مەردان: جەننەت

مەردان · ۋاقتى: 2013-11-14 17:08:06


	جەننەت بۇ يەرنىڭ ھەربىر بۇلۇڭ- پۇچقاقلىرىغىچە جاناننىڭ چاچلىرى سايە تاشلىغان بىز نۇرغۇن ئاۋۋالقىلار ۋە ئازغىنە كېيىنكىلەر بىلەن ياچىۋەك تۇخۇمىدىن ياسالغان كارىۋات ئۈستىدە بىر-بىرسىمىزگە يۆلىنىپ ئولتۇرۇپ ئۆلمەس غۇلاملار ۋە شىشە غىلمانلار تەرىپىدىن كۈتىلىمىز ئۇلار ئەكەلگەن يىپەك رەختلەردە تەسۋىرى يېزىقلار ئۇلار ئەكەلگەن ئالتۇن كاسسىدىكى مەيدە خۇدانىڭ ئەكسى... بۇيەردە ھەممە ھالال شۇڭا بۇيەردە نۇرغۇن جۈپتىمىز، زېمىنىمىز ۋە ماللىرىمىز بار بۇ يەردە ئەيشى- ئىشرەت بىلەن ئىبادەتنىڭ پەرقى يوق شۇڭا بۇ يەردە ھەممىمىز مەست بېشىمىزنىڭ ئاغرىقىمۇ مەست شۇڭا بۇ يەردە كۈندە ئېتىكاپ ھەمدە يوچۇن دۇئالار ئوقۇلىدۇ شۇڭا بۇندا ھەممىمىز يالىڭاچ شۇڭا كۆزىمىزدىن ئاققان سۈزۈك ياش ياقىلىرىمىزنى نەمدىمەيدۇ بۇ يەردە ئۆزگىرىشچان پەسىللەر يوق چۈنكى بۇيەردە قۇياش كۆرۈنمەيدۇ بۇ يەردە ھېچقانداق يامان سۆز ئاڭلىمايمىز چۈنكى بۇندىكى بىر توپ مەستگۇيلار سۈكۈت ئارقىلىق سۆزلىشىدۇ بۇ يەردە كۆپ يەۋىلىشتىن ئەنسىرىمەيمىز چۈنكى ئاياغ ئاستىمىزدىكى ئۆمۈچۈك توقىغان گىلەم گىلەملەرنىڭ ئەڭ چىدامچىنىدۇر بۇ يەردە قولىمىزنىڭ ئۇچىدىلا مېۋىلەر... بىز بۇ تاللانغان بەندىلەر ئۆچكەن چىرايىمىزغا ۋە قورۇق باسقان خورمىغا يوقىغان جىنسى ئەزايىمىزغا ۋە تولۇپ پىشقان بانان مېۋىسىگە قۇرغاق لېۋىمىزگە ۋە شىلدىرلاپ ئېقىۋاتقان سۇلارغا قاراۋاتقىنىمىزدا شۇنداق دەيمىز: بۇلارنىڭ ھەممىسىنى ئۆزىمىز تاللىغان ھەمدە دوزاختىكىلەر تاماشا قىلسۇن دەپ قەدەھلەرنى يەنە قۇرۇقدايمىز ئوتتۇز ئىككى مۇز داۋاننىڭ نېرىسىدىن كېلىدىغان ئاق ئۆستەڭ قوش تۇلۇملۇق شاراب ئۆستىڭى بېلىق تورىنىڭ شىمالىدىكى سۈت ئۆستەڭ ئىشرەتنىڭ كەنجىسىدە ئېچىلىدىغان بال ئۆستەڭ جانان تېنىدىكى تۆت ئۆستەڭدۇر بىرىنچى ئۆستەڭنىڭ سۈيىنى قانچە جىق ئىچسەك شۇنچە ئۇسسايمىزكى ئىككىنچى ئۆستەڭدىكى تۇلۇم شۇنچە كۆپ ئادەمنى كۆتۈرەلىگۈچىلىك چىڭدىلىدۇ ئۈچىنچى ئۆستەڭنىڭ سۈيى تېخىمۇ ئۇلغىيىدۇ (ئۇنى روھلار جەننەتنىڭ مەركىزى دېيىشىدۇ ئۇنىڭ بىلەن ئاخىرقى ئۆستەڭنىڭ ئارىسىدا گاھىدا بىر ئورمان گاھىدا بىر جاڭگال پەيدا بولىدۇ) ئىككىنچى ئۆستەڭنىڭ سۈيىنى ئىچكەندە تەختىمىز يەنىمۇ ئېگىز كۆتۈرۈلىدۇ ئۈچىنچىسىدىن ئوتلىساق ھەممىنى ئۇنتۇيمىز تۆتىنچىسىدىن ئوتلىغاندىن كېيىن بوشايمىز... مانا مۇشۇنداق قانماي ئوتلايمىز، چۆمۈلىمىز، قوغلىشىمىز ھەمدە دوزاختىكىلەرنى تاماشا قىلدۇق دەپ بىر-بىرىمىزگە قارىشىمىز... بۇ يازمىنى ئاخىرىدا مەردان تەھرىرلىگەن. ۋاقتى 2013-11-14 17:15

