مۇنەۋۋەر ئابدۇقادىر: قار لىرىكىسى (نەسىرلەر)

مۇنەۋۋەر ئابدۇق · ۋاقتى: 2014-1-11 14:21:20


	4 ....... ئەنە كۆز ئالدىمدا كۈمۈشرەڭ تۇيغۇلارنى باغاش ئەتكەن يانىۋارنىڭ سوغۇقلىرىدا شۈمشەيگەن قارلىق دالا، قار چىچەكلىرىدە جىلۋە قىلغان ئانا زىمىن! بۇ گۈزەل شەھەرنىڭ كوچا چىراقلىرى ئاستىدا تىمتاس يىتىپ ئاقارغان يوللارغا پايانداز نە ھاجەت!.. ئېزىپ قالدى قاردا بىر كۆڭۈل، مەن چۈشلەردىن ئويغانغان قەدەر. سېنىڭ بولسۇن بارچە خۇشاللىق، ياش تۆكمىگىن جېنىم مۇنەۋۋەر. ..... بۇ كېچىنى قار گۈلىنىڭ ئاجايىپ جىمىرلاشلىرى رومانتىك تۇسقا كېرگۈزىۋەتكەن بولسىمۇ، چىنلىقنىڭ ئىرادىسىنى چىنىقتۇردىغان ھىجران سىناقلىرىنىڭ ئاچچىق ئاۋازىدەك ۋەھىمە ئارلاشقان شىۋىرغان يانىۋارنىڭ مۇزدەك تېنىنى چېقىپ ئۆتمەكتە ئېدى. زىمىستان ئازاپنىڭ بىشارىتى بولمىغىنىدەك، زەڭگەر ئاسمانمۇ شىرىن چۈشلەرنىڭ ئوپۇقى ئەمەس ئەلىۋەتتە... شۇنىسى ئېنىقكى-، پايانسىز مەنزىل ئۇنىڭ ئاستىدا سوزۇلۇپ ياتقانلىقى ئۈچۈنلا رومانتىك تەسەۋۋۇرى چەكسىزلىكتە يۈگەنسىز دۇر! قىش كېچىسى نەقەدەر گۈزەل ھە!!! قىشنى تالاي ئاشىقلار ناخشا قېلىپ ئېيتتى، ، كىمدۇر بىرى قىش كېچىسىگە ئسكۇرۇپكا چالدى. قايسى بىر شائىر شېئىر قېلىپ يازدى.. -ئەمما، ئاپئاق قارنىڭ سۇكۇناتىنى زادى كىم تىڭشاپ باقتى.. يۇلتۇزسىز كېچىلەرنىڭ كۆز يېشىنى كىم سۈرتۈپ قويدى؟! 2014-يىلى 10 -يانىۋار بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2014-1-13 04:04

مۇنەۋۋەر ئابدۇق · ۋاقتى: 2014-1-11 14:53:38


	يانىۋاردىكى تېۋىشلىرىمغا نەزەرلىرىنى ئاغدۇرغان بارلىق ئەزىز دىلكەشلىرىمگە تەشەككۈرلىرىم يەتكەي! ئاپئاققاردەك سۈزۈك ئېلھاملار ھەمىمىزگە يار بولسۇن!!!

