تارتاجىك مىللىي يېزا مەركىزى باشلانغۇچتا نورۇز

ئايبۈۋى · ۋاقتى: 2012-4-27 01:21:04


	تارتاجىك مىللىي يېزىسى ئاقتۇ ناھىيسىگە قاراشلىق يېزا بولۇپ، ناھىيە مەركىزىگە 400 كىلومىتىر كېلىدىغان تاغلىق يېزا. تۆت ئەتراپى ئېگىز پامىر تاغلىرى بىلەن قۇرشالغان، تاشقورغان دەرياسى يېزىنى ئۇزۇنسىغا كېسىپ ئۆتىدۇ. 1999-يىلدىكى مىسلى كۆرۈلمىگەن كەلكۈن ئاپىتىدە يېزىلىق توك ئېلىكتىر ئىستانسىسى يوق بولغاچقا تېخىچە توك مەسىلىسى ھەل بولمىدى. شابەلدىر توك ئىستانسىسىنى قۇرۇش سەۋەبى بىلەن يېزىغا 40كىلومىتىر يىراقلىقتىكى يەرگىچە يول سەل ياخشىلىنىپ،قاتنىشىمىز قولايلاشتى،(بۇرۇنقى يېزىدىن ناھيىگە بېرىشكە كېتىدىغان 15 سائەت ۋاقىت 10 سائەتكە قىسقاردى. ) ئۈچ كەنتىنى تېلېفۇن سىگنالى قاپلىغان. بانكا، پوچتىخانا،مەدەنىيەت ئۆيى قاتارلىق ئۇل-ئەسلىھەلەرمۇ يوق. بۇ نورۇز ئۆتكۈزۈلگەن مەكتەپ ياتاقلىق مەكتەپ بولۇپ، ئۆيى 7 كىلومىتىر دائىرىدىكى ئوقۇغۇچىلار بېرىپ كېلىپ ئوقۇيدۇ، )ئەڭ كىچىكلىرى 5 ياش)ئۇنىڭدىن يىراقلىرى ياتاقتا تۇرىدۇ، ھەپتىدە ياكى 2 ھەپتىدە ئۆيىگە قايتىدۇ، ئۆيى ئەڭ يىراقلىرىنىڭ 25 كىلومىتىرغا يېتىدۇ، يول ياخشى بولمىغانلىقتىن مەكتەپ ئاپتۇبۇسى سەپلەنمىگەن، گەرچە ئەمدى9-10 ياشقا كىرگەن بالىلار بولسىمۇ ئاشۇ يىراق يولنى پىيادە مېڭىپ، مەكتەپكە كېلىدۇ. بۇ يازمىنى ئاخىرىدا ئايبۈۋى تەھرىرلىگەن. ۋاقتى 2012-4-27 01:42

ئابدۇمىجىت.م · ۋاقتى: 2012-4-27 03:02:38


	بۇ يەردىكى قىرىنداشلارغا سالام! گەرچە بىيجىڭدا تۇرۇپ بۇ سىن لىنتىلىرىنى كۆرۈش تولىمۇ ئازاپلىق بولسىمۇ بۇ بىر رىئاللىق بولغاچقا يەنىلا قوبۇل قىلماي ئامال يوق. ھەرھالدا بۇ يېزىنىڭ ئەھۋالى يۇقارقىدەك بولسىمۇ بۇ يېزىدىن يىتىشىپ چىقىۋاتقان زىيالىيلار خىلى بار. ئالدىنقى يازلىق تەتىلىدىكى تاشقۇرغاندا مەدەنىيەت تەكشۈرۈش جەريانىدا ھەم تار يېزىسىدىن يىتىشىپ چىقىپ ناھيە ئىقتىسادىغا كۈچ قوشىۋاتقان نورغۇن تاجىك ياشلىرىنىڭ بارلىغىنى بايقىدىم. ئۆرۈمچىدە ئالى بىلىم يورىتلىرىدا ئوقۇۋاتقان نەچچە تاجىك ساۋاقداشنىڭ ئۈگۈنۈش ئەھۋالىمۇ كۆپ ياخشى...مىنىڭچە بۇ زىيالىيلارنىڭ يىتىشىپ چىقىشدا ئاشۇ سۈرەت، سىن ھۆججەتلەردىكى ئاددى-ساددا، جاپاكەش ئۇستازلارنىڭ ئەجرى ئاز ئەمەس...

