«خانتەڭرى ئەدەبىيات مۇكاپاتى» ھېچكىمنىڭ «مۇبارىكى»گە ھاجەت ئەمەس

admin · ۋاقتى: 2013-12-12 03:09:23


	«خانتەڭرى ئەدەبىيات مۇكاپاتى» ھېچكىمنىڭ «مۇبارىكى»گە ھاجەت ئەمەس ئاپتونوم رايونلۇق ئەدەبىيات-سەنئەتچىلەر بىرلەشمىسى بىۋاستە يېتەكچىلىك قىلىدىغان ، شىنجاڭ يازغۇچىلار جەمئىيىتى ئۇيۇشتۇرىدىغان ئۇيغۇر«خانتەڭرى ئەدەبىيات مۇكاپاتى»،قازاق،قىرغىز«دۇلدۇل ئەدەبىيات مۇكاپاتى» ، مۇڭغۇل«ئالتۇن ئۈزەڭگە »مۇكاپاتى بولسا ئاپتونوم رايونلۇق خەلق ھۆكۈمىتىنىڭ يېقىندىن قوللىشى ۋە كۆرسەتمىسى بىلەن يېقىندا ئۈرۈمچىدە تارقىتىلدى. مۇكاپاتلاش پائالىيىتى تاماملانغاندىن كېيىن ئۇيغۇرچە، خەنزۇچە ۋە قازاقچە تاراتقۇلاردا ئۇ ھەققىدە خېلى كەڭ ۋە ئەتىراپلىق خەۋەرلەر بېرىلدى. مۇئەييەنلەشتۈرگەنلەرمۇ، ئىنكار قىلغانلارمۇ بولدى. ھۇجۇم قىلغانلارمۇ، قوبۇل قىلغانلارمۇ بولدى. بۇگۈن قارىسام بەزى تورلاردا بىزگە تولىمۇ نامەرتلەرچە ھۇجۇم قىلىنىۋاتقان، بۆھتان چاپلىنىۋاتقان ئىشلارغا خېلى كۈنلەرمۇ بولۇپ قاپتۇ. بىزنىڭ ئۈندىمەسلىكىمىز جاۋابىمىزنىڭ يوقلىقى ھەم تىلىمىزنىڭ قىسلىقىدىن دېرەك بەرمەيدۇ.ئەڭ مۇھىمى بىر قىسىم زۇغۇي، ئۇششۇق، ئاددىسى ئادىمىيلىك ئەخلاقنىمۇ ھازىرلىمىغان بىر تۈركۈم پىسخىك دىۋەڭلەردىن قورقۇپ قالغانلىقىمىزدىن تېخىمۇ دېرەك بەرمەيدۇ.تۇنجى ئوقنى ئېيتىپ، بىراۋلارغا ھۇجۇم قىلغانلارنىڭلا دەۋالغان پەلپەتىش گەپلىرىنىڭ راست ۋە ھەقىقەت بولۇپ كېتىشى تېخىمۇ ناتايىن. كىم "سۇنى لېيىتىپ بېلىق تۇتىۋاتىدۇ؟" بۇلار ۋاقىت ئۆتكەنسىرى ئايدىڭلىشىدۇ. قارىغاندا ئۇ ئايدىڭ بولۇپمۇ قالغاندەك تۇرىدۇ. شۇڭا مەن بۈگۈن «ئىزدىنىش»، «مىسرانىم» قاتارلىق تور بېكەتلەرگە «ئەيبۇ ياقۇپ» دىگەن ئۆز نامىمدا تىزىملىنىپ كىرىپ، بۇ قېتىمقى باھالاش پائالىيىتىمىزگە باشقىچە قاراشتا بولۇپ كېلىۋاتقان "دوستلار" بىلەن بىۋاستە سۆھبەتتە بولۇپ بېقىشنى توغرا تاپقان ئىدىم.لېكىن، ئۇ تور بەتلەر 24 سائەت ۋە 48 سائەت ئىچىدە يېڭىدىن تىزىملانغان ئابونىتلارغا نورمال ئىنكاس ۋە تېما يېزىش ھوقۇقىنى بەرمىگەنلىكى ئۈچۈن ، مەن «ئىزدىنىش»، «مىسرانىم» ۋە بىزنىڭ تورىمىزدىكى بۇ قېتىمقى «خانتەڭرى ئەدەبىيات مۇكاپاتى»نى باھالاش ھەققىدىكى قاراشلىرىمىز ھەققىدىكى ھەممە گەپلەرنى بۇ يەردە باشلاشنى توغرا تاپتىم. موللامۈشۈك، ئاۋۇ <<مېھمان>> يەنە <<ئۆتكۈر شەمشەر>> ۋە بۇ قېتىمقى پائالىيىتىمىزگە نەزەرلىرىنى كۆپ ئاغدۇرۇپ، چاپلىمىچىلىق قىلىپ كۆپ ھەرەج تارتقان <<شەھلا>>، شۇنداقلا باشقا ھەقەمسايىلەر بىلەن باھالاش پائالىيىتىمىز ھەققىدە بىلگەنلىرىمنىڭ ئورتاقلىشىشقا تەييارمەن. يەنە بىر گەپ، مەن يازغان تېما، ئىنكاسلىرىمنىڭ ئىملاسى، سۆزلەرنىڭ جايىغا چۈشۈش - چۈشمەسلىكى قاتارلىقلارنى ھەر ۋاقىت تەھرىرلەپ تۇرىمەن. باشقا تورلارغا چاپلىغۇچىلارنىڭ سەل ئالدىرىماي، كۈزۈتىپ بېقىپ چاپلىشىنى ئۈمىد قىلىمەن.

