كۆمۈلگەن ئىز لىرىكىسى

كۈمۈلگەن ئىز لىرىكىسى

ئادىلجان ئىمىن سەبۇرى

ماڭماقتىمەن ئاستا بەك ئاستا ،
قار كۆممەكتە باسقان ئىزىمنى .
ھىس قىلالماس باشقىلار بەلكىم ،
مەن ھىس قىلغان بۇ خىل سىزىمنى.

رەت-رەت چىراق يولنىڭ قىرىدا ،
ماشىنىلار ھەريانغا  چاپار .
قار گۈللىرى چىراق نۇرىدا ،
ئوخشىمىغان رەڭدە نۇر چاچار .

نەچچە سائەت يۈردۈم ئايلىنىپ ،
سىرتنى سۇغۇق قاپلىسىمۇ لىق .
ياشنىتاركەن دىلنى يەنىلا  ،
تەبىئەتتىن كەلگەن خوشاللىق .
                                                             2013-يىل 12-ئاينىڭ 18-كۈنى ئۈرۈمچى