ي.ت.توغراق · ۋاقتى: 2012-4-27 06:48:30


	ھەقىقەتەن جاپالىق ئىكەن

يۇلتۇز · ۋاقتى: 2012-4-27 07:46:47


	مەن بۇلتۇر تاجىك بالىلىرىنىڭ سۈرەتلىك فىلىمىنى بەرگەندە، تەسىرلىنىپ يىغلاپ ئولتۇرۇپ كۆرگەن ئىدىم ، ئوقۇتقۇچى ئۇستازلار ،باللىرىنىڭ تۇرمۇشى ھەقىقەتەن جاپالىق ئىكەن ،يەنە بۇ سۈرەتلىك فىلىمنى كۈرۈپ تاجىك ئۇقۇتقۇچى ئۇستازلارغا باللىرىغا ئىللىق بىر ئېقىم بىلەن قانماي قاراپ كەتتىم ،بالىلارنىڭ تۇرمۇشى بۇرۇنقىدىن خېلە ياخشىلنىپتۇ ، بۇنىڭدىن كېيىن بارا- بارا ياخشىلنىپمۇ قالار ، ئوماق بالىلارنىڭ جاپاكەش ئۇستازلارنىڭ تەربىيسىدە ئۇقۇشىنىڭ نەتىجىلىك بۇلۇشىنى ئۈمۈت قىلىمەن .

ئامىنە · ۋاقتى: 2012-4-27 09:39:57


	مەن 84،85،86-يىللىرى تولوقسىز ئوتىرا مەكتەپتە بو يىزىدا ئوقۇغان ئو چاغدىكى شارايىت بىلەن ھازىرقى شارايىتتا ئاسمان- زىمىن پەرىق بوپتو. ئەقىللىق ئىنى- سىڭىللىرىم تېخىمو تىرىشىڭلا!!!

چوغلانبەگ · ۋاقتى: 2012-4-27 10:39:21


	نىمە دىگەن پاك،نىمە دىگەن سەمىمى ،نىمە دىگەن سەبى چىرايلار ھە!تاردىكى بارلىق قىرىنداشلارغا خوشاللىق ،ئىستىقبال يوللىرىغا كەڭلىك تىلەيمەن.بىرىپ دىدارلىشىش نىسىپ بولغاي.

ئامىنە · ۋاقتى: 2012-4-27 10:53:16


	ﻣﻮﺑﺎﺭﻩﻙ ﺋﻪﻱ ﻳﯘﺭﺗﯘﻡ ﺑﺎﻳﺮﯨﻤﯩﯖﯩﺰﻏﺎ، ﺑﺎﮬﺎﺭﺩﺍ ﻛﯚﻛﻠﯩﮕﻪﻥ ﺗﺎﻟﻠﯩﺮﯨﯖﯩﺰﻏﺎ. ﺋﻮﯓ ﻗﻮﻟﻮﻡ ﻛﯚﻛﺴﯘﻣﺪﻩ ﻗﯩﻠﯩﻤﻪﻥ ﺗﺎﺯﯨﻢ، ﻛﯘﻙ ﺳﯘﻳﮕﻪﻥ ﺯﻩﺑﻪﺭﺩﻩﺱ ﺗﺎﻏﻠﯩﺮﯨﯖﯩﺰﻏﺎ.

مۇنىرە ئالىم · ۋاقتى: 2012-4-27 11:02:09


	ئەتتىگەندە كۆرگەن بۇ نورۇز پائالىيىتىنىڭ كۆرۈنىشىدىن شۇنداق خوشال بولدۇم. ئايبۈۋىنىڭ دەسلەپ تۇنۇشقاندىكى يېزىسى ھەققىدە ئېيتقان سۆزلىرى بىلەن ھازىرقى بۇ نورۇز پائالىيىتىدىكى كۆرۈنۈشلەرنى بىرلەشتۈرۈپ كۆرۈپ، يەنە بىر قېتىم شۈكرى دېدىم. تىنماي ئىزدىنىپ مۇشۇنداق شارائىتتىمۇ ياخشى نەتىجىلەرنى قولغا كەلتۈرۋاتقان تاردىكى بارلىق بىلىم سۆيەرلەرگە تەن ساقلىق تىلەيمەن.