admin · ۋاقتى: 2013-12-12 05:57:56


	ئەمدى بىر - بىرلەپ كېلەي! ئالدىمىزدا نىمىشقا شۇ ئەسەرلەرنىڭ باھالانغىنى ھەققىدىكى باھالاش ھەيئىتىنىڭ ئومۇمىي ئىزاھات پىكىرىنىمۇ بۇ يەردە ئىنكاس شەكلىدە ئېلان قىلىمەن. ئالدى بىلەن بۇ يەردە دەيدىغىنىم بىرىنچى مەسىلە: تۇنجى قېتىملىق باھالاشتىنلا بۇ مۇكاپاتنىڭ خاراكتىرى ھەققىدە ئاشكارە ئېلان قىلىنمىغان بولسىمۇ، ھەممە ئېتىراپ قىلىدىغان بىر قائىدە بولغان، ئۇ بولسىمۇ:«خانتەڭرى ئەدەبىيات مۇكاپاتى» ئۇيغۇر ئەدەبىياتىنىڭ ئومۇمىي، يۇقۇرى سەۋىيەسىگە ۋەكىللىك قىلىدىغان مۇكاپات ئەمەس. ئۇ «خانتەڭرى ئەدەبىياتى»نى باھالاشقا قاتنىشىدىغان ئەزا ژۇرناللارنىڭ يىلدا، كېيىنكى چاغلاردا ئىككى يىلدا بىر ئەسەر باھالايدىغان باھالاش پائالىيىتىدىنلا ئىبارەت. بۇ يىل رومانلارنىمۇ باھالاش دائىرىسىگە كىرگۈزدى. لېكىن ھەرقايسى ژۇرنال ۋە نەشرياتلار يېقىنقى ئىككى يىل ئىچىدە ئېلان ۋە نەشر قىلىنغان ئەسەرلىرىدىن نامزاتلىققا كۆرسەتكەن ئەسەرلەرلا باھالاشقا قاتناشتۇرۇلدى. ژۇرنال ۋە نەشرياتلار نامزاتلىققا كۆرسەتمىگەن ۋە ئېلان ھەم نەشر قىلىنغان يىلى بۇ مۇكاپاتنى باھالاش دائىرىسىگە كىرمەيدىغان ئەسەرلەر قائىدە بويىچە باھالاشقا قاتناشتۇرۇلمىدى. شۇڭىمۇ «كەچمىش»قاتارلىق ئەسەرلەرنى نىمىشقا باھالىمايسەن؟ دەپ سوراقلاش، بۇ مۇكاپاتنىڭ باھالاش پىرىنسىپلىرىغا توغرا كەلمەيدۇ.نامزاتلىققا كۆرسەتمىگەن ئەسەرنى باھالاش ھەيئىتىدىكىلەرنىڭ ئىزدەپ يۈرۈپ باھالاش مەجبۇريىتىمۇ يوق. ئەڭ مۇھىمى، بۇ مۇكاپات باھالاش دائىرىسىگە كىرگەن ژۇرنال ۋە نەشرياتلارنىڭ ئىككى يىل ئىچىدە ئېلان ۋە نەشر قىلغان ياخشى ئەسەرلىرىگە بېرىلىدۇ. ئۇنى پۈتۈن ئۇيغۇر ئەدەبىياتىدىكى ئەڭ نادىر ئەسەرگە بېرىلىدىغان مۇكاپات، دەپ قارىۋالساق بولمايدۇ. مۇكاپاتقا مۇناسىۋەتلىك ئىشلارنى ۋە بىزگە چاپلانغان بۆھتانلار ھەققىدىكى پىكىرىمىزنى ئىنكاس شەكلىدە داۋاملىق يوللايمەن!

