ئۆزيول: خاتىرەمگە كۆچۈرىۋېلىنغان شېئىرلار

ئۆزيول · ۋاقتى: 2013-12-19 21:19:21


	ئەدەبىي ئىجادىيەتكەيېڭى كىرىشكەن ھەۋەسكار چاغلىرىمدا ئۆزۈم ياقتۇرغان بىر تۈركۈم شېئىرلارنى خاتىرەمگە كۆچۈرىۋېلىپ ساقلاپ، ئۆرنەك قىلغان ئىكەنمەن. بۇنىڭدىن كەڭ تورداش دوستلارنى بەھرلەندۈرۈش ئۈچۈن، مۇنبەرگە يوللاپ قويۇشنى لايىق كۆردۈم. كۈندۈزى ئۇ مەغرۇر، لېكىن كېچىسى... ئابلەت ئابدۇللا ئىنسان دېگەن سىرلىق مۆجىزات، ئىنسان يېشەلمەس ئىنسان سىرىنى. بىر گۈزەلنى كۆرەتتىم ئۇزاق، ئۇنى تۇنجى كۆرگەندىن بېرى. ئۇ يېنىمدىن ئۆتەتتى مەغرۇر، كۆرۈنۈشى بىپەرۋا، بىغەم. لېكىن شائىر تەپەككۇرىدا، ئايان ئىدى كۆڭلىدىكى غەم. كۈندۈزى ئۇ مەغرۇر، لېكىن كېچىسى، يالغۇزلۇق ئۇنى قىلىدۇ قامال. ياستۇق بويلاپ ئاقار كۆز يېشى، تۈگىمەيدۇ ئۈمىد ۋە خىيال. يىللار ئۆتتى، كۈندە ئۇشبۇ ھال، تۈن يالغۇزلۇقنى قىلىدۇ قامال. گۈلباھار ئابلەت ئابدۇللا گۈلباھارنى كۆردۈم، ئارامىم كەتتى، خىيال تۇتتى كوچىغا. گۈزەل ئىدى ئاشۇ ياز چېغى، ئاق ئۆستەڭدە ئالما شېخىدا. گۈلباھاردەك گۈزەل باغ ئىدى، باغنى كۆردۈم ــ باھارنى كۆردۈم. ئۇ ئۆستۈرگەن يېڭى سورتلاردىن، يېڭى ھايات زوقىنى سۈردۈم. سۆھبەتلەشتۇق ئالما تۈۋىدە، گۈزەل ئىدى خىيالى ــ ئويى. ئۆتتى كۈنلەر... لېكىن، نېمىشقا، ئۇنتالمايدۇ يۈرىكىم ئۇنى. ئۇنى سۆيدۈم، لېكىن ئىشەنچسىز، ھەم يوشۇرۇن دەردلىك يۈرەكتە. ئۇنى سۆيدۈم پاك ۋە غۇبارسىز، شېرىن ئۈمىد ــ يېڭى تىلەكتە. مەن يىراققا كەتتىم، گۈلباھار كۆچىتىگە ئۇلاق ئۇلاپتۇ. بۈگۈن كۆرسەم پىشانىسىدە، پاك ئانىلىق نۇرى تاراپتۇ. ئاھ ! گۈلباھار، بېغىڭغا ئەمدى كىرەلمەيمەن، كۆرمەيمەن سېنى. ئۆتمۈشىمدىن، خىياللىرىمدىن، غەمكىن بولۇپ ئەسلەيمەن سېنى... كۆرۈنمىگىن كۆزۈمگە زىنھار، قوزغىمىغىن يۈرەك دەردىمنى. چەكمەڭلار جۇۋاننىڭ دەرىزىسىنى ئابلەت ئابدۇللا چەكمەڭلار جۇۋاننىڭ دەرىزىسىنى، خىيالىنى بۇزماڭلار ئۇنىڭ. ھەي يىگىتلەر، ھەي ـ ھەي يىگىتلەر، ئارىسىدا ئۇ ئىككى ئوتنىڭ. ئارىسىدا ئۇ ئىككى ئوتنىڭ، تەقدىر ئۇنى شۇنداق يەكلىدى. ئۇ يىغلايدۇ كىمگە يېلىنىپ، شۇنداق گۈزەل، لېۋەن قىز ئىدى. گۈزەل ئىدى، ھەم مەغرۇر ئىدى، ھايات، ئالەم كۆرۈنگەن گۈزەل. قېنى ئۇ چاغ ؟ ... شېرىن نەپەسنى، ئېلىپ كەتتى ئەجەل بىمەھەل. خىيالىدا ئۆتمۈش ئەلەڭگە، بوسۇغىدا ساماۋىي قامەت. تۈنلەر ئۇزۇن ... ياندا بالىسى... بىغەم ئۇخلار پۇشۇلداپ پەقەت. مەنبە: «تارىم» 1986-يىللىق 7-سان

