڭا ئۈنسىز، يالۋۇرىدۇ تۈندە مايسىلار. كۆزلىرىڭگە ئاي باقار قېنىپ، ئاي نۇرىدەك كۆزلىرىڭ تازا. مانا كەلدىڭ بوغۇلۇپ يېنىپ، سېنى يۇتار كونا دەرۋازا. شامال بولسا كوچىدا قالار، قىمىرلىماس قاناتلىرى تىچ. پارچە-پارچە بولۇپ سۇنىدۇ، ئۇ كۆتۈرۈپ يۇرگەن سېغىنىش. لېۋىدىكى سۆيگۈ ھېدىدىن، مەسىت بولغانچە چايقىلىپ بىھال. قارياغاچقا كۆكسىنى بېسىپ، ئۆكسۈپ-ئۆكسۈپ يىغلايدۇ شامال. يالغۇزلۇق كېچىللىرى ئىللىق كۆرپىدە، يالغۇزلىقى چالنى ئەركىلەر. يالغۇزلىقى قىشتا،كۆكلەمدە، تەشتەكتىكى گۈلدەك كۆكىرەر. گاھى تۈنلەر چىراقنى پۈۋلەپ، ئۆچىرەلمەس چىراق يانىدۇ. تىنىپ، ئارام ئالالماس ئۇخلاپ، كۆزلىرىنى ئېچىپ ياتىدۇ. بالىلىقى يادىغا چۈشەر، چۈشىگە ھەم بالىلىق كىرەر. ئايدىڭ تۈندە پىچان ئورىشلار، ۋە لالىغا پۈركەنگەن قىرلار. تەرگە پېتىپ كۆڭلەكلىرى ھۆل، ياستۇقىغا يۆلىنەر ھالسىز. ئاي شولىسى يۇمشاق قول بولۇپ، سىلار ئىدى يۈزىنى ئۈنسىز. چال كۆزىنى ئاچقانچە ئاستا، دەرىزدىن قارايدۇ باغقا. شاۋقۇنلايدۇ دەرەخلەر جىمجىت، شاقىرايدۇ دەريا ئۇزاقتا… نەم كۆرپىگە يۆگەنگەنچە ئۇ، ئەسلىمەكتە باسقان يولىنى. ياغ چىراقتىن تۆكۈلگەن نۇرلار، يورىتىدۇ ئازغۇن قولىنى... دەرەخزار قېشىغا كېلەر بىر ئايال تۈندە سىلكەركەن دەرەخنى شامال، دەرەخلەر تىترەركەن مەھزۇن،مۈكچۈيۈپ. دەرەخزار قوينىغا كىرەر بىر ئايال، نازۇك ئاياغلىرىدىن شەبنەم چاچىرتىپ. ئۇ گۈللەر چاچىدۇ قۇچاق-قۇچاغلاپ، ھەيرەتكە تولىدۇ ئارمانلىق باغلار. ئۇ كۈيلەر باشلىسا گۈللەرنى چىشلەپ، ئويغۇنۇپ كېتىدۇ قۇرىغان شاخلار... ئىلان قىلىنغان مەنبە« تارىم»ژۇرنىلى2013-يىلى 5-سان داۋامى بار بۇ يازمىنى ئاخىرىدا yoruq تەھرىرلىگەن. ۋاقتى 2014-1-26 12:56