چوغلانبەگ · ۋاقتى: 2013-12-12 10:34:38


	ماۋۇ جاۋاپ جايىدا بوپتۇ،بىزدە ھەر قانداق بىر ياخشى ئىشقا تۈك چىقارمىسا كۆڭلى ئارام تاپمايدىغانلار ئانچە مۇنچە بار.ئەيبۇ جاۋابىڭنى يىزىۋەر،ئاشۇ پىتنى-پاساتلارغا قايمۇقۇپ قالغانلار چۈشەنچە ھاسىل قىلىۋالسۇن.

gayrat · ۋاقتى: 2013-12-12 10:52:01


	بۇ مۇكاپاتنىڭ خارەكتىرىنى بىلمەي،ئىگىز-پەس گەپ قىلىپ يۈرگەنلەر ئۈچۈن ياخشى چۈشەندۈرۈش بوپتۇ.قائىدە-تەرتىپلەرنى دەپ قويغىنىڭىز ياخشى ئىش.داۋاملىق يوللاپ تۇرغايسىز.

Erchin · ۋاقتى: 2013-12-12 11:14:59


	ئاخشام ‹ئىزدىنىش› تىكى ئىنكاسلارنى بىرمۇ-بىر ئوقۇپ چىقىپ، ھەم توۋا دېدىم، ھەم نامەرت، ئىچى زەھەر ئادەملەرگە لەنەت ئوقۇدۇم. «نامەرتلەرگە بېرىلىدىغان ئەڭ ياخشى جاۋاب _ سۈكۈت» ئىدى. ئۇلارغا جاۋاب بېرىپ يۈرمىسىڭىزمۇ بولىۋېرەتتى. بىر ھېسابتا، بۇ چۈشەندۈرۈشنى ئوتتۇرىغا قويغىنىڭىزمۇ ياخشى بوپتۇ.

ئەركىم · ۋاقتى: 2013-12-12 11:20:46


	خانتەڭرى ئەدەبىيات مۇكاپاتىغا قاتنىشىۋاتقان كۈنلەردە مەن « ئەگەر بىرەر ئۇيغۇر يازغۇچى، شائىر نوبىل مۇكاپاتىغا ئېرىشىپ قالسا، مويەندەك تىل دەشنامغا قالغۇدەك» دەپ ئويلىغانتىم...