ablipiz idiris · ۋاقتى: 2012-4-27 11:47:10


	تاجىك قېرىنداشلارغا سالام! مېنىڭچە ئاشۇنداق جاپادا ئوقۇپ بىلىم ئالغانلار ئەقىللىق ، تىرىشچان ، چىداملىق بولۇپ يىتىشىپ چىقىدىكەن. شارائىتى ياخشى بولۇپ ئەركىن ئازادە ، قىيىنچىلىق تارتماي ئوقۇپ ، چوڭ بولغانلار شۇ ھېچنەرسىنىڭ قەدرىنى بىلمەيدىكەنمىز. ئوقۇش پۈتتۈرگەندىن كىيىنمۇ ئۆزىمىز خىزمەت تاپالماي ئاتا-ئانىلارنىڭ قولىغا قاراپ، بارمىقىمىزنى شۈمۈپ ئوتتۇرىمىز. ئاشۇلار يول مېڭىپ خىزمەتكە چىققانلاردىن نەچچىسى بار . ئاق نان يەپ چوڭ بولغانلار كىيىنچە تېخى ئاق ناننىمۇ ياراتمايدىكەن. «كەتمەن چاپقان جىگدە يەر، ئوڭدا ياتقان گىردە يەر» دىگەندەك............. ئەلۋەتتە ئېيتقانلىرىم باشقىلارغىلا ئەمەس ئۆزۈمگىمۇ قارىتىپ دەۋاتىمەن. بۇ يازمىنى ئاخىرىدا ablipiz idiris تەھرىرلىگەن. ۋاقتى 2012-4-27 11:49

ablipiz idiris · ۋاقتى: 2012-4-27 11:52:37


	بۇ نۇرۇز پائالىيتى ئەھمىيەتلىك بىر پائالىيەت بوپتۇ. كۆرۈپ شۇنچىلىك خۇش بولدۇم. ئۇسۇل ئوينىغانلار ئىچىدە 10-12 ياشلىق بالىلار بەك شوخكەن جۇمۇ؟ چوڭلاردىن بەكرەك ئويناپ قويىدىكەن.

نۇربىيە تۆمۈر · ۋاقتى: 2012-4-27 12:58:15


	بۇ تىمىنى كۆرۈپ مېنىڭمۇ بىر قانچە ئېغىز گەپ قلغۇم كېلىپ قالدى. راسىت دەيسىلەر ناھىيىمىزنىڭ تار يېزىسىدىن ھەقىقەتەنمۇ بەك ئىقتىدارلىقلار كۆپ چىقىدۇ.مەنمۇ قول قويىمەن. بەلكىم ئاشۇ جاپالىق شارائىت ئۇلارنى تېخىمۇ قەيسەر ،تېخىمۇ تۈرگۈن قىلىپ يېتىشتۈرسە كېرەك.

بەرەڭگە · ۋاقتى: 2012-4-27 14:21:18


	ئاللا ، شېكەر ، شېكەر بالىلاركەن بۇ ! مەن ئۇچقاندەك تەرەققى قىلىپ كەتكەن جايلارغا قارىغاندىمۇ مۇشۇنداق ئاددى - ساددا ، چىن ، سۈيۈملۈك يۇرتلارنى ھەم شۇ يۇرتتىكى ياشايدىغان خەلقلەرنى ياخشى كۆرىمەن ! ئاللا ئىگەم بەخت - تەلىيىنى زىيادە قىلسۇن قوزىچاقلارنىڭ ! ئايبۈۋى ، ماڭا تاجىك ئەرلىرىنىڭ باش كىيمىدىن بىرنى ئەۋەتىپ بەرسىڭىزمۇ بوپتىكەن ! بۇ يازمىنى ئاخىرىدا بەرەڭگە تەھرىرلىگەن. ۋاقتى 2012-4-27 14:44

سەنەۋەر · ۋاقتى: 2012-4-27 15:47:22


	تورداشلارنىڭ ھېس قىلغىنى توغرا ، تار تاجىك مىللىي يېزىسىنىڭ شارائىتى ھەقىقەتەن ناچار ، ‹‹ ئۈمىدسىزلىك شەيتاننىڭ ئىشى ›› دەپتىكەن ، خۇدايىم ياخشى كۈنلەرنى ئاتا قىلار ... ئايبۈۋى ، يۇرتىڭىزغا قايتا بارغۇم كەلدى ...

ئايسىمە ئىدىرىس · ۋاقتى: 2012-4-27 18:11:42


	سەبى پاك يۈرەكلەرنىڭ باھارغا ئىنتىلىشمۇ باشقىچە بولىدىكەن، ئايبۇۋىدەك تىرىشچان قىزلارنىڭ مەكتىپىدە ئۇ ، ھەقىقەتەن ئوبدان ئوتكۈزۈلۈپتۇ، نورۇز بايرىمى، بولۇپمۇ ھەممە قىز ئاياللارنىڭ باش كىيىمى ئادەمنى باشقىچە ھوزۇرلاندۇرىدىكەن.

ئابدۇمىجىت.م · ۋاقتى: 2012-4-27 20:13:02


	مانا ئامىنە، ئايبۈۋىيلەرمۇ ئەشۇ مەرىپەت بىغىدىن يىتىشپ چىقپتىكەن ئەمەسمۇ!