eli.abdukadir · ۋاقتى: 2013-12-20 10:15:54


	شائىر ئابلەت ئابدۇللا ئاكىنىڭ تىنگە ساقلىق تىلەيمەن! ئۆزيولنىڭ بىزگە بۇ شېئىرلارنى سۇنغىنىدىن كەمىنە شادلاندىم!

تۇختەم · ۋاقتى: 2013-12-20 10:49:35


	چەكمەڭلار جۇۋاننىڭ دەرىزىسىنى ،بۇ بەك ياخشى شىئېركەن!..........

ئۆزيول · ۋاقتى: 2013-12-20 13:07:54


	بۇ شېئىرلارنىڭ داۋامى بار، ۋاقتىم يەتكەنچە ئۇدۇللۇق يوللاپ قويىمەن.

aydanix · ۋاقتى: 2013-12-20 17:45:18


	ياخشى ئادىتىڭىز بار ئىكەن.ئۈگۈنۈپ قويغۇدەك.ھۇزۇرلاندىم.‹چەكمەڭلار جۇۋاننىڭ دەرىزىسىنى ›ياقتۇردۇم.

turgunmijit · ۋاقتى: 2013-12-20 18:40:31


	چەكمەڭلار جۇۋاننىڭ دەرىزىسىنى ،بۇ بەك ياخشى شىئېركەن.........

تۇرسۇنجان ھەسەن · ۋاقتى: 2013-12-20 23:13:06


	خاتىرىڭىزنىڭ ئالتۇن بەتلىرىدىن دۇردانىلەر تۆكۈلۈپ تۇرغاي....

قۇددۇس · ۋاقتى: 2014-1-2 14:19:41

ئۆزيول · ۋاقتى: 2014-2-26 00:11:03


	ماۋزۇسىز گومورۇ سۆيگۈگە خاس ئاغزىڭنى سېنىڭ، مەن گوياكى كۈمۈش جام قىلىپ. ئىچسەم - ئىچسەم پۈتمەس شېرىن مەي، مېنى قىلسا ھامان خۇشكەيىپ. سېنىڭ ئاشۇ ئىككى كۆكسۈڭنى، قىلسام ئىدىم بەئەينى قەبرە. بىز ئۇخلىساق قەبرە ئىچىدە، بولۇپ كەتسە قېنىمىز شىرنە.