قۇدرەت · ۋاقتى: 2013-12-12 11:28:32


	چاتاقچىلارنىڭ بار بولىشى ئەدەبىيات موھىتىمىزنىڭ نورمال ئىكەنلىكىنى چۈشەندۈرىدۇ.جاپا تارتقانلارنىڭ كۆڭلى يېرىم بولمىغاي...

admin · ۋاقتى: 2013-12-12 11:37:38


	1- قەۋەتتىكى begir4نىڭ يازمىسىدىن نەقىل پەرھات تۇرسۇن مۇكاپاتقا ئېرىشسە يالقۇن روزىغا سەت بولمىسۇن دىگەندەك قىلىپ يالقۇن روزىنىڭ ئەسىرىنى 11 - ئورۇنغا مەجبۇرى تىزىپ قويۇپتۇ . ئەسلى ئون پارچىلا ئەسەر قوبۇل قىلىنىدىكەنتۇق ھە ؟ مۇھەممەت پۇلات ئەپەندىگە تېلىفۇن قىلىپ سوراپ باقامسىز يا؟ بۇ قېتىم باھالانغان 11 پارچە ئەسەر، رومان، پوۋېست، ھېكايە، شىئېر، ئوبزور قاتارلىق ژانىرلار بويىچە رەت تەرتىپكە تىزىلغان تۇرسا، بۇنى قانداقمۇ <<پەرھات تۇرسۇن مۇكاپاتقا ئېرىشسە يالقۇن روزىغا سەت بولمىسۇن دىگەندەك تىزىپ قويدى>> دىگىلى بولسۇن؟ بۇ قەيەرچە تەپەككۈر؟ قانداق كاللىدىن چىقىرىلغان خۇلاسە؟ بۇنى يازغۇچىنىڭ ئاتالمىش بۇ تۆھمىتىنىڭ كېلىش مەنبەسى قايسىكىن؟

ئىبنۇرى · ۋاقتى: 2013-12-12 11:39:00


	ۋەھشى سىرىتلان-يىلپىزلارنى قىرىۋەتسەك، بۇغا-ماراللارنىڭ سۇباتلىق ئىسكەتى بۇزۇلۇپ كېتىدۇ...

arttekin · ۋاقتى: 2013-12-12 11:53:05


	چۈشەنچە ياخشى بىرىلىپتۇ.

nurbag · ۋاقتى: 2013-12-12 12:00:56


	ئەيبۇ، ئارتۇقچە ئىشقا تۇتۇش قىلغاندەك قىلامسەن نېمە؟ مەنمۇ سېنىڭ يازماڭ ئارقىلىق ئىزدىنىش تورىغا كىرىپ، ئىنكاسلارنى كۆردۈم. باشقا تور بەتتە نېمە گەپلەر بولىۋاتقانلىقىنى كۆرمىدىم ھەم كۆرمەيمەن. ۋاقىت ئىسراپ قىلغاننىڭ پايدىسى يوق، دەپ قارىدىم. مەن ئىزدىنىشتىكى ئىنكاسلارنى كۆرۈپ، بەزى ئىنكاسلارنىڭ پايدىلىنىش قىممىتى باركەن دەپ قارىدىم. خىزمەت دېگەندە ھەممە ئۇتۇقلۇق بولمايدىكەن. شۇنداقتىمۇ دىققەت قىلىش مۇھىم ئىكەن. بۇ بىزنىڭ خىزمەت بەرگەن خۇلاسسىمىزغۇ؟ بۇ يەردە مۇنداق بىر مەسىلە بولىشى مۇمكىن، يەنى ئەسەر تەۋسىيە قىلغان نەشىر ئەفكارلىرىنىڭ ئىدىيە مەسىلىسى. بىزدە بىر ئىشنى تولۇق ئادىل بولدى دېيەلمەيمىز. سەۋەبى ھەممىمىزگە ئايدىڭ. مېنىڭچە، ئەسەر تەۋسىيە قىلغان ئورۇنلارمۇ جامائەتنىڭ پىكىرىنى ئېلىشى كېرەك. بىزنىڭ ئۇيغۇر ئەدەبىياتىدا مەزكۇر مۇكاپاتنىڭ ئورنى تۆۋەن ئەمەس. ئەمەسلا بىر نەرسىنى سىلەرگە يوللىسا، سىلەر شۇ بۇيىچە مۇئامىلە قىلىسىلەر. مەسىلە يەنىلا تەۋسىيە قىلغۇچىلاردا. توردا نۇرغۇن ئادەملەرنىڭ ھەقنى سۆزلىگۈسى كېلىدۇ. لېكىن، ئۇلار ئۆز ئىسمىدا كىرىپ ھەق گەپ قىلىشتىن قورقىدۇ. سەۋەبى نېمىكىن، ئۇنى مەن بىلمەيمەن. ئېھتىمال سەنمۇ بىلمەسلىكىڭ مۇمكىن. كەتكىنى كەتتى، بۇندىن كېيىن دىققەت قىلساق بولىدۇ ئەمەسمۇ؟ شۇڭا، سەن بۇ ئۆتۈپ كەتكەن ئىشقا ۋاقتىڭنى ئىسراپ قىلغۇچە، كېيىنكى ئىشلارغا ئەتراپلىق پىلان تۈزگىنىڭ تۈزۈكتەك قىلىدۇ. مېنىڭ شەخسىي ھېسسىياتىم، بىر قىسىم ئەسەرلەر بۇ مۇكاپاتقا مۇناسىپ ئەمەسكەنتۇق. ئەمما، مۇناسىپ بوپ قاپتۇ. توردىكى قاينىغانلارمۇ مۇشۇ مەسىلىنى پۇرىتىپ ئۆتۈپتۇ. مۇمكىن بولسا، پايدىلىنىش قىممىتى بار، دەپ قارىساق، كېيىنكى خىزمىتىمىزگە زىيىنى يوق. ئامان بول!