مۇنەۋۋەر ئابدۇق · ۋاقتى: 2014-1-11 18:48:50


	5 ....... كۆز ئالدىمدا مېنى يانداپ كېتىۋاتقان بىر جۈپلەرنىڭ ئەتىسىنىڭ قانداق بولىدىغانلىقىنى كىم بىلىدۇ؟ ئەتىنى تەسەۋۋۇر قېلىش ھەممە ئۈچۈن بىر سىر .. -ئېھتىمال... ئاپئاق قار گۇۋۋاھ بولغان تالاي ۋەدە قەسەملەر،ئۈمۈتتە پارلىغان ئارمانلار تىترەش ئېچىدە لەپىلدەپ قار ئۇچقۇنداۋاتقان يانىۋارنىڭ تۇنجى ئاخشىمى كوچىلاردا قىپ قالار! -ۋە ياكى، ئاۋۇ قىز بەختى كۈلگەن مەلۇم بىر شەنبە كۈنى ئاپئاق قاردەك توي كۆڭلىكى بىلەن ئوماق پەرىشتىلەردەك سۆيگەن يىگىتىنىڭ قولىنى چىڭ تۇتقىنىچە پەقەت ئۆزى ئاڭلىيالايدىغان يوچۇن ئاۋازدا «يۈرىكىم تىمتاسلىقىغا يوشۇرۇنغان ھەي،بەڭباش! سۆيگۈ كوچىسىنى ئەگىپ يۈرۈپ ئاخىر قەلىب گۈلزارلىقىمنى كۆكلەتتىڭ،ئەقىدە ئېلتىپاتىڭدىن بارماقلىرىمغا ئالتۇن ئۈزۈك تاقىدىڭ، سەن مېنىڭ ھاياتىمسەن، مەن سېنىڭ بارلىقىڭمەن قوللۇرۇمنى مەھكەم تۇت قويىۋەتمىگىن» دەپ پىچىرلىشىمۇ مۈمكۈن.. 2014-يىلى 10-يانىۋار بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2014-1-12 04:13

لالە · ۋاقتى: 2014-1-12 04:24:40


	قار ياغدى...... كېچىلەرنىڭ قۇياشقا بولغان زارىقىشلىرى دۇنيادىن تاشتى .مەن بولسام تاڭ ئېتىشىنى كۈتمەيتتىم .چۈنكى مېنىڭ قۇياشىم قار ياغقان سوغوق كېچىلەردىمۇ قەلبىمدە پارلاپ تۇراتتى . قار لېرىكىلىرى نېمانچە يېقىشلىق .نېچۈن بۇنچە خىيالغا پاتىمەن ؟چۈنكى قۇياش قاردا يۈگرەپ ئويناۋاتاتتى ......

مۇنەۋۋەر ئابدۇق · ۋاقتى: 2014-1-12 12:51:12


	دېھقانباي يوللىغان ۋاقتى 2014-1-10 21:14 قەلىمىڭىزگە كۆز تەگمىسۇن ، ئىلھاملىرىڭىز كېپىنەك قار ... ئەسسەلامۇ ئەلەيكۇم ئابدۇراخمان ئەزىز ئوغلى! ھەر قېتىم ئاياق ئىزلىرىڭىزنى ئەرزىمەس يازمىلىرىم بىتىدە ئۇچراتقىنىمدا، سۆيۈنۈش ئېچىدە ئۆزۈمگە يەنىمۇ تېرىشىپ مەنمۇ چوقۇم ئەل سۆيگەن ئەدىبەلەر قاتارىدىن ئورۇن ئالىمەن دەپ ئۆزۈمگە ۋەدە بىرىمەن... مەن مۇشۇ يازغۇچىلار تورىغا قەدەم باسقاندىن باشلاپ تا ھازىرغىچە ئىزچىل سىزنىڭ قولىشىڭىزغا مەدەت بىرىشىڭىزگە ئېرىشىپ كەلدىم..ئىملايىم ئەڭ ناچار ،ھەتتا تۈزۈكرەك بىر كوبلىت شېئىرنىمۇ ئوڭلاپ يازالمايدىغان ئەشۇ كۈنلەردىمۇ سىز مېنى رىغبەتلەندۈرۈپ كەلگەن ئېدىڭىز ...بەلكىم شۇ قوللاشلارنىڭ ئېلخامى بىلەن ھازىرقى ھەۋەسكارغا ئايلىنالىغاندىمەن..سىز ماڭا ھەر قىتىم ئۇچۇر قالدۇرغىنىڭىزدا تېرىشىڭ مۇنەۋۋەر خانىم سىزدىن ياخشى ئەسەر چىقىدۇ ئۆزىڭىزنى ئەركىن قويىۋېتىپ يىزىڭ سىزدە ئەدىبىياتنىڭ خىمىر تۇرىچى بار دەيتىڭىز ،ئويلاپ باقسام ياخشى سۆز تاشنى ئېرىتىدۇ دىگەندەك ئادەم قەلبىنى ئېلىتىدىكەن ،كېشىنى ئالغا باستۇرىدىكەن..سىز بىللەن ھەر قىتىمقى قىسقا مەنىلىك سۆھبەتلىرىمىزدىن مەن نۇرغۇن نەرسىلەنى ئۈگەندىم ،ھەم سىزدىكى ئاق كۆڭۈللۈكە ئادىمىيلىك ھەق ناھەق كۆز قارىشىڭىزغا ئېچىمدە تەشەككۈر ئېيتىم..سىزگە پەقەتلا رەھمەت دىگەن بىر ئېغىز سۆزنى قىلالايمەنكەن...

