مەسلىھەت بەرسەڭلار

ئەسسالامۇ ئەلەيكۇم ھۆرمەتلىك ئۇستازلار،تۇغلاندىن ھەممىڭلارغا ئوتلۇق سالام.
مەن ھازىر مارالبېشى ناھىيە چۇڭقۇرچاق يېزىلىق ئوتتۇرا مەكتەپ تۇلۇق 1-يىللىقتا ئوقۇيمەن. ئەدەبىياتقا بەكلا قىزىقاتتىم،تۇلۇقسىزدىن باشلاپ شېئىر يېزىشقا باشلىغانىدىم،ھازىرغىچە خېلى كۆپ شېئىرلارنى يازدىم،ئوقۇتقۇچىلىرىم ۋە ساۋاقداشلىرىمنىڭ ، ئاتا-ئانامنىڭ ياخشى باھاسىغا ئىرىشتىم.
لىكىن ھازىرغىچە بىرمۇ شېئىرىمنى مەتبۇئاتتا ئىلان قىلدۇرۇپ باقمىدىم،(خېلى كۆپ شېئىرلىرىمنى تورغا يوللىدىم) ئەدەبىياتقا بەكلا قىزىققانلىقىم ئۈچۈن شېئىر يېزىشنى قەتئى توختىتىپ قويغۇم يوق.
شېئىرلىرىمنى مەبۇئاتتا ئىلان قىلدۇرۇش ئۈمۈدىم بار،لىكىن قانداق ئەۋەتىشنى بىلمىدىم ، پوچتىدىن ئەۋەتسىمۇ قانداق ئەۋەتىشنى تازا ئېنىق بىلمەيمەن،مەتبۇئاتقا قانداق ئەۋەتىدۇ،قانچىلىك ۋاقىتتا ئىلان قىلىنىدۇ؟مۇشۇ ھەقتە چۈشەنچە بىرىشىڭلارنى سۇرايمەن.مەندەك بىر كىچىك ھەۋەسكارنى نائۈمىد قايتۇرمايدىغانلىقىڭلارغا ئىشىنىمەن.قىممەتلىك تەكلىپ - پىكىرلىرىڭلارنى ئايىماسلىقىڭلارنى ئۈمىد قىلىمەن.ئەسلى شېئىرلىرىمدىن بىر قىسىمىنى مۇنبەرگىلا يوللاي دىگەنتىم،ھازىرچە يوللىيالمىدىم،كىيىنچە يوللاپ پىشقەدەم ئۇستازلارنىڭ تەنقىدى پىكىرلىرىنى ئاڭلاش ئۈمىدىم بار.
باشقۇرغۇچى ئۇستازلارنىڭ بۇ تىمامنى تەستىقلىۋىتىشىنى ئۈمىد قىلىمەن.
ئىھتىرام بىلەن:ئۈمەرجان ئەمەت

  پوچتىدىن ئىبەرتسىڭىزمۇ بولىدۇ ئىنىم،ئەڭ ياخشىسى ھازىرقى گېزىت-ژۇرناللارنىڭ ئېلخەت ئادرېسى بار،كومپىيۇتېردىن يوللىغىنىڭىز ياخشى،

  سىزنىڭ قىزغىنلىقىڭىزنى چۈشۈنىشكە بولىدۇ،ئاۋال يازغان ئەسەرلىرىڭىزنى مارالبېشىدىكى قەلەمكەش ئاكىلارغا كورسېتىپ بېقىڭ، ئۇلار سىزگە چوقۇم توغرا يول كورسىتىپ بىرىدۇ،

مارالبېشىدا: ئۆمەرجان ئوبۇل ،ھېيت رېھىم، ئەنۋەر يۇنۇس، (1-ئوتتۇرا) ئەنۋەر جۇلا،ئەمەتجان يۈسۈپ،نۇرمۇھەممەت ئوبۇل دىلكىشى(چوڭقۇرچاقتىغۇ دەيمەن)...قاتارلىق قەلەمكەش ئاكىلىرىڭىز بار، شۇلارغا مەسلىھەت سېلىڭ! ئۇلار سىزنىڭ يازغان ئەسەرلىرىڭىزگە باھا بېرشتىن باشقا مەتبۇئات ئورۇنلىرىغا قانداق ئەسەر ئىبەرتىش توغرىسىدا  توغرا يول كورسىتىدۇ.