ساھىبقىران · ۋاقتى: 2013-12-12 12:07:45


	ياخشىنى«ياخشى»دېيىش ئىنسانىي خىسلەت،بىلگۈلۈك، ئەكسىچە بولغاندا ئۇ ۋىجدانىي ئىللەت،بىلگۈلۈك. مەيلى كىمنىڭ بولسا گەر مۇناسىپ تۆھپىسى، بىلدۈرۈش ھۆرمەت ئۇڭا بىر خىل پەزىلەت،بىلگۈلۈك. - غەنىزات غەيۇرانى

admin · ۋاقتى: 2013-12-12 12:14:06


	نۇربەگ: مۇكاپاتنىڭ ئادىل بولغان ، بولمىغانلىقىنى سۈرۈشتۈرىدىغان ئورۇنلارغا ئىنكاس قىلىشقا تامامەن بولىدۇ. ئىنتىزام تەشۈرۈش تارماقلىرىنىڭ ئىشىكى ھامان ئوچۇق، ئادىل بولمىدى، مۇكاپاتنىڭ كەينىدە «قارا قول بار» دەپ قارىغۇچىلار پاكىتىنى كۆتۈرۈپ بېرىپ،شۇ يەرگە ئەرز قىلسىمۇ مەيلى. لېكىن ھۆكۈمەت تەسىس قىلغان بىر ئورگاننى «ئېشەكچىلەر جەمئىيىتى»، «ياشىغۇچىلار جەمئىيىتى» دەپ ھاقارەتلەش، بەزى باھالىغۇچىلىرىمىزغا قارسىغا ، ئاساسسىز بۆھتان چاپلاپ، ئۇلارنىڭ كىشىلىك ئىززەت - ھۆرمىتىنى پايخان قىلىش، قانۇنغا بېرىپ تاقىشىدىغان مەسىلە. بۇنىڭغا قاراپ تۇرۇشقا بولمايدۇ.

jallat · ۋاقتى: 2013-12-12 12:14:52


	باشقا مۇنبەردىكى مۇنازىرلەرنى كورۇپ بەزىلەرنىڭ ئوز مەيدانىدىكى ساپاسىدىن ئەپسۇسلىنىپ قالدىم .مىنىڭچە ئۇ مۇنازىرلەرنى يەنە مۇلاھىزە قىلىشنىڭ زۇرۇريىتى يوق

ئالىم ياسىن · ۋاقتى: 2013-12-12 12:18:07


	مەنسۇپتۇر ھەممىگە تۈغۈلۈش ياشاش، ئەمماكى تەقدىرى ھەرگىز ئوخشىماس. ئېت سوڭەك غاجايدۇ ھاياتلىق ئۈچۈن، كۆنگەن خۈي ئۆلگۈچە تاكى توختىماس.