مۇنەۋۋەر ئابدۇق · ۋاقتى: 2014-1-12 12:55:24


	بىلقىز سۇلايمان يوللىغان ۋاقتى 2014-1-10 20:48 نەسىرلەر ياخشى چىقىپتۇ، مەنزىرە، مۇزىكىلار بىلەن جىپى ... ئەسسەلامۇ ئەلەيكۇم ،قەدەملىرىڭىزگە خۇش مۇبارەك بېلىقىز ھەدە ! يانىۋاردىكى تېۋىشلىرىمنىڭ سىزگە يەتكىنىدىن خۇش بولدم رەھمەت سىزگە!!!

مۇنەۋۋەر ئابدۇق · ۋاقتى: 2014-1-12 12:58:17


	تەمكىن يوللىغان ۋاقتى 2014-1-10 18:04 يەنە داۋامى بارمىدۇ؟! ئازابلىق كەچمىش، ھاياتقا بولغان ... خۇش مۇبارەك قەدەملەرگە مەرھابا!!! پىشقەدەم قەلەم ساھىبلىرىنىڭ ئەرزىمەس تېۋىشلىرىمغا قەدەم تەشرىپ قىلغىنىدىن خۇرسەندىمەن.. داۋامى بار...ئاللاھ خالىسا يەنە داۋاملىق بولىدۇ.. بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2014-1-12 12:59

مۇنەۋۋەر ئابدۇق · ۋاقتى: 2014-1-12 16:10:54


	6 ...... يانىۋارنىڭ ئاقلىققا ئورالغان جىسىم بوشلىقىدا شۇنداق بىر رومانتىك تۇيغۇ بار. شۇڭا ھەممە قارنى مەدىھلىدى،قارنى پاكلىقنىڭ سىمۇۋۇلى قىلدى.نۇرغۇن قۇرىغان روھلار زىمىستاندا كۆكلەپ باھاردا توزۇپ كەتتى.زىمىستاندا قۇشلارنىڭ نەغمىسى يوق. -ئەمما،ئاپئاق دىل،ئاپئاق بەتلەر بار. ئاق ۋاراقلار قۇرلىرىغا نۇرغۇن ئاق تىلەكلەر ئورالغان! يانىۋاردا دولقۇنلار چەشمىسى مەۋجۇد ئەمەس. -بىراق ،تالاي ياش ئۈنچىلىرى كۆك مۇز تەكتىگە يېشىللىق بىنا قىلغان. ئىشىنىمەنكى ئۇ ،ھامان مۇز باغرىدا چىچەكلەپ خىلۋەتلەر ئوپۇقىدا كۆز يۇمىدۇ. ئېھ، يانىۋار!!!.. ئاقلىققا كۈي سۇنغان تېۋىشلىرىڭ قەلىبلەرنىڭ تارىنى چېكىپ ئۆتكىنىدە مەشرەپتەك ئىشقىڭدا كۆيۈپ ھارارىتىڭدىن تاراملىغان ھىجران گۈللىرى پورەك-پورەك ئېچىلارمىدى؟!.. 2014-يىلى 12 يانىۋار بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2014-1-14 11:32