eli.abdukadir · ۋاقتى: 2014-1-25 23:19:10


	بۈگۈن بىر پۇخادىن چىقتىم دىسە! يەنەبارمۇ؟ ساقلىۋالدىم

كۆكتۈرك · ۋاقتى: 2014-1-26 11:35:18


	مەنمۇ ساقلىۋالاي

yoruq · ۋاقتى: 2014-1-26 12:43:05


	ﻗﯩﺰ ﻗﻮﺷﯩﻘﻰ ﺳﻪﻥ ﻛﯧﻠﯩﺴﻪﻥ... سەن كەلگەندە كەلكۈن ﺑﻮﻟﯩﻤﻪﻥ. ﺑﯧﺪﻩ ﺑﺎﺳﻘﺎﻥ ھﺎﺭﯞﯨﺪﻩﻙ ﺧﯘشپۇراققا تولۇپ ﺳﻪﻥ ﺑﯩﻠﻪﻥ. ﺳﻪﻥ ﻛﯧﺘﯩﺴﻪﻥ... مەن ئارقىڭدىن باقىمەن چۆل يوللىرىدا، ھﺎﺭﯞﯨﺪﯨﻦ ﭼﯜﺷﯜﭖ ﻗﺎﻟﻐﺎﻥ ﺧﯘﺷﺒﯘﻱ ﺑﯧﺪﻩ ﮔﯜﻟﯩﺪﻩﻙ... ئىلان قىلىنغان مەنبە« ئاقسۇ ئەدەبىياتى»ژۇرنىلى2013-يىلى 4-سان بۇ يازمىنى ئاخىرىدا yoruq تەھرىرلىگەن. ۋاقتى 2014-1-26 12:44

yoruq · ۋاقتى: 2014-1-26 12:54:25


	ياز چۆچىكى دالىلارنىڭ قاق ئوتتۇرىسدا، يەر ۋە ئاسمان ئارا بىر چۆچەك. يۇلتۇزلارنىڭ مەيىن ئۈنىدىن، تەۋرىنىدۇ ئاپئاق بۆلۈنچەك. ئۇخلاپ قالغان چارچىغان ئاتا. ئۇخلار قالغان پاختىكار گۈزەل. ئۇخلاپ قالار چارباغ ئارقىدا. ئېرىقدا سۇ ئېيتىپ كۈي-غەزەل. پەقەت قارا كۆزىنى ئېچىپ، ھەيران بولۇپ ئاچقانچە قۇچاق. ئانىسىغا ئوخشۇتۇپ ئاينى، تەمشىلىدۇ ئايدەك بىر بوۋاق. ئاي مېھىرىدىن تەڭلەپ كۆكسىنى، بوۋاققا ئۇ تەڭلەيدۇ خۇشال. ئەلىيىنى ئېيتىپ ئۆكۈنۈپ، بۆلۈنچەكنى تەۋىرتەر شامال. يوپۇرماق ھەممنى ئۇنتۇپ قېلىپمەن... ھېچكىمنى تونىماي ۋە بىلمەي قىشلاقنى كېزىپ يۈرىمەن. بۇ مەنغۇ قەدىردان جىرالار، بۇ مەنغۇ قەدىردان دالىلار ئەتراپ تىچ، كۆكسىمدە تىترەر جان. بىر نىگاھ بېشىمدا ئايلىنىپ، يېرىم كۆك، قىرمىزى ۋە قارا، كۆكسىمگە تەلپۈنەر يوپۇرماق. -مەن سېنى سۆيىمەن دىدى ئۇ، قەلبىمدىن تامچىلاپ ئاقتى ياش لېۋىمگە مەن باستىم ئەندىكىپ... كۈز گۈلخانلىرى كۆز ئالدىمدا بىپايان باغلار، ياپراقلاردا تىللارەڭ غۇبار. يېقىنلىشىپ قالغاندەك تاغلار، ھاۋا شۇنداق تىنىق بىغۇبار. پىچىرلايدۇ كەچتىكى يامغۇر، تۇمانلارنى قۇچاغلىغان تاڭ. گوگۇم باسقان دالا ۋە قىرلار، بەرى ماڭا تونۇش قەدىردان. دەرەخلەردە لاۋۇلدار گۇلخان، يۈرىكىمدە ئۇنىڭ تەپتى بار. باغچىدىكى خازانلار بىلەن، ئۇچۇپ يۈرەر تۈنگۈنكى باھار. مېنى تاشلاپ كەتكەن دوستۇم ئۇ، توختاتماقچى بولغاندەك شۇئان؛ مەن جىمغىنە قولۇمنى سوزدىم، كۆيۈۋاتقان گۈلخانلار تامان. ئىلان قىلىنغان مەنبە« تارىم »ژۇرنىلى2013-يىلى 5-سھن