كومپىيوتېردىن يوللۇسا ، لاتىنچە خەت يازىدىغان ئىشكەن ئۇستاز . بۇ يازمىنى ئاخىرىدا   ئامانى تەھرىرلىگەن. ۋاقتى  2013-12-6 11:34  

كومپىيوتېردىن يوللۇسا ، لاتىنچە خەت يازىدىغان ئىشكەن

ئۇيغۇرچە سېستىما قاچىلىسا بولىدىغۇ؟ بۇ يازمىنى ئاخىرىدا   ئە.قۇربان ئۇرغۇ تەھرىرلىگەن. ۋاقتى  2013-12-6 11:36  

مۇشۇنداق بالىلار قىممەتلىك قېنى سىلە ئۆمەرجان

يىڭى قاشتېشى ژورنىلى ھەر دائىم سىلەرنى قارشى ئالىدۇ...ئەسەر ئەۋەتىشىڭلارنى تېخىمۇ قارشى ئالىدۇ

ئىنىم ئۆمەرجان، مەن سىزنىڭ بۇ يوللانمىڭىزنى تېخى ئەمدىلا كۆرۈپ ئولتۇرۇپتىمەن، شۇنىڭدىن قارىغاندا  كەڭگۈسى ئىزباسارلىرىمىزدىن ئۈمىدلەر ئۈزۈلمىگۈدەك. داۋاملىق تىرىشىشىڭىزنى، كۆپ يېزىشىڭىزنى، ياخشى شېئىلارنى كۆپلەپ ئوقۇپ بېرىشىڭىزنى، مۇمكىن بولسا نادىر شېئىرلادىن قىرىق-ئەللىك پارچە يادلىۋېلىشىڭىزنى تەۋسىيە قىلىمەن.  ئەسەر ئەۋەتىش مەسلىسىدە بەك ئالدىراپ كەتمەي، ئاۋال يازغانلىرىڭىزنى يازغۇچىلار تورىغا يوللاپ بېقىڭ، ئۇستازلار پىكىر بېرىپ، تۈزىتىشكە تېگىشلىك جايلىرى بولسا، تۈزىتىپ، كۆرسەتمە بەرسۇن. مېنىڭچە سىز تېخى ئۆسمۈر بولغاندىكىن، ئەسەر ئەۋەتىشتە كونۋېرت ئارقىلىق، پوچتا ئارقىلىق ئەۋەتسىڭىز ياخشى بولارمىكىن، چۈنكى تەھرىرلەر سىزنىڭ يىراق سەھرادىلى تىرىشچان ئوقۇغۇچى ئىكەنلىكىڭىزنى ئالدى بىلەن كونۋېرتتىكى ئادرىسىڭىزدىن، ئاندىن، يازغان ئەسىرىڭىزدىكى ئادرىسىڭىزدىن كۆرۈشى مۇمكىن. ئۇنىڭ ئۈستىگە كۆپلىگەن تەھرىرلەر ئەسلى ئارگىنالنى كۆرۈشكە تېخىمۇ ئەھمىيەت بېرىدۇ. ژورناللارنىڭ، گېزىتلەرنىڭ ئادىرسلىرى شۇ ژورنال ياكى شۇ گېزىتنىڭ ئۆزىگە يېزىلغان، ناۋادا چوڭقۇرچاقتا پوچتا يوللانمىسى(ئادەتتىكى يوللانما) ماڭغۇزغىلى بولمىسا، ناھىيە تەرەپكە كەلگەندە كونۋېرت بىلەن پوچتا ماركىسىدىن جىقراق سېتىۋېلىپ، ئالغاچ كېتىپ، ئەسەرلىرىڭىز پۈتكەندە، كونۋېرتقا سېلىپ، ئادرىسلىرىنى يېزىپ، ماركا چاپلاپ، ناھىيە تەرەپكە ماڭىدىغان بىرەرىدىن - ناھىيەلىك 1-ئوتتۇرا مەكتەپتە ئوقۇيدىغان تونۇشلىرىڭىزدىن ئەۋەتسىڭىز، مەن پوچتىخانىغا كىرىپ ماڭغۇزۇپ بەرسەممۇ بولىدۇ. بۇنداق ئاۋارىچىلىقتىن قورقسىڭىز، تور ئارقىلىق، يوللاڭ، يوللىيالمىسىڭىز، ماڭا ئەۋەتسىڭىز، ياخشى چىققان ئەسەرلىرىڭىزنى تاللاپ،مەن ماڭغۇزۇپ بەرسەممۇ بولىدۇ. سىزگە ئۇتۇق تىلەپ، مارالبېشى ناھىيەلىك بىرىنچى ئوتتۇرا مەكتەپتىن ئۆمەرجان ئوبۇل ئۆزتۇغ ئۈزۈلمەيدىغانلىقىدا ئۈمىد باركەن

تىرىشىڭ ئىنىم.مۇنبەردىكى ئاكا -ھەدىلەرنىڭ پىكرى بويىچە ئىش قىپ بېقىڭ.سىزگە ئامەت تىلەيمەن.