مۇنەۋۋەر ئابدۇق · ۋاقتى: 2014-1-13 03:59:19


	7 ..... يانىۋارنى سوغۇق دەيتىم.. - بىراق،ئاپئاق بېلىقتەك ئارمانلارنىڭ ئۇنىڭ تېنىدە ئۈزىۋاتقالىقىنى كۆردۈم! زىمىستاننى ئاياز دەيتىم.. -لېكىن ،ئۇنىڭدىن يىلىنجاۋاتقان چوغدەك ھىسيانلارنىڭ، ئىسكۇرۇپكا ئاۋازىدەك ئىزتىراپ ئىچىدە ئىسەدەۋاتقانلىقىنى كۆردۈم! مۇزنى باغرى تاش دەيتىم.. -ئەمما ،چوكا مۇز ۋە،مارۇژنىلارنىڭ باھاردا مۇزلىغان سۈكۈتلۈك قەلىبلەرنى ئېلىتىۋاتقانلىقىنى كۆردۈم!!! ئاپئاق قار چىچەكلىرىنى ئۈزگىلى بولمايدۇ دەيتىم.. ئەپسۇس..ئەپسۇس!.. بۈگۈن ئەينەكتىكى شولامدىن قوڭۇر رەڭ دولقۇن-دولقۇن بۈدرە چاشلىرىمغا ئاپئاق قار غۇنچىلىرىنىڭ ئۇۋۋا تىزغانلىقىنى كۆردۈم! قىش كېچىسىنى خىلۋەت دەيتىم.. ھېلىلا كوچا ئايلىنىپ ئۆيۈمگە قايتىۋېتىپ، ھەممىدىن مەھرۇم بىھۇش ئىستەكلەرنىڭ ھىجران ناخشىسى توۋلاپ سەرگەردان يوللاردا كېچىگە نالە قېلىۋاتقانلىقىنى كۆردۈم!... 2014-يىلى 12 يانىۋار تۈن نىسپى بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2014-1-14 18:33

مۇنەۋۋەر ئابدۇق · ۋاقتى: 2014-1-13 15:39:25


	8 .... يانىۋارنىڭ باغرىدا قۇياشنىڭ تېنىقى بار بۇ ھەمىگە ئايان، دىكابىردىن باشلانغان سېغىنىش يانىۋاردا جىلۋە قىلىپ تۇرغاچ بىپايان. يانىۋارنىڭ ئاقلىقى ئۇ،بىر يىلنىڭ چەكسىز ئوپۇقى، يانىۋار ئۇ ،بەلكىم ئىزگۈ كۈيلەردەك مۇنەۋۋەر تەشنالىق ۋېسالىغا تومۇرداش ھاياجان. يانىۋارنىڭ ئاقلىقى بىر مېھىر بىلەن سوزۇپ تۇرار قولىنى، ئاپئاق كېچە ئۇ مەڭگۈ سارغايماس ياپ- يىشىل ئارمان. يانىۋار باھار بىلەن ئىمىلداش شۇڭا ئۇ،ئوتلۇق ئەسلىتەر ئەرنى، باھاردا تىترەشمۇ بوپ قالار گاھى خۇشاللىق كۆز ياشلار بىر گەۋدە ھامان!!! 2014-يىلى 13 يانىۋار بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2014-1-13 15:41

خەدىچە · ۋاقتى: 2014-1-14 01:56:11


	ئەسرىڭىزدىن شۇنداق ھۇزۇرلاندىم ھەدە! تەسەۋۋۇرغا باي قەلەم قۇۋۋىتىڭىزگە ئۇتۇقلار يار بولسۇن! قەلىب قەسرىڭىزنىڭ تېخىمۇ گۈزەل تويغۇلار بىلەن تويۇنىشىغا تىلەكداشمەن!

مۇنەۋۋەر ئابدۇق · ۋاقتى: 2014-1-14 16:31:06


	9 ...... ئاپئاق قار... -ئاپئاق قار..ئالەمشۇمۇل ئارزۇلار بىلەن تۇپراق باغرىنى كۆكلەتكۈچى يشىل رەڭ سۆيگۈ! -ئاپئاق قار.. بىر قىسمى زىمىستان، بىر قىسمى باھار بىلەن تۇتاشقان رەڭدار ئوپۇق. -ئاپئاق قار ...ئىپپەتلىك قىز، يۈزى تۆۋەن پاكلىق، تولۇق كىيىنگەن ئار نومۇس. -ئاپئاق قار..باغچا –كوچىلاردىن، بۇلۇڭ-پۇشقاقلاردىن قايتۇرۇپ كېلىنگەن شەرمى ھايا!... يانىۋار... -يانىۋاردا.. چاڭىلداپ سايراپ روھىتىڭنى ماناپۇل قىلغۇچى ھەر خىل باھانە ئاماللار يوق. -يانىۋاردا..يۇرىكىڭنى يەلپۈپ ئۆتكەن ئاتەشرەڭ لەزىز مەيىن ئوغرى شاماللار يوق. -يانىۋاردا..ھاياجاندىن كۆزلىرى گۇناھلاردا چاقنىغان،ئاپئاق بىلەك ،ئاپئاق تەن ئەۋرىشىم ۋادىلار يوق. -يانىۋاردا..كىملىكى يوقالغان خىلۋەت چېغىر ياپراقلار، قەددى يادەك پۈكۈلگەن كۆز يەتمەس يايلاقلار يوق!!! 2014-يىلى 14-يانىۋار بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2014-1-14 18:30