ئۆزيول · ۋاقتى: 2014-2-26 00:39:46


	يۈرىكىمدە بىرلا سەن پەقەت مۇختار سۈپۈرگى ـــ 1 ـــ يۈرىكىمدە بىرلا سەن پەقەت، ئاھ! جىگىرىم، قەلبىم چولپىنى. ئوكيانلارنى قاينىتار ساڭا، چۈشكەن ئوتلۇق ئىشقىم يالقۇنى. يۈرىكىمدە بىرلا سەن پەقەت، خالىماس بۇ كۆڭلۈم باشقىنى. مېھرىم ساڭا دەريادەك ئۇلۇغ، كەڭ جاھاننى يۇتار تاشقىنى. يۈرىكىمدە بىرلا سەن پەقەت، پەقەت ئۆزۈڭ مۇقەددەس-بۈيۈك. سېنىڭ ئۈچۈن ئالەم يۈرىكىم، بۇ ئالەمدىن نۇرلۇق ۋە سۈزۈك. يۈرىكىمدە بىرلا سەن پەقەت، ئاھ! جىگىرىم، قەلبىم چولپىنى. بېغىشلايدۇ ماڭا ئەقىل-كۈچ، شۇ مۇقەددەس ئىشقىڭ يالقۇنى. يۈرىكىمدە بىرلا سەن پەقەت، يالغۇز سېنى سۆيەر ھاياتىم. ئۇلۇغلايمەن سېنى بىر ئۆمۈر، سەنسىز پۈتۈپ، تۈگەر ھاياتىم. ـــ 2 ـــ يۈرىكىمدە بىرلا سەن پەقەت، مەيلى ماڭا كۆيگىن-كۆيمىگىن. ئاداققىچە سۆيىمەن سېنى، مەيلى مېنى سۆيگىن-سۆيمىگىن. يۈرىكىمدە بىرلا سەن پەقەت، مەيلى سۆيگىن باشقىنى تاللاپ. شۇ چاغدىمۇ ئۈمىدسىز قەلبىم، سۆيەر سېنى ئاھ ئۇرۇپ-زارلاپ. ئۆزگە بىرسى ئازدۇرسا سېنى، مەن چىقماسمەن ئېسىڭدىن دەرھال. چۈنكى باشتا سېنى ئۆزگىدىن، قىزغىنىپ مەن سۆيگەن بىمالال. مەيلى-مەيلى بەختىڭنى تاپقىن، ساڭا بەخت تىلىگۈچى مەن. گەر خالىساڭ كۆككە چىقىشنى، شوتا بولۇپ يۆلىگۈچى مەن. ـــ 3 ـــ يۈرىكىمدە بىرلا سەن پەقەت، ئاھ! جىگىرىم ــ قەلبىم چولپىنى. ھاياتىمغا بېرىدۇ مەزمۇن، شۇ مۇقەددەس ئىشقىڭ يالقۇنى! بۇ يازمىنى ئاخىرىدا ئۆزيول تەھرىرلىگەن. ۋاقتى 2014-2-26 00:42

تۆتتاش · ۋاقتى: 2014-2-26 00:54:08


	سىلە بۇرۇندىنلا ياخشى ئادەتنى يىتىلدۈرۈپتىكەنلا. داۋاملىق يوللاپ تۇرغايلا

ئە.قۇربان ئۇرغۇ · ۋاقتى: 2014-2-26 11:26:39


	شۇنداق، ئەينى يىللىرى مەنمۇ ئۆزۇمگە يارىغان شېئىرلارنى خاتىرەمگە كۆچۈرىۋالغان ئىدىم،شۇ چاغدىكى شېئىرلارنىڭ ئىلھامى بىلەن بىلىپ -بىلمەي بۇ كوچىغا كىرىپ قالغانىمىزنى چەتكە قاقالمايمىز، داۋامىغا تەشنامىز دوستۇم ! يوللاپ تۇرۇڭ ! تېخى بىر خاتىردىكىسى تۈگمىدى بەلكىم !

پەروزان · ۋاقتى: 2014-2-26 11:56:56


	ئىسىل شېئىرلارنى كۆچۈرۈۋاپتىكەنسىز جۇمۇ. بولسا داۋاملىق يوللاپ قويارسىز. ئىسىل ئەسەر ئوقۇغان ئادەمنى پەقەتلا زېرىكتۈرۈپ قويمايدۇ.

شوخ · ۋاقتى: 2014-2-26 13:32:28


	ئەجرىڭىزگە بارىكاللا مۇختەر ! داۋامىغا تەشنامەن !

ئۆزيول · ۋاقتى: 2014-2-26 17:37:50


	بۇرادەرلەرنىڭ زوق ئالغىنىغا، بۇ تېمامغا نەزەرىنى ئاغدۇرغىنىغا سەمىمىي تەشەككۈر.