ئاينۇرى:ئىككىمىزنىڭ ئارلىقى

ئاينۇرى · ۋاقتى: 2013-12-22 15:44:26


	ئىككىمىزنىڭ ئارلىقى تۇرنىسا رەھىم ئاينۇرى ئىككىمىز ئارلىقى تۈمەن چاقىرىم، ئارىدا ياتقىنى تاغ، ئېدىر، چۆللەر. كۈتۈشلەر بەرگىگە قونغاندا ھىجران، ھەسرەتلىك كۆز ياشتىن تاشىدۇ كۆللەر. تەشنالىق دەشتىدە چاك چاك قەلبىمىز، كۈتىدۇ تېلېفۇن بولۇپ ئىنتىزار. كۈنلەرنىڭ ئايلارغا ئۇلاشمىقى تەس، ئۇزايدۇ پەسىللەر تاپماستىن دىدار. دەزلەنگەن يۈرەكنىڭ دالانچىسىدا، تۇرىدۇ چېچەكلەپ سېغىنىش تال تال. كىرپىكلەر بەرگىدە شەبنەم يالتىراپ، قۇشلاردەك پەر قاقار سەن تامام خىيال. ئىشىكى چېكىلسە چۈشلەرنىڭ گاھى، مەۋھۇملۇق ئىچىدە يەتكۈزۈپ سالام. غېرىبان چىرايلار كۈلەر ۋىلىقلاپ، بولغاندەك گوياكى يۇرتۇمدا بايرام. بۇزىلار كېچىنىڭ ئۇيقۇسى دەم-دەم، كەلمىسە ئۇچۇرللار سايرىشىپ ئەگەر. تەشۋىشلەر يەم قىلار يۈرەكلىرىمنى، قالغاندەك توپاننىڭ سۈيىدە شەھەر. يۈرەكتىن يۈرەككە ئاقىدۇ سۆيگۈ، ئىككىمىز ئارلىقى بولسىمۇ يىراق. يولۇڭغا تەلپۈنۈپ باقىمەن قىزىم، ئانىلىق قەلبىمنى كۆردۈرسە پىراق. بۇ يازمىنى ئاخىرىدا ئاينۇرى تەھرىرلىگەن. ۋاقتى 2013-12-22 16:31

تۇغلان · ۋاقتى: 2013-12-22 21:40:48


	دەز كەتكەن يۈرەكنىڭ دالانچىسىدا، دەپ ئوقۇساق قانداق بولار.

ئاينۇرى · ۋاقتى: 2013-12-22 21:45:30


	تۇغلان يوللىغان ۋاقتى 2013-12-22 21:40 دەز كەتكەن يۈرەكنىڭ دالانچىسىدا، دەپ ئوقۇساق قانداق ب ... رەھمەت سىزگە. سىز ئەسكەرتكەندەك ئالسام تېخىمۇ يېقىشلىق بولغۇدەك. مەن ئۆزۈمدىكى شېئىر نۇسخىسىنى شۇنداق ئۆزگەرتىۋالدىم.

نومۇر · ۋاقتى: 2013-12-22 21:47:47

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

تۆتتاش · ۋاقتى: 2013-12-22 21:50:25


	ماۋۇ ئوخشاشلىقنى. ئىككى تېمىنىڭ ماۋزوسى نىمە دىگەن ئوخشايدۇ ھە. ئىككىمىزنىڭ ئارىلىقى(تۆتتاش)forum.php?mod=viewthread&tid=14032 مۇشۇنداق ئۆز-ئارا ئىلھام ئېلىپ تۇرايلى. شېئىرىڭىز ماڭا ياقتى. بۇ يازمىنى ئاخىرىدا تۆتتاش تەھرىرلىگەن. ۋاقتى 2013-12-22 21:51

ئاينۇرى · ۋاقتى: 2013-12-22 21:55:50


	سالام ئابلاجان. مەن سىزنىڭ شېئىرىڭىزنى ئوقۇپ ئولتۇرۇپ، توساتتىن ئانا بالا ئىككىمىزنىڭ ئارلىقىنى يادىمغا ئالدىم. شۇ چاغدا قەلبىمدە ئويغانغان ئىلھام بىلەن بۇ پارچە شېئىرنى يازدىم. شۇڭا سىزنىڭ شۇ پارچە شېئىرىڭىزگە رەھمەت ئېيتىمەن. راست گەپنى قىلغاندا قىزىمغا بولغان سېغىنىش مېنى ئەقلىمدىن ئازدۇرايلا دەپ قالدى. تەتىل كۈنلىرىنىڭ تېزراق كېلىشىنى كۈتۈپ يولىغا قاراپ ئولتۇرۇپتىمەن.