قىممەتلىك تەكلىپ پىكىرلىرىڭىزگە رەھمەت

ئەسسالامۇ ئەلەيكۇم مۇئەللىم،سەمىمى مەسلىھەتلىرىڭىزگە رەھمەت،ئاۋۋال مۇنبەرگە يوللاي ، ئۇستازلارنىڭ پىكىرىنى ئېلىپ ئاندىن يوللاي،سىزنىمۇ ئاۋارە قىلىپ قۇيىمەن ھەقىچان

جۈرئىتىڭىزگە، تىرىشچانلىقىڭىزغا بارىكاللا، ئىنىم. قولىڭىزغا مۇشۇنچىلىك ۋاقىتتا قەلەم ئالغانلىقىڭىزدىن سۆيۈندۈم.  يېزىقچىلىق ئىزچىللىقنى تەلەپ قىلىدىغان، ئىرادە بىلەن ئەمەلگە ئاشىدىغان ئىجادىي تەپەككۇر پائالىيەت جەريانى. شۇڭا ئۈزمەي داۋاملاشتۇرۇڭ، ئېسىل ئەسەرلەرنى ئوقۇپ تۇرۇڭ، ئەدەبىيات ئوقۇتقۇچىلىرىڭىزنىڭ ياردىمى ۋە يېتەكلىشىنى قولغا كەلتۈرۈڭ. بەلكىم ھازىر دەم ئېلىشقا چىقتىمىكىن، سىز ئوقۇۋاتقان مەكتەپتە مۇھەممەت تۇرسۇن ئابدۇكېرىم ئىسىملىك بىر تىل-ئەدەبىيات ئوقۇتقۇچىسى بار ئىدى. غەزەللەرنى ياخشى يازاتتى. چوڭقۇرچاقتا يەنە ئابدۇلۋايىت ئابدۇلۋارى ئىسىملىك بىر قەلەمكەشمۇ بار. سۈرۈشتۈرسىڭىز چوقۇم تاپالايسىز. ئۇلارنىڭمۇ ياردىمى تېگىدۇ. ئاندىن قەلەمكەش ئاكا-ھەدىلىرىڭىز  توپلاشقان بۇ مۇنبەرگىمۇ يوللاپ تۇرغايسىز.
  سەمىمىي تەكلىپىم شۇكى، شېئىرمۇ يېزىڭ، كىتابلارنىمۇ ئوقۇڭ، ئەمما باشقا دەرسلەرنىمۇ چوقۇم ياخشى ئۆگىنىڭ. ئەدەبىياتقا بولغان قىزىقىشىڭىز باشقا پەنلەرنى ئۆگىنىشكە تۈرتكە بولسۇنكى، ھەرگىزمۇ توسالغۇ بولۇپ قالمىغاي.
    ئىجادىيىتىڭىزگە بەرىكەتلەر يار بولغاي. بۇ يازمىنى ئاخىرىدا   ARKZAT تەھرىرلىگەن. ۋاقتى  2013-12-6 22:52  

ۋە ئەلەيكۇم ئەسسالام بالام!!!جۇرئېتىڭىزدىن سۇيۇندۇم ،يازغىنىڭىزدىن 5 پارچىنى ماڭا ئۇچۇر قىلىپ ئېۋەتىڭ كۇرۇپ باقاي ،تولۇقنىڭ دەرس سالمىقى ئېغىر،دەرسىڭىزنى ياخشى ئۇگىنىڭ .سىزگە موۋاپىقىيەت تىلەيمەن بالام .

رەھمەت ئۇستاز،ئۇ قەلەمكەش ئاكىلىرىمىزنى بىلمەيدىكەنمەن تېخى،سىزگە كۆپ رەھمەت

رەھمەت سىزگە ئۇستاز
مۇنبەرگىلا يوللايمۇ شېئىرلارنى

بولىدو.مۇنبەرگە يوللاڭ بو مۇنبەردە ئەڭ ياخشى قەلەم ساھىپلىرى بار ،سىزگە يېقىندىن ياردەم قىلىدو بالام!!!