Erchin · ۋاقتى: 2013-11-14 22:23:00


	سەل سىلىقلاشتۇرغان بولسىڭىز، ئېسىل شېئىرغا ئايلىناتتىكەن.

مەردان · ۋاقتى: 2013-11-15 10:38:00


	Erchin يوللىغان ۋاقتى 2013-11-14 22:23 سەل سىلىقلاشتۇرغان بولسىڭىز، ئېسىل شېئىرغا ئايلىناتت ... شۇنداق،بۇ كونا يازما ئىدى، قايتا ئىشلىمەيلا بەردىم. يېڭىلىرى ئېسىل چىقىشى مۇمكىن، شۇنى كۆرۈپ باقمامدۇق.

قاراتۇغ · ۋاقتى: 2013-11-15 10:40:27


	دوزاقتىكىلەرنىڭ ئۇلارغا ھەۋەس قىلمايدىغانلىقىنىمۇ ياز.

alahidin · ۋاقتى: 2013-11-15 10:45:35


	مۇنۇ مىسرالار شېئىرنى يالىڭاچلىۋەتتىمۇ-قانداق: بىرىنچى ئۆستەڭنىڭ سۈيىنى قانچە جىق ئىچسەك شۇنچە ئۇسسايمىزكى ئىككىنچى ئۆستەڭدىكى تۇلۇم شۇنچە كۆپ ئادەمنى كۆتۈرەلىگۈچىلىك چىڭدىلىدۇ ئۈچىنچى ئۆستەڭنىڭ سۈيى تېخىمۇ ئۇلغىيىدۇ (ئۇنى روھلار جەننەتنىڭ مەركىزى دېيىشىدۇ ئۇنىڭ بىلەن ئاخىرقى ئۆستەڭنىڭ ئارىسىدا گاھىدا بىر ئورمان گاھىدا بىر جاڭگال پەيدا بولىدۇ) ئىككىنچى ئۆستەڭنىڭ سۈيىنى ئىچكەندە تەختىمىز يەنىمۇ ئېگىز كۆتۈرۈلىدۇ ئۈچىنچىسىدىن ئوتلىساق ھەممىنى ئۇنتۇيمىز تۆتىنچىسىدىن ئوتلىغاندىن كېيىن بوشايمىز...

قاراتۇغ · ۋاقتى: 2013-11-15 10:57:47


	دېمەك قېلىن يەر ئىكەن ھە .

مەردان · ۋاقتى: 2013-11-15 11:19:47


	بۇ سىلەرنىڭ قانداق ئوقۇشۇڭلارغا باغلىقتە

مەردان · ۋاقتى: 2013-11-15 11:32:56


	alahidin يوللىغان ۋاقتى 2013-11-15 10:45 مۇنۇ مىسرالار شېئىرنى يالىڭاچلىۋەتتىمۇ-قانداق: بىرىن ... مىسرالار شېئىرنى يالىڭاچلىۋەتتى دېگەندىن كۆرە، شېئىر مىسرالارنى يالىڭاچلىۋەتتى دېگەن تۈزۈك، چۈنكى شېئىرنىڭ ئۈستىنكى بۆلەكلىرىدە بۇنىڭدىنمۇ يالىڭاچ مىسرالار ئۇچرايدۇ، يەنى ئاۋۋالقى مىسرالار كېيىنكى مىسرالارنىڭ يالىڭاچ بولىشىنى «بەلگىلىگەن». ئويلىنىشقا تېگىشلىك مەسىلە شۇكى: «جەننەت» ناملىق بۇ تېكىست نېمىشقا بۇنچە يالىڭاچ پۈتۈلىدۇ؟