مۇنەۋۋەر ئابدۇق · ۋاقتى: 2014-1-14 16:44:04


	تۇرسۇنگۈل ساۋۇت يوللىغان ۋاقتى 2014-1-10 12:09 قارغا باغلانغان ئۈمىدىڭىز چېچەك ئېچىپ ،قەلبىڭىزدىكى ئ ... قار لېرىكىسىدىن نىمانچە خۇش پۇراق ھېد كېلىدىكىن دىسەم،ئەسلىدە مەن ئامراق يالپۇز گۈلى ئىزلىرىنى قالدۇرۇپ كەتكەن ئېكەن ئەمەسمۇ ..؟ كېلىڭە ئادىشىم، زىمىستانىدىمۇ يالپۇز گۈللىرى بەرىق ئۇرسۇن! ئىتەك-ئىتەك مېھىر غۇنچىلىرىنى ياشنىتايلى..

ت.مۇھەممەت · ۋاقتى: 2014-1-14 18:27:34


	ۋاھ، خوتەندە قار ياغمىدى، ئەمما، مۇنەۋۋەر خانىمنىڭ دۇنياسىدا ياغقان قارنى كۆرۈپ ئاپپاق قارلىق دالىدا سەيىر ئەتكەندەك تۇيغۇلارغا چۆمدۈم. مۇبارەك بولسۇن پاكىزە تۇيغۇلارغا.

مۇنەۋۋەر ئابدۇق · ۋاقتى: 2014-1-15 03:09:50


	قار لىرىكىسى مۇنەۋۋەر ئابدۇقادىر 1 ئاق رەڭگە پۈركەندى پۈتۈن كائىنات، ئاق لىباس كەيدى ھەم تاغۇ ئىدىرلار. قەلبىمنىڭ بى پايان ئىتەكلىرىدە، تېكىلگەن سەن ئۈچۈن مىڭلاپ چىدىرلار. 2 ئەسلىمەم بىتىدە قار ياغقان كىچە، ئىسىمدە تۇنجى رەت بىز تونۇشقان كۈن. بىغۇبار سۆيگۈنىڭ ئاپپاق چىچىكى، پورەكلەپ لەۋلەردە ئىچىلغان شۇ تۈن . 3 ئاي گۇۋا، قار گۇۋا نازاكەت گۈلىم، مەن سېنى مەڭگۈگە سۆيىمەن دېدىڭ. كۆزلەردە ھارارەت پىچىرلار قاراق، شۇ دەقىق سەنمۇ ھەم بىر مىنىڭ ئىدىڭ. 4 نە سەۋەپ سېنىڭدە تۇنجىقتى سۆيگۈم، نە سەۋەپ ئۇنتۇلدى ۋەدە قەسەملەر؟ قەلبىڭنىڭ كۆكىدە يۇلتۇزىڭ ئىدىم، خوش دېدىڭ باغرىمنى تىلدى ئەلەملەر. 5 تەنھالىق دەشتىگە تاشلاندى ۋېسال، تىترىدى ھەسرەتتىن يىگانە يوپۇق. كىسىلدى ئۈمۈدلەر چىقىلدى چۈشلەر، ئاھىمدىن مۇڭلۇنۇپ سارغايدى ئوپۇق. 6 بۇ يولدا ئىزلىرىم قالدى تومەنمىڭ، سېغىنىش ئىلكىدە ماڭدىم بەك ئۇزاق. كەتمەكچى بولىمەن قارلىق كىچىدىن ، ۋە لىكىن ئارقامغا قارايمەن بىراق... 2012-يىلى19-نۇيابىر "يىڭى قاشتىشى ژورنىلىنى "نىڭ 2013-يىللىق 2-سانىدا ئېلان قېلىنغان.. بۇ يازمىنى ئاخىرىدا مۇنەۋۋەر ئابدۇق تەھرىرلىگەن. ۋاقتى 2014-1-15 03:12