تۆتتاش · ۋاقتى: 2013-12-22 21:59:15


	قىزىڭىزنىڭ سالامەت تۇرىشىنى ئۈمىد قىلىمەن.

پەروزان · ۋاقتى: 2013-12-22 22:03:54


	شېئىرى چوڭقۇرلۇققا بارغانچە چۆكۈۋېتىپسىز. بۇ شېئىر سىلىق ھەم مېھىرلىك چىقىپتۇ. تېخىمۇ ئىسىل شېئىرلارنىڭ ئاپتورى بولۇپ قېلىشىڭىزغا تىلەكداشمەن.

ئاينۇرى · ۋاقتى: 2013-12-22 22:07:28


	تۆتتاش يوللىغان ۋاقتى 2013-12-22 21:59 قىزىڭىزنىڭ سالامەت تۇرىشىنى ئۈمىد قىلىمەن. بۇ ئىزگۈ تىلەكلەرنى كېرىملىك ئاللاھ قىزىم ئىككىمىزگە بەرگەي، ئامىن!

ئاينۇرى · ۋاقتى: 2013-12-22 22:10:58


	پەروزان يوللىغان ۋاقتى 2013-12-22 22:03 شېئىرى چوڭقۇرلۇققا بارغانچە چۆكۈۋېتىپسىز. بۇ شېئىر ... خۇش كەپسىز پەزوران ئەپەندى. يازمىللىرىمغا يوقۇرى باھا بېرىپ مېنى ئىلھاملاندۇردىڭىز. مەن يەنىمۇ تىرىشىمەن. سىزگە كۆپ رەھمەت.

تام · ۋاقتى: 2013-12-22 23:03:44


	ياخشى ئانا ۋە ياخشى يېزىلغان بىر تىكىسىت. ئاھ، خۇدا! بۇ نېمىدېگەن قۇرقۇنچلۇق ھەقىقەت-ھە!: ياخشى ئادەمدىن قانداقمۇ ياخشى شېئىر چىقسۇن!؟

ئاينۇرى · ۋاقتى: 2013-12-23 08:19:33


	memet omer يوللىغان ۋاقتى 2013-12-22 23:03 ياخشى ئانا ۋە ياخشى يېزىلغان بىر تىكىسىت. ئاھ، خۇدا! بۇ ... خۇش كەپسىز مەمەت ئۆمەر تورداش. مەن سىز يازغان ئىنكاسنىڭ «ياخشى ئانا ۋە ياخشى يېزىلغان بىر تىكىسىت» مۇشۇ قىسمىنىلا قۇبۇل قىلالىدىم. ئىنكاسنىڭ كىيىنكى قىسمىنى تازا چۈشۈنۈپ كېتەلمىدىم. سالامەت بولۇڭ.

ھەممە قەۋەتنى كۆرۈش · ۋاقتى: 2013-12-23 22:55:04

ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .

ئاينۇرى · ۋاقتى: 2013-12-23 23:08:23


	ئېلى ياسىن يوللىغان ۋاقتى 2013-12-23 22:55 شېئىرىڭىز ئانا-بالا ئوتتۇرسىدىكى رىشتىنى ياخشى ئىپادى ... ئانىلارنىڭ يۈرىكى پەرزەنت ئۈچۈن ئۆچمەس مەشئەل. خۇش كەپسىز .

ئا.جۇدۇن · ۋاقتى: 2014-6-23 23:50:28


	ئىنكاسلارنى سەل تىنىۋېلىپ ئېنىقىراق يازساق！

نومۇر نومۇر توردا يوق جۇغلانما 188	ۋاقتى: 2013-12-22 21:47:47 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
نومۇر نومۇر توردا يوق جۇغلانما 188
	ئىنكاس ئېسىل ناچار جابدۇق پاش قىلىش

ئېلى ياسىن بۇ ئەزا ئۆچۈرۈلگەن	ۋاقتى: 2013-12-23 22:55:04 \| ھەممە قەۋەتنى كۆرۈش ئەسكەرتىش: يوللىغۇچى چەكلەنگەن. مەزمۇننى كۆرەلمەيسىز .
ئېلى ياسىن بۇ ئەزا ئۆچۈرۈلگەن
	ئىنكاس ئېسىل ناچار جابدۇق پاش قىلىش