قاراتۇغ · ۋاقتى: 2013-11-15 11:33:45


	مەردان يوللىغان ۋاقتى 2013-11-15 11:19 بۇ سىلەرنىڭ قانداق ئوقۇشۇڭلارغا باغلىقتە نېمىنى قانداق يازغانلىققىمۇ قاراش كېرەكتە

قاراتۇغ · ۋاقتى: 2013-11-15 12:04:28


	مەردان يوللىغان ۋاقتى 2013-11-15 11:32 مىسرالار شېئىرنى يالىڭاچلىۋەتتى دېگەندىن كۆرە، شېئى ... گۈ نېمىشقا بۇنچە قىزىل؟ دېگەندەك بوپتۇغۇ.

qaraxan · ۋاقتى: 2013-11-15 13:53:39


	ھەسەل يىمىسەكمۇ گېپىنى قىلىپ قويغۇلۇق...

سەمەندەر · ۋاقتى: 2013-11-15 14:33:35


	alahidin يوللىغان ۋاقتى 2013-11-15 10:45 مۇنۇ مىسرالار شېئىرنى يالىڭاچلىۋەتتىمۇ-قانداق: بىرىن ... قانداق يالىڭاچ بولۇپ قاپتۇ دەيسىزكىن ،تەپسىلىرەك ئاڭلىغۇم كەلدى ،ئەسلى قانداق بولسا بولىدىغانلىقىنى بىلىپ باقايلى

alahidin · ۋاقتى: 2013-11-15 14:59:49


	مەن شېئىرنىڭ يۇقىرىدا مىسال قىلىنغان بۆلىكىنى مۇنۇ بۆلەكنىڭ ئاددىي يەشمىسى سۈپىتىدە ئوقۇدۇم: ئوتتۇز ئىككى مۇز داۋاننىڭ نېرىسىدىن كېلىدىغان ئاق ئۆستەڭ قوش تۇلۇملۇق شاراب ئۆستىڭى بېلىق تورىنىڭ شىمالىدىكى سۈت ئۆستەڭ ئىشرەتنىڭ كەنجىسىدە ئېچىلىدىغان بال ئۆستەڭ جانان تېنىدىكى تۆت ئۆستەڭدۇر بۇ يازمىنى ئاخىرىدا alahidin تەھرىرلىگەن. ۋاقتى 2013-11-15 15:02

گۈليار · ۋاقتى: 2013-11-15 16:14:15


	ئەمىلىيەتتە، شېئىرنى ‹‹ يالىڭاچلاش›› ئارقىلىق مەردان شېئىرنىڭ ئىنچىكە نوقتىللىرىغا دىققەت قىلغان .

مەردان · ۋاقتى: 2013-11-16 14:43:50


	جەننەت1 "ئەگەر راستتىنلا جەننەت بار بولسا، ئۇ چوقۇم كۈتۈپخانا سىياقىدا." _ بورخىس يورۇڭغۇ دېرىزە شەيخنىڭ سۈزگۈچىدىن ئۆتۈۋاتقان نۇرلار ۋە كىتابلاردىن سىرغىۋاتقان زۇلمەت دەستىدىن غەۋتاس ئاجرىغىنىچە ۋاراقلىرىدىن قاپلىغۇچى توزانغا ئايلىنىۋاتقان ھەرپلەر ھەمدە مۇقاۋىدىكى چىدىغۇسىز چۈشنىڭ ئېغىرلىقىدىن كىتاب ئىنساننىڭ ئۆلۈمگە بولغان ئىشتىياقىدىن بولغان بولسا جەننەت تەڭرىنىڭ ئۆلۈمگە بولغان ئىشتىياقىدىن! ئىنسان كۈتۈپخانىدا يوقىتار ئۆزىنى تەڭرى جەننەتتىلا بولالار ئۆزى بىلەن جەننەت ياتار ياۋايى ھەۋىسىنى قوزغىتىپ ئۇنىڭ گويا خاقاننىڭ غالجىرانە كۆيدۈرىشىنى كۈتۈپ تۇرغان كۈتۈپخانىلاردەك ھەربىر جەننەت بىر كۈتۈپخانا ھەربىر كۈتۈپخانا بىر قەبرىستان ھەربىر ئوقۇرمەن بىردىن ئەرۋاھ كىتاب جاھازىلىرى ئارا ئايلىنىۋاتقان... بۇ يازمىنى ئاخىرىدا مەردان تەھرىرلىگەن. ۋاقتى 2013-